बुलढाणा जिल्ह्यातील चिखली तालुक्यात सध्या पाण्याची समस्या आहे.

दामिनी पथक महिलांच्या सन्मानाचे रक्षण करण्यासाठी आणि टवाळखोरांना योग्य धडा शिकवण्यासाठी नेहमीच तत्पर असते.

बुलढाणा येथे आमदार मनोजभाऊ कायंदे यांनी रुग्णालयात जाऊन रविकांत तुपकर यांची भेट घेतली.

मंत्रालयात सुरू असलेल्या उपोषणाच्या दणक्यामुळे अखेर एका अधिकाऱ्यावर गुन्हा दाखल करण्यात आला आहे. या घडामोडीमुळे उपोषणकर्त्यांच्या प्रयत्नांना यश मिळाल्याचे दिसत आहे, ज्यामुळे संबंधित अधिकाऱ्यावर कायदेशीर कारवाई झाली आहे.

बुलढाणा जिल्ह्यातील जळगाव जामोद तालुक्यातील उमापूर ग्रामपंचायतीअंतर्गत येणाऱ्या फत्तेपुर परिसरात हातपंपाच्या कामावरून मोठा वाद निर्माण झाला आहे. ग्रामस्थांनी गंभीर आरोप केला आहे की, हातपंप बसवण्यासाठी पाच हजार रुपयांची मागणी करण्यात आली. या पैशांची मागणी नाकारल्यानंतर, मंजूर झालेला हातपंप दुसऱ्या ठिकाणी वळवण्यात आल्याचा दावा ग्रामस्थांनी केला आहे. या आरोपांमुळे परिसरात तीव्र संतापाचे वातावरण पसरले आहे. या संपूर्ण प्रकरणाची निष्पक्ष चौकशी करून संबंधितांवर तातडीने कारवाई करावी आणि फत्तेपुरमध्ये तात्काळ हातपंप बसवावा, अशी मागणी ग्रामस्थांनी प्रशासनाकडे केली आहे. दरम्यान, या गंभीर आरोपांबाबत संबंधित पक्षाची अधिकृत भूमिका अद्याप समोर आलेली नाही.

विदर्भाची पंढरी म्हणून ओळख असलेल्या बुलढाणा जिल्ह्यातील शेगाव येथून श्री संत गजानन महाराजांची पालखी पंढरपूरकडे मार्गस्थ झाली आहे. या पायी वारीचे हे ५७ वे वर्ष असून, यामध्ये ७०० हून अधिक वारकरी भगव्या पताका घेऊन सहभागी झाले आहेत. टाळ-मृदंगाच्या गजरात संत गजानन महाराजांची पालखी आज सकाळी पंढरपूरकडे निघाली. शेगाव ते पंढरपूर असा सुमारे ७५० किलोमीटरचा प्रवास ही पालखी ३३ दिवसांत पूर्ण करेल आणि २३ जुलै रोजी पंढरपुरात दाखल होईल. त्यानंतर आषाढी एकादशीच्या सोहळ्यात सहभागी होऊन ही पालखी २८ जुलैपर्यंत पंढरपुरातच मुक्काम करणार आहे. या पवित्र सोहळ्याचे साक्षीदार होण्यासाठी आज लाखो भाविक शेगावमध्ये दाखल झाले होते, ज्यामुळे संपूर्ण संत नगरी 'गण गण गणात बोते'च्या जयघोषाने दुमदुमून गेली होती. पंढरपुरातील मुक्कामानंतर, पालखी शेगावसाठी परतीच्या प्रवासाला निघेल.

परभणी शहर एका भीषण घटनेने हादरले आहे. परभणीतील यशवाडी येथील मारुती मंदिरात एक मोठी दुर्घटना घडली असून, या दुर्घटनेत मारुती मंदिराचे छत कोसळले.

