மதுரை மாநகரில் அமைந்துள்ள ஆத்திகுளம் மற்றும் பெரியபுளியங்குளம் கண்மாய்களில் உள்ள சட்டவிரோத ஆக்ரமிப்புகள், கழிவுநீர் கலப்பு, சுற்றுச்சூழல் மாசுபாடு, அத்துடன் தூர்வாருதல் மற்றும் குடிமராமத்து பணிகளில் நடந்ததாகக் கூறப்படும் முறைகேடுகள் குறித்து உயர்மட்ட விசாரணை நடத்தி உடனடி நடவடிக்கை எடுக்கக் கோரி, தமிழக ஆறு, ஏரி, குளம், கண்மாய் பாதுகாப்பு மக்கள் இயக்கத்தின் நிறுவனர் ஜெ. கனகராஜ், மதுரை மாவட்ட ஆட்சித்தலைவருக்கு ஒரு விரிவான மனுவை அனுப்பியுள்ளார். பொதுப்பணித்துறை/நீர்வளத்துறையின் கட்டுப்பாட்டில் உள்ள இந்த முக்கியமான நீர்நிலைகள் மழைநீர் சேமிப்பு, நிலத்தடி நீர் உயர்வு, வெள்ளத்தடுப்பு மற்றும் சுற்றுச்சூழல் பாதுகாப்பிற்கு முக்கியப் பங்காற்றுகின்றன. ஆனால், தற்போது இந்த கண்மாய்களில் சட்டவிரோத ஆக்ரமிப்புகள் உள்ளதுடன், மஹாலட்சுமி நகர், பேங்க் காலனி, KVR நகர், MMS காலனி போன்ற பகுதிகளில் இருந்து கழிவுநீர் நேரடியாகக் கலக்கப்படுவதால் சுற்றுச்சூழல் மற்றும் நிலத்தடி நீர் கடுமையாக மாசடைந்துள்ளது. இந்த விவகாரங்கள் குறித்து ஜெ. கனகராஜ் 2014 ஆம் ஆண்டு முதல் தமிழக முதல்வர் தனிப்பிரிவு, மதுரை மாவட்ட ஆட்சியர் அலுவலகம், பொதுப்பணித்துறை, நீர்வளத்துறை, மாநகராட்சி உள்ளிட்ட பல்வேறு அதிகாரிகளிடம் தொடர்ந்து பலமுறை மனுக்கள் அளித்துள்ளார். 2018 இல் முதல்வர் தனிப்பிரிவிற்கு அனுப்பப்பட்ட மனுவிற்கு, குடிமராமத்து பணிகள் நடைபெறுவதாக பொய்யான தகவல் அளிக்கப்பட்டதாகவும், 2021 இல் நீர்வளத்துறை செயற்பொறியாளர் ஆக்ரமிப்புகளை அகற்ற நிலஅளவை செய்யப்பட்டு படிவங்கள் வழங்கப்பட்டதாக பதிலளித்த நிலையில், 2023 இல் அதே அதிகாரி மீண்டும் நிலஅளவை கோரியதாக முரண்பட்ட பதில் அளித்ததாகவும் மனுவில் குறிப்பிடப்பட்டுள்ளது. மேலும், 2024 இல் அனுப்பப்பட்ட புகார் மனுவிற்கு, ஆக்ரமிப்புகள் ஏற்கனவே அகற்றப்பட்டுவிட்டதாகவும், மீதமுள்ளவை மாவட்ட ஆட்சியர் மாற்று இடம் ஒதுக்கிய பின் அகற்றப்படும் என்றும் பதில் கிடைத்திருப்பதாகவும், ஆனால் உண்மையில் எந்த ஆக்ரமிப்பும் அகற்றப்படவில்லை என்றும் ஜெ. கனகராஜ் தெரிவித்துள்ளார். அதிகாரிகள் அளித்த முரண்பட்ட மற்றும் பொய்யான பதில்கள், பொது நம்பிக்கைக்கு எதிரான செயல், அதிகார துஷ்பிரயோகம், அரசுப் பதிவுகளை தவறாக உருவாக்குதல் மற்றும் சுற்றுச்சூழல் பாதுகாப்பு சட்டங்களை மீறுதல் போன்ற கடுமையான முறைகேடுகள் நடந்திருக்கலாம் என்ற சந்தேகத்தை எழுப்புவதாகவும் அவர் சுட்டிக்காட்டியுள்ளார். இந்த விவகாரம் தொடர்பாக தேசிய பசுமை தீர்ப்பாயமும் (NGT) வழக்கு தொடரலாம் என தெரிவித்துள்ளதாக மனுவில் தெரிவிக்கப்பட்டுள்ளது. கடந்த பல ஆண்டுகளில் தூர்வாருதல் மற்றும் குடிமராமத்து பணிகள் நடைபெற்றதாகக் கூறப்பட்டாலும், பணிகள் நடந்த ஆண்டு, நிதி ஒதுக்கீடு, செலவு, ஒப்பந்ததாரர் விவரங்கள் மற்றும் பணிகள் உண்மையிலேயே முழுமையாகச் செய்யப்பட்டனவா