राज्य परिवहन महामंडळामार्फत आता विद्यार्थ्यांना ‘एनसीएमसी’ स्मार्ट कार्ड वितरित केले जाणार आहे. सध्या विविध सामाजिक घटकांना प्रवास भाड्यात मिळणाऱ्या सवलतींसाठी आधारकार्ड संलग्न ‘एनसीएमसी अनेब्ल्ड स्मार्ट कार्ड’ दिले जात असून, लवकरच शालेय व व्यावसायिक शिक्षण घेणाऱ्या विद्यार्थ्यांच्या सवलतीच्या पासेससाठीही ही नोंदणी प्रक्रिया सुरू करण्यात येणार आहे. शासनाच्या ९ ऑक्टोबर २०१८ च्या निर्णयानुसार सवलतधारी प्रवाशांना स्मार्ट कार्ड देण्याचे निश्चित झाले होते. त्यानुसार एसटी महामंडळ, मे. ईबिक्स टेक्नोलोजिस लि. आणि एनएसडीएल पेमेंट्स बँक यांच्या संयुक्त विद्यमाने सर्व आगारांमध्ये हे कार्ड देण्याची कार्यवाही सुरू आहे. १६ फेब्रुवारी २०२६ पासून अमृत ज्येष्ठ नागरिक, ज्येष्ठ नागरिक आणि महिला सवलतधारी प्रवाशांसाठी नोंदणी व वितरण प्रक्रिया सुरू झाली असून, याच धर्तीवर आता विद्यार्थ्यांनाही हे स्मार्ट कार्ड मिळणार आहे. या 'एनसीएमसी' कार्डसाठी शालेय, शैक्षणिक, तांत्रिक आणि व्यावसायिक शिक्षण घेणाऱ्या विद्यार्थ्यांना ‘सरल’ व ‘अपार’ क्रमांक आवश्यक असतील. हे दोन्ही क्रमांक विद्यार्थ्यांच्या आधार क्रमांकाशी जोडलेले असणे अनिवार्य आहे. शालेय विद्यार्थ्यांना मासिक पासासाठी लागणाऱ्या या स्मार्ट कार्डचा मागणी अर्ज एसटी महामंडळाच्या अधिकृत संकेतस्थळावर मोफत उपलब्ध आहे. अर्जात नमूद केलेली माहिती व जोडलेली आवश्यक कागदपत्रे संबंधित शाळेच्या मुख्याध्यापकांकडून प्रमाणित करून घेणे बंधनकारक असून, त्यानंतरच हा अर्ज आगारातील किंवा बसस्थानकावरील वाहतूक नियंत्रक किंवा अधिकृत एजंट यांच्याकडे जमा करायचा आहे. नोंदणी प्रक्रियेसाठी विद्यार्थी किंवा त्यांच्या पालकांचा चालू मोबाईल क्रमांक देणेही बंधनकारक करण्यात आले आहे. अर्जाची तपासणी व पडताळणी झाल्यानंतर आवश्यक शुल्क आकारून विद्यार्थ्यांना पावती दिली जाईल. नोंदणी पूर्ण झालेले हे एनसीएमसी कार्ड ३० दिवसांच्या आत प्रिंट होऊन संबंधित आगारास प्राप्त होईल. त्यानंतर आगारामध्ये पॉस (पीओएस) मशिनद्वारे हे कार्ड ॲक्टिव्ह करून ते प्रत्यक्ष विद्यार्थ्यांना वितरित केले जाईल. त्यामुळे सर्व संबंधित विद्यार्थी आणि पालकांनी नोंदणी प्रक्रियेसाठी आवश्यक कागदपत्रांची आगाऊ पूर्तता करून ठेवावी, असे आवाहन लातूर राज्य परिवहन महामंडळाच्या लातूर विभाग नियंत्रकांनी केले आहे.

