जळगाव बसस्थानकावर सायबर सुरक्षा जनजागृती अभियान....!!! जळगाव बसस्थानकावर सायबर सुरक्षा जनजागृती अभियान जळगाव : कवयित्री बहिणाबाई चौधरी उत्तर महाराष्ट्र विद्यापीठ (KBCNMU), जळगाव येथील विद्यार्थ्यांच्या सहभागाने Quick Heal Foundation (QHF) यांच्या वतीने जळगाव बसस्थानक परिसरात सायबर सुरक्षा व सायबर फसवणुकीबाबत जनजागृती अभियान राबविण्यात आले. या QHF Impact Activity अंतर्गत बसस्थानकावर उपस्थित प्रवासी, विद्यार्थी तसेच नागरिकांशी प्रत्यक्ष संवाद साधून ऑनलाइन फसवणुकीचे विविध प्रकार आणि त्यापासून सुरक्षित राहण्याच्या उपाययोजनांबाबत मार्गदर्शन करण्यात आले. यावेळी UPI Fraud, OTP Fraud, बनावट फोन कॉल, संशयास्पद लिंक, सोशल मीडिया फसवणूक तसेच विविध ऑनलाइन आर्थिक फसवणुकीच्या प्रकारांबाबत नागरिकांना माहिती देण्यात आली. सायबर गुन्ह्यांपासून बचाव करण्यासाठी नागरिकांनी आपला OTP, UPI PIN, ATM PIN, Password, बँक खात्याची माहिती अथवा इतर गोपनीय माहिती कोणत्याही अनोळखी व्यक्तीसोबत शेअर करू नये, तसेच अनोळखी किंवा संशयास्पद लिंकवर क्लिक करू नये, असे आवाहन करण्यात आले. फसवणूक करणारे व्यक्ती विविध आमिषे दाखवून किंवा बँक अधिकारी, ग्राहक सेवा प्रतिनिधी असल्याचे भासवून नागरिकांची गोपनीय माहिती मिळविण्याचा प्रयत्न करतात. त्यामुळे कोणताही व्यवहार करताना सतर्कता बाळगणे आवश्यक असल्याचे यावेळी सांगण्यात आले. या जनजागृती उपक्रमाला बसस्थानक परिसरातील प्रवासी, विद्यार्थी व नागरिकांचा उत्स्फूर्त प्रतिसाद मिळाला. प्रत्यक्ष संवादाच्या माध्यमातून नागरिकांच्या सायबर सुरक्षेशी संबंधित प्रश्नांना उत्तरे देत ऑनलाइन व्यवहार करताना कोणती काळजी घ्यावी, याबाबतही मार्गदर्शन करण्यात आले. या उपक्रमात KBCNMU चे QHF Warriors Tanisha Mahajan आणि Tejaswini Patil यांनी नागरिकांशी संवाद साधत सायबर गुन्हे टाळण्यासाठी आवश्यक असलेल्या सुरक्षा उपायांची माहिती दिली. KBCNMU आणि Quick Heal Foundation यांच्या संयुक्त प्रयत्नातून राबविण्यात आलेल्या या उपक्रमातून “सावधान रहा, सुरक्षित रहा” हा महत्त्वपूर्ण संदेश नागरिकांपर्यंत पोहोचविण्यात आला. डिजिटल व्यवहारांचा वाढता वापर लक्षात घेता अशा प्रकारच्या सायबर सुरक्षा जनजागृती उपक्रमांची आवश्यकता असल्याचे यावेळी अधोरेखित करण्यात आले.

Pramod dada bari

Pachora, Jalgaon•

5 hrs ago

जळगाव बसस्थानकावर सायबर सुरक्षा जनजागृती अभियान....!!! जळगाव बसस्थानकावर सायबर सुरक्षा जनजागृती अभियान जळगाव : कवयित्री बहिणाबाई चौधरी उत्तर महाराष्ट्र विद्यापीठ (KBCNMU), जळगाव येथील विद्यार्थ्यांच्या सहभागाने Quick Heal Foundation (QHF) यांच्या वतीने जळगाव बसस्थानक परिसरात सायबर सुरक्षा व सायबर फसवणुकीबाबत जनजागृती अभियान राबविण्यात आले. या QHF Impact Activity अंतर्गत बसस्थानकावर उपस्थित प्रवासी, विद्यार्थी तसेच नागरिकांशी प्रत्यक्ष संवाद साधून ऑनलाइन फसवणुकीचे विविध प्रकार आणि त्यापासून सुरक्षित राहण्याच्या उपाययोजनांबाबत मार्गदर्शन करण्यात आले. यावेळी UPI Fraud, OTP Fraud, बनावट फोन कॉल, संशयास्पद लिंक, सोशल मीडिया फसवणूक तसेच विविध ऑनलाइन आर्थिक फसवणुकीच्या प्रकारांबाबत नागरिकांना माहिती देण्यात आली. सायबर गुन्ह्यांपासून बचाव करण्यासाठी नागरिकांनी आपला OTP, UPI PIN, ATM PIN, Password, बँक खात्याची माहिती अथवा इतर गोपनीय माहिती कोणत्याही अनोळखी व्यक्तीसोबत शेअर करू नये, तसेच अनोळखी किंवा संशयास्पद लिंकवर क्लिक करू नये, असे आवाहन करण्यात आले. फसवणूक करणारे व्यक्ती विविध आमिषे दाखवून किंवा बँक अधिकारी, ग्राहक सेवा प्रतिनिधी असल्याचे भासवून नागरिकांची गोपनीय माहिती मिळविण्याचा प्रयत्न करतात. त्यामुळे कोणताही व्यवहार करताना सतर्कता बाळगणे आवश्यक असल्याचे यावेळी सांगण्यात आले. या जनजागृती उपक्रमाला बसस्थानक परिसरातील प्रवासी, विद्यार्थी व नागरिकांचा उत्स्फूर्त प्रतिसाद मिळाला. प्रत्यक्ष संवादाच्या माध्यमातून नागरिकांच्या सायबर सुरक्षेशी संबंधित प्रश्नांना उत्तरे देत ऑनलाइन व्यवहार करताना कोणती काळजी घ्यावी, याबाबतही मार्गदर्शन करण्यात आले. या उपक्रमात KBCNMU चे QHF Warriors Tanisha Mahajan आणि Tejaswini Patil यांनी नागरिकांशी संवाद साधत सायबर गुन्हे टाळण्यासाठी आवश्यक असलेल्या सुरक्षा उपायांची माहिती दिली. KBCNMU आणि Quick Heal Foundation यांच्या संयुक्त प्रयत्नातून राबविण्यात आलेल्या या उपक्रमातून “सावधान रहा, सुरक्षित रहा” हा महत्त्वपूर्ण संदेश नागरिकांपर्यंत पोहोचविण्यात आला. डिजिटल व्यवहारांचा वाढता वापर लक्षात घेता अशा प्रकारच्या सायबर सुरक्षा जनजागृती उपक्रमांची आवश्यकता असल्याचे यावेळी अधोरेखित करण्यात आले.