कल्याण-निर्मल राष्ट्रीय महामार्ग क्रमांक ६१ वर मानवत-परभणी मार्गावरील राहुल जिनिंगजवळ शुक्रवारी, २९ मे रोजी रात्री साडेनऊच्या सुमारास एक हृदयद्रावक अपघात घडला. खासगी ट्रॅव्हल्स आणि दुचाकीच्या समोरासमोर झालेल्या भीषण धडकेत मानवत शहरातील चार तरुणांचा जागीच मृत्यू झाला. या दुर्घटनेमुळे संपूर्ण शहरावर शोककळा पसरली आहे. मिळालेल्या माहितीनुसार, परभणीहून पुण्याकडे निघालेली श्रीनिधी कंपनीची NL-01-B-1374 क्रमांकाची खासगी ट्रॅव्हल्स अंधारवड मारुती मंदिर परिसरातून जात असताना समोरून येणाऱ्या MH-22-B-4724 क्रमांकाच्या दुचाकीला तिने जोरदार धडक दिली. धडक इतकी भीषण होती की, दुचाकीवरील प्रल्हाद अशोक कुटे (वय २७, रा. कोक्कर कॉलनी), शुभम दहे (वय २७, रा. आंबेडकरनगर), विष्णू गोरे (वय २६, रा. कोक्कर कॉलनी) आणि नवनाथ जाधव (वय ३०, रा. कोक्कर कॉलनी) या मानवत शहरातील चारही युवकांचा दुर्दैवी मृत्यू झाला. घटनेची माहिती मिळताच सहायक पोलीस निरीक्षक संदीप बोरकर, पोलीस उपनिरीक्षक प्रमोद देवकते यांच्यासह पोलीस पथकाने तात्काळ घटनास्थळी धाव घेतली. पोलिसांनी मृतदेह ताब्यात घेऊन मानवत ग्रामीण रुग्णालयात हलवले. चारही तरुणांचे मृतदेह रुग्णालयात आणल्यानंतर त्यांच्या कुटुंबीयांनी एकच आक्रोश केला. एकाच अपघातात चार तरुणांचा मृत्यू झाल्याने मानवत शहरावर शोककळा पसरली असून परिसरात हळहळ व्यक्त केली जात आहे. पोलीस या प्रकरणाचा पुढील तपास करत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

16 hrs ago

कल्याण-निर्मल राष्ट्रीय महामार्ग क्रमांक ६१ वर मानवत-परभणी मार्गावरील राहुल जिनिंगजवळ शुक्रवारी, २९ मे रोजी रात्री साडेनऊच्या सुमारास एक हृदयद्रावक अपघात घडला. खासगी ट्रॅव्हल्स आणि दुचाकीच्या समोरासमोर झालेल्या भीषण धडकेत मानवत शहरातील चार तरुणांचा जागीच मृत्यू झाला. या दुर्घटनेमुळे संपूर्ण शहरावर शोककळा पसरली आहे. मिळालेल्या माहितीनुसार, परभणीहून पुण्याकडे निघालेली श्रीनिधी कंपनीची NL-01-B-1374 क्रमांकाची खासगी ट्रॅव्हल्स अंधारवड मारुती मंदिर परिसरातून जात असताना समोरून येणाऱ्या MH-22-B-4724 क्रमांकाच्या दुचाकीला तिने जोरदार धडक दिली. धडक इतकी भीषण होती की, दुचाकीवरील प्रल्हाद अशोक कुटे (वय २७, रा. कोक्कर कॉलनी), शुभम दहे (वय २७, रा. आंबेडकरनगर), विष्णू गोरे (वय २६, रा. कोक्कर कॉलनी) आणि नवनाथ जाधव (वय ३०, रा. कोक्कर कॉलनी) या मानवत शहरातील चारही युवकांचा दुर्दैवी मृत्यू झाला. घटनेची माहिती मिळताच सहायक पोलीस निरीक्षक संदीप बोरकर, पोलीस उपनिरीक्षक प्रमोद देवकते यांच्यासह पोलीस पथकाने तात्काळ घटनास्थळी धाव घेतली. पोलिसांनी मृतदेह ताब्यात घेऊन मानवत ग्रामीण रुग्णालयात हलवले. चारही तरुणांचे मृतदेह रुग्णालयात आणल्यानंतर त्यांच्या कुटुंबीयांनी एकच आक्रोश केला. एकाच अपघातात चार तरुणांचा मृत्यू झाल्याने मानवत शहरावर शोककळा पसरली असून परिसरात हळहळ व्यक्त केली जात आहे. पोलीस या प्रकरणाचा पुढील तपास करत आहेत.