தேவகோட்டை ஸ்ரீ சேவுகன் அண்ணாமலை கல்லூரியில் 55 ஆம் ஆண்டு கல்லூரி நாள் விழா சிவகங்கை மாவட்டம் தேவகோட்டை ஸ்ரீ சேவுகன் அண்ணாமலை கல்லூாயில் 55-ஆம் ஆண்டு கல்லூரி நாள் விழா நடைபெற்றது. இவ்விழாவைக் கல்லூரித் தலைவர் அண. லெட்சுமணன் செட்டியார் தலைமையேற்றுத் தொடங்கி வைத்தார். அவர்தம் தலைமையுரையில் கல்வி வள்ளல் அண்ணாமலை செட்டியார் அவர்கள் ஏழை எளிய மாணவர்கள் கல்வி கற்பதற்காக உருவாக்கிய இக்கல்லூரி 55ஆவது ஆண்டு விழாவைச் சிறப்பாக கொண்டாடும் இவ்வேளையில் இங்கு பயிலும் மாணவர்கள் அனைவரும் கல்வி வள்ளல் அண்ணாமலை செட்டியார் அவர்களின் வழியைப் பின்பற்றி நடக்க வேண்டும். தன்னம்பிக்கையும் குறிக்கோளும் உடையவர்களாக நீங்கள் இருந்தால் வாழ்வில் வெற்றி நிச்சயம் எனப் பேசினார். விழாவில் சிறப்பு விருந்தினராகக் கலந்து கொண்ட பஞ்சாப் நேஷனல் வங்கியின் முன்னாள் பொது மேலாளரும் எழுத்தாளருமான குரள் இனிது சோம. வீரப்பன் சிறப்புரையாற்றினார். அவர்தம் உரையில் பணம் கொடுத்து விட்டால் மட்டும் அது தர்மம் ஆகாது அதனை முறைப்படுத்தி நடத்துவதே தர்மம் இதனை இக்கல்லூரியின் நிறுவுநர் நன்கு அறிந்துள்ளார். ஆகவேதான் இன்றும் சிறப்போடு இக் கல்லூரி இயங்கி வருகின்றது. கல்லூரியில் பயிலும் மாணவர்கள் வேலைவாய்ப்பில் உச்சத்தைத் தொட வேண்டுமென்றால் கண்டிப்பாக இன்னொரு மொழியைக் கற்றுக் கொள்ளுங்கள் எனக் கேட்டுக் கொண்டார். மேலும் அவர் பேசுகையில் நல்ல நட்பை தேர்ந்தெடுத்துக் கொள்ளுங்கள், வாசிக்கும் பழக்கத்தை உருவாக்கிக் கொள்ளுங்கள், பிறரிடம் பேசும்போது தயவுசெய்து, நன்றி, மன்னித்து விடுங்கள் ஆகிய மூன்று பணிவான சொற்களைப் பயன்படுத்துங்கள், பெற்றோர்கள் ஆசிரியர்கள் மூத்தோர்கள் ஆகியோருக்கு மரியாதை கொடுங்கள், இவையெல்லாம் உங்களுக்குக் கிடைக்க வேண்டுமானால் திருக்குறளை மட்டும் படியுங்கள் உங்கள் வாழ்வு செழிக்கும் என உரையாற்றினார். முன்னதாக கல்லூரியின் ஆட்சிக் குழுப் பொருளாளர் லெ. சேவுகன் முன்னிலை உரையாற்றினார். அவரது உரையில் மாற்றங்களை உருவாக்குவதே சிறப்பான வளர்ச்சி. ஒவ்வொருவரும் மாற்றங்களுக்கு ஏற்றது போல் தங்களை மாற்றிக் கொள்ள வேண்டும் எனப் பேசினார். கல்லூரியின் முன்னாள் முதல்வரும் தற்போதைய சுயநிதிப் பிரிவு இயக்குநருமான பேராசிரியர் சுப.