अनधिकृत पुतळा ग्रामस्थांनी स्वखुशीने हटवला; जालन्यात सलोख्याचा आदर्श अनधिकृत पुतळा ग्रामस्थांनी स्वखुशीने हटवला; जालन्यात सलोख्याचा आदर्श.. जालना जिल्ह्यातील घनसावंगी तालुक्यातील जांबसमर्थ येथे अनधिकृतपणे बसविण्यात आलेला महापुरुषांचा अर्धाकृती पुतळा ग्रामस्थांनी स्वखुशीने आणि सन्मानपूर्वक हटवून समाजासमोर सलोखा व कायद्याचे पालन याचा आदर्श निर्माण केला आहे. मिळालेल्या माहितीनुसार, दिनांक १४ एप्रिल २०२६ रोजी मध्यरात्री १ ते २ वाजताच्या सुमारास जांबसमर्थ येथील ग्रामपंचायत कार्यालयाच्या शेजारील मोकळ्या जागेत कोणतीही शासकीय परवानगी न घेता महापुरुषांचा अर्धाकृती पुतळा बसविण्यात आला होता. या प्रकाराची माहिती मिळताच पोलीस व महसूल प्रशासनाने तात्काळ हालचाल करत गावात आणि घनसावंगी पोलीस ठाण्यात शांतता समितीची बैठक घेतली. या बैठकीत गावातील सर्व समाजघटकांशी चर्चा करून सामंजस्याचा मार्ग काढण्यात आला. त्यानंतर ग्रामस्थांनी स्वखुशीने निर्णय घेत दिनांक १५ एप्रिल रोजी संबंधित पुतळा विधिवत पूजा करून सन्मानाने हटवला. या प्रक्रियेत अंबडचे उपविभागीय पोलीस अधिकारी डॉ. सिद्धेश्वर धुमाळ, प्रभारी सहाय्यक पोलीस अधीक्षक श्रीमती जान्हवी शेखर, घनसावंगी चे तहसीलदार रमेश पागोटे तसेच गटविकास अधिकारी प्रदीप कदम यांनी मार्गदर्शन केले. प्रतिक्रिया सार्वजनिक ठिकाणी महापुरुषांचे पुतळे उभारणे ही भावना आदराची असली तरी ती कायदेशीर चौकटीत राहूनच केली पाहिजे. पुतळा बसविण्यापूर्वी शासनाची आवश्यक परवानगी, ठरलेली प्रक्रिया आणि नियमांचे पालन करणे अत्यंत गरजेचे आहे. त्यामुळे अशा प्रकारांना प्रतिबंध करण्यासाठी प्रशासन आणि ग्रामस्थांनी समन्वयाने काम करणे आवश्यक आहे. महापुरुषांचा सन्मान हा नियमांचे पालन करूनच अधिक योग्य पद्धतीने करता येतो. - प्रभारी सहाय्यक पोलीस अधीक्षक श्रीमती जान्हवी शेखर प्रतिक्रिया अनधिकृत पुतळे उभारल्यास गावात कायदा व सुव्यवस्थेचा प्रश्न निर्माण होण्याची शक्यता नाकारता येत नाही. जांबसमर्थ अर्धाकृती पुतळा प्रकरणाबाबत ग्रामपंचायत कार्यालय व पोलीस ठाण्यात शांतता बैठका घेऊन परिस्थिती नियंत्रणात ठेवण्यात आली. दरम्यान, कोणताही वाद न वाढवता ग्रामस्थांनी दाखवलेला संयम व सामंजस्याचा मार्ग हा इतर गावांसाठीही नक्कीच आदर्श ठरेल अशी अपेक्षा. - सिद्धेश्वर धुमाळ, उपविभागीय पोलीस अधिकारी, अंबड

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

अनधिकृत पुतळा ग्रामस्थांनी स्वखुशीने हटवला; जालन्यात सलोख्याचा आदर्श अनधिकृत पुतळा ग्रामस्थांनी स्वखुशीने हटवला; जालन्यात सलोख्याचा आदर्श.. जालना जिल्ह्यातील घनसावंगी तालुक्यातील जांबसमर्थ येथे अनधिकृतपणे बसविण्यात आलेला महापुरुषांचा अर्धाकृती पुतळा ग्रामस्थांनी स्वखुशीने आणि सन्मानपूर्वक हटवून समाजासमोर सलोखा व कायद्याचे पालन याचा आदर्श निर्माण केला आहे. मिळालेल्या माहितीनुसार, दिनांक १४ एप्रिल २०२६ रोजी मध्यरात्री १ ते २ वाजताच्या सुमारास जांबसमर्थ येथील ग्रामपंचायत कार्यालयाच्या शेजारील मोकळ्या जागेत कोणतीही शासकीय परवानगी न घेता महापुरुषांचा अर्धाकृती पुतळा बसविण्यात आला होता. या प्रकाराची माहिती मिळताच पोलीस व महसूल प्रशासनाने तात्काळ हालचाल करत गावात आणि घनसावंगी पोलीस ठाण्यात शांतता समितीची बैठक घेतली. या बैठकीत गावातील सर्व समाजघटकांशी चर्चा करून सामंजस्याचा मार्ग काढण्यात आला. त्यानंतर ग्रामस्थांनी स्वखुशीने निर्णय घेत दिनांक १५ एप्रिल रोजी संबंधित पुतळा विधिवत पूजा करून सन्मानाने हटवला. या प्रक्रियेत अंबडचे उपविभागीय पोलीस अधिकारी डॉ. सिद्धेश्वर धुमाळ, प्रभारी सहाय्यक पोलीस अधीक्षक श्रीमती जान्हवी शेखर, घनसावंगी चे तहसीलदार रमेश पागोटे तसेच गटविकास अधिकारी प्रदीप कदम यांनी मार्गदर्शन केले. प्रतिक्रिया सार्वजनिक ठिकाणी महापुरुषांचे पुतळे उभारणे ही भावना आदराची असली तरी ती कायदेशीर चौकटीत राहूनच केली पाहिजे. पुतळा बसविण्यापूर्वी शासनाची आवश्यक परवानगी, ठरलेली प्रक्रिया आणि नियमांचे पालन करणे अत्यंत गरजेचे आहे. त्यामुळे अशा प्रकारांना प्रतिबंध करण्यासाठी प्रशासन आणि ग्रामस्थांनी समन्वयाने काम करणे आवश्यक आहे. महापुरुषांचा सन्मान हा नियमांचे पालन करूनच अधिक योग्य पद्धतीने करता येतो. - प्रभारी सहाय्यक पोलीस अधीक्षक श्रीमती जान्हवी शेखर प्रतिक्रिया अनधिकृत पुतळे उभारल्यास गावात कायदा व सुव्यवस्थेचा प्रश्न निर्माण होण्याची शक्यता नाकारता येत नाही. जांबसमर्थ अर्धाकृती पुतळा प्रकरणाबाबत ग्रामपंचायत कार्यालय व पोलीस ठाण्यात शांतता बैठका घेऊन परिस्थिती नियंत्रणात ठेवण्यात आली. दरम्यान, कोणताही वाद न वाढवता ग्रामस्थांनी दाखवलेला संयम व सामंजस्याचा मार्ग हा इतर गावांसाठीही नक्कीच आदर्श ठरेल अशी अपेक्षा. - सिद्धेश्वर धुमाळ, उपविभागीय पोलीस अधिकारी, अंबड