କେନ୍ଦ୍ର ଶିକ୍ଷାମନ୍ତ୍ରୀ ତଥା ସମ୍ବଲପୁର ଲୋକ ସଭା ସାଂସଦ ଧର୍ମେନ୍ଦ୍ର ପ୍ରଧାନଙ୍କ ୫୭ତମ ଜନ୍ମଦିବସ ପାଳିତ ହୋଇଛି। ଏହି ଅବସରରେ କୁଚିଣ୍ଡା ଟାଉନ ହଲଠାରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଥିଲା। ଏହି ରକ୍ତଦାନ ଶିବିରକୁ ପଞ୍ଚାୟତିରାଜ ତଥା ପାନୀୟ ଜଳ ବିଭାଗ ମନ୍ତ୍ରୀ ରବି ନାରାୟଣ ନାଏକ ଉଦ୍ଘାଟନ କରିଥିଲେ। ଶିବିରରେ ମୋଟ ୬୪ ୟୁନିଟ ରକ୍ତ ସଂଗ୍ରହ କରାଯାଇଥିଲା। ଅନ୍ୟପକ୍ଷରେ, ସନ୍ଧ୍ୟାରେ ବାବା ମୁକ୍ତେଶ୍ୱର ମନ୍ଦିରରେ ଜମନକିରା ମଣ୍ଡଳ ସଭାପତି ବିଜୟ ନାଏକଙ୍କ ତତ୍ତ୍ୱାବଧାନରେ ମଣ୍ଡଳ ଦାୟିତ୍ୱରେ ଥିବା ବିଜେପି କର୍ମୀମାନେ କେନ୍ଦ୍ରମନ୍ତ୍ରୀଙ୍କ ଦୀର୍ଘାୟୁ କାମନା କରି ଭଗବାନ ଶିବଙ୍କୁ ପୂଜା ଅର୍ଚ୍ଚନା କରିଥିଲେ। ଏଥିସହ ୧୧୧ ଦୀପ ପ୍ରଜ୍ୱଳନ କରାଯାଇଥିଲା।

ସମ୍ବଲପୁର ଜିଲ୍ଲା ଜମନକିରା ତହସିଲ ଅଧୀନ ଗୌତମଟିକ୍ରା ଗ୍ରାମରୁ ବ୍ୟବସ୍ଥାର ଏକ ବିକଳ ଚିତ୍ର ସାମ୍ନାକୁ ଆସିଛି, ଯେଉଁଠାରେ ଜଣେ ଭିନ୍ନକ୍ଷମଙ୍କ ଘରକୁ ବ୍ୟାଙ୍କରୁ କୌଣସି ଋଣ ନନେଇଥିଲେ ମଧ୍ୟ ସିଲ୍ କରିଦିଆଯାଇଥିଲା। ଫଳରେ ଦୀର୍ଘ ୨୧ ଦିନ ଧରି ସମ୍ପୂର୍ଣ୍ଣ ପରିବାର ଘର ବାରଣ୍ଡାରେ ଦିନ କାଟିବାକୁ ବାଧ୍ୟ ହୋଇଥିଲେ। ଗୌତମଟିକ୍ରା ଗ୍ରାମର ଦିବ୍ୟାଙ୍ଗ ଧନଞ୍ଜୟ ପ୍ରଧାନ ଅଭିଯୋଗ କରିଛନ୍ତି ଯେ, ସେ କୌଣସି ବ୍ୟାଙ୍କରୁ ଋଣ ନେଇନାହାନ୍ତି କିମ୍ବା କୌଣସି ଋଣଗ୍ରହୀତାଙ୍କ ଗ୍ୟାରେଣ୍ଟର ମଧ୍ୟ ହୋଇନାହାନ୍ତି। ତଥାପି, ଡିସିବି ବ୍ୟାଙ୍କ କର୍ତ୍ତୃପକ୍ଷ କୌଣସି ପୂର୍ବ ନୋଟିସ୍ କିମ୍ବା ସୂଚନା ନଦେଇ ତାଙ୍କ ଘରକୁ ସିଲ୍ କରିଦେଇଥିଲେ। ଘର ସିଲ୍ ହେବା ପରଠାରୁ ଧନଞ୍ଜୟଙ୍କ ସ୍ତ୍ରୀ, ବିଧବା ବୋହୂ ଏବଂ ଦୁଇ ନାତୁଣୀ ଘର ବାରଣ୍ଡାରେ ରହି ଦିନ କାଟିଥିଲେ। ପରିବାର ଲୋକେ ପ୍ରଶ୍ନ ଉଠାଇଛନ୍ତି ଯେ, ବିନା କାରଣରେ ୨୧ ଦିନ ଧରି ହନ୍ତସନ୍ତ ହେବା ପାଇଁ ବ୍ୟାଙ୍କ କର୍ତ୍ତୃପକ୍ଷ କି ରାଜସ୍ୱ ବିଭାଗ ଦାୟୀ। ପ୍ରବଳ ଖରାରେ ଦିନ ପ୍ରାୟ ୧୨ଟା ସମୟରେ ବ୍ୟାଙ୍କ କର୍ତ୍ତୃପକ୍ଷ ମାତ୍ର ୧୦ ମିନିଟ୍ ସମୟ ଦେଇ ଘରକୁ ସିଲ୍ କରିଦେଇଥିଲେ, ଯାହା ଫଳରେ ପରିବାର ଲୋକେ ଘର ଭିତରୁ ଆବଶ୍ୟକୀୟ ସାମଗ୍ରୀ ମଧ୍ୟ ବାହାର କରିପାରିନଥିଲେ। ଏପରିକି ପିଲାମାନଙ୍କ ପାଠପଢ଼ା ବହି, ସ୍କୁଲ ୟୁନିଫର୍ମ ସହ ଅନ୍ୟାନ୍ୟ ଜରୁରୀ ସାମଗ୍ରୀ ଘର ଭିତରେ ରହିଯାଇଥିବାରୁ ସ୍କୁଲ ଖୋଲିଥିଲେ ମଧ୍ୟ ପିଲାମାନେ ସ୍କୁଲ ଯାଇପାରୁନଥିଲେ। ଏହି ଘଟଣାକୁ ନେଇ ପରିବାର ନ୍ୟାୟ ଦାବି କରିଥିଲେ। ୨୧ ଦିନ ପରେ ପ୍ରଶାସନ ମୁଣ୍ଡ ନୁଆଁଇଛି। ପୋଲିସ୍ ପ୍ରଶାସନ, ଜମନକିରା ତହସିଲଦାର ଏବଂ ସ୍ଥାନୀୟ ଆର.ଆଇ.ଙ୍କ ଉପସ୍ଥିତିରେ ଆଜି ସିଲ୍ ଖୋଲାଯାଇଛି। ଏହି ଘଟଣାକୁ ନେଇ ଜିଲ୍ଲାପାଳ ତଦନ୍ତ ନିର୍ଦ୍ଦେଶ ଦେଇଛନ୍ତି।

ସ୍କୁଲ୍ ବହିରେ ଗୋଟିକ ପରେ ଗୋଟେ ଭୁଲ୍ ସାମ୍ନାକୁ ଆସୁଥିବା ନେଇ ଏକ ଗୁରୁତ୍ୱପୂର୍ଣ୍ଣ ଖବର ରହିଛି। ଅଷ୍ଟମ ଶ୍ରେଣୀର ୧୦୩ ନମ୍ବର ପୃଷ୍ଠାରେ ରାଜସ୍ଥାନୀ ସଙ୍ଗୀତ ଭିତ୍ତିକ ହିନ୍ଦି ଚଳଚ୍ଚିତ୍ର ଗୀତ 'ନିମ୍ବୁଡା ନିମ୍ବୁଡା' ସ୍ଥାନ ପାଇଥିବା ବେଳେ, ୧୦୪ ନମ୍ବର ପୃଷ୍ଠାରେ ଏକ କାଶ୍ମୀରୀ ଗୀତ ଅନ୍ତର୍ଭୁକ୍ତ ହୋଇଛି। ଏହା ବ୍ୟତୀତ, ଚତୁର୍ଥ ଶ୍ରେଣୀ ଇଂରାଜୀ ବହି 'ପଲ୍ଲବୀ'ରେ 'ଭସିଯା ମୋର କାଗଜ ଡଙ୍ଗା' ଗୀତ ରହିଥିବା ଜଣାପଡ଼ିଛି। ସେହିପରି, ପଞ୍ଚମ ଶ୍ରେଣୀର 'ପଲ୍ଲବୀ' ଇଂରାଜୀ ବହିର ୧୩୩ ନମ୍ବର ପୃଷ୍ଠାରେ 'ରଜଦୋଳି ଗୀତ'କୁ ସ୍ଥାନିତ କରାଯାଇଛି। ଏଭଳି ସାଂଘାତିକ ତ୍ରୁଟି ସାମ୍ନାକୁ ଆସିବା ପରେ ଛାତ୍ରଛାତ୍ରୀ ଏ ବିଷୟରେ କ'ଣ କହୁଛନ୍ତି, ତାହା ଦେଖିବାକୁ ବାକି ରହିଲା।

