🚨 जालन्यात सलग खुनाच्या घटनांनी खळबळ; भर बाजारात चाकूहल्ला, दोन दिवसांत तीन गंभीर घटना 🚨 जालन्यात सलग खुनाच्या घटनांनी खळबळ; भर बाजारात चाकूहल्ला, दोन दिवसांत तीन गंभीर घटना जालना : जालना शहरात गेल्या दोन दिवसांत खुनाच्या दोन धक्कादायक घटनांनंतर आज गुरुवारी (२७ ऑगस्ट) जुना मोंढा भागात भरदिवसा एका व्यक्तीवर दोन जणांनी चाकूने हल्ला करून भोसकल्याची घटना घडली. सलग घडलेल्या या घटनांमुळे शहरात खळबळ उडाली असून, कायदा व सुव्यवस्थेचा प्रश्न ऐरणीवर आला आहे. नागेवाडी परिसरात २५ ऑगस्टच्या मध्यरात्री २४ वर्षीय निखिल परमेश्वर पवार याची धारदार शस्त्राने सपासप वार करून निर्घृण हत्या करण्यात आली होती. निखिलने आरोपीच्या मृत भाचीबद्दल अपशब्द वापरल्याचा तसेच तिची बदनामी केल्याचा संशय होता. याच रागातून हत्या झाल्याचा प्राथमिक संशय आहे. या प्रकरणात चंदनझिरा पोलिसांनी तपासाची चक्रे वेगाने फिरवत मुख्य संशयित संतोष ऊर्फ पिंट्या लांडे याला काही तासांत देवपिंपळगाव येथून ताब्यात घेतले. दरम्यान, २४ ऑगस्टच्या सायंकाळी नागेवाडी रस्त्यावर जखमी अवस्थेतील एका अज्ञात पुरुषाचा मृतदेह आढळला होता. तपासादरम्यान हा मृतदेह दोन दिवसांपासून बेपत्ता असलेल्या नागेवाडी येथील २५ वर्षीय गजानन भारत तुपे यांचा असल्याचे नातेवाईकांनी ओळख पटवल्यानंतर स्पष्ट झाले. या प्रकरणीही हत्येचा गुन्हा दाखल करून पोलिसांकडून तपास सुरू आहे. या घटनांची चर्चा सुरू असतानाच आज गुरुवारी २७ ऑगस्ट रोजी जालना शहरातील जुना मोंढा भागात भर बाजारात एका व्यक्तीवर दोन जणांनी चाकूने हल्ला करून त्याला भोसकल्याची घटना घडली. अचानक झालेल्या या हल्ल्यामुळे बाजारपेठेत एकच खळबळ उडाली आणि नागरिकांमध्ये भीतीचे वातावरण निर्माण झाले. घटनेची माहिती मिळताच सदर बाजार पोलीस ठाण्याचे पोलीस निरीक्षक संदीप भारती यांच्यासह पोलीस पथक घटनास्थळी दाखल झाले. पोलिसांनी घटनास्थळाचा पंचनामा करून जखमी व्यक्तीला पुढील उपचारासाठी जिल्हा सामान्य रुग्णालयात हलविले. या हल्ल्यामागील नेमके कारण आणि आरोपींची ओळख याबाबत पोलिसांकडून तपास सुरू आहे. सलग घडलेल्या या घटनांमुळे जालना शहरातील नागरिकांमध्ये चिंता व्यक्त होत असून, पोलिसांनी संवेदनशील भागात बंदोबस्त वाढविला आहे. दरम्यान, तिन्ही घटनांमधील आरोपी आणि हल्ल्यामागील कारणांचा सखोल तपास सुरू आहे.

2 hrs ago

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

🚨 जालन्यात सलग खुनाच्या घटनांनी खळबळ; भर बाजारात चाकूहल्ला, दोन दिवसांत तीन गंभीर घटना 🚨 जालन्यात सलग खुनाच्या घटनांनी खळबळ; भर बाजारात चाकूहल्ला, दोन दिवसांत तीन गंभीर घटना जालना : जालना शहरात गेल्या दोन दिवसांत खुनाच्या दोन धक्कादायक घटनांनंतर आज गुरुवारी (२७ ऑगस्ट) जुना मोंढा भागात भरदिवसा एका व्यक्तीवर दोन जणांनी चाकूने हल्ला करून भोसकल्याची घटना घडली. सलग घडलेल्या या घटनांमुळे शहरात खळबळ उडाली असून, कायदा व सुव्यवस्थेचा प्रश्न ऐरणीवर आला आहे. नागेवाडी परिसरात २५ ऑगस्टच्या मध्यरात्री २४ वर्षीय निखिल परमेश्वर पवार याची धारदार शस्त्राने सपासप वार करून निर्घृण हत्या करण्यात आली होती. निखिलने आरोपीच्या मृत भाचीबद्दल अपशब्द वापरल्याचा तसेच तिची बदनामी केल्याचा संशय होता. याच रागातून हत्या झाल्याचा प्राथमिक संशय आहे. या प्रकरणात चंदनझिरा पोलिसांनी तपासाची चक्रे वेगाने फिरवत मुख्य संशयित संतोष ऊर्फ पिंट्या लांडे याला काही तासांत देवपिंपळगाव येथून ताब्यात घेतले. दरम्यान, २४ ऑगस्टच्या सायंकाळी नागेवाडी रस्त्यावर जखमी अवस्थेतील एका अज्ञात पुरुषाचा मृतदेह आढळला होता. तपासादरम्यान हा मृतदेह दोन दिवसांपासून बेपत्ता असलेल्या नागेवाडी येथील २५ वर्षीय गजानन भारत तुपे यांचा असल्याचे नातेवाईकांनी ओळख पटवल्यानंतर स्पष्ट झाले. या प्रकरणीही हत्येचा गुन्हा दाखल करून पोलिसांकडून तपास सुरू आहे. या घटनांची चर्चा सुरू असतानाच आज गुरुवारी २७ ऑगस्ट रोजी जालना शहरातील जुना मोंढा भागात भर बाजारात एका व्यक्तीवर दोन जणांनी चाकूने हल्ला करून त्याला भोसकल्याची घटना घडली. अचानक झालेल्या या हल्ल्यामुळे बाजारपेठेत एकच खळबळ उडाली आणि नागरिकांमध्ये भीतीचे वातावरण निर्माण झाले. घटनेची माहिती मिळताच सदर बाजार पोलीस ठाण्याचे पोलीस निरीक्षक संदीप भारती यांच्यासह पोलीस पथक घटनास्थळी दाखल झाले. पोलिसांनी घटनास्थळाचा पंचनामा करून जखमी व्यक्तीला पुढील उपचारासाठी जिल्हा सामान्य रुग्णालयात हलविले. या हल्ल्यामागील नेमके कारण आणि आरोपींची ओळख याबाबत पोलिसांकडून तपास सुरू आहे. सलग घडलेल्या या घटनांमुळे जालना शहरातील नागरिकांमध्ये चिंता व्यक्त होत असून, पोलिसांनी संवेदनशील भागात बंदोबस्त वाढविला आहे. दरम्यान, तिन्ही घटनांमधील आरोपी आणि हल्ल्यामागील कारणांचा सखोल तपास सुरू आहे.

More news from महाराष्ट्र and nearby areas