ईश्वरपूर पोलिसांनी अवैध शस्त्रविक्रीच्या प्रयत्नात असलेल्या स्वप्निल नंदकुमार सुर्वे (वय २३, रा. नरसिंहपूर, ता. वाळवा, जि. सांगली) या तरुणाला जांभुळवाडी येथे सापळा रचून अटक केली आहे. संशयित आरोपीकडून देशी बनावटीचे पिस्टल आणि एक मोटारसायकल असा एकूण १ लाख २५ हजार रुपयांचा मुद्देमाल जप्त करण्यात आला आहे. या प्रकरणी पोलीस कॉन्स्टेबल विशाल दत्तात्रय पांगे यांनी ईश्वरपूर पोलिस ठाण्यात फिर्याद दिली आहे. पोलिसांनी दिलेल्या माहितीनुसार, ३० मे २०२६ रोजी रात्री गोपनीय बातमीदाराकडून जांभुळवाडी हद्दीतील प्लायवुड फॅक्टरी परिसरात एक व्यक्ती बेकायदेशीर पिस्टल विक्रीसाठी येणार असल्याची माहिती मिळाली होती. या माहितीच्या आधारे पोलीस निरीक्षक संदीप पाटील यांच्या मार्गदर्शनाखाली गुन्हे प्रकटीकरण पथकाने घटनास्थळी सापळा रचला. संशयास्पद हालचाली करणाऱ्या तरुणाला ताब्यात घेऊन चौकशी केली असता, त्याने आपले नाव स्वप्निल नंदकुमार सुर्वे सांगितले. त्याची झडती घेतल्यावर त्याच्या कमरेला लपवून ठेवलेले देशी बनावटीचे पिस्टल व मॅगझीन आढळून आले. पोलिसांनी आरोपीच्या ताब्यातील हिरो स्प्लेंडर (एम.एच.-५० डब्ल्यू ७४७२) ही मोटारसायकल देखील जप्त केली. जप्त करण्यात आलेल्या पिस्टलची किंमत ६० हजार रुपये आणि मोटारसायकलीची किंमत ६५ हजार रुपये असे एकूण १ लाख २५ हजारांचे साहित्य ताब्यात घेण्यात आले. ही कारवाई पोलीस अधीक्षक तुषार दोशी, अपर पोलीस अधीक्षक कल्पना बारवकर आणि उपविभागीय पोलीस अधिकारी अरुण पाटील यांच्या मार्गदर्शनाखाली पार पडली. कारवाईत पोलीस निरीक्षक संदीप पाटील, कुबेर खोत, अमोल सावंत, दीपक घस्ते, शशिकांत शिंदे, विशाल पांगे, सुशांत बुचडे यांच्यासह पथकाने सहभाग घेतला. आरोपीला न्यायालयासमोर हजर केले असता, त्याला १ जून पर्यंत पोलीस कोठडी सुनावण्यात आली असून, पुढील तपास सजन पाटील करत आहेत.

Walwa news live

Voice of people वाळवा, सांगली, महाराष्ट्र•

1 hr ago

ईश्वरपूर पोलिसांनी अवैध शस्त्रविक्रीच्या प्रयत्नात असलेल्या स्वप्निल नंदकुमार सुर्वे (वय २३, रा. नरसिंहपूर, ता. वाळवा, जि. सांगली) या तरुणाला जांभुळवाडी येथे सापळा रचून अटक केली आहे. संशयित आरोपीकडून देशी बनावटीचे पिस्टल आणि एक मोटारसायकल असा एकूण १ लाख २५ हजार रुपयांचा मुद्देमाल जप्त करण्यात आला आहे. या प्रकरणी पोलीस कॉन्स्टेबल विशाल दत्तात्रय पांगे यांनी ईश्वरपूर पोलिस ठाण्यात फिर्याद दिली आहे. पोलिसांनी दिलेल्या माहितीनुसार, ३० मे २०२६ रोजी रात्री गोपनीय बातमीदाराकडून जांभुळवाडी हद्दीतील प्लायवुड फॅक्टरी परिसरात एक व्यक्ती बेकायदेशीर पिस्टल विक्रीसाठी येणार असल्याची माहिती मिळाली होती. या माहितीच्या आधारे पोलीस निरीक्षक संदीप पाटील यांच्या मार्गदर्शनाखाली गुन्हे प्रकटीकरण पथकाने घटनास्थळी सापळा रचला. संशयास्पद हालचाली करणाऱ्या तरुणाला ताब्यात घेऊन चौकशी केली असता, त्याने आपले नाव स्वप्निल नंदकुमार सुर्वे सांगितले. त्याची झडती घेतल्यावर त्याच्या कमरेला लपवून ठेवलेले देशी बनावटीचे पिस्टल व मॅगझीन आढळून आले. पोलिसांनी आरोपीच्या ताब्यातील हिरो स्प्लेंडर (एम.एच.-५० डब्ल्यू ७४७२) ही मोटारसायकल देखील जप्त केली. जप्त करण्यात आलेल्या पिस्टलची किंमत ६० हजार रुपये आणि मोटारसायकलीची किंमत ६५ हजार रुपये असे एकूण १ लाख २५ हजारांचे साहित्य ताब्यात घेण्यात आले. ही कारवाई पोलीस अधीक्षक तुषार दोशी, अपर पोलीस अधीक्षक कल्पना बारवकर आणि उपविभागीय पोलीस अधिकारी अरुण पाटील यांच्या मार्गदर्शनाखाली पार पडली. कारवाईत पोलीस निरीक्षक संदीप पाटील, कुबेर खोत, अमोल सावंत, दीपक घस्ते, शशिकांत शिंदे, विशाल पांगे, सुशांत बुचडे यांच्यासह पथकाने सहभाग घेतला. आरोपीला न्यायालयासमोर हजर केले असता, त्याला १ जून पर्यंत पोलीस कोठडी सुनावण्यात आली असून, पुढील तपास सजन पाटील करत आहेत.