ଝାରସୁଗୁଡ଼ା ଜିଲ୍ଲାରେ ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଏବଂ ଜିଲ୍ଲା ଅବକାରୀ ବିଭାଗର ମିଳିତ ଆନୁକୂଲ୍ୟରେ ଜିଲ୍ଲା ଖଣିଜ ପାଣ୍ଠି ପ୍ରେକ୍ଷାଳୟଠାରେ ଆନ୍ତର୍ଜାତୀୟ ନିଶା ଦ୍ରବ୍ୟ ଅପବ୍ୟବହାର ଓ ଅବୈଧ ଚୋରାଚାଲାଣ ବିରୋଧ ଦିବସ-୨୦୨୬ ପାଳିତ ହୋଇଯାଇଛି। ଏହି ଅବସରରେ ସକାଳ ୭ଟାରେ ଜିଲ୍ଲାପାଳଙ୍କ କାର୍ଯ୍ୟାଳୟରୁ କିଷାନ ଛକ, ବେହେରାମାଲ ଛକ ଦେଇ ପୁନର୍ବାର ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ସଚେତନତା ପଦଯାତ୍ରା କରାଯାଇଥିଲା। ଅତିରିକ୍ତ ଜିଲ୍ଲାପାଳ (ସାଧାରଣ) ଶ୍ରୀ ବ୍ରଜବନ୍ଧୁ ଭୋଇ ପତାକା ପ୍ରଦର୍ଶନ କରି ଏହି ପଦଯାତ୍ରାର ଶୁଭାରମ୍ଭ କରିଥିଲେ। ଏଥିରେ ବିଭିନ୍ନ ସରକାରୀ ବିଭାଗର ଅଧିକାରୀ, ଛାତ୍ରଛାତ୍ରୀ, ସ୍ୱେଚ୍ଛାସେବୀ ସଂଗଠନର ସଦସ୍ୟ ଏବଂ ସାଧାରଣ ଲୋକ ଅଂଶଗ୍ରହଣ କରି ନିଶାମୁକ୍ତ ସମାଜ ଗଠନର ବାର୍ତ୍ତା ପ୍ରଚାର କରିଥିଲେ। ପରେ ଜିଲ୍ଲା ଖଣିଜ ପାଣ୍ଠି ପ୍ରେକ୍ଷାଳୟରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା। ଏହି ସଭାରେ ଜିଲ୍ଲା ଅବକାରୀ ଅଧିକ୍ଷକ ପ୍ରଭାତ କୁମାର ସେଠୀ, ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସୁନୀଲ କୁମାର ନାୟକ, ବ୍ରହ୍ମକୁମାରୀ ଅନୁଷ୍ଠାନର ରୀନା (ମୁଖ୍ୟ ବକ୍ତା) ଏବଂ ଜିଲ୍ଲା ଶିଶୁ ସୁରକ୍ଷା ଅଧିକାରୀ ସୁନନ୍ଦ ମହାରଣାଙ୍କ ସମେତ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଓ ସ୍ୱେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତାମାନେ ଉପସ୍ଥିତ ଥିଲେ। ପ୍ରାରମ୍ଭରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସୁନୀଲ କୁମାର ନାୟକ ସମସ୍ତଙ୍କୁ ସ୍ୱାଗତ କରି ଦିବସ ପାଳନର ଉଦ୍ଦେଶ୍ୟ ବିଷୟରେ ସୂଚନା ଦେଇଥିଲେ। ଏହାପରେ ପୂର୍ବରୁ ଆୟୋଜିତ ଜିଲ୍ଲାସ୍ତରୀୟ ବକ୍ତୃତା ପ୍ରତିଯୋଗିତାର କୃତିତ୍ୱ ହାସଲ କରିଥିବା ପ୍ରତିଯୋଗୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ। କାର୍ଯ୍ୟକ୍ରମ ଅନ୍ତର୍ଗତ ବେଲପାହାଡ଼ସ୍ଥିତ ମିରର ଥିଏଟର ପକ୍ଷରୁ ନିଶା ମୁକ୍ତ ଭାରତ ଅଭିଯାନ ଅବସରରେ ନିଶାସକ୍ତିର କୁପ୍ରଭାବ ଏବଂ ନିଶାମୁକ୍ତ ସମାଜ ଗଠନର ବାର୍ତ୍ତା ଉପରେ ଆଧାରିତ ଏକ ସଚେତନତାମୂଳକ ନାଟକ ଓ ଗୀତ ପ୍ରଦର୍ଶିତ କରାଯାଇଥିଲା। ଏହି ନାଟକ ମାଧ୍ୟମରେ ମଦ୍ୟପାନ ଓ ବିଭିନ୍ନ ନିଶାଦ୍ରବ୍ୟର କୁପ୍ରଭାବ ସମ୍ପର୍କରେ ସଚେତନତା ସୃଷ୍ଟି କରାଯାଇଥିବାବେଳେ, ସମବେତ ଗୀତ ମାଧ୍ୟମରେ ଯୁବପିଢ଼ିଙ୍କୁ ନିଶାମୁକ୍ତ ଜୀବନ ଗଢ଼ିବାକୁ ଆହ୍ୱାନ କରାଯାଇଥିଲା। ଏହି ପରିବେଷଣରେ ବିନୟ ପ୍ରଧାନ, ସୋନିଆ ବେହେରା, ଜ୍ୟୋତ୍ସ୍ନା କାଲୋ, ବର୍ଷାରାଣୀ ଧଳ, ବେଦବ୍ୟାସ ହରିପାଳ, ସାନିଆ ବେହେରା, ତନୁଜା ମେହେର, ଫକିର ମେହେର, ପୂଜା ଧନ, ଖୁସିକୁମାରୀ ଜେନା, ଲିପ୍ସା ସାହୁ ଏବଂ ଭବେଶ ପ୍ରଧାନ ଅଂଶଗ୍ରହଣ କରିଥିଲେ। କଳାକାରମାନଙ୍କର ଜୀବନ୍ତ ଅଭିନୟ ଓ ସଙ୍ଗୀତ ପରିବେଷଣ ଉପସ୍ଥିତ ଦର୍ଶକଙ୍କ ପ୍ରଶଂସା ଲାଭ କରିବା ସହ ନିଶାମୁକ୍ତ ସମାଜ ଗଠନର ବାର୍ତ୍ତାକୁ ଅଧିକ ପ୍ରଭାବଶାଳୀ ଭାବେ ପହଞ୍ଚାଇଥିଲା। ଶେଷରେ, କନିଷ୍ଠ କିରାଣି ଆଦିତ୍ୟ କୁମାର ବାଦୀ ସମସ୍ତ ଅତିଥି ଓ ଅଂଶଗ୍ରହଣକାରୀଙ୍କୁ ଧନ୍ୟବାଦ ଜଣାଇ କାର୍ଯ୍ୟକ୍ରମର ସମାପନ କରିଥିଲେ।

ତା: ୨୭/୦୬/୨୬ ରେ ଝାରସୁଗୁଡ଼ା ଜିଲ୍ଲାରେ ଜଣେ ମାନସିକ ଅସୁସ୍ଥ ବ୍ୟକ୍ତି ବିନୋଦ କୁମାର (ବିନୋଦ ଯାଦବ) ଙ୍କୁ ଦୀର୍ଘ ଆଠ ବର୍ଷ ପରେ ତାଙ୍କ ପରିବାର ସହ ପୁନର୍ମିଳିତ କରାଯାଇଛି। ତାଙ୍କୁ ୨୫ ସେପ୍ଟେମ୍ବର ୨୦୧୮ ରେ ଉଦ୍ଧାର କରାଯାଇ ପିପୁଲ୍ସ ଫୋରମ୍ ଦ୍ୱାରା ପରିଚାଳିତ ମିଶନ ଆଶାଲୋକ ରେ ରଖାଯାଇଥିଲା, ଯେଉଁଠାରେ ତାଙ୍କୁ ଆବଶ୍ୟକ ଚିକିତ୍ସା, ଯତ୍ନ ଏବଂ ପୁନର୍ବାସ ସୁବିଧା