यवतमाळ जिल्ह्यातील घाटंजी तालुक्यातील रामनगर तांडा (घोटी) येथे एका अत्यंत हृदयद्रावक घटनेत विहिरीत बुडून बाप-लेकाचा दुर्दैवी मृत्यू झाला. या घटनेमुळे संपूर्ण गावावर शोककळा पसरली असून परिसरात हळहळ व्यक्त होत आहे. मृतकांमध्ये सचिन प्रेमसिंग जाधव (३७) आणि त्यांचा ९ वर्षांचा मोठा मुलगा विहान सचिन जाधव यांचा समावेश आहे. गुरुवारी (२८ मे) दुपारी सचिन जाधव हे आपला मुलगा विहान, धाकटा मुलगा सार्थक (७) आणि अन्य एका मुलासोबत गावालगतच्या शोभा आडे यांच्या शेतातील विहिरीवर गेले होते. विहिरीतील पाण्यात उतरल्यानंतर खोलीचा अंदाज न आल्याने सचिन जाधव आणि विहान हे दोघेही खोल पाण्यात बुडाले. घटनेची माहिती मिळताच ग्रामस्थ आणि पोलिसांनी तातडीने घटनास्थळी धाव घेतली, परंतु त्यांना वाचवता आले नाही. या प्रकरणी मृतकाचे चुलत भाऊ सुभाष जाधव यांनी दिलेल्या तक्रारीवरून पारवा पोलिसांनी आकस्मिक मृत्यूची नोंद केली असून, पुढील तपास सुरू आहे. या दुर्दैवी घटनेमुळे जाधव कुटुंबावर दुःखाचा डोंगर कोसळला असून, रामनगर तांडा परिसरात शोकमय वातावरण निर्माण झाले आहे.

पत्रकार ओमप्रकाश उढाण

घनसावंगी, जालना, महाराष्ट्र•

14 hrs ago

यवतमाळ जिल्ह्यातील घाटंजी तालुक्यातील रामनगर तांडा (घोटी) येथे एका अत्यंत हृदयद्रावक घटनेत विहिरीत बुडून बाप-लेकाचा दुर्दैवी मृत्यू झाला. या घटनेमुळे संपूर्ण गावावर शोककळा पसरली असून परिसरात हळहळ व्यक्त होत आहे. मृतकांमध्ये सचिन प्रेमसिंग जाधव (३७) आणि त्यांचा ९ वर्षांचा मोठा मुलगा विहान सचिन जाधव यांचा समावेश आहे. गुरुवारी (२८ मे) दुपारी सचिन जाधव हे आपला मुलगा विहान, धाकटा मुलगा सार्थक (७) आणि अन्य एका मुलासोबत गावालगतच्या शोभा आडे यांच्या शेतातील विहिरीवर गेले होते. विहिरीतील पाण्यात उतरल्यानंतर खोलीचा अंदाज न आल्याने सचिन जाधव आणि विहान हे दोघेही खोल पाण्यात बुडाले. घटनेची माहिती मिळताच ग्रामस्थ आणि पोलिसांनी तातडीने घटनास्थळी धाव घेतली, परंतु त्यांना वाचवता आले नाही. या प्रकरणी मृतकाचे चुलत भाऊ सुभाष जाधव यांनी दिलेल्या तक्रारीवरून पारवा पोलिसांनी आकस्मिक मृत्यूची नोंद केली असून, पुढील तपास सुरू आहे. या दुर्दैवी घटनेमुळे जाधव कुटुंबावर दुःखाचा डोंगर कोसळला असून, रामनगर तांडा परिसरात शोकमय वातावरण निर्माण झाले आहे.