என்பது குறித்து மக்கள் மத்தியில் சந்தேகம் நிலவுவதாகவும் அவர் குறிப்பிட்டுள்ளார். எனவே, மனுவில் ஆத்திகுளம் மற்றும் பெரியபுளியங்குளம் கண்மாய்களில் உள்ள அனைத்து சட்டவிரோத ஆக்ரமிப்புகளையும் உடனடியாக அகற்றவும், கண்மாய்களின் முழு எல்லைகளை மீட்டு எல்லைக்கற்கள் பதிக்கவும், கழிவுநீர் கலப்பதைத் தடுக்கவும், கண்மாய்களை தூர்வாரி ஆழப்படுத்தி குடிமராமத்து பணிகள் மேற்கொள்ளவும், கடந்த கால பணிகளில் நடந்த முறைகேடுகள் குறித்து உயர்மட்ட விசாரணை நடத்தவும், பொய்யான அறிக்கை அளித்த அதிகாரிகள் மற்றும் முரண்பட்ட பதில்கள் அளித்த செயற்பொறியாளர் திரு. ந. அன்புச்செல்வம் ஆகியோர் மீது துறை ரீதியான மற்றும் சட்ட ரீதியான நடவடிக்கை எடுக்கவும் அவர் கோரியுள்ளார். மேலும், கரையோர மரங்களை வெட்டிய சமூக விரோதிகள் மீது குற்றவியல் நடவடிக்கை எடுக்கவும், எதிர்காலத்தில் ஆக்ரமிப்புகளைத் தடுக்க கரைகளில் மரக்கன்றுகள் நட்டு நடைபாதை அமைக்கவும், நிரந்தர கண்காணிப்புக் குழு அமைக்கவும், எடுக்கப்பட்ட நடவடிக்கைகள் குறித்து எழுத்துப்பூர்வமான அறிக்கை வழங்கவும் அவர் வலியுறுத்தியுள்ளார். மக்கள் நலன், சுற்றுச்சூழல் பாதுகாப்பு மற்றும் எதிர்கால நீர்வள பாதுகாப்பைக் கருத்தில் கொண்டு இம்மனுவின் மீது உடனடி நடவடிக்கை எடுக்குமாறு மாவட்ட ஆட்சித்தலைவருக்கு ஜெ. கனகராஜ் பணிவன்புடன் வேண்டுகோள் விடுத்துள்ளார்.

J.kanakaraj

மதுரை கிழக்கு, மதுரை, தமிழ்நாடு•

10 hrs ago

மதுரை மாநகரில் அமைந்துள்ள ஆத்திகுளம் மற்றும் பெரியபுளியங்குளம் கண்மாய்களில் உள்ள சட்டவிரோத ஆக்ரமிப்புகள், கழிவுநீர் கலப்பு, சுற்றுச்சூழல் மாசுபாடு, அத்துடன் தூர்வாருதல் மற்றும் குடிமராமத்து பணிகளில் நடந்ததாகக் கூறப்படும் முறைகேடுகள் குறித்து உயர்மட்ட விசாரணை நடத்தி உடனடி நடவடிக்கை எடுக்கக் கோரி, தமிழக ஆறு, ஏரி, குளம், கண்மாய் பாதுகாப்பு மக்கள் இயக்கத்தின் நிறுவனர் ஜெ. கனகராஜ், மதுரை மாவட்ட ஆட்சித்தலைவருக்கு ஒரு விரிவான மனுவை அனுப்பியுள்ளார். பொதுப்பணித்துறை/நீர்வளத்துறையின் கட்டுப்பாட்டில் உள்ள இந்த முக்கியமான நீர்நிலைகள் மழைநீர் சேமிப்பு, நிலத்தடி நீர் உயர்வு, வெள்ளத்தடுப்பு மற்றும் சுற்றுச்சூழல் பாதுகாப்பிற்கு முக்கியப் பங்காற்றுகின்றன. ஆனால், தற்போது இந்த கண்மாய்களில் சட்டவிரோத ஆக்ரமிப்புகள் உள்ளதுடன், மஹாலட்சுமி நகர், பேங்க் காலனி, KVR நகர், MMS காலனி போன்ற பகுதிகளில் இருந்து கழிவுநீர் நேரடியாகக் கலக்கப்படுவதால் சுற்றுச்சூழல் மற்றும் நிலத்தடி நீர் கடுமையாக மாசடைந்துள்ளது. இந்த விவகாரங்கள் குறித்து ஜெ. கனகராஜ் 2014 ஆம் ஆண்டு முதல் தமிழக முதல்வர் தனிப்பிரிவு, மதுரை மாவட்ட ஆட்சியர் அலுவலகம், பொதுப்பணித்துறை, நீர்வளத்துறை, மாநகராட்சி உள்ளிட்ட பல்வேறு அதிகாரிகளிடம் தொடர்ந்து பலமுறை மனுக்கள் அளித்துள்ளார். 