ପ୍ରଦାନ କରାଯାଉଥିଲା। ନିରନ୍ତର ପ୍ରୟାସ ଏବଂ ଅନୁସନ୍ଧାନ ପରେ ଜଣାପଡ଼ିଥିଲା ​​ଯେ ବିନୋଦ କୁମାରଙ୍କ ଘର ଉତ୍ତର ପ୍ରଦେଶର ଗୌତମ ବୁଦ୍ଧ ନଗର ଜିଲ୍ଲାରେ। ଏହା ପରେ ତାଙ୍କ ପରିବାର ସହ ଯୋଗାଯୋଗ କରାଯାଇ ସେମାନଙ୍କୁ ଝାରସୁଗୁଡ଼ାକୁ ଅଣାଯାଇଥିଲା ଏବଂ ଜିଲ୍ଲାପାଳଙ୍କ ଉପସ୍ଥିତିରେ ବିନୋଦ କୁମାରଙ୍କୁ ସଫଳତାର ସହ ତାଙ୍କ ପରିବାର ସଦସ୍ୟଙ୍କ ହାତରେ ହସ୍ତାନ୍ତର କରାଯାଇଥିଲା। ଏହି ଅବସରରେ ଜିଲ୍ଲାପାଳ ଶ୍ରୀ କୁଣlଲ ମୋତିରାମ ଚୱlଣ ମତବ୍ୟକ୍ତ କରିଥିଲେ ଯେ, ମାନବିକତା ଏବଂ ସମ୍ବେଦନଶୀଳତା ସହ କାର୍ଯ୍ୟ କଲେ ଅସହାୟ ଏବଂ ମାନସିକ ଅସୁସ୍ଥ ବ୍ୟକ୍ତିମାନଙ୍କୁ ନିଜ ପରିବାରକୁ ଫେରାଇ ଆଣିବା ନିଶ୍ଚିତ ଭାବେ ସମ୍ଭବ। ସେ କହିଥିଲେ ଯେ ଏହା କେବଳ ଜଣେ ବ୍ୟକ୍ତିଙ୍କ ପୁନର୍ମିଳନ ନୁହେଁ, ବରଂ ଏକ ପରିବାରର ଖୁସିକୁ ଫେରାଇ ଆଣିବାର ମୁହୂର୍ତ୍ତ। ଶ୍ରୀ ଚୱlଣ ଏଭଳି ସେବାମୂଳକ କାର୍ଯ୍ୟରେ ସମସ୍ତ ସମ୍ପୃକ୍ତ ବିଭାଗ ଏବଂ ସ୍ୱେଚ୍ଛାସେବୀ ସଂଗଠନଙ୍କ ଭୂମିକାକୁ ପ୍ରଶଂସା କରିଥିଲେ। ଏହି କାର୍ଯ୍ୟକ୍ରମରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଶ୍ରୀ ସୁନୀଲ କୁମାର ନାଏକ, ପିପୁଲ୍ସ ଫୋରମ୍ ଏନଜିଓର କର୍ମକର୍ତ୍ତା ଏବଂ କର୍ମଚାରୀମାନେ ଉପସ୍ଥିତ ଥିଲେ। ଝାରସୁଗୁଡ଼ା ସ୍ନେହ ସେତୁ ଅଭିଯାନ ଅନ୍ତର୍ଗତ ଏହି ମାନବିକ ପଦକ୍ଷେପ ସମସ୍ତଙ୍କ ମିଳିତ ଉଦ୍ୟମ ଯୋଗୁଁ ସଫଳ ହୋଇପାରିଥିବାରୁ ଉପସ୍ଥିତ ସମସ୍ତେ ଆନନ୍ଦ ପ୍ରକାଶ କରିଥିଲେ।

ଝାରସୁଗୁଡ଼ା ବିଜୁ ଏକ୍ସପ୍ରେସୱେର ଖେରୁଆଲ୍ ନିକଟରୁ ବଡ଼ମାଲ ପୋଲିସ ଏକ ବଡ଼ ଗଞ୍ଜେଇ ଚୋରା ଚାଲାଣ ଉଦ୍ୟମକୁ ପଣ୍ଡ କରିଛି। ପୋଲିସ ପ୍ରାୟ ୨୫ ଲକ୍ଷ ଟଙ୍କା ମୂଲ୍ୟର ଅଢେଇ କ୍ୱିଣ୍ଟାଲ୍ ଗଞ୍ଜେଇ ଜବତ କରିବାରେ ସଫଳ ହୋଇଛି। ଏହି ଗଞ୍ଜେଇ ବୌଦ୍ଧରୁ ରାୟଗଡ଼କୁ ଚୋରାଚାଲାଣ ହେଉଥିବା ବେଳେ ବାଟରେ କାର୍‌ଟି ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାଗ୍ରସ୍ତ କାର୍‌ରୁ ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରିଛି।

