ఖమ్మం జిల్లాలోని మధిర నియోజకవర్గ కేంద్రం మున్సిపాలిటీ చైర్మన్ సామినేని సుజాత రామనాథం దంపతులను జర్నలిస్టు, సీఐటీయూ నేత, ఎస్‌బీఐ లైఫ్ మిత్ర మల్లూరు చంద్రశేఖర్ శాలువా కప్పి సత్కరించారు. మధిర మున్సిపాలిటీ పరిధిలోని ఇల్లెందలపాడు గ్రామంలోని చైర్మన్ స్వగృహంలో మల్లూరు ఆమెను కలిసి, మున్సిపాలిటీ చైర్మన్‌గా విజయం సాధించినందుకు శుభాకాంక్షలు తెలియజేశారు. ఈ సందర్భంగా మల్లూరు, చైర్మన్ సుజాత ప్రజా అభివృద్ధిలో రాజకీయాలకు అతీతంగా ముందుకు సాగాలని కోరారు. మున్సిపాలిటీ పరిధిలోని ప్రజలకు ఉత్తమ సేవకురాలిగా పనిచేసి ప్రజా అభిమానాన్ని పొందాలని సూచించారు. 2031లో జరగనున్న మున్సిపాలిటీ ఎన్నికలలో మరోసారి ఏకగ్రీవంగా గెలుపొందేందుకు ఇప్పటి నుండే కృషి చేయాలని విజ్ఞప్తి చేశారు. అనంతరం మల్లూరు మీడియాతో మాట్లాడుతూ, సత్తుపల్లి మండల పరిధిలోని తమ స్వగ్రామం సదాశివునిపాలెంలో సుజాతతో తాను బాల్యం నుండి గ్రామంలోని ప్రభుత్వ పాఠశాలలో కలిసి చదువుకున్నామని తెలిపారు. సోదర భావంతో కలిసి మెలిసి ఉన్నామని, ఒక తల్లి బిడ్డల వలె విద్యార్థి దశలో ఆటలు ఆడుతూ గడిపామని, ఇద్దరి ఇళ్లు పక్కపక్కనే ఉండేవని వివరించారు. తమ రాజకీయాలు వేరైనా, బాల్య స్నేహం జీవితంలో మరువలేనిదని, ఎప్పటికీ సోదరీ సోదరులుగానే ఉంటామని స్పష్టం చేశారు. చైర్మన్ సుజాత దంపతులను కలిసిన వారిలో మల్లూరుతో పాటు ఆయన మిత్రులు తుంగా నాగరాజు, కువ్వారాపు నాగేశ్వరరావు కూడా ఉన్నారు.

Ramprasad islavath

Industrial Real Estate Agency కల్లూరు, ఖమ్మం, తెలంగాణ•

1 hr ago

ఖమ్మం జిల్లాలోని మధిర నియోజకవర్గ కేంద్రం మున్సిపాలిటీ చైర్మన్ సామినేని సుజాత రామనాథం దంపతులను జర్నలిస్టు, సీఐటీయూ నేత, ఎస్‌బీఐ లైఫ్ మిత్ర మల్లూరు చంద్రశేఖర్ శాలువా కప్పి సత్కరించారు. మధిర మున్సిపాలిటీ పరిధిలోని ఇల్లెందలపాడు గ్రామంలోని చైర్మన్ స్వగృహంలో మల్లూరు ఆమెను కలిసి, మున్సిపాలిటీ చైర్మన్‌గా విజయం సాధించినందుకు శుభాకాంక్షలు తెలియజేశారు. ఈ సందర్భంగా మల్లూరు, చైర్మన్ సుజాత ప్రజా అభివృద్ధిలో రాజకీయాలకు అతీతంగా ముందుకు సాగాలని కోరారు. మున్సిపాలిటీ పరిధిలోని ప్రజలకు ఉత్తమ సేవకురాలిగా పనిచేసి ప్రజా అభిమానాన్ని పొందాలని సూచించారు. 2031లో జరగనున్న మున్సిపాలిటీ ఎన్నికలలో మరోసారి ఏకగ్రీవంగా గెలుపొందేందుకు ఇప్పటి నుండే కృషి చేయాలని విజ్ఞప్తి చేశారు. అనంతరం మల్లూరు మీడియాతో మాట్లాడుతూ, సత్తుపల్లి మండల పరిధిలోని తమ స్వగ్రామం సదాశివునిపాలెంలో సుజాతతో తాను బాల్యం నుండి గ్రామంలోని ప్రభుత్వ పాఠశాలలో కలిసి చదువుకున్నామని తెలిపారు. సోదర భావంతో కలిసి మెలిసి ఉన్నామని, ఒక తల్లి బిడ్డల వలె విద్యార్థి దశలో ఆటలు ఆడుతూ గడిపామని, ఇద్దరి ఇళ్లు పక్కపక్కనే ఉండేవని వివరించారు. తమ రాజకీయాలు వేరైనా, బాల్య స్నేహం జీవితంలో మరువలేనిదని, ఎప్పటికీ సోదరీ సోదరులుగానే ఉంటామని స్పష్టం చేశారు. చైర్మన్ సుజాత దంపతులను కలిసిన వారిలో మల్లూరుతో పాటు ఆయన మిత్రులు తుంగా నాగరాజు, కువ్వారాపు నాగేశ్వరరావు కూడా ఉన్నారు.