ബെംഗളൂരുവില് നിന്ന് കേരളത്തിലേക്ക് കടത്താൻ ശ്രമിച്ച ലക്ഷങ്ങള് വിലവരുന്ന എംഡിഎംഎയുമായി യുവതിയും യുവാവും വടക്കഞ്ചേരി പോലീസിന്റെ പിടിയിലായി. കോട്ടയം പൊൻകുന്നം സ്വദേശിനി എലിസബത്ത് (25), ഈരാറ്റുപേട്ട അരുവിച്ചിറ കടുവാമുഴി സ്വദേശി ഷാഹുല് സുനീർ (29) എന്നിവരെയാണ് ഞായറാഴ്ച രാവിലെ പന്നിയങ്കര ടോള് പ്ലാസയ്ക്ക് സമീപം നടത്തിയ പരിശോധനയിൽ അറസ്റ്റ് ചെയ്തത്. രണ്ട് വ്യത്യസ്ത ട്രാവല് ബസുകളിലായി ബെംഗളൂരുവില് നിന്നെത്തിയ ഇവർ, കോട്ടയത്തേക്കുള്ള തുടർയാത്രയ്ക്കായി മറ്റൊരു ബസിനായി കാത്തുനില്ക്കുന്നതിനിടെയാണ് പോലീസ് പരിശോധനയ്ക്ക് വിധേയരായത്. ‘ഓപ്പറേഷൻ തൂഫാൻ’ന്റെ ഭാഗമായി ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു ഈ പരിശോധന. പ്രതികളിൽ നിന്ന് ആകെ 45.253 ഗ്രാം എംഡിഎംഎ പിടിച്ചെടുത്തു; ഇതില് 24.089 ഗ്രാം ഷാഹുല് സുനീറിന്റെ പാന്റ്സിന്റെ പോക്കറ്റില് നിന്നും 21.164 ഗ്രാം എലിസബത്തിന്റെ അടിവസ്ത്രത്തിനുള്ളില് ഒളിപ്പിച്ച നിലയിലുമാണ് കണ്ടെത്തിയത്. ബെംഗളൂരുവില് നിന്നാണ് ലഹരിവസ്തു വാങ്ങിയതെന്ന് ഇരുവരും പൊലീസിനോട് മൊഴി നല്കിയതായി അധികൃതർ അറിയിച്ചു. അന്തർസംസ്ഥാന ലഹരിക്കടത്ത് ശൃംഖലയുമായി പ്രതികള്ക്ക് ബന്ധമുണ്ടോയെന്ന് പോലീസ് വിശദമായ അന്വേഷണം ആരംഭിച്ചിട്ടുണ്ട്.
ബെംഗളൂരുവില് നിന്ന് കേരളത്തിലേക്ക് കടത്താൻ ശ്രമിച്ച ലക്ഷങ്ങള് വിലവരുന്ന എംഡിഎംഎയുമായി യുവതിയും യുവാവും വടക്കഞ്ചേരി പോലീസിന്റെ പിടിയിലായി. കോട്ടയം പൊൻകുന്നം സ്വദേശിനി എലിസബത്ത് (25), ഈരാറ്റുപേട്ട അരുവിച്ചിറ കടുവാമുഴി സ്വദേശി ഷാഹുല് സുനീർ (29) എന്നിവരെയാണ് ഞായറാഴ്ച രാവിലെ പന്നിയങ്കര ടോള് പ്ലാസയ്ക്ക് സമീപം നടത്തിയ പരിശോധനയിൽ അറസ്റ്റ് ചെയ്തത്. രണ്ട് വ്യത്യസ്ത ട്രാവല് ബസുകളിലായി ബെംഗളൂരുവില് നിന്നെത്തിയ ഇവർ, കോട്ടയത്തേക്കുള്ള തുടർയാത്രയ്ക്കായി മറ്റൊരു ബസിനായി കാത്തുനില്ക്കുന്നതിനിടെയാണ് പോലീസ് പരിശോധനയ്ക്ക് വിധേയരായത്. ‘ഓപ്പറേഷൻ തൂഫാൻ’ന്റെ ഭാഗമായി ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു ഈ പരിശോധന. പ്രതികളിൽ നിന്ന് ആകെ 45.253 ഗ്രാം എംഡിഎംഎ പിടിച്ചെടുത്തു; ഇതില് 24.089 ഗ്രാം ഷാഹുല് സുനീറിന്റെ പാന്റ്സിന്റെ പോക്കറ്റില് നിന്നും 21.164 ഗ്രാം എലിസബത്തിന്റെ അടിവസ്ത്രത്തിനുള്ളില് ഒളിപ്പിച്ച നിലയിലുമാണ് കണ്ടെത്തിയത്. ബെംഗളൂരുവില് നിന്നാണ് ലഹരിവസ്തു വാങ്ങിയതെന്ന് ഇരുവരും പൊലീസിനോട് മൊഴി നല്കിയതായി അധികൃതർ അറിയിച്ചു. അന്തർസംസ്ഥാന ലഹരിക്കടത്ത് ശൃംഖലയുമായി പ്രതികള്ക്ക് ബന്ധമുണ്ടോയെന്ന് പോലീസ് വിശദമായ അന്വേഷണം ആരംഭിച്ചിട്ടുണ്ട്.
- ചേർത്തലയിലെ ഹോളി ഫാമിലി എൽ.പി.ജി. സ്കൂളിൽ അന്താരാഷ്ട്ര യോഗാ ദിനാചരണത്തിന്റെ ഭാഗമായി ഒരു യോഗാദിന പരിപാടി സംഘടിപ്പിച്ചു. ജൂൺ 21-ന് ആചരിക്കുന്ന അന്താരാഷ്ട്ര യോഗാ ദിനത്തോടനുബന്ധിച്ച് ജൂൺ 22-നാണ് ഈ പരിപാടികൾ നടന്നത്. സ്കൂൾ ഹെഡ്മാസ്റ്റർ ബെന്നി ജോൺ ഈ പരിപാടി ഉദ്ഘാടനം ചെയ്തു. യോഗ പരിശീലകരായ ജോണിയും ജെസ്സിയും ചേർന്ന് വിദ്യാർത്ഥികൾക്ക് വിവിധ യോഗാസനങ്ങളും പ്രാണായാമ പരിശീലനങ്ങളും നൽകി. വിദ്യാർത്ഥികളിൽ ശാരീരികവും മാനസികവുമായ ആരോഗ്യം വളർത്തുക എന്ന ലക്ഷ്യത്തോടെയായിരുന്നു ഈ പരിപാടി സംഘടിപ്പിച്ചത്. സ്കൂൾ മാനേജ്മെന്റിന്റെ നേതൃത്വത്തിൽ നടന്ന ഈ ചടങ്ങിൽ അധ്യാപകരും വിദ്യാർത്ഥികളും പങ്കെടുത്തു. യോഗയുടെ പ്രാധാന്യത്തെക്കുറിച്ചും ആരോഗ്യകരമായ ജീവിതശൈലി രൂപപ്പെടുത്തുന്നതിൽ യോഗയുടെ പങ്കിനെക്കുറിച്ചും ബോധവത്കരണ സന്ദേശം നൽകി. തുടർന്ന്, വിദ്യാർത്ഥികൾ കൂട്ടായ യോഗാപ്രകടനം അവതരിപ്പിക്കുകയും ചെയ്തു.1Sabu Cherthala
- ഓപ്പറേഷൻ തൂഫാന്റെ ഭാഗമായി നിലമ്പൂർ പോലീസും ഡാൻസാഫ് ടീമും ചേർന്ന് മമ്പാട് പുളിക്കലോടി സ്വദേശിയായ പള്ളിക്കണ്ടി മുഹമ്മദ് കുട്ടി എന്ന ചെമ്പൻ നാണിയെ അറസ്റ്റ് ചെയ്തു. വിൽപ്പനയ്ക്കായി വീട്ടിലെ രഹസ്യ അറയിൽ സൂക്ഷിച്ചിരുന്ന 730 ഗ്രാം കഞ്ചാവാണ് ഇയാളിൽ നിന്ന് പിടിച്ചെടുത്തത്. നിലമ്പൂർ ഡി.വൈ.എസ്.പി. വി.കെ. വിശ്വംഭരൻ നായർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഇന്ന് രാവിലെ 11 മണിയോടെയാണ് മമ്പാട് പുളിക്കലോടിയിലെ പ്രതിയുടെ വീട്ടിൽ പരിശോധന നടത്തിയത്. അടുക്കളയിൽ ഫ്രിഡ്ജിന് താഴെ രഹസ്യ അറയുണ്ടാക്കി അതിന് മുകളിൽ ടൈൽസ് പാകിയ നിലയിലാണ് കഞ്ചാവ് ഒളിപ്പിച്ചിരുന്നത്.1നിലമ്പൂർ മീഡിയ