ପଶ୍ଚିମବଙ୍ଗରେ ଏକ ହାଇ-ଭୋଲ୍ଟେଜ୍ ଡ୍ରାମା ଦେଖିବାକୁ ମିଳିଛି, ଯେଉଁଠାରେ ଟିଏମସି ନେତାଙ୍କ ପୁଅ ଅଭିଜିତ ଚାଟାର୍ଜୀଙ୍କୁ ପୋଲିସ ଗିରଫ କରିଛି। ଏହି ଗିରଫଦାରୀ ସମୟରେ ଘଟଣାସ୍ଥଳରେ ଉପସ୍ଥିତ ଥିବା ଲୋକମାନେ ପ୍ରବଳ ବିରୋଧ କରିଥିଲେ। ସେମାନେ ଅଭିଜିତ ଚାଟାର୍ଜୀଙ୍କ ଉପରକୁ ଅଣ୍ଡା ଫିଙ୍ଗିବା ସହ ଚାପୁଡ଼ା ମଧ୍ୟ ମାରିଥିଲେ। ପ୍ରବଳ ହଙ୍ଗାମା ମଧ୍ୟରେ ପୋଲିସ ଅଭିଜିତ ଚାଟାର୍ଜୀଙ୍କୁ ନିଜ ସୁରକ୍ଷାରେ ନେଇ ହେପାଜତକୁ ନେଇଛି। ବର୍ତ୍ତମାନ ପୋଲିସ ଏହି ମାମଲାର ତଦନ୍ତ କରୁଛି। ତେବେ ଗିରଫଦାରୀର କାରଣ ଏବଂ ସମଗ୍ର ଘଟଣାକ୍ରମ ବିଷୟରେ କୌଣସି ଆଧିକାରିକ ସୂଚନା ଏପର୍ଯ୍ୟନ୍ତ ମିଳିନାହିଁ।

ଝାରସୁଗୁଡ଼ା ଜିଲ୍ଲାର ଜିଲ୍ଲା ଖଣିଜ ପାଣ୍ଠି ପ୍ରେକ୍ଷାଳୟଠାରେ ଆନ୍ତର୍ଜାତୀୟ ନିଶା ଦ୍ରବ୍ୟ ଅପବ୍ୟବହାର ଓ ଅବୈଧ ଚୋରାଚାଲାଣ ବିରୋଧ ଦିବସ-୨୦୨୬ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମ ଝାରସୁଗୁଡ଼ା ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଏବଂ ଜିଲ୍ଲା ଅବକାରୀ ବିଭାଗର ମିଳିତ ଆନୁକୂଲ୍ୟରେ ଆୟୋଜିତ ହୋଇଥିଲା। ଏହି ଅବସରରେ ସକାଳ ୭ଟାରେ ଜିଲ୍ଲାପାଳଙ୍କ କାର୍ଯ୍ୟାଳୟରୁ କିଷାନ ଛକ, ବେହେରାମାଲ ଛକ ଦେଇ ପୁନର୍ବାର ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ସଚେତନତା ପଦଯାତ୍ରା ଅନୁଷ୍ଠିତ ହୋଇଥିଲା। ଅତିରିକ୍ତ ଜିଲ୍ଲାପାଳ (ସାଧାରଣ) ଶ୍ରୀ ବ୍ରଜବନ୍ଧୁ ଭୋଇ ପତାକା ପ୍ରଦର୍ଶନ କରି ଏହି ପଦଯାତ୍ରାର ଶୁଭାରମ୍ଭ କରିଥିଲେ, ଯେଉଁଥିରେ ବିଭିନ୍ନ ସରକାରୀ