அருணாசலம் முன்னிலை ஏற்றார். இவ்விழாவில் கல்லூரியின் அனைத்துத் துறைகளிலும் முதல் மதிப்பெண் பெற்ற மாணவர்களுக்குப் பாராட்டுச் சான்றிதழ்களும் பரிசுகளும் வழங்கப்பட்டன. கல்லூரி முதல்வர் பேராசிரியர் இரா.நாவுக்கரசு 2025 - 2026ஆம் ஆண்டிற்கான கல்லூரிச் சாதனைகளை ஆண்டறிக்கையாகச் சமர்ப்பித்தார். கல்லூரியின் ஆங்கிலத்துறைப் பேராசிரியர் முனைவர் கஸ்தூரிபா தேவசேனா வரவேற்றார். தமிழ்த்துறைப் பேராசிரியர் முனைவர் கண்மணி நன்றி கூறினார். பொருளியல்துறைப் பேராசிரியர் முனைவர் காயத்ரி தேவி தொகுத்து வழங்கினார். இவ்விழாவில் கல்லூரியின் முன்னாள் தமிழ்த்துறைத் தலைவர்கள் முனைவர் முத்தையா, முனைவர் ஆறுமுகம், முன்னாள் விலங்கியல் துறைத் தலைவர் முனைவர் குமரப்பன், தேவகோட்டை ரோட்டரி சங்க நிர்வாகிகள் சேவுகன் செட்டியார், ஓய்வு பெற்ற மின்வாரிய அதிகாரி ஜோசப் செல்வராஜ், நகரத்தார் மேல்நிலைப்பள்ளி முன்னாள் தலைமை ஆசிரியர் கணேசன், சிவன் கோவில் அறங்காவலர்கள், வருமான வரி பயிற்சியாளர் துரை, முன்னாள் பொறியியல் கல்லூரி முதல்வர் வள்ளியப்பன், நாகப்பன் செட்டியார் மற்றும் நகர்ப் பிரமுகர்கள், பேராசிரியர்கள், அலுவலர்கள் மாணவர்கள் எனப் பலரும் கலந்து கொண்டனர்.

Devakottaigani news

சிவகங்கை, சிவகங்கை, தமிழ்நாடு•

11 hrs ago

தேவகோட்டை ஸ்ரீ சேவுகன் அண்ணாமலை கல்லூரியில் 55 ஆம் ஆண்டு கல்லூரி நாள் விழா சிவகங்கை மாவட்டம் தேவகோட்டை ஸ்ரீ சேவுகன் அண்ணாமலை கல்லூாயில் 55-ஆம் ஆண்டு கல்லூரி நாள் விழா நடைபெற்றது. இவ்விழாவைக் கல்லூரித் தலைவர் அண. லெட்சுமணன் செட்டியார் தலைமையேற்றுத் தொடங்கி வைத்தார். அவர்தம் தலைமையுரையில் கல்வி வள்ளல் அண்ணாமலை செட்டியார் அவர்கள் ஏழை எளிய மாணவர்கள் கல்வி கற்பதற்காக உருவாக்கிய இக்கல்லூரி 55ஆவது ஆண்டு விழாவைச் சிறப்பாக கொண்டாடும் இவ்வேளையில் இங்கு பயிலும் மாணவர்கள் அனைவரும் கல்வி வள்ளல் அண்ணாமலை செட்டியார் அவர்களின் வழியைப் பின்பற்றி நடக்க வேண்டும். தன்னம்பிக்கையும் குறிக்கோளும் உடையவர்களாக நீங்கள் இருந்தால் வாழ்வில் வெற்றி நிச்சயம் எனப் பேசினார். விழாவில் சிறப்பு விருந்தினராகக் கலந்து கொண்ட பஞ்சாப் நேஷனல் வங்கியின் முன்னாள் பொது மேலாளரும் எழுத்தாளருமான குரள் இனிது சோம. வீரப்பன் சிறப்புரையாற்றினார். அவர்தம் உரையில் பணம் கொடுத்து விட்டால் மட்டும் அது தர்மம் ஆகாது அதனை முறைப்படுத்தி நடத்துவதே தர்மம் இதனை இக்கல்லூரியின் நிறுவுநர் நன்கு அறிந்துள்ளார். ஆகவேதான் இன்றும் சிறப்போடு இக் கல்லூரி இயங்கி வருகின்றது. கல்லூரியில் பயிலும் மாணவர்கள் வேலைவாய்ப்பில் உச்சத்தைத் தொட வேண்டுமென்றால் கண்டிப்பாக இன்னொரு மொழியைக் கற்றுக் கொள்ளுங்கள் எனக் கேட்டுக் கொண்டார். மேலும் அவர் பேசுகையில் நல்ல நட்பை தேர்ந்தெடுத்துக் கொள்ளுங்கள், வாசிக்கும் பழக்கத்தை உருவாக்கிக் கொள்ளுங்கள், பிறரிடம் பேசும்போது தயவுசெய்து, நன்றி, மன்னித்து விடுங்கள் ஆகிய மூன்று பணிவான சொற்களைப் பயன்படுத்துங்கள், பெற்றோர்கள் ஆசிரியர்கள் மூத்தோர்கள் ஆகியோருக்கு மரியாதை கொடுங்கள், இவையெல்லாம் உங்களுக்குக் கிடைக்க வேண்டுமானால் திருக்குறளை மட்டும் படியுங்கள் உங்கள் வாழ்வு செழிக்கும் என உரையாற்றினார். முன்னதாக கல்லூரியின் ஆட்சிக் குழுப் பொருளாளர் லெ. சேவுகன் முன்னிலை உரையாற்றினார். அவரது உரையில் மாற்றங்களை உருவாக்குவதே சிறப்பான வளர்ச்சி. ஒவ்வொருவரும் மாற்றங்களுக்கு ஏற்றது போல் தங்களை மாற்றிக் கொள்ள வேண்டும் எனப் பேசினார். கல்லூரியின் முன்னாள் முதல்வரும் தற்போதைய சுயநிதிப் பிரிவு இயக்குநருமான பேராசிரியர் சுப.அருணாசலம் முன்னிலை ஏற்றார். இவ்விழாவில் கல்லூரியின் அனைத்துத் துறைகளிலும் முதல் மதிப்பெண் பெற்ற மாணவர்களுக்குப் பாராட்டுச் சான்றிதழ்களும் பரிசுகளும் வழங்கப்பட்டன. கல்லூரி முதல்வர் பேராசிரியர் இரா.நாவுக்கரசு 2025 - 2026ஆம் ஆண்டிற்கான கல்லூரிச் சாதனைகளை ஆண்டறிக்கையாகச் சமர்ப்பித்தார். கல்லூரியின் ஆங்கிலத்துறைப் பேராசிரியர் முனைவர் கஸ்தூரிபா தேவசேனா வரவேற்றார். தமிழ்த்துறைப் பேராசிரியர் முனைவர் கண்மணி நன்றி கூறினார். பொருளியல்துறைப் பேராசிரியர் முனைவர் காயத்ரி தேவி தொகுத்து வழங்கினார். இவ்விழாவில் கல்லூரியின் முன்னாள் தமிழ்த்துறைத் தலைவர்கள் முனைவர் முத்தையா, முனைவர் ஆறுமுகம், முன்னாள் விலங்கியல் துறைத் தலைவர் முனைவர் குமரப்பன், தேவகோட்டை ரோட்டரி சங்க நிர்வாகிகள் சேவுகன் செட்டியார், ஓய்வு பெற்ற மின்வாரிய அதிகாரி ஜோசப் செல்வராஜ், நகரத்தார் மேல்நிலைப்பள்ளி முன்னாள் தலைமை ஆசிரியர் கணேசன், சிவன் கோவில் அறங்காவலர்கள், வருமான வரி பயிற்சியாளர் துரை, முன்னாள் பொறியியல் கல்லூரி முதல்வர் வள்ளியப்பன், நாகப்பன் செட்டியார் மற்றும் நகர்ப் பிரமுகர்கள், பேராசிரியர்கள், அலுவலர்கள் மாணவர்கள் எனப் பலரும் கலந்து கொண்டனர்.