ક્રાઈમ બ્રાન્ચ સુરત સિટીએ કતારગામ વિસ્તારમાંથી ₹14 લાખની કિંમતના ગાંજા સાથે ત્રણ આરોપીઓની ધરપકડ કરી છે. DCB સુરત સિટીએ આ કાર્યવાહી કરીને તેમને દબોચી લીધા હતા.

સુરતના પાંડેસરા વિસ્તારમાં આવેલા બમરોલી મેઈન રોડ પર સ્થિત શ્રીકૃષ્ણ જ્વેલર્સની દુકાનમાં મોટી ચોરીની ઘટના બની છે. તસ્કરો અંદાજે ૧૫ કિલો ચાંદી, ૩૩ ગ્રામ સોનું અને ₹૨૫ હજાર રોકડા ચોરીને ફરાર થઈ ગયા હતા. ચોરો દુકાનની છત પરથી પતરા કાપીને અંદર પ્રવેશ્યા હતા અને પકડાઈ ન જવાય તે માટે દુકાનમાંથી સીસીટીવીનું ડીવીઆર પણ પોતાની સાથે લઈ ગયા હતા. આ ચોરીનો ભોગ બનનાર દુકાન માલિકનું નામ મનોજ સોની છે.

સુરતમાં પર્યાવરણ સંરક્ષણ માટે એક ઐતિહાસિક અભિયાન હાથ ધરવામાં આવ્યું હતું. આ ઝુંબેશ અંતર્ગત, એક જ દિવસમાં 25 હજારથી વધુ છોડ રોપવામાં આવ્યા હતા.

ભરત તિવારી એન્કાઉન્ટર કેસમાં પોસ્ટમોર્ટમ રિપોર્ટ જાહેર કરવામાં આવ્યો છે, જેમાં સામે આવ્યું છે કે ભરતને કુલ પાંચ ગોળીઓ વાગી હતી. રિપોર્ટ અનુસાર, પહેલી ગોળી ડાબી જાંઘના ઉપરના ભાગમાં આગળથી વાગી હતી, જ્યારે બીજી ગોળી પણ ડાબી જાંઘના મધ્ય ભાગમાં અંદરની તરફથી લાગી હતી. ત્રીજી ગોળી જમણી જાંઘના મધ્યમાં અંદરની તરફથી વાગી હતી અને ચોથી ગોળી જમણી જાંઘમાં બહારની તરફથી વાગી હોવાનું નોંધાયું છે. પાંચમી ગોળી ડાબા પગના મધ્ય ભાગમાં પાછળથી વાગી હતી તેમ પોસ્ટમોર્ટમ રિપોર્ટમાં સ્પષ્ટપણે જણાવાયું છે.

સુરત શહેરના નવાગામ વિસ્તારમાં આવેલા દીપ સ્ટોર ખાતે એક મહિલા દ્વારા ચોરીની ઘટના પ્રકાશમાં આવી છે. દિવસ દરમિયાન બનેલી આ ઘટનામાં, મહિલાએ દુકાનદારને ચકમો આપીને દુકાનની અંદરથી પૈસાની ચોરી કરી હતી. ચોરીની આ સમગ્ર ઘટના સીસીટીવી કેમેરામાં કેદ થઈ ગઈ છે. સુરત શહેરમાં દિવસદહાડે બનેલી ચોરીની આ ઘટનાને કારણે ચોરોના હોસલા બુલંદ થયા છે.

દિલ્હી-NCR સહિત ઉત્તર ભારતના અનેક વિસ્તારોમાં ભૂકંપના જોરદાર ઝટકા અનુભવાયા હતા. રિક્ટર સ્કેલ પર 6.2ની તીવ્રતા ધરાવતો આ ભૂકંપ અફઘાનિસ્તાનના હિંદુકુશ વિસ્તારમાં આવ્યો હતો, જેના આંચકા ભારતના આ વિસ્તારોમાં અનુભવાયા હતા.

સુરત શહેરના ડિંડોલી પોલીસ સ્ટેશન વિસ્તારમાં આવેલા ભેસ્તાન આવાસમાં લોકોમાં ભયનો માહોલ પેદા કરનાર એક આરોપીની ધરપકડ કરવામાં આવી છે. આ આરોપી તીક્ષ્ણ હથિયારો બતાવીને લોકોમાં ડર ફેલાવતો હતો, જેના પગલે ડિંડોલી પોલીસે તેની સામે કાર્યવાહી કરી છે.

સુરત શહેરના બમરોલી આશિષ નગરમાં અસામાજિક તત્વોનો આતંક જોવા મળી રહ્યો છે. તાજેતરમાં, એક કરિયાણાના દુકાનદાર પર હુમલો કરવામાં આવ્યો હતો, જેના પગલે વિસ્તારમાં ભયનો માહોલ સર્જાયો છે. આ ઘટના અંગે સવાલો ઉભા થયા છે કે પ્રશાસન આવા અસામાજિક તત્વો સામે ક્યારે સંજ્ઞાન લેશે અને ક્યારે કડક કાર્યવાહી કરશે.