खरीप हंगाम २०२६ मध्ये चंद्रपूर जिल्ह्यातील भात, सोयाबीन आणि कापूस उत्पादक शेतकऱ्यांवर निश्चित करण्यात आलेला पीक विमा हप्ता शेजारील जिल्ह्यांच्या तुलनेत अधिक असल्याने शेतकऱ्यांवर मोठा आर्थिक ताण निर्माण झाला आहे. या संवेदनशील मुद्द्यावर राज्याचे माजी वने, सांस्कृतिक कार्य व मत्स्यव्यवसाय मंत्री आमदार सुधीर मुनगंटीवार यांनी मुख्यमंत्री देवेंद्र फडणवीस आणि कृषिमंत्री दत्तात्रय भरणे यांना सविस्तर निवेदन पाठवले आहे. चंद्रपूर जिल्ह्यासाठी निश्चित करण्यात आलेल्या पीक विमा दरातील ही विसंगती तातडीने दूर करून शेतकऱ्यांना न्याय मिळवून द्यावा, अशी मागणी त्यांनी या निवेदनाद्वारे केली आहे. आमदार सुधीर मुनगंटीवार यांनी निवेदनात चंद्रपूर आणि शेजारील जिल्ह्यांमधील पीक विम्याच्या दरांमधील मोठी तफावत आकडेवारीसह मांडली आहे. त्यानुसार, प्रति हेक्टर भात पिकासाठी गडचिरोलीमध्ये ₹५१२, गोंदियात ₹६०, भंडाऱ्यात ₹५७५ आणि नागपुरात ₹६५ विमा हप्ता असताना चंद्रपूरमध्ये तो तब्बल ₹१,३०० निश्चित करण्यात आला आहे. तसेच कापूस पिकासाठी गडचिरोलीत ₹५९०, नागपुरात ₹६५ आणि वर्ध्यात ₹६५ दर असताना चंद्रपूरमध्ये ₹१,३०० आकारला जात आहे. याशिवाय, सोयाबीन पिकासाठी वर्धा येथे ₹६५ विमा हप्ता असताना चंद्रपूरमधील शेतकऱ्यांना तब्बल ₹१,२५० भरावे लागत आहेत. दोन्ही भागांतील भौगोलिक परिस्थिती, हवामान, पर्जन्यमान, मृदेचा प्रकार आणि नैसर्गिक आपत्तींचा धोका सारखाच असताना केवळ चंद्रपूर जिल्ह्यावर एवढा जादा आर्थिक भार टाकणे अन्यायकारक असल्याचे त्यांनी निदर्शनास आणून दिले आहे. सध्या खरीप हंगाम सुरू असून बियाणे, खते, कीडनाशके, मजुरी आणि मशागतीवर शेतकऱ्यांचा आधीच मोठा खर्च झाला आहे. अशात वाढीव विमा हप्त्यामुळे अनेक शेतकरी पीक विमा योजनेपासून वंचित राहण्याची भीती असून, नैसर्गिक आपत्ती, पूर, अतिवृष्टी किंवा कीड-रोगांमुळे नुकसान झाल्यास त्यांचे आर्थिक संरक्षण धोक्यात येईल, अशी चिंता त्यांनी व्यक्त केली आहे. या पार्श्वभूमीवर, राज्य शासन, कृषी विभाग आणि संबंधित विमा कंपनीची तातडीने बैठक घेऊन ही विसंगती दूर करावी, चंद्रपूरसाठी वाजवी दर लागू करावेत आणि सुधारित दर निश्चित होईपर्यंत पीक विमा भरण्याची अंतिम मुदत वाढवून द्यावी, जेणेकरून कोणताही शेतकरी या योजनेपासून वंचित राहणार नाही, अशी आग्रही मागणी सुधीर मुनगंटीवार यांनी केली आहे.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

2 hrs ago

खरीप हंगाम २०२६ मध्ये चंद्रपूर जिल्ह्यातील भात, सोयाबीन आणि कापूस उत्पादक शेतकऱ्यांवर निश्चित करण्यात आलेला पीक विमा हप्ता शेजारील जिल्ह्यांच्या तुलनेत अधिक असल्याने शेतकऱ्यांवर मोठा आर्थिक ताण निर्माण झाला आहे. या संवेदनशील मुद्द्यावर राज्याचे माजी वने, सांस्कृतिक कार्य व मत्स्यव्यवसाय मंत्री आमदार सुधीर मुनगंटीवार यांनी मुख्यमंत्री देवेंद्र फडणवीस आणि कृषिमंत्री दत्तात्रय भरणे यांना सविस्तर निवेदन पाठवले आहे. चंद्रपूर जिल्ह्यासाठी निश्चित करण्यात आलेल्या पीक विमा दरातील ही विसंगती तातडीने दूर करून शेतकऱ्यांना न्याय मिळवून द्यावा, अशी मागणी त्यांनी या निवेदनाद्वारे केली आहे. आमदार सुधीर मुनगंटीवार यांनी निवेदनात चंद्रपूर आणि शेजारील जिल्ह्यांमधील पीक विम्याच्या दरांमधील मोठी तफावत आकडेवारीसह मांडली आहे. त्यानुसार, प्रति हेक्टर भात पिकासाठी गडचिरोलीमध्ये ₹५१२, गोंदियात ₹६०, भंडाऱ्यात ₹५७५ आणि नागपुरात ₹६५ विमा हप्ता असताना चंद्रपूरमध्ये तो तब्बल ₹१,३०० निश्चित करण्यात आला आहे. तसेच कापूस पिकासाठी गडचिरोलीत ₹५९०, नागपुरात ₹६५ आणि वर्ध्यात ₹६५ दर असताना चंद्रपूरमध्ये ₹१,३०० आकारला जात आहे. याशिवाय, सोयाबीन पिकासाठी वर्धा येथे ₹६५ विमा हप्ता असताना चंद्रपूरमधील शेतकऱ्यांना तब्बल ₹१,२५० भरावे लागत आहेत. दोन्ही भागांतील भौगोलिक परिस्थिती, हवामान, पर्जन्यमान, मृदेचा प्रकार आणि नैसर्गिक आपत्तींचा धोका सारखाच असताना केवळ चंद्रपूर जिल्ह्यावर एवढा जादा आर्थिक भार टाकणे अन्यायकारक असल्याचे त्यांनी निदर्शनास आणून दिले आहे. सध्या खरीप हंगाम सुरू असून बियाणे, खते, कीडनाशके, मजुरी आणि मशागतीवर शेतकऱ्यांचा आधीच मोठा खर्च झाला आहे. अशात वाढीव विमा हप्त्यामुळे अनेक शेतकरी पीक विमा योजनेपासून वंचित राहण्याची भीती असून, नैसर्गिक आपत्ती, पूर, अतिवृष्टी किंवा कीड-रोगांमुळे नुकसान झाल्यास त्यांचे आर्थिक संरक्षण धोक्यात येईल, अशी चिंता त्यांनी व्यक्त केली आहे. या पार्श्वभूमीवर, राज्य शासन, कृषी विभाग आणि संबंधित विमा कंपनीची तातडीने बैठक घेऊन ही विसंगती दूर करावी, चंद्रपूरसाठी वाजवी दर लागू करावेत आणि सुधारित दर निश्चित होईपर्यंत पीक विमा भरण्याची अंतिम मुदत वाढवून द्यावी, जेणेकरून कोणताही शेतकरी या योजनेपासून वंचित राहणार नाही, अशी आग्रही मागणी सुधीर मुनगंटीवार यांनी केली आहे.