विद्यार्थी पोलीस संवादातून सायबर क्राईम आणि मार्गदर्शन पोलीस विद्यार्थी संवाद उपक्रमाच्या माध्यमातून १९० भेटींमध्ये ६२,९९७ विद्यार्थ्यांशी पोलिसांचा संवाद. लातूर (प्रतिनिधी)विद्यार्थ्यांना कायद्याची माहिती, सुरक्षितते बाबत जागरूकता आणि जबाबदार नागरिकत्वाची जाणीव निर्माण व्हावी, या उद्देशाने लातूर जिल्हा पोलीस दलाच्या वतीने दि. १ ऑगस्ट २०२६ पासून संपूर्ण जिल्ह्यात ‘पोलीस विद्यार्थी संवाद’ हा अभिनव उपक्रम राबविण्यात येत आहे. या उपक्रमाला विद्यार्थी, पालक, मुख्याध्यापक, शिक्षक, प्राचार्य व प्राध्यापकां कडून उत्स्फूर्त प्रतिसाद मिळत असून, आतापर्यंत १९० भेटींच्या माध्यमातून तब्बल ६२,९९७ विद्यार्थ्यांशी पोलिसांनी थेट संवाद साधला आहे. जिल्ह्यातील सर्व २३ पोलीस ठाण्यांचे प्रभारी अधिकारी तसेच ६ विभागांचे उपविभागीय पोलीस अधिकारी यांच्या सहभागातून शाळा, महाविद्यालये आणि कोचिंग क्लासेसमध्ये विद्यार्थ्यांशी संवाद साधून त्यांना विविध कायदे, सुरक्षितता आणि सामाजिक जबाबदारीच्या विषयांवर मार्गदर्शन करण्यात येत आहे. या उपक्रमाचे आणखी एक वैशिष्ट्य म्हणजे पोलीस अधीक्षक श्री. अमोल तांबे यांनी स्वतः ४ ठिकाणी भेटी देऊन तब्बल ८,७०० विद्यार्थ्यांशी संवाद साधत त्यांना मार्गदर्शन केले आहे. विद्यार्थ्यांनी पोलिसांशी थेट संवाद साधावा, आपल्या समस्या व शंका मोकळेपणाने मांडाव्यात आणि कायद्याचे ज्ञान आत्मसात करावे, यासाठी पोलीस विभागाकडून विशेष प्रयत्न करण्यात येत आहेत. ‘पोलीस विद्यार्थी संवाद’ उपक्रमात विद्यार्थ्यांना नव्याने लागू झालेल्या कायद्यांबाबत माहिती देण्याबरोबरच सायबर फ्रॉडपासून बचाव, डायल ११२ चा वापर, सोशल मीडियाचा सुरक्षित व जबाबदार वापर, पॉक्सो कायदा, आर्म्स ॲक्ट, वाहतूक नियम, हेल्मेट व सीटबेल्टचा वापर, अमली पदार्थांचे दुष्परिणाम आदी विविध विषयांवर मार्गदर्शन केले जात आहे. विशेषतः वाढत्या सायबर गुन्ह्यांच्या पार्श्वभूमीवर विद्यार्थ्यांनी अनोळखी लिंकवर क्लिक करू नये, ओटीपी अथवा बँकिंगची गोपनीय माहिती कोणालाही देऊ नये, सोशल मीडियावर वैयक्तिक माहिती शेअर करताना काळजी घ्यावी, तसेच कोणत्याही प्रकारची फसवणूक झाल्यास तातडीने पोलिसांशी संपर्क साधावा, याबाबत विद्यार्थ्यांना जागरूक करण्यात येत आहे. त्याचप्रमाणे अमली पदार्थां पासून दूर राहणे, वाहतुकीचे नियम पाळणे, दुचाकी चालविताना हेल्मेटचा वापर करणे आणि चारचाकी वाहनातून प्रवास करताना सीटबेल्ट लावणे, याबाबतही विद्यार्थ्यांना प्रभावीपणे प्रबोधन करण्यात येत आहे. या उपक्रमामुळे विद्यार्थ्यांमध्ये पोलिसांविषयीचा संवाद अधिक सुसंवादी होत असून, ‘पोलीस म्हणजे केवळ कारवाई करणारी यंत्रणा नव्हे, तर विद्यार्थ्यांच्या सुरक्षिततेसाठी आणि उज्ज्वल भविष्यासाठी सदैव तत्पर असलेली यंत्रणा’ हा विश्वास निर्माण होत आहे.शाळांचे मुख्याध्यापक, शिक्षक तसेच महाविद्यालयांचे प्राचार्य व प्राध्यापक यांनीही या उपक्रमाचे स्वागत केले आहे. विद्यार्थ्यांना कायद्याचे ज्ञान मिळाल्याने त्यांचा आत्मविश्वास वाढेल, चुकीच्या गोष्टींपासून ते दूर राहतील, संभाव्य गुन्ह्यांना बळी पडण्याचे प्रमाण कमी होईल आणि भविष्यात ते कायद्याचा आदर करणारे, सजग व जबाबदार नागरिक म्हणून घडतील, असा विश्वास त्यांनी व्यक्त केला आहे.विद्यार्थ्यांमध्ये कायद्याचे ज्ञान, सुरक्षिततेची जाणीव आणि जबाबदार नागरिकत्वाची भावना रुजविण्याच्या उद्देशाने ‘पोलीस विद्यार्थी संवाद’ हा उपक्रम यापुढेही प्रभावीपणे सुरू ठेवण्यात येणार आहे.

