तालुक्यातील बावलगाव येथे रोजगार सेवकाला कामावर ठेवायचे की कमी करायचे यावर झालेल्या मतदान प्रक्रियेत गंगाधर सोंडारे बावलगावकर यांनी दणदणीत विजय मिळवला आहे. या निवडणुकीमुळे गंगाधर सोंडारे पुन्हा कामावर रुजू होणार आहेत. ही प्रक्रिया महात्मा गांधी राष्ट्रीय ग्रामीण रोजगार हमी योजना (मनरेगा) अंतर्गत मार्च 2025 मध्ये सिंचन विहीर लाभार्थ्यांनी सुरू केलेल्या कामांशी संबंधित आहे. शोभाबाई रावसाहेब ताटे, संदीप गणपत कांबळे, मारोती अंबाजी भिकनुरे आणि लचमन्ना अंबाजी भिकनुरे या लाभार्थ्यांना विहिरी मंजूर झाल्यानंतर त्यांनी प्रत्येकी 17 मजूर लावून कामे सुरू केली होती. मात्र, तक्रारदार प्रीतम गवाले, विनोद गवाले आणि सचिन जाधव यांनी विहिरींची कामे जेसीबीच्या साहाय्याने झाली असल्याच्या खोट्या तक्रारी करून खंडणी मागितल्याचा आरोप आहे. खंडणी न दिल्याने तक्रारदारांनी शेतकऱ्यांची बिले थांबवली आणि चौकशी पथक नेमून चौकशी केली. या चौकशी पथकाने निःपक्षपाती चौकशी न करता केवळ एकाच विहिरीची पाहणी करून अहवाल तयार केला. या पथकाविरोधात मुख्य कार्यकारी अधिकाऱ्यांकडे (मु का अ) तक्रार करण्यात आली, परंतु त्याचा काही उपयोग झाला नाही. आरोप आहे की, तक्रारदारांनी चौकशी पथकाला आर्थिक रसद पुरवून रोजगार सेवकांच्या विरोधात अहवाल तयार करवून घेतला. या खोट्या अहवालानुसार, मुख्य कार्यकारी अधिकारी, जिल्हा परिषद, नांदेड यांनी रोजगार सेवकांनी कर्तव्यात कसूर केल्याचा ठपका ठेवून त्यांना कामावरून कमी करण्याची शिफारस ग्रामसभेला केली होती. या निर्णयावर रोजगार सेवकांनी जिल्हाधिकाऱ्यांकडे फेरचौकशीची विनंती केली होती. जिल्हाधिकारी कार्यालयाने नांदेड जिल्हा परिषदेला फेरचौकशीचे पत्र दिल्यानंतरही संबंधित विभागाने चौकशी करण्यास असमर्थता दर्शवली. त्यानंतर 2 मे 2026 रोजी आयोजित ग्रामसभेत तक्रारदारांनी दादागिरी, भांडण आणि मारामारीसारखे प्रकार केल्याने सभा तहकूब करण्यात आली होती, असे गावकऱ्यांनी पाहिले आहे. यामुळे पंचायत समिती मुखेड प्रशासनाने 10 कर्मचारी-अधिकाऱ्यांची टीम तयार करून कडक पोलीस बंदोबस्तात 30 मे 2026 रोजी मतदान घेतले. या मतदानात एकूण 746 मते पडली, त्यापैकी 399 मते रोजगार सेवकांच्या बाजूने पडली. गावातील सुज्ञ मतदारांनी कोणत्याही धमक्यांना किंवा दादागिरीला न घाबरता या मतदानात भाग घेऊन शेतकऱ्यांची पुढील बिले मिळण्यासाठी आणि रोजगार सेवकांच्या बाजूने मतदान करून त्यांना विजयी केल्याबद्दल रोजगार सेवक गंगाधर सोंडारे यांनी सर्व मतदारांचे जाहीर आभार मानले. या संपूर्ण प्रक्रियेत सरपंच, उपसरपंच, 7 ग्रामपंचायत सदस्य, गावातील सर्व तरुण कार्यकर्ते आणि शेतकरी लाभार्थी यांचे सहकार्य मिळाल्याचेही त्यांनी सांगितले. सिंचन विहीर योजना शेतकऱ्यांसाठी वरदान असतानाही केवळ तक्रारदारांमुळे शेतकऱ्यांची कामे पूर्ण होऊनही त्यांना बिले मिळाली नाहीत. त्यामुळे यावर प्रशासन काय भूमिका घेईल, याकडे सर्वांचे लक्ष लागले आहे.

