କେନ୍ଦୁଝର ଜିଲ୍ଲାର ୫୮ ଜଣ ଶ୍ରମିକ, ଯେଉଁଥିରେ ୨୩ ଜଣ ଯୁବତୀ ଓ ୩୫ ଜଣ ଯୁବକ ଅନ୍ତର୍ଭୁକ୍ତ, ତାମିଲନାଡ଼ୁରୁ ଫେରିଛନ୍ତି। ତାମିଲନାଡ଼ୁରୁ ଟ୍ରେନ୍ ଯୋଗେ ଆସିବା ପରେ, ସେମାନଙ୍କୁ ସ୍ୱତନ୍ତ୍ର ବସ୍ ମାଧ୍ୟମରେ କେନ୍ଦୁଝର ଅଣାଯାଇଥିଲା। ଘଟଗାଁ ନିକଟରୁ ଏକ ବସ୍ ଯୋଗେ ହରିଚନ୍ଦନପୁର ବ୍ଲକକୁ ୧୦ ଜଣ ଓ ଘଟଗାଁ ବ୍ଲକକୁ ୨ ଜଣ ଶ୍ରମିକ ଯାଇଥିବା ବେଳେ, ଅନ୍ୟ ଏକ ବସ୍ ମାଧ୍ୟମରେ ତେଲକୋଇ ଓ ବାଂଶପାଳର ୪୬ ଜଣ ଶ୍ରମିକଙ୍କୁ ସେମାନଙ୍କ ଗ୍ରାମକୁ ଫେରାଇ ଅଣାଯାଇଛି। ଶ୍ରମିକମାନଙ୍କ କହିବା ଅନୁଯାୟୀ, କେନ୍ଦୁଝରରେ କାମ ନ ମିଳିବାରୁ ସେମାନେ ଶ୍ରୀକାନ୍ତ ଜୁଆଙ୍ଗଙ୍କ ମାଧ୍ୟମରେ ତାମିଲନାଡ଼ୁ ଯାଇ ଏକ ଚିଙ୍ଗୁଡ଼ି ଫ୍ୟାକ୍ଟ୍ରିରେ କାମ କରୁଥିଲେ। ଘଟଣା ଦିନ ସେଠାରେ ହଠାତ୍ ଗ୍ୟାସ୍ ଲିକ୍ ହେବା ଫଳରେ ଯିଏ ଯୁଆଡ଼େ ପାରିଲେ ଦୌଡ଼ି ପଳାଇଥିଲେ। କିନ୍ତୁ କିଛି ଯୁବତୀ ରୁମ୍ ଭିତରେ ରହିଯାଇ ଏହାର ଶିକାର ହୋଇଥିଲେ। ଏହି ଘଟଣାରେ ୧୧ ଜଣଙ୍କ ମୃତ୍ୟୁ ଘଟିଥିବା ବେଳେ, ଅନେକ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ସେମାନଙ୍କ କହିବାନୁସାରେ, ସେହି ଫ୍ୟାକ୍ଟ୍ରିରେ ପ୍ରାୟ ୫୦୦ ଯୁବକ ଓ ଯୁବତୀ କାର୍ଯ୍ୟ କରୁଥିଲେ। ସମସ୍ତ ଶ୍ରମିକଙ୍କୁ ଜିଲ୍ଲା ଶ୍ରମ କାର୍ଯ୍ୟାଳୟର ତତ୍ତ୍ୱାବଧାନରେ ଏବଂ ଜିଲ୍ଲା ପ୍ରଶାସନର ସହଯୋଗରେ ଘରକୁ ଫେରାଇ ଆଣିବା ପାଇଁ ବ୍ୟବସ୍ଥା କରାଯାଇଥିଲା। କିନ୍ତୁ ଗଣମାଧ୍ୟମକୁ ସମ୍ପୂର୍ଣ୍ଣ ତଥ୍ୟ ଲୁଚାଇବାକୁ ଚେଷ୍ଟା କରାଯାଇଥିଲା। ଏହି ଘଟଣାର ଏତେ ଦିନ ପରେ ମଧ୍ୟ, ମୁଖ୍ୟ ଅଭିଯୁକ୍ତ ଶ୍ରୀକାନ୍ତ ଜୁଆଙ୍ଗଙ୍କ ନାମରେ ଶ୍ରମ ବିଭାଗ କୌଣସି ମାମଲା ରୁଜୁ ନକରିବା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଏ ନେଇ କୌଣସି ଶ୍ରମ ବିଭାଗ ଅଧିକାରୀଙ୍କ ପ୍ରତିକ୍ରିୟା ମିଳିପାରିନାହିଁ। ଅନ୍ୟପକ୍ଷରେ, ଜିଲ୍ଲା ପ୍ରଶାସନର ସହଯୋଗରେ ସମସ୍ତ ଶ୍ରମିକଙ୍କୁ ଘରକୁ ଫେରାଇ ଅଣାଯାଉଥିବା ବେଳେ, ଜିଲ୍ଲା ଯୋଜନା ବୋର୍ଡ ତଥା ତେଲକୋଇ ବିଧାୟକ ପ୍ରକାଶ କରିଛନ୍ତି ଯେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସାଂସଦ ମଧ୍ୟ ଶ୍ରମିକଙ୍କ ସୁରକ୍ଷା ସହ ଆଗକୁ ଦାଦନ ଶ୍ରମିକ ସମସ୍ୟା ହ୍ରାସ କରିବା ପାଇଁ ପ୍ରୟାସ କରାଯିବ ବୋଲି ପ୍ରକାଶ କରିଛନ୍ତି।