2018 இல் முதல்வர் தனிப்பிரிவிற்கு அனுப்பப்பட்ட மனுவிற்கு, குடிமராமத்து பணிகள் நடைபெறுவதாக பொய்யான தகவல் அளிக்கப்பட்டதாகவும், 2021 இல் நீர்வளத்துறை செயற்பொறியாளர் ஆக்ரமிப்புகளை அகற்ற நிலஅளவை செய்யப்பட்டு படிவங்கள் வழங்கப்பட்டதாக பதிலளித்த நிலையில், 2023 இல் அதே அதிகாரி மீண்டும் நிலஅளவை கோரியதாக முரண்பட்ட பதில் அளித்ததாகவும் மனுவில் குறிப்பிடப்பட்டுள்ளது. மேலும், 2024 இல் அனுப்பப்பட்ட புகார் மனுவிற்கு, ஆக்ரமிப்புகள் ஏற்கனவே அகற்றப்பட்டுவிட்டதாகவும், மீதமுள்ளவை மாவட்ட ஆட்சியர் மாற்று இடம் ஒதுக்கிய பின் அகற்றப்படும் என்றும் பதில் கிடைத்திருப்பதாகவும், ஆனால் உண்மையில் எந்த ஆக்ரமிப்பும் அகற்றப்படவில்லை என்றும் ஜெ. கனகராஜ் தெரிவித்துள்ளார். அதிகாரிகள் அளித்த முரண்பட்ட மற்றும் பொய்யான பதில்கள், பொது நம்பிக்கைக்கு எதிரான செயல், அதிகார துஷ்பிரயோகம், அரசுப் பதிவுகளை தவறாக உருவாக்குதல் மற்றும் சுற்றுச்சூழல் பாதுகாப்பு சட்டங்களை மீறுதல் போன்ற கடுமையான முறைகேடுகள் நடந்திருக்கலாம் என்ற சந்தேகத்தை எழுப்புவதாகவும் அவர் சுட்டிக்காட்டியுள்ளார். இந்த விவகாரம் தொடர்பாக தேசிய பசுமை தீர்ப்பாயமும் (NGT) வழக்கு தொடரலாம் என தெரிவித்துள்ளதாக மனுவில் தெரிவிக்கப்பட்டுள்ளது. கடந்த பல ஆண்டுகளில் தூர்வாருதல் மற்றும் குடிமராமத்து பணிகள் நடைபெற்றதாகக் கூறப்பட்டாலும், பணிகள் நடந்த ஆண்டு, நிதி ஒதுக்கீடு, செலவு, ஒப்பந்ததாரர் விவரங்கள் மற்றும் பணிகள் உண்மையிலேயே முழுமையாகச் செய்யப்பட்டனவா என்பது குறித்து மக்கள் மத்தியில் சந்தேகம் நிலவுவதாகவும் அவர் குறிப்பிட்டுள்ளார். எனவே, மனுவில் ஆத்திகுளம் மற்றும் பெரியபுளியங்குளம் கண்மாய்களில் உள்ள அனைத்து சட்டவிரோத ஆக்ரமிப்புகளையும் உடனடியாக அகற்றவும், கண்மாய்களின் முழு எல்லைகளை மீட்டு எல்லைக்கற்கள் பதிக்கவும், கழிவுநீர் கலப்பதைத் தடுக்கவும், கண்மாய்களை தூர்வாரி ஆழப்படுத்தி குடிமராமத்து பணிகள் மேற்கொள்ளவும், கடந்த கால பணிகளில் நடந்த முறைகேடுகள் குறித்து உயர்மட்ட விசாரணை நடத்தவும், பொய்யான அறிக்கை அளித்த அதிகாரிகள் மற்றும் முரண்பட்ட பதில்கள் அளித்த செயற்பொறியாளர் திரு. ந. அன்புச்செல்வம் ஆகியோர் மீது துறை ரீதியான மற்றும் சட்ட ரீதியான நடவடிக்கை எடுக்கவும் அவர் கோரியுள்ளார். மேலும், கரையோர மரங்களை வெட்டிய சமூக விரோதிகள் மீது குற்றவியல் நடவடிக்கை எடுக்கவும், எதிர்காலத்தில் ஆக்ரமிப்புகளைத் தடுக்க கரைகளில் மரக்கன்றுகள் நட்டு நடைபாதை அமைக்கவும், நிரந்தர கண்காணிப்புக் குழு அமைக்கவும், எடுக்கப்பட்ட நடவடிக்கைகள் குறித்து எழுத்துப்பூர்வமான அறிக்கை வழங்கவும் அவர் வலியுறுத்தியுள்ளார். மக்கள் நலன், சுற்றுச்சூழல் பாதுகாப்பு மற்றும் எதிர்கால நீர்வள பாதுகாப்பைக் கருத்தில் கொண்டு இம்மனுவின் மீது உடனடி நடவடிக்கை எடுக்குமாறு மாவட்ட ஆட்சித்தலைவருக்கு ஜெ. கனகராஜ் பணிவன்புடன் வேண்டுகோள் விடுத்துள்ளார்.