திருவள்ளூர் மாவட்டம், மஞ்சகரணையில் இயங்கி வரும் ஒரு தனியார் இறால் பதப்படுத்தும் தொழிற்சாலையில் ஏற்பட்ட அமோனியா நச்சு வாயு கசிவு காரணமாக, 7 அப்பாவித் தொழிலாளர்கள் உயிரிழந்த சம்பவம் பெரும் அதிர்ச்சியையும் வேதனையையும் அளிப்பதாக SDPI கட்சியின் மாநில தலைவர் முகம்மது முபாரக் கடும் கண்டனம் தெரிவித்துள்ளார். இந்த விபத்தில் சிக்கி உயிரிழந்த தொழிலாளர்களின் குடும்பத்தினருக்கு அவர் ஆழ்ந்த இரங்கலையும் அனுதாபங்களையும் தெரிவித்துக்கொண்டார். மேலும், கடுமையான மூச்சுத்திணறல் ஏற்பட்டு மருத்துவமனையில் அனுமதிக்கப்பட்டு சிகிச்சை பெற்று வரும் 60-க்கும் மேற்பட்ட தொழிலாளர்கள் விரைவில் பூரண நலம் பெற இறைவனைப் பிரார்த்திப்பதாகவும், அவர்களுக்குத் தேவையான உயர்தர சிகிச்சையையும் உரிய நிவாரணத்தையும் தமிழக அரசு உடனடியாக வழங்க வேண்டும் எனவும் வலியுறுத்தியுள்ளார். இந்தக் கோர விபத்திற்கும், அப்பாவித் தொழிலாளர்களின் உயிரிழப்பிற்கும் தனியார் நிறுவனத்தின் அப்பட்டமான அலட்சியப் போக்கே முக்கியக் காரணம் என SDPI குற்றம்சாட்டியுள்ளது. தொழிற்சாலைகளில் மிக முக்கியமாகக் கடைப்பிடிக்கப்பட வேண்டிய அடிப்படைப் பாதுகாப்பு விதிகள் எதுவும் அங்கு முறையாகப் பின்பற்றப்படவில்லை என்று கூறப்பட்டுள்ளது. லாபத்தை மட்டுமே குறிக்கோளாகக் கொண்டு, தொழிலாளர்களின் உயிருடன் விளையாடிய இந்த தனியார் தொழிற்சாலை மீது அரசு உடனடியாகக் கடும் நடவடிக்கை எடுக்க வேண்டும் எனவும், இத்தகைய தொழிற்சாலைகளில் பாதுகாப்பு விதிகள் முறையாகப் பின்பற்றப்படுகிறதா என்பதைக் கண்காணித்து உறுதி செய்யத் தவறிய தொழிலாளர் நலன் மற்றும் தொழிற்சாலை பாதுகாப்புத்துறை, தமிழ்நாடு மாசுக்கட்டுப்பாட்டு வாரிய அதிகாரிகள் மீதும் துறை ரீதியான கடுமையான நடவடிக்கைகள் எடுக்கப்பட வேண்டும் எனவும் எஸ்டிபிஐ கட்சி வலியுறுத்தியுள்ளது. இந்த விபத்தில் உயிரிழந்த தொழிலாளர்களின் குடும்பங்களுக்கு தமிழக அரசு தலா ரூபாய் 25 லட்சம் உடனடியாக இழப்பீடு வழங்கிட வேண்டும் என்று முகம்மது முபாரக் கோரிக்கை விடுத்துள்ளார். மேலும், இதுபோன்ற விபத்துகள் இனிவரும் காலங்களில் தமிழ்நாட்டில் எங்கும் நிகழாமல் தடுக்க, தமிழகம் முழுவதும் உள்ள பதப்படுத்தும் தொழிற்சாலைகளிலும், நச்சு வாயுக்களைப் பயன்படுத்தும் இதர தொழிற்சாலைகளிலும் தொழிலாளர் நலத்துறை மற்றும் மாசுக்கட்டுப்பாட்டு வாரியம் உடனடியாக அவசரகாலப் பாதுகாப்பு ஆய்வுகளை மேற்கொள்ள வேண்டும் என எஸ்டிபிஐ கட்சி சார்பாக அவர் கேட்டுக் கொண்டுள்ளார்.