Satyabrata das

କେନ୍ଦୁଝର ଟାଉନ୍, କେନ୍ଦୁଝର, ଓଡ଼ିଶା•

6 hrs ago

କେନ୍ଦୁଝର ଜିଲ୍ଲାର ୫୮ ଜଣ ଶ୍ରମିକ, ଯେଉଁଥିରେ ୨୩ ଜଣ ଯୁବତୀ ଓ ୩୫ ଜଣ ଯୁବକ ଅନ୍ତର୍ଭୁକ୍ତ, ତାମିଲନାଡ଼ୁରୁ ଫେରିଛନ୍ତି। ତାମିଲନାଡ଼ୁରୁ ଟ୍ରେନ୍ ଯୋଗେ ଆସିବା ପରେ, ସେମାନଙ୍କୁ ସ୍ୱତନ୍ତ୍ର ବସ୍ ମାଧ୍ୟମରେ କେନ୍ଦୁଝର ଅଣାଯାଇଥିଲା। ଘଟଗାଁ ନିକଟରୁ ଏକ ବସ୍ ଯୋଗେ ହରିଚନ୍ଦନପୁର ବ୍ଲକକୁ ୧୦ ଜଣ ଓ ଘଟଗାଁ ବ୍ଲକକୁ ୨ ଜଣ ଶ୍ରମିକ ଯାଇଥିବା ବେଳେ, ଅନ୍ୟ ଏକ ବସ୍ ମାଧ୍ୟମରେ ତେଲକୋଇ ଓ ବାଂଶପାଳର ୪୬ ଜଣ ଶ୍ରମିକଙ୍କୁ ସେମାନଙ୍କ ଗ୍ରାମକୁ ଫେରାଇ ଅଣାଯାଇଛି। ଶ୍ରମିକମାନଙ୍କ କହିବା ଅନୁଯାୟୀ, କେନ୍ଦୁଝରରେ କାମ ନ ମିଳିବାରୁ ସେମାନେ ଶ୍ରୀକାନ୍ତ ଜୁଆଙ୍ଗଙ୍କ ମାଧ୍ୟମରେ ତାମିଲନାଡ଼ୁ ଯାଇ ଏକ ଚିଙ୍ଗୁଡ଼ି ଫ୍ୟାକ୍ଟ୍ରିରେ କାମ କରୁଥିଲେ। ଘଟଣା ଦିନ ସେଠାରେ ହଠାତ୍ ଗ୍ୟାସ୍ ଲିକ୍ ହେବା ଫଳରେ ଯିଏ ଯୁଆଡ଼େ ପାରିଲେ ଦୌଡ଼ି ପଳାଇଥିଲେ। କିନ୍ତୁ କିଛି ଯୁବତୀ ରୁମ୍ ଭିତରେ ରହିଯାଇ ଏହାର ଶିକାର ହୋଇଥିଲେ। ଏହି ଘଟଣାରେ ୧୧ ଜଣଙ୍କ ମୃତ୍ୟୁ ଘଟିଥିବା ବେଳେ, ଅନେକ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ସେମାନଙ୍କ କହିବାନୁସାରେ, ସେହି ଫ୍ୟାକ୍ଟ୍ରିରେ ପ୍ରାୟ ୫୦୦ ଯୁବକ ଓ ଯୁବତୀ କାର୍ଯ୍ୟ କରୁଥିଲେ। ସମସ୍ତ ଶ୍ରମିକଙ୍କୁ ଜିଲ୍ଲା ଶ୍ରମ କାର୍ଯ୍ୟାଳୟର ତତ୍ତ୍ୱାବଧାନରେ ଏବଂ ଜିଲ୍ଲା ପ୍ରଶାସନର ସହଯୋଗରେ ଘରକୁ ଫେରାଇ ଆଣିବା ପାଇଁ ବ୍ୟବସ୍ଥା କରାଯାଇଥିଲା। କିନ୍ତୁ ଗଣମାଧ୍ୟମକୁ ସମ୍ପୂର୍ଣ୍ଣ ତଥ୍ୟ ଲୁଚାଇବାକୁ ଚେଷ୍ଟା କରାଯାଇଥିଲା। ଏହି ଘଟଣାର ଏତେ ଦିନ ପରେ ମଧ୍ୟ, ମୁଖ୍ୟ ଅଭିଯୁକ୍ତ ଶ୍ରୀକାନ୍ତ ଜୁଆଙ୍ଗଙ୍କ ନାମରେ ଶ୍ରମ ବିଭାଗ କୌଣସି ମାମଲା ରୁଜୁ ନକରିବା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଏ ନେଇ କୌଣସି ଶ୍ରମ ବିଭାଗ ଅଧିକାରୀଙ୍କ ପ୍ରତିକ୍ରିୟା ମିଳିପାରିନାହିଁ। ଅନ୍ୟପକ୍ଷରେ, ଜିଲ୍ଲା ପ୍ରଶାସନର ସହଯୋଗରେ ସମସ୍ତ ଶ୍ରମିକଙ୍କୁ ଘରକୁ ଫେରାଇ ଅଣାଯାଉଥିବା ବେଳେ, ଜିଲ୍ଲା ଯୋଜନା ବୋର୍ଡ ତଥା ତେଲକୋଇ ବିଧାୟକ ପ୍ରକାଶ କରିଛନ୍ତି ଯେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସାଂସଦ ମଧ୍ୟ ଶ୍ରମିକଙ୍କ ସୁରକ୍ଷା ସହ ଆଗକୁ ଦାଦନ ଶ୍ରମିକ ସମସ୍ୟା ହ୍ରାସ କରିବା ପାଇଁ ପ୍ରୟାସ କରାଯିବ ବୋଲି ପ୍ରକାଶ କରିଛନ୍ତି।