Laxman Ugile

उदगीर, लातूर, महाराष्ट्र•

1 hr ago

विद्यार्थी पोलीस संवादातून सायबर क्राईम आणि मार्गदर्शन पोलीस विद्यार्थी संवाद उपक्रमाच्या माध्यमातून १९० भेटींमध्ये ६२,९९७ विद्यार्थ्यांशी पोलिसांचा संवाद. लातूर (प्रतिनिधी)विद्यार्थ्यांना कायद्याची माहिती, सुरक्षितते बाबत जागरूकता आणि जबाबदार नागरिकत्वाची जाणीव निर्माण व्हावी, या उद्देशाने लातूर जिल्हा पोलीस दलाच्या वतीने दि. १ ऑगस्ट २०२६ पासून संपूर्ण जिल्ह्यात ‘पोलीस विद्यार्थी संवाद’ हा अभिनव उपक्रम राबविण्यात येत आहे. या उपक्रमाला विद्यार्थी, पालक, मुख्याध्यापक, शिक्षक, प्राचार्य व प्राध्यापकां कडून उत्स्फूर्त प्रतिसाद मिळत असून, आतापर्यंत १९० भेटींच्या माध्यमातून तब्बल ६२,९९७ विद्यार्थ्यांशी पोलिसांनी थेट संवाद साधला आहे. जिल्ह्यातील सर्व २३ पोलीस ठाण्यांचे प्रभारी अधिकारी तसेच ६ विभागांचे उपविभागीय पोलीस अधिकारी यांच्या सहभागातून शाळा, महाविद्यालये आणि कोचिंग क्लासेसमध्ये विद्यार्थ्यांशी संवाद साधून त्यांना विविध कायदे, सुरक्षितता आणि सामाजिक जबाबदारीच्या विषयांवर मार्गदर्शन करण्यात येत आहे. या उपक्रमाचे आणखी एक वैशिष्ट्य म्हणजे पोलीस अधीक्षक श्री. अमोल तांबे यांनी स्वतः ४ ठिकाणी भेटी देऊन तब्बल ८,७०० विद्यार्थ्यांशी संवाद साधत त्यांना मार्गदर्शन केले आहे. विद्यार्थ्यांनी पोलिसांशी थेट संवाद साधावा, आपल्या समस्या व शंका मोकळेपणाने मांडाव्यात आणि कायद्याचे ज्ञान आत्मसात करावे, यासाठी पोलीस विभागाकडून विशेष प्रयत्न करण्यात येत आहेत. ‘पोलीस विद्यार्थी संवाद’ उपक्रमात विद्यार्थ्यांना नव्याने लागू झालेल्या कायद्यांबाबत माहिती देण्याबरोबरच सायबर फ्रॉडपासून बचाव, डायल ११२ चा वापर, सोशल मीडियाचा सुरक्षित व जबाबदार वापर, पॉक्सो कायदा, आर्म्स ॲक्ट, वाहतूक नियम, हेल्मेट व सीटबेल्टचा वापर, अमली पदार्थांचे दुष्परिणाम आदी विविध विषयांवर मार्गदर्शन केले जात आहे. विशेषतः वाढत्या सायबर गुन्ह्यांच्या पार्श्वभूमीवर विद्यार्थ्यांनी अनोळखी लिंकवर क्लिक करू नये, ओटीपी अथवा बँकिंगची गोपनीय माहिती कोणालाही देऊ नये, सोशल मीडियावर वैयक्तिक माहिती शेअर करताना काळजी घ्यावी, तसेच कोणत्याही प्रकारची फसवणूक झाल्यास तातडीने पोलिसांशी संपर्क साधावा, याबाबत विद्यार्थ्यांना जागरूक करण्यात येत आहे. त्याचप्रमाणे अमली पदार्थां पासून दूर राहणे, वाहतुकीचे नियम पाळणे, दुचाकी चालविताना हेल्मेटचा वापर करणे आणि चारचाकी वाहनातून प्रवास करताना सीटबेल्ट लावणे, याबाबतही विद्यार्थ्यांना प्रभावीपणे प्रबोधन करण्यात येत आहे. या उपक्रमामुळे विद्यार्थ्यांमध्ये पोलिसांविषयीचा संवाद अधिक सुसंवादी होत असून, ‘पोलीस म्हणजे केवळ कारवाई करणारी यंत्रणा नव्हे, तर विद्यार्थ्यांच्या सुरक्षिततेसाठी आणि उज्ज्वल भविष्यासाठी सदैव तत्पर असलेली यंत्रणा’ हा विश्वास निर्माण होत आहे.शाळांचे मुख्याध्यापक, शिक्षक तसेच महाविद्यालयांचे प्राचार्य व प्राध्यापक यांनीही या उपक्रमाचे स्वागत केले आहे. विद्यार्थ्यांना कायद्याचे ज्ञान मिळाल्याने त्यांचा आत्मविश्वास वाढेल, चुकीच्या गोष्टींपासून ते दूर राहतील, संभाव्य गुन्ह्यांना बळी पडण्याचे प्रमाण कमी होईल आणि भविष्यात ते कायद्याचा आदर करणारे, सजग व जबाबदार नागरिक म्हणून घडतील, असा विश्वास त्यांनी व्यक्त केला आहे.विद्यार्थ्यांमध्ये कायद्याचे ज्ञान, सुरक्षिततेची जाणीव आणि जबाबदार नागरिकत्वाची भावना रुजविण्याच्या उद्देशाने ‘पोलीस विद्यार्थी संवाद’ हा उपक्रम यापुढेही प्रभावीपणे सुरू ठेवण्यात येणार आहे.