जालना जिल्ह्यातील घनसावंगी तालुक्यातील तीर्थपुरी येथे अन्न व औषध प्रशासनाने धडक कारवाई केली आहे. या मोहिमेअंतर्गत मुंदडा इंडस्ट्रीजमधून घेतलेल्या तुपाच्या नमुन्यांची प्रयोगशाळेत तपासणी केली असता, ८ पैकी ५ नमुने अप्रमाणित असल्याचे निष्पन्न झाले आहे. या नमुन्यांमध्ये खाद्यतेल आणि इसेन्सची भेसळ करण्यात आल्याचे स्पष्ट झाले असून, उर्वरित तीन नमुने फेरतपासणीसाठी पाठवण्यात आले आहेत. अन्न व औषध प्रशासनाकडे आयएएस अधिकारी तुकाराम मुंडे यांची जबाबदारी आल्यानंतर राज्यात अन्नभेसळविरोधी कारवायांना वेग आला आहे. जालना कार्यालयातील मर्यादित मनुष्यबळ आणि वाहनांची कमतरता असूनही अधिकारी सातत्याने तपासण्या करत आहेत. एप्रिल ते जून या साडेतीन महिन्यांच्या कालावधीत जिल्ह्यातून ६४ नमुने प्रयोगशाळेत पाठवण्यात आले होते, त्यापैकी १६ नमुन्यांचे अहवाल प्राप्त झाले असून १० प्रमाणित तर ६ अप्रमाणित निघाले आहेत. या कारवाईदरम्यान विभागाने एकूण १७ लाख ५४ हजार २१४ रुपयांचा मुद्देमाल जप्त केला असून, नासधूस टाळण्यासाठी ६३८ लिटर दूध नष्ट करण्यात आले आहे. याप्रकरणी संबंधितांवर अन्न सुरक्षा कायद्यानुसार कायदेशीर कारवाई करण्यात येणार असल्याची माहिती सहायक आयुक्त निखील कुलकर्णी यांनी दिली आहे.

पत्रकार ओमप्रकाश उढाण

घनसावंगी, जालना, महाराष्ट्र•

11 hrs ago

जालना जिल्ह्यातील घनसावंगी तालुक्यातील तीर्थपुरी येथे अन्न व औषध प्रशासनाने धडक कारवाई केली आहे. या मोहिमेअंतर्गत मुंदडा इंडस्ट्रीजमधून घेतलेल्या तुपाच्या नमुन्यांची प्रयोगशाळेत तपासणी केली असता, ८ पैकी ५ नमुने अप्रमाणित असल्याचे निष्पन्न झाले आहे. या नमुन्यांमध्ये खाद्यतेल आणि इसेन्सची भेसळ करण्यात आल्याचे स्पष्ट झाले असून, उर्वरित तीन नमुने फेरतपासणीसाठी पाठवण्यात आले आहेत. अन्न व औषध प्रशासनाकडे आयएएस अधिकारी तुकाराम मुंडे यांची जबाबदारी आल्यानंतर राज्यात अन्नभेसळविरोधी कारवायांना वेग आला आहे. जालना कार्यालयातील मर्यादित मनुष्यबळ आणि वाहनांची कमतरता असूनही अधिकारी सातत्याने तपासण्या करत आहेत. एप्रिल ते जून या साडेतीन महिन्यांच्या कालावधीत जिल्ह्यातून ६४ नमुने प्रयोगशाळेत पाठवण्यात आले होते, त्यापैकी १६ नमुन्यांचे अहवाल प्राप्त झाले असून १० प्रमाणित तर ६ अप्रमाणित निघाले आहेत. या कारवाईदरम्यान विभागाने एकूण १७ लाख ५४ हजार २१४ रुपयांचा मुद्देमाल जप्त केला असून, नासधूस टाळण्यासाठी ६३८ लिटर दूध नष्ट करण्यात आले आहे. याप्रकरणी संबंधितांवर अन्न सुरक्षा कायद्यानुसार कायदेशीर कारवाई करण्यात येणार असल्याची माहिती सहायक आयुक्त निखील कुलकर्णी यांनी दिली आहे.