Press Mukhed Bablu Mulla

मुखेड, नांदेड, महाराष्ट्र•

1 hr ago

तालुक्यातील बावलगाव येथे रोजगार सेवकाला कामावर ठेवायचे की कमी करायचे यावर झालेल्या मतदान प्रक्रियेत गंगाधर सोंडारे बावलगावकर यांनी दणदणीत विजय मिळवला आहे. या निवडणुकीमुळे गंगाधर सोंडारे पुन्हा कामावर रुजू होणार आहेत. ही प्रक्रिया महात्मा गांधी राष्ट्रीय ग्रामीण रोजगार हमी योजना (मनरेगा) अंतर्गत मार्च 2025 मध्ये सिंचन विहीर लाभार्थ्यांनी सुरू केलेल्या कामांशी संबंधित आहे. शोभाबाई रावसाहेब ताटे, संदीप गणपत कांबळे, मारोती अंबाजी भिकनुरे आणि लचमन्ना अंबाजी भिकनुरे या लाभार्थ्यांना विहिरी मंजूर झाल्यानंतर त्यांनी प्रत्येकी 17 मजूर लावून कामे सुरू केली होती. मात्र, तक्रारदार प्रीतम गवाले, विनोद गवाले आणि सचिन जाधव यांनी विहिरींची कामे जेसीबीच्या साहाय्याने झाली असल्याच्या खोट्या तक्रारी करून खंडणी मागितल्याचा आरोप आहे. खंडणी न दिल्याने तक्रारदारांनी शेतकऱ्यांची बिले थांबवली आणि चौकशी पथक नेमून चौकशी केली. या चौकशी पथकाने निःपक्षपाती चौकशी न करता केवळ एकाच विहिरीची पाहणी करून अहवाल तयार केला. या पथकाविरोधात मुख्य कार्यकारी अधिकाऱ्यांकडे (मु का अ) तक्रार करण्यात आली, परंतु त्याचा काही उपयोग झाला नाही. आरोप आहे की, तक्रारदारांनी चौकशी पथकाला आर्थिक रसद पुरवून रोजगार सेवकांच्या विरोधात अहवाल तयार करवून घेतला. या खोट्या अहवालानुसार, मुख्य कार्यकारी अधिकारी, जिल्हा परिषद, नांदेड यांनी रोजगार सेवकांनी कर्तव्यात कसूर केल्याचा ठपका ठेवून त्यांना कामावरून कमी करण्याची शिफारस ग्रामसभेला केली होती. या निर्णयावर रोजगार सेवकांनी जिल्हाधिकाऱ्यांकडे फेरचौकशीची विनंती केली होती. जिल्हाधिकारी कार्यालयाने नांदेड जिल्हा परिषदेला फेरचौकशीचे पत्र दिल्यानंतरही संबंधित विभागाने चौकशी करण्यास असमर्थता दर्शवली. त्यानंतर 2 मे 2026 रोजी आयोजित ग्रामसभेत तक्रारदारांनी दादागिरी, भांडण आणि मारामारीसारखे प्रकार केल्याने सभा तहकूब करण्यात आली होती, असे गावकऱ्यांनी पाहिले आहे. यामुळे पंचायत समिती मुखेड प्रशासनाने 10 कर्मचारी-अधिकाऱ्यांची टीम तयार करून कडक पोलीस बंदोबस्तात 30 मे 2026 रोजी मतदान घेतले. या मतदानात एकूण 746 मते पडली, त्यापैकी 399 मते रोजगार सेवकांच्या बाजूने पडली. गावातील सुज्ञ मतदारांनी कोणत्याही धमक्यांना किंवा दादागिरीला न घाबरता या मतदानात भाग घेऊन शेतकऱ्यांची पुढील बिले मिळण्यासाठी आणि रोजगार सेवकांच्या बाजूने मतदान करून त्यांना विजयी केल्याबद्दल रोजगार सेवक गंगाधर सोंडारे यांनी सर्व मतदारांचे जाहीर आभार मानले. या संपूर्ण प्रक्रियेत सरपंच, उपसरपंच, 7 ग्रामपंचायत सदस्य, गावातील सर्व तरुण कार्यकर्ते आणि शेतकरी लाभार्थी यांचे सहकार्य मिळाल्याचेही त्यांनी सांगितले. सिंचन विहीर योजना शेतकऱ्यांसाठी वरदान असतानाही केवळ तक्रारदारांमुळे शेतकऱ्यांची कामे पूर्ण होऊनही त्यांना बिले मिळाली नाहीत. त्यामुळे यावर प्रशासन काय भूमिका घेईल, याकडे सर्वांचे लक्ष लागले आहे.