रिक्षाचालक लघुशंकेसाठी गेला अन् चोरट्याने डल्ला मारला; मोबाईलसह रोकड लंपास ​कल्याण : कल्याण पूर्व भागात चोरट्यांचा सुळसुळाट वाढला असून, भरदिवसा चोरीच्या घटना समोर येत आहेत. श्री मलंगगड रोडवरील नांदिवली पेट्रोल पंप येथे सीएनजी भरून लघुशंकेसाठी गेलेल्या एका रिक्षाचालकाचा मोबाईल आणि रोख रक्कम चोरट्याने लंपास केल्याची धक्कादायक घटना घडली आहे. ही संपूर्ण घटना सीसीटीव्ही कॅमेऱ्यात कैद झाली आहे. संबंधित रिक्षाचालक आपल्या रिक्षामध्ये सीएनजी भरण्यासाठी श्री मलंगगड रोडवरील पेट्रोल पंपावर आला होता. गॅस भरून झाल्यानंतर त्याने आपली रिक्षा थोड्या अंतरावर उभी केली आणि तो जवळच लघुशंकेसाठी गेला. हीच संधी साधून तिथे दबा धरून बसलेल्या एका चोरट्याने रिक्षात हात साफ केला. रिक्षाचालक रिक्षापासून दूर गेल्याचे पाहताच चोरट्याने अत्यंत शिताफीने रिक्षात प्रवेश केला आणि चालकाचा मोबाईल फोन तसेच जवळ असलेली रोख रक्कम चोरून तिथून पळ काढला. चालक परत आल्यानंतर त्याला चोरी झाल्याचे लक्षात आले. या घटनेचा व्हिडिओ आता सोशल मीडियावर व्हायरल होत असून, परिसरातील सुरक्षेचा प्रश्न पुन्हा एकदा ऐरणीवर आला आहे. याप्रकरणी स्थानिक पोलीस अधिक तपास करत असून सीसीटीव्ही फुटेजच्या आधारे चोरट्याचा शोध घेतला जात आहे. रिक्षाचालकांमध्ये या घटनेमुळे भीतीचे वातावरण पसरले आहे.

MH Marathi

कल्याण, ठाणे, महाराष्ट्र•

16 hrs ago

रिक्षाचालक लघुशंकेसाठी गेला अन् चोरट्याने डल्ला मारला; मोबाईलसह रोकड लंपास ​कल्याण : कल्याण पूर्व भागात चोरट्यांचा सुळसुळाट वाढला असून, भरदिवसा चोरीच्या घटना समोर येत आहेत. श्री मलंगगड रोडवरील नांदिवली पेट्रोल पंप येथे सीएनजी भरून लघुशंकेसाठी गेलेल्या एका रिक्षाचालकाचा मोबाईल आणि रोख रक्कम चोरट्याने लंपास केल्याची धक्कादायक घटना घडली आहे. ही संपूर्ण घटना सीसीटीव्ही कॅमेऱ्यात कैद झाली आहे. संबंधित रिक्षाचालक आपल्या रिक्षामध्ये सीएनजी भरण्यासाठी श्री मलंगगड रोडवरील पेट्रोल पंपावर आला होता. गॅस भरून झाल्यानंतर त्याने आपली रिक्षा थोड्या अंतरावर उभी केली आणि तो जवळच लघुशंकेसाठी गेला. हीच संधी साधून तिथे दबा धरून बसलेल्या एका चोरट्याने रिक्षात हात साफ केला. रिक्षाचालक रिक्षापासून दूर गेल्याचे पाहताच चोरट्याने अत्यंत शिताफीने रिक्षात प्रवेश केला आणि चालकाचा मोबाईल फोन तसेच जवळ असलेली रोख रक्कम चोरून तिथून पळ काढला. चालक परत आल्यानंतर त्याला चोरी झाल्याचे लक्षात आले. या घटनेचा व्हिडिओ आता सोशल मीडियावर व्हायरल होत असून, परिसरातील सुरक्षेचा प्रश्न पुन्हा एकदा ऐरणीवर आला आहे. याप्रकरणी स्थानिक पोलीस अधिक तपास करत असून सीसीटीव्ही फुटेजच्या आधारे चोरट्याचा शोध घेतला जात आहे. रिक्षाचालकांमध्ये या घटनेमुळे भीतीचे वातावरण पसरले आहे.