ରାଜ୍ୟ ଅବକାରୀ ବିଭାଗ ତରଫରୁ ଶହ ଶହ ସଂଖ୍ୟାରେ ନୂଆ ମଦ ଦୋକାନ ଖୋଲିବା ନିଷ୍ପତ୍ତିକୁ ମିଳିତ ଓଡ଼ିଶା ନିଶା ନିବାରଣ ସଂଘ ତରଫରୁ ତୀବ୍ର ବିରୋଧ କରାଯାଇଛି। ଢେଙ୍କାନାଳ ସଦରରେ ମହିଳା ନେତ୍ରୀ ଊର୍ବଶୀ ନାୟକଙ୍କ ନେତୃତ୍ବରେ ସଂଘର କର୍ମକର୍ତ୍ତାମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ଲାକାର୍ଡ ପ୍ରଦର୍ଶନ କରି ବିକ୍ଷୋଭ କରିଥିଲେ। ଜିଲ୍ଲା ବୁଦ୍ଧିଜୀବୀ ସଂଗଠନର ସଦସ୍ୟ ରୁଦ୍ରପ୍ରକାଶ ଶରଣଙ୍କ ସଭାପତିତ୍ୱରେ ଅନୁଷ୍ଠିତ ଏହି ବିକ୍ଷୋଭସଭାରେ ଗାନ୍ଧୀ ଅଧ୍ୟୟନ କେନ୍ଦ୍ରର ସମ୍ପାଦକ ସରୋଜ ଶତପଥୀ, ସମାଜସେବୀ ବିନୟ କୁମାର ସାହୁ ଏବଂ ପ୍ରଫେସର ତୁଷାରକାନ୍ତି ନାୟକ ପ୍ରମୁଖ ସରକାରଙ୍କ ଅବକାରୀ ନୀତିକୁ ସମାଲୋଚନା କରିଥିଲେ। ସେମାନେ ଅଭିଯୋଗ କରିଥିଲେ ଯେ, ବିଜେପି ସରକାର ନିର୍ବାଚନ ସମୟରେ ରାଜ୍ୟରେ କ୍ଷମତାକୁ ଆସିଲେ ମଦ ଉପରେ ଅଙ୍କୁଶ ଲଗାଇବ ବୋଲି ପ୍ରତିଶ୍ରୁତି ଦେଇଥିଲେ, ମାତ୍ର ଏହାର ବିପରୀତ କାର୍ଯ୍ୟ କରି ଲୋକଙ୍କୁ ପ୍ରତାରଣା କରୁଛନ୍ତି। ରାଜକୋଷକୁ ଅବକାରୀ ଶୁଳ୍କରୁ ଯେତିକି ଅର୍ଥ ଆସୁଛି, ତାହା ତୁଳନାରେ ଦୁର୍ଘଟଣା, ମଦ୍ୟପାନ ଜନିତ ରୋଗ ଏବଂ ପ୍ରାଣ ହରାଉଥିବା ବ୍ୟକ୍ତିଙ୍କ ପରିବାରର ସାମାଜିକ ସୁରକ୍ଷା ବାବଦରେ ସରକାର ଅନେକ ଗୁଣ ଅଧ‌ିକ ଅର୍ଥ ବ୍ୟୟ କରୁଥିବା କେଉଁ ପ୍ରକାର ଅର୍ଥନୀତି ବୋଲି ପ୍ରଶ୍ନ କରାଯାଇଥିଲା। ସଂଗଠନ ତରଫରୁ ଦାବି କରାଯାଇଛି ଯେ, ରାଜ୍ୟରେ ଆଉ ନୂଆ ମଦ ଦୋକାନ ଖୋଲା ନଯାଉ। ବରଂ ଦୋକାନର ସଂଖ୍ୟା ଧିରେ ଧିରେ କମାଇବା ନିମନ୍ତେ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି। ଏହି ବିକ୍ଷୋଭ ସମାବେଶରେ ବାମପନ୍ଥୀ ନେତା ସର୍ବଜ୍ଞ ସାହୁ, ଗାନ୍ଧୀ ଅଧ୍ୟୟନ କେନ୍ଦ୍ର ସଭାପତି ଅନ୍ତର୍ଯ୍ୟାମୀ ରଥ, ମିଳିତ ଓଡ଼ିଶା ନିଶା ନିବାରଣ ଜିଲ୍ଲା ମହିଳା ସଦସ୍ୟା ସ୍ମିତାରାଣୀ ସାମଲ ଓ ବାସନ୍ତୀ ସାହୁ, ନବନିର୍ମାଣ କୃଷକ ସଂଗଠନର ପ୍ରଫୁଲ୍ଲ ପରିଡ଼ା, ମିଳିତ ଓଡ଼ିଶା ନିଶା ନିବାରଣ ସଂଗଠନର ଜିଲ୍ଲା ମହିଳା ସଂଯୋଜିକା ଊର୍ବଶୀ ନାୟକ, ଶାନ୍ତିଲତା ବେହେରା, ସୁଷମା ସାମଲ ଏବଂ ଦେବରାଜ ସାମଲ ପ୍ରମୁଖ ଯୋଗଦାନ କରିଥିଲେ।

