घनसावंगी तालुक्यातील भुतेगाव येथे पर्यावरण संवर्धन, पाणी बचत आणि जलसाक्षरतेचा संदेश देण्यासाठी एक अभिनव उपक्रम राबवण्यात आला. जिल्हा परिषद प्राथमिक शाळा भुतेगाव आणि महात्मा फुले विद्यालय भुतेगाव येथील विद्यार्थी व शिक्षकांनी एकत्र येऊन पाण्याचे महत्त्व आणि जलसंवर्धनाबाबत जनजागृती केली. याच पार्श्वभूमीवर घनसावंगी तालुक्यातील भुतेगाव आणि जालना तालुक्यातील कारला गावादरम्यान वाहणाऱ्या दुधना नदीच्या पात्राचे खोलीकरण, रुंदीकरण आणि सरळीकरणाच्या कामाला शनिवार, २० जून रोजी प्रारंभ झाला. या उपक्रमांतर्गत नदीपात्रातील गाळ शेतकऱ्यांच्या वाहनांमध्ये मोफत भरून देण्याची व्यवस्था करण्यात येणार आहे, ज्यामुळे नदीची जलसाठवण क्षमता वाढण्यास आणि भूजल पातळी उंचावण्यास मदत होईल. जलसंवर्धनाच्या या महत्त्वाच्या कामाचा शुभारंभ राजू शेळके यांच्या हस्ते नारळ फोडून करण्यात आला. यावेळी विठ्ठल नारायण चांदगुडे, नवनाथ नामदेव कवलिंगे, राजू शेळके, महादेव मते, नंदू भुतेकर, श्रीराम भुतेकर, प्रल्हाद धोंडीराम मोरे यांच्यासह परिसरातील अनेक शेतकरी उपस्थित होते. समस्त महाजन ट्रस्ट, मुंबई यांच्या वतीने महादेव मते आणि देवा चित्राल यांनी प्रशासकीय यंत्रणा व शेतकरी यांच्यात समन्वय साधून या उपक्रमासाठी विशेष परिश्रम घेतले. स्थानिक पातळीवर लोकसहभागातून राबवण्यात येत असलेल्या या जलसंवर्धन उपक्रमामुळे पावसाचे पाणी अडवून भूजल पुनर्भरणाला चालना मिळेल आणि भविष्यातील पाणीटंचाई कमी करण्यास मदत होईल, अशी अपेक्षा व्यक्त होत आहे.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

घनसावंगी तालुक्यातील भुतेगाव येथे पर्यावरण संवर्धन, पाणी बचत आणि जलसाक्षरतेचा संदेश देण्यासाठी एक अभिनव उपक्रम राबवण्यात आला. जिल्हा परिषद प्राथमिक शाळा भुतेगाव आणि महात्मा फुले विद्यालय भुतेगाव येथील विद्यार्थी व शिक्षकांनी एकत्र येऊन पाण्याचे महत्त्व आणि जलसंवर्धनाबाबत जनजागृती केली. याच पार्श्वभूमीवर घनसावंगी तालुक्यातील भुतेगाव आणि जालना तालुक्यातील कारला गावादरम्यान वाहणाऱ्या दुधना नदीच्या पात्राचे खोलीकरण, रुंदीकरण आणि सरळीकरणाच्या कामाला शनिवार, २० जून रोजी प्रारंभ झाला. या उपक्रमांतर्गत नदीपात्रातील गाळ शेतकऱ्यांच्या वाहनांमध्ये मोफत भरून देण्याची व्यवस्था करण्यात येणार आहे, ज्यामुळे नदीची जलसाठवण क्षमता वाढण्यास आणि भूजल पातळी उंचावण्यास मदत होईल. जलसंवर्धनाच्या

या महत्त्वाच्या कामाचा शुभारंभ राजू शेळके यांच्या हस्ते नारळ फोडून करण्यात आला. यावेळी विठ्ठल नारायण चांदगुडे, नवनाथ नामदेव कवलिंगे, राजू शेळके, महादेव मते, नंदू भुतेकर, श्रीराम भुतेकर, प्रल्हाद धोंडीराम मोरे यांच्यासह परिसरातील अनेक शेतकरी उपस्थित होते. समस्त महाजन ट्रस्ट, मुंबई यांच्या वतीने महादेव मते आणि देवा चित्राल यांनी प्रशासकीय यंत्रणा व शेतकरी यांच्यात समन्वय साधून या उपक्रमासाठी विशेष परिश्रम घेतले. स्थानिक पातळीवर लोकसहभागातून राबवण्यात येत असलेल्या या जलसंवर्धन उपक्रमामुळे पावसाचे पाणी अडवून भूजल पुनर्भरणाला चालना मिळेल आणि भविष्यातील पाणीटंचाई कमी करण्यास मदत होईल, अशी अपेक्षा व्यक्त होत आहे.