ਬਰਨਾਲਾ ਪੁਲਿਸ ਵੱਲੋਂ ਐਸਪੀ (ਐਸ) ਸੋਹਣ ਕੁਮਾਰ ਸੋਨੀ ਦੀ ਅਗਵਾਈ ਹੇਠ ਹੰਡਿਆਇਆ ਦੇ ਕਥਿਤ ਨਸ਼ਾ ਤਸਕਰ ਗੁਲਜਾਰ ਸਿੰਘ ਦੇ ਘਰ 'ਤੇ 'ਪੀਲਾ ਪੰਜਾ' (ਬੁਲਡੋਜ਼ਰ) ਚਲਾਉਣ ਦੀ ਕਾਰਵਾਈ ਨੂੰ ਲੈ ਕੇ ਇਲਾਕੇ ਵਿੱਚ ਗਹਿਮਾ-ਗਹਿਮੀ ਚਰਚਾ ਛਿੜੀ ਹੋਈ ਹੈ। ਪੁਲਿਸ ਦੇ ਵੱਡੇ ਦਾਅਵਿਆਂ ਅਤੇ ਜ਼ਮੀਨੀ ਹਕੀਕਤ ਵਿਚਾਲੇ ਫਰਕ ਨੇ ਕਈ ਗੰਭੀਰ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਐਸਪੀ(ਐਸ) ਸੋਹਣ ਕੁਮਾਰ ਸੋਨੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਗੁਲਜਾਰ ਸਿੰਘ ਪੁੱਤਰ ਦਲੀਪ ਸਿੰਘ, ਵਾਸੀ ਕਿਲਾ ਪੱਤੀ ਹੰਡਿਆਇਆ, ਅਤੇ ਉਸ ਦਾ ਪੂਰਾ ਪਰਿਵਾਰ ਨਸ਼ਾ ਤਸਕਰੀ ਵਿੱਚ ਲਿਪਤ ਹੈ। ਉਨ੍ਹਾਂ ਮੁਤਾਬਕ, ਪਰਿਵਾਰ ਦੇ ਮੈਂਬਰਾਂ ਖ਼ਿਲਾਫ਼ ਐਨਡੀਪੀਐਸ ਅਤੇ ਹੋਰ ਮਾਮਲਿਆਂ ਦੇ ਕਈ ਪਰਚੇ ਦਰਜ ਹਨ, ਜਿਨ੍ਹਾਂ ਵਿੱਚ ਗੁਲਜਾਰ ਸਿੰਘ ਦੇ ਨਾਮ 'ਤੇ 4, ਉਨ੍ਹਾਂ ਦੀ ਪਤਨੀ ਰਾਣੋ ਕੌਰ 'ਤੇ 17, ਪੁੱਤਰ ਰਿੰਕੂ ਸਿੰਘ 'ਤੇ 12 ਅਤੇ ਰਿੰਕੂ ਸਿੰਘ ਦੀ ਪਤਨੀ ਮੀਨਾ 'ਤੇ 4 ਪਰਚੇ ਸ਼ਾਮਲ ਹਨ। ਪੁਲਿਸ ਨੇ ਇਹ ਵੀ ਦਾਅਵਾ ਕੀਤਾ ਕਿ ਇਹ ਘਰ ਨਸ਼ੇ ਦੇ ਪੈਸੇ ਨਾਲ ਬਣਾਇਆ ਗਿਆ ਸੀ ਅਤੇ ਸਾਰੀ ਜਾਇਦਾਦ ਗੈਰ-ਕਾਨੂੰਨੀ ਹੈ। ਪਰ ਜਦੋਂ 'ਪੀਲੇ ਪੰਜੇ' ਦੀ ਕਾਰਵਾਈ ਖ਼ਤਮ ਹੋਈ ਤਾਂ ਲੋਕਾਂ ਨੇ ਦੇਖਿਆ ਕਿ ਜਿਸ ਘਰ ਨੂੰ ਨਸ਼ੇ ਦੀ ਕਮਾਈ ਤੋਂ ਬਣਿਆ ਦੱਸਿਆ ਜਾ ਰਿਹਾ ਸੀ, ਉਸ ਦਾ ਵੱਡਾ ਹਿੱਸਾ ਜਿਉਂ ਦਾ ਤਿਉਂ ਖੜ੍ਹਾ ਰਿਹਾ। ਕਾਰਵਾਈ ਸਿਰਫ਼ ਇੱਕ ਦਹਿਲੀਜ ਅਤੇ ਘਰ ਦੇ ਇੱਕ ਕੌਲੇ ਤੱਕ ਹੀ ਸੀਮਤ ਰਹੀ। ਇਸ 'ਤੇ ਆਮ ਲੋਕ ਸਵਾਲ ਕਰ ਰਹੇ ਹਨ ਕਿ ਜੇਕਰ ਪੂਰਾ ਘਰ ਹੀ ਗੈਰ-ਕਾਨੂੰਨੀ ਸੀ ਤਾਂ ਬੁਲਡੋਜ਼ਰ ਸਿਰਫ਼ ਦਹਿਲੀਜ 'ਤੇ ਹੀ ਕਿਉਂ ਰੁਕ ਗਿਆ। ਇਸ ਮਾਮਲੇ 'ਤੇ ਨਗਰ ਪੰਚਾਇਤ ਹੰਡਿਆਇਆ ਦੇ ਕਲਰਕ ਨਾਇਬ ਸਿੰਘ ਨੇ ਦੱਸਿਆ ਕਿ ਇਹ ਕਾਰਵਾਈ ਸਿਰਫ਼ ਗੁਲਜਾਰ ਸਿੰਘ ਦੁਆਰਾ ਸੜਕ 'ਤੇ ਬਣਾਈ ਗਈ ਨਜਾਇਜ਼ ਦਹਿਲੀਜ ਨੂੰ ਹਟਾਉਣ ਲਈ ਸੀ। ਇਸ ਤੋਂ ਬਾਅਦ ਇਲਾਕੇ ਦੇ ਲੋਕ ਤਨਜ਼ ਕਰਦੇ ਹੋਏ ਕਹਿ ਰਹੇ ਹਨ ਕਿ ਪ੍ਰਸ਼ਾਸਨ ਨੇ 'ਨਸ਼ਾ ਵਿਰੋਧੀ ਮੁਹਿੰਮ' ਅਤੇ 'ਨਜਾਇਜ਼ ਕਬਜ਼ਾ ਹਟਾਓ ਮੁਹਿੰਮ' ਨੂੰ ਇੱਕੋ ਮੰਚ 'ਤੇ ਜੋੜ ਕੇ ਨਵਾਂ ਪ੍ਰਯੋਗ ਕੀਤਾ ਹੈ, ਜਿੱਥੇ ਬਿਆਨਾਂ ਵਿੱਚ ਤਾਂ 'ਨਸ਼ੇ ਦਾ ਮਹਿਲ' ਢਹਿ ਜਾਂਦਾ ਹੈ ਪਰ ਹਕੀਕਤ ਵਿੱਚ ਸਿਰਫ਼ ਇੱਕ ਕੌਲਾ ਹੀ ਡਿੱਗਦਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਦੀ ਜਾਇਦਾਦ ਸੱਚਮੁੱਚ ਨਸ਼ਾ ਤਸਕਰੀ ਦੀ ਕਮਾਈ ਨਾਲ ਬਣੀ ਹੈ ਤਾਂ ਕਾਨੂੰਨ ਅਨੁਸਾਰ ਪੂਰੀ ਕਾਰਵਾਈ ਹੋਣੀ ਚਾਹੀਦੀ ਹੈ। ਪਰ ਜੇ ਕਾਰਵਾਈ ਸਿਰਫ਼ ਨਜਾਇਜ਼ ਦਹਿਲੀਜ ਹਟਾਉਣ ਦੀ ਸੀ, ਤਾਂ ਉਸ ਨੂੰ ਉਸੇ ਰੂਪ ਵਿੱਚ ਪੇਸ਼ ਕੀਤਾ ਜਾਣਾ ਚਾਹੀਦਾ ਸੀ। ਫਿਲਹਾਲ, ਹੰਡਿਆਇਆ ਵਿੱਚ ਇਹ ਚਰਚਾ ਹੈ ਕਿ 'ਪੀਲਾ ਪੰਜਾ' ਕਿੱਥੇ ਚੱਲਿਆ ਨਹੀਂ, ਸਗੋਂ ਕਿੱਥੇ ਰੁਕ ਗਿਆ। ਇਸ ਕਾਰਵਾਈ ਮੌਕੇ ਐਸਪੀ (ਐਸ) ਸੋਹਣ ਕੁਮਾਰ ਸੋਨੀ ਦੇ ਨਾਲ ਡੀਐਸਪੀ ਕਮਲਜੀਤ ਸਿੰਘ, ਐਸਐਚਓ ਜਗਜੀਤ ਸਿੰਘ, ਸੀਆਈਏ ਸਟਾਫ ਹੰਡਿਆਇਆ ਦੇ ਇੰਚਾਰਜ ਐਸਐਚਓ ਬਲਜੀਤ ਸਿੰਘ, ਹੰਡਿਆਇਆ ਚੌਂਕੀ ਇੰਚਾਰਜ ਈਐਸਆਈ ਤਰਸੇਮ ਸਿੰਘ ਸਮੇਤ ਹੋਰ ਪੁਲਿਸ ਟੀਮ ਅਤੇ ਨਗਰ ਪੰਚਾਇਤ ਹੰਡਿਆਇਆ ਤੋਂ ਕਲਰਕ ਨਾਇਬ ਸਿੰਘ, ਕਲਰਕ ਵਰਿੰਦਰ ਸਿੰਘ ਅਤੇ ਗੁਰਦੀਪ ਸਿੰਘ ਵੀ ਮੌਜੂਦ ਸਨ।

ਸੋਨੀ ਗੋਇਲ

Local News Reporter ਬਰਨਾਲਾ, ਬਰਨਾਲਾ, ਪੰਜਾਬ•

16 hrs ago

ਬਰਨਾਲਾ ਪੁਲਿਸ ਵੱਲੋਂ ਐਸਪੀ (ਐਸ) ਸੋਹਣ ਕੁਮਾਰ ਸੋਨੀ ਦੀ ਅਗਵਾਈ ਹੇਠ ਹੰਡਿਆਇਆ ਦੇ ਕਥਿਤ ਨਸ਼ਾ ਤਸਕਰ ਗੁਲਜਾਰ ਸਿੰਘ ਦੇ ਘਰ 'ਤੇ 'ਪੀਲਾ ਪੰਜਾ' (ਬੁਲਡੋਜ਼ਰ) ਚਲਾਉਣ ਦੀ ਕਾਰਵਾਈ ਨੂੰ ਲੈ ਕੇ ਇਲਾਕੇ ਵਿੱਚ ਗਹਿਮਾ-ਗਹਿਮੀ ਚਰਚਾ ਛਿੜੀ ਹੋਈ ਹੈ। ਪੁਲਿਸ ਦੇ ਵੱਡੇ ਦਾਅਵਿਆਂ ਅਤੇ ਜ਼ਮੀਨੀ ਹਕੀਕਤ ਵਿਚਾਲੇ ਫਰਕ ਨੇ ਕਈ ਗੰਭੀਰ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਐਸਪੀ(ਐਸ) ਸੋਹਣ ਕੁਮਾਰ ਸੋਨੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਗੁਲਜਾਰ ਸਿੰਘ ਪੁੱਤਰ ਦਲੀਪ ਸਿੰਘ, ਵਾਸੀ ਕਿਲਾ ਪੱਤੀ ਹੰਡਿਆਇਆ, ਅਤੇ ਉਸ ਦਾ ਪੂਰਾ ਪਰਿਵਾਰ ਨਸ਼ਾ ਤਸਕਰੀ ਵਿੱਚ ਲਿਪਤ ਹੈ। ਉਨ੍ਹਾਂ ਮੁਤਾਬਕ, ਪਰਿਵਾਰ ਦੇ ਮੈਂਬਰਾਂ ਖ਼ਿਲਾਫ਼ ਐਨਡੀਪੀਐਸ ਅਤੇ ਹੋਰ ਮਾਮਲਿਆਂ ਦੇ ਕਈ ਪਰਚੇ ਦਰਜ ਹਨ, ਜਿਨ੍ਹਾਂ ਵਿੱਚ ਗੁਲਜਾਰ ਸਿੰਘ ਦੇ ਨਾਮ 'ਤੇ 4, ਉਨ੍ਹਾਂ ਦੀ ਪਤਨੀ ਰਾਣੋ ਕੌਰ 'ਤੇ 17, ਪੁੱਤਰ ਰਿੰਕੂ ਸਿੰਘ 'ਤੇ 12 ਅਤੇ ਰਿੰਕੂ ਸਿੰਘ ਦੀ ਪਤਨੀ ਮੀਨਾ 'ਤੇ 4 ਪਰਚੇ ਸ਼ਾਮਲ ਹਨ। ਪੁਲਿਸ ਨੇ ਇਹ ਵੀ ਦਾਅਵਾ ਕੀਤਾ ਕਿ ਇਹ ਘਰ ਨਸ਼ੇ ਦੇ ਪੈਸੇ ਨਾਲ ਬਣਾਇਆ ਗਿਆ ਸੀ ਅਤੇ ਸਾਰੀ ਜਾਇਦਾਦ ਗੈਰ-ਕਾਨੂੰਨੀ ਹੈ। ਪਰ ਜਦੋਂ 'ਪੀਲੇ ਪੰਜੇ' ਦੀ ਕਾਰਵਾਈ ਖ਼ਤਮ ਹੋਈ ਤਾਂ ਲੋਕਾਂ ਨੇ ਦੇਖਿਆ ਕਿ ਜਿਸ ਘਰ ਨੂੰ ਨਸ਼ੇ ਦੀ ਕਮਾਈ ਤੋਂ ਬਣਿਆ ਦੱਸਿਆ ਜਾ ਰਿਹਾ ਸੀ, ਉਸ ਦਾ ਵੱਡਾ ਹਿੱਸਾ ਜਿਉਂ ਦਾ ਤਿਉਂ ਖੜ੍ਹਾ ਰਿਹਾ। ਕਾਰਵਾਈ ਸਿਰਫ਼ ਇੱਕ ਦਹਿਲੀਜ ਅਤੇ ਘਰ ਦੇ ਇੱਕ ਕੌਲੇ ਤੱਕ ਹੀ ਸੀਮਤ ਰਹੀ। ਇਸ 'ਤੇ ਆਮ ਲੋਕ ਸਵਾਲ ਕਰ ਰਹੇ ਹਨ ਕਿ ਜੇਕਰ ਪੂਰਾ ਘਰ ਹੀ ਗੈਰ-ਕਾਨੂੰਨੀ ਸੀ ਤਾਂ ਬੁਲਡੋਜ਼ਰ ਸਿਰਫ਼ ਦਹਿਲੀਜ 'ਤੇ ਹੀ ਕਿਉਂ ਰੁਕ ਗਿਆ। ਇਸ ਮਾਮਲੇ 'ਤੇ ਨਗਰ ਪੰਚਾਇਤ ਹੰਡਿਆਇਆ ਦੇ ਕਲਰਕ ਨਾਇਬ ਸਿੰਘ ਨੇ ਦੱਸਿਆ ਕਿ ਇਹ ਕਾਰਵਾਈ ਸਿਰਫ਼ ਗੁਲਜਾਰ ਸਿੰਘ ਦੁਆਰਾ ਸੜਕ 'ਤੇ ਬਣਾਈ ਗਈ ਨਜਾਇਜ਼ ਦਹਿਲੀਜ ਨੂੰ ਹਟਾਉਣ ਲਈ ਸੀ। ਇਸ ਤੋਂ ਬਾਅਦ ਇਲਾਕੇ ਦੇ ਲੋਕ ਤਨਜ਼ ਕਰਦੇ ਹੋਏ ਕਹਿ ਰਹੇ ਹਨ ਕਿ ਪ੍ਰਸ਼ਾਸਨ ਨੇ 'ਨਸ਼ਾ ਵਿਰੋਧੀ ਮੁਹਿੰਮ' ਅਤੇ 'ਨਜਾਇਜ਼ ਕਬਜ਼ਾ ਹਟਾਓ ਮੁਹਿੰਮ' ਨੂੰ ਇੱਕੋ ਮੰਚ 'ਤੇ ਜੋੜ ਕੇ ਨਵਾਂ ਪ੍ਰਯੋਗ ਕੀਤਾ ਹੈ, ਜਿੱਥੇ ਬਿਆਨਾਂ ਵਿੱਚ ਤਾਂ 'ਨਸ਼ੇ ਦਾ ਮਹਿਲ' ਢਹਿ ਜਾਂਦਾ ਹੈ ਪਰ ਹਕੀਕਤ ਵਿੱਚ ਸਿਰਫ਼ ਇੱਕ ਕੌਲਾ ਹੀ ਡਿੱਗਦਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਦੀ ਜਾਇਦਾਦ ਸੱਚਮੁੱਚ ਨਸ਼ਾ ਤਸਕਰੀ ਦੀ ਕਮਾਈ ਨਾਲ ਬਣੀ ਹੈ ਤਾਂ ਕਾਨੂੰਨ ਅਨੁਸਾਰ ਪੂਰੀ ਕਾਰਵਾਈ ਹੋਣੀ ਚਾਹੀਦੀ ਹੈ। ਪਰ ਜੇ ਕਾਰਵਾਈ ਸਿਰਫ਼ ਨਜਾਇਜ਼ ਦਹਿਲੀਜ ਹਟਾਉਣ ਦੀ ਸੀ, ਤਾਂ ਉਸ ਨੂੰ ਉਸੇ ਰੂਪ ਵਿੱਚ ਪੇਸ਼ ਕੀਤਾ ਜਾਣਾ ਚਾਹੀਦਾ ਸੀ। ਫਿਲਹਾਲ, ਹੰਡਿਆਇਆ ਵਿੱਚ ਇਹ ਚਰਚਾ ਹੈ ਕਿ 'ਪੀਲਾ ਪੰਜਾ' ਕਿੱਥੇ ਚੱਲਿਆ ਨਹੀਂ, ਸਗੋਂ ਕਿੱਥੇ ਰੁਕ ਗਿਆ। ਇਸ ਕਾਰਵਾਈ ਮੌਕੇ ਐਸਪੀ (ਐਸ) ਸੋਹਣ ਕੁਮਾਰ ਸੋਨੀ ਦੇ ਨਾਲ ਡੀਐਸਪੀ ਕਮਲਜੀਤ ਸਿੰਘ, ਐਸਐਚਓ ਜਗਜੀਤ ਸਿੰਘ, ਸੀਆਈਏ ਸਟਾਫ ਹੰਡਿਆਇਆ ਦੇ ਇੰਚਾਰਜ ਐਸਐਚਓ ਬਲਜੀਤ ਸਿੰਘ, ਹੰਡਿਆਇਆ ਚੌਂਕੀ ਇੰਚਾਰਜ ਈਐਸਆਈ ਤਰਸੇਮ ਸਿੰਘ ਸਮੇਤ ਹੋਰ ਪੁਲਿਸ ਟੀਮ ਅਤੇ ਨਗਰ ਪੰਚਾਇਤ ਹੰਡਿਆਇਆ ਤੋਂ ਕਲਰਕ ਨਾਇਬ ਸਿੰਘ, ਕਲਰਕ ਵਰਿੰਦਰ ਸਿੰਘ ਅਤੇ ਗੁਰਦੀਪ ਸਿੰਘ ਵੀ ਮੌਜੂਦ ਸਨ।