News odia odisha

Tailor Dhenkanal Sadar, Odisha•

1 hr ago

ରାଜ୍ୟ ଅବକାରୀ ବିଭାଗ ତରଫରୁ ଶହ ଶହ ସଂଖ୍ୟାରେ ନୂଆ ମଦ ଦୋକାନ ଖୋଲିବା ନିଷ୍ପତ୍ତିକୁ ମିଳିତ ଓଡ଼ିଶା ନିଶା ନିବାରଣ ସଂଘ ତରଫରୁ ତୀବ୍ର ବିରୋଧ କରାଯାଇଛି। ଢେଙ୍କାନାଳ ସଦରରେ ମହିଳା ନେତ୍ରୀ ଊର୍ବଶୀ ନାୟକଙ୍କ ନେତୃତ୍ବରେ ସଂଘର କର୍ମକର୍ତ୍ତାମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ଲାକାର୍ଡ ପ୍ରଦର୍ଶନ କରି ବିକ୍ଷୋଭ କରିଥିଲେ। ଜିଲ୍ଲା ବୁଦ୍ଧିଜୀବୀ ସଂଗଠନର ସଦସ୍ୟ ରୁଦ୍ରପ୍ରକାଶ ଶରଣଙ୍କ ସଭାପତିତ୍ୱରେ ଅନୁଷ୍ଠିତ ଏହି ବିକ୍ଷୋଭସଭାରେ ଗାନ୍ଧୀ ଅଧ୍ୟୟନ କେନ୍ଦ୍ରର ସମ୍ପାଦକ ସରୋଜ ଶତପଥୀ, ସମାଜସେବୀ ବିନୟ କୁମାର ସାହୁ ଏବଂ ପ୍ରଫେସର ତୁଷାରକାନ୍ତି ନାୟକ ପ୍ରମୁଖ ସରକାରଙ୍କ ଅବକାରୀ ନୀତିକୁ ସମାଲୋଚନା କରିଥିଲେ। ସେମାନେ ଅଭିଯୋଗ କରିଥିଲେ ଯେ, ବିଜେପି ସରକାର ନିର୍ବାଚନ ସମୟରେ ରାଜ୍ୟରେ କ୍ଷମତାକୁ ଆସିଲେ ମଦ ଉପରେ ଅଙ୍କୁଶ ଲଗାଇବ ବୋଲି ପ୍ରତିଶ୍ରୁତି ଦେଇଥିଲେ, ମାତ୍ର ଏହାର ବିପରୀତ କାର୍ଯ୍ୟ କରି ଲୋକଙ୍କୁ ପ୍ରତାରଣା କରୁଛନ୍ତି। ରାଜକୋଷକୁ ଅବକାରୀ ଶୁଳ୍କରୁ ଯେତିକି ଅର୍ଥ ଆସୁଛି, ତାହା ତୁଳନାରେ ଦୁର୍ଘଟଣା, ମଦ୍ୟପାନ ଜନିତ ରୋଗ ଏବଂ ପ୍ରାଣ ହରାଉଥିବା ବ୍ୟକ୍ତିଙ୍କ ପରିବାରର ସାମାଜିକ ସୁରକ୍ଷା ବାବଦରେ ସରକାର ଅନେକ ଗୁଣ ଅଧ‌ିକ ଅର୍ଥ ବ୍ୟୟ କରୁଥିବା କେଉଁ ପ୍ରକାର ଅର୍ଥନୀତି ବୋଲି ପ୍ରଶ୍ନ କରାଯାଇଥିଲା। ସଂଗଠନ ତରଫରୁ ଦାବି କରାଯାଇଛି ଯେ, ରାଜ୍ୟରେ ଆଉ ନୂଆ ମଦ ଦୋକାନ ଖୋଲା ନଯାଉ। ବରଂ ଦୋକାନର ସଂଖ୍ୟା ଧିରେ ଧିରେ କମାଇବା ନିମନ୍ତେ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି। ଏହି ବିକ୍ଷୋଭ ସମାବେଶରେ ବାମପନ୍ଥୀ ନେତା ସର୍ବଜ୍ଞ ସାହୁ, ଗାନ୍ଧୀ ଅଧ୍ୟୟନ କେନ୍ଦ୍ର ସଭାପତି ଅନ୍ତର୍ଯ୍ୟାମୀ ରଥ, ମିଳିତ ଓଡ଼ିଶା ନିଶା ନିବାରଣ ଜିଲ୍ଲା ମହିଳା ସଦସ୍ୟା ସ୍ମିତାରାଣୀ ସାମଲ ଓ ବାସନ୍ତୀ ସାହୁ, ନବନିର୍ମାଣ କୃଷକ ସଂଗଠନର ପ୍ରଫୁଲ୍ଲ ପରିଡ଼ା, ମିଳିତ ଓଡ଼ିଶା ନିଶା ନିବାରଣ ସଂଗଠନର ଜିଲ୍ଲା ମହିଳା ସଂଯୋଜିକା ଊର୍ବଶୀ ନାୟକ, ଶାନ୍ତିଲତା ବେହେରା, ସୁଷମା ସାମଲ ଏବଂ ଦେବରାଜ ସାମଲ ପ୍ରମୁଖ ଯୋଗଦାନ କରିଥିଲେ।