डी उमाकांत

शिरूर-अनंतपाळ, लातूर, महाराष्ट्र•

18 hrs ago

राज्य परिवहन महामंडळामार्फत आता विद्यार्थ्यांना ‘एनसीएमसी’ स्मार्ट कार्ड वितरित केले जाणार आहे. सध्या विविध सामाजिक घटकांना प्रवास भाड्यात मिळणाऱ्या सवलतींसाठी आधारकार्ड संलग्न ‘एनसीएमसी अनेब्ल्ड स्मार्ट कार्ड’ दिले जात असून, लवकरच शालेय व व्यावसायिक शिक्षण घेणाऱ्या विद्यार्थ्यांच्या सवलतीच्या पासेससाठीही ही नोंदणी प्रक्रिया सुरू करण्यात येणार आहे. शासनाच्या ९ ऑक्टोबर २०१८ च्या निर्णयानुसार सवलतधारी प्रवाशांना स्मार्ट कार्ड देण्याचे निश्चित झाले होते. त्यानुसार एसटी महामंडळ, मे. ईबिक्स टेक्नोलोजिस लि. आणि एनएसडीएल पेमेंट्स बँक यांच्या संयुक्त विद्यमाने सर्व आगारांमध्ये हे कार्ड देण्याची कार्यवाही सुरू आहे. १६ फेब्रुवारी २०२६ पासून अमृत ज्येष्ठ नागरिक, ज्येष्ठ नागरिक आणि महिला सवलतधारी प्रवाशांसाठी नोंदणी व वितरण प्रक्रिया सुरू झाली असून, याच धर्तीवर आता विद्यार्थ्यांनाही हे स्मार्ट कार्ड मिळणार आहे. या 'एनसीएमसी' कार्डसाठी शालेय, शैक्षणिक, तांत्रिक आणि व्यावसायिक शिक्षण घेणाऱ्या विद्यार्थ्यांना ‘सरल’ व ‘अपार’ क्रमांक आवश्यक असतील. हे दोन्ही क्रमांक विद्यार्थ्यांच्या आधार क्रमांकाशी जोडलेले असणे अनिवार्य आहे. शालेय विद्यार्थ्यांना मासिक पासासाठी लागणाऱ्या या स्मार्ट कार्डचा मागणी अर्ज एसटी महामंडळाच्या अधिकृत संकेतस्थळावर मोफत उपलब्ध आहे. अर्जात नमूद केलेली माहिती व जोडलेली आवश्यक कागदपत्रे संबंधित शाळेच्या मुख्याध्यापकांकडून प्रमाणित करून घेणे बंधनकारक असून, त्यानंतरच हा अर्ज आगारातील किंवा बसस्थानकावरील वाहतूक नियंत्रक किंवा अधिकृत एजंट यांच्याकडे जमा करायचा आहे. नोंदणी प्रक्रियेसाठी विद्यार्थी किंवा त्यांच्या पालकांचा चालू मोबाईल क्रमांक देणेही बंधनकारक करण्यात आले आहे. अर्जाची तपासणी व पडताळणी झाल्यानंतर आवश्यक शुल्क आकारून विद्यार्थ्यांना पावती दिली जाईल. नोंदणी पूर्ण झालेले हे एनसीएमसी कार्ड ३० दिवसांच्या आत प्रिंट होऊन संबंधित आगारास प्राप्त होईल. त्यानंतर आगारामध्ये पॉस (पीओएस) मशिनद्वारे हे कार्ड ॲक्टिव्ह करून ते प्रत्यक्ष विद्यार्थ्यांना वितरित केले जाईल. त्यामुळे सर्व संबंधित विद्यार्थी आणि पालकांनी नोंदणी प्रक्रियेसाठी आवश्यक कागदपत्रांची आगाऊ पूर्तता करून ठेवावी, असे आवाहन लातूर राज्य परिवहन महामंडळाच्या लातूर विभाग नियंत्रकांनी केले आहे.