आज सकाळी ब्रह्ममुहूर्तावर, 'हेचि व्हावी माझी आस, जन्मोजन्मी तुझा दास...' या संतवचनांचा जयघोष करत, टाळ-मृदंगांच्या निनादात आणि भगव्या पताकांच्या डोलणाऱ्या सागरात, 'जय हरी विठ्ठल, श्री हरी विठ्ठल'च्या अखंड गजरात संतनगरी शेगावातून श्री संत गजानन महाराजांची पवित्र पालखी पंढरपूरच्या दिशेने भक्तिभावाने मार्गस्थ झाली. या सोहळ्यामुळे संपूर्ण परिसर भक्तिरसात न्हाऊन निघाला असून, वारकऱ्यांच्या उत्साहाने शेगाव नगरीत आध्यात्मिक ऊर्जा संचारली आहे. आषाढी एकादशीच्या पवित्र सोहळ्यासाठी श्री क्षेत्र पंढरपूरकडे निघालेला हा पालखी सोहळा यंदा ५७ वे वर्ष साजरा करत आहे. यामध्ये तब्बल ७०० हून अधिक वारकरी, टाळकरी, पताकाधारी आणि अश्वदल सहभागी झाले आहेत. 'गण गण गणात बोते', 'जय गजानन श्री गजानन' आणि 'जय हरी विठ्ठल'च्या अखंड नामघोषात भक्तांची पावले पंढरीच्या दिशेने पडू लागली आहेत. श्रींची पालखी पुढील ३३ दिवसांत ५७० किलोमीटरचे अंतर पायी पार करत २३ जुलै रोजी श्री क्षेत्र पंढरपूर येथे पोहोचणार आहे. पंढरपूरमध्ये २३ ते २८ जुलै या कालावधीत श्री गजानन महाराज संस्थानच्या शाखेत पालखीचा मुक्काम राहणार असून, हजारो भाविकांना श्रींच्या दर्शनाचा लाभ मिळेल. पंढरपूरातील मुक्कामानंतर २९ जुलैपासून पालखीचा परतीचा प्रवास सुरू होईल. पंढरपूर ते शेगाव हा ५५० किलोमीटरचा मार्ग पायी पार करत, येण्या-जाण्याचा एकूण १३०० किलोमीटरचा पायी प्रवास वारकरी पूर्ण करणार आहेत. आधुनिक युगातही एवढ्या मोठ्या प्रमाणात भक्तांनी पायी वारी करणे ही संत परंपरेची आणि श्रद्धेची अद्वितीय ताकद असल्याचे यानिमित्ताने पुन्हा अधोरेखित झाले आहे. शेगावातून प्रस्थान केल्यानंतर आज दुपारी पालखी श्री क्षेत्र नागझरी येथील श्री संत गोमाजी महाराज संस्थानात पोहोचणार आहे. तेथे महाप्रसादानंतर सायंकाळी अकोला जिल्ह्यातील पारस येथे पालखीचा पहिला रात्रीचा मुक्काम असेल. यानंतर २२ जून रोजी दुपारी गायगाव तर रात्री भौरद येथे मुक्काम होणार आहे. पुढे २३ व २४ जून रोजी अकोला येथे दोन दिवसांचा मुक्काम राहणार असून, निश्चित मार्गाने पालखी पुढे पंढरपूरच्या दिशेने वाटचाल करणार आहे. संतांच्या शिकवणुकीवर चालणारी ही वारी केवळ धार्मिक सोहळा नसून, सामाजिक एकात्मता, समता, सेवा आणि अध्यात्माचे विद्यापीठ मानली जाते. जाती-पाती, श्रीमंत-गरीब यांचे भेद विसरून हजारो वारकरी एकाच नामस्मरणात दंग होतात. त्यामुळेच संतनगरीतून निघालेली ही पालखी आजही लाखो भाविकांच्या श्रद्धेचे केंद्रबिंदू ठरत आहे. 'चंद्रभागे स्नान, तुका मागे हेचि दान' या संतवचनांचा ध्यास घेऊन श्रींची पालखी आता विठुरायाच्या भेटीसाठी पंढरीच्या दिशेने भक्तिभावाने मार्गक्रमण करत आहे. गण गण गणात बोते.

योगा दिनानिमित्त उत्साहात जबरदस्त योगा करण्यात आला. या योगसत्रासोबत सर्वांनी मनसोक्त आनंदही घेतला.