KS. RAFEEQ

அகஸ்தீஸ்வரம், கன்னியாகுமரி, தமிழ்நாடு•

7 hrs ago

திருவள்ளூர் மாவட்டம், மஞ்சகரணையில் இயங்கி வரும் ஒரு தனியார் இறால் பதப்படுத்தும் தொழிற்சாலையில் ஏற்பட்ட அமோனியா நச்சு வாயு கசிவு காரணமாக, 7 அப்பாவித் தொழிலாளர்கள் உயிரிழந்த சம்பவம் பெரும் அதிர்ச்சியையும் வேதனையையும் அளிப்பதாக SDPI கட்சியின் மாநில தலைவர் முகம்மது முபாரக் கடும் கண்டனம் தெரிவித்துள்ளார். இந்த விபத்தில் சிக்கி உயிரிழந்த தொழிலாளர்களின் குடும்பத்தினருக்கு அவர் ஆழ்ந்த இரங்கலையும் அனுதாபங்களையும் தெரிவித்துக்கொண்டார். மேலும், கடுமையான மூச்சுத்திணறல் ஏற்பட்டு மருத்துவமனையில் அனுமதிக்கப்பட்டு சிகிச்சை பெற்று வரும் 60-க்கும் மேற்பட்ட தொழிலாளர்கள் விரைவில் பூரண நலம் பெற இறைவனைப் பிரார்த்திப்பதாகவும், அவர்களுக்குத் தேவையான உயர்தர சிகிச்சையையும் உரிய நிவாரணத்தையும் தமிழக அரசு உடனடியாக வழங்க வேண்டும் எனவும் வலியுறுத்தியுள்ளார். இந்தக் கோர விபத்திற்கும், அப்பாவித் தொழிலாளர்களின் உயிரிழப்பிற்கும் தனியார் நிறுவனத்தின் அப்பட்டமான அலட்சியப் போக்கே முக்கியக் காரணம் என SDPI குற்றம்சாட்டியுள்ளது. தொழிற்சாலைகளில் மிக முக்கியமாகக் கடைப்பிடிக்கப்பட வேண்டிய அடிப்படைப் பாதுகாப்பு விதிகள் எதுவும் அங்கு முறையாகப் பின்பற்றப்படவில்லை என்று கூறப்பட்டுள்ளது. லாபத்தை மட்டுமே குறிக்கோளாகக் கொண்டு, தொழிலாளர்களின் உயிருடன் விளையாடிய இந்த தனியார் தொழிற்சாலை மீது அரசு உடனடியாகக் கடும் நடவடிக்கை எடுக்க வேண்டும் எனவும், இத்தகைய தொழிற்சாலைகளில் பாதுகாப்பு விதிகள் முறையாகப் பின்பற்றப்படுகிறதா என்பதைக் கண்காணித்து உறுதி செய்யத் தவறிய தொழிலாளர் நலன் மற்றும் தொழிற்சாலை பாதுகாப்புத்துறை, தமிழ்நாடு மாசுக்கட்டுப்பாட்டு வாரிய அதிகாரிகள் மீதும் துறை ரீதியான கடுமையான நடவடிக்கைகள் எடுக்கப்பட வேண்டும் எனவும் எஸ்டிபிஐ கட்சி வலியுறுத்தியுள்ளது. இந்த விபத்தில் உயிரிழந்த தொழிலாளர்களின் குடும்பங்களுக்கு தமிழக அரசு தலா ரூபாய் 25 லட்சம் உடனடியாக இழப்பீடு வழங்கிட வேண்டும் என்று முகம்மது முபாரக் கோரிக்கை விடுத்துள்ளார். மேலும், இதுபோன்ற விபத்துகள் இனிவரும் காலங்களில் தமிழ்நாட்டில் எங்கும் நிகழாமல் தடுக்க, தமிழகம் முழுவதும் உள்ள பதப்படுத்தும் தொழிற்சாலைகளிலும், நச்சு வாயுக்களைப் பயன்படுத்தும் இதர தொழிற்சாலைகளிலும் தொழிலாளர் நலத்துறை மற்றும் மாசுக்கட்டுப்பாட்டு வாரியம் உடனடியாக அவசரகாலப் பாதுகாப்பு ஆய்வுகளை மேற்கொள்ள வேண்டும் என எஸ்டிபிஐ கட்சி சார்பாக அவர் கேட்டுக் கொண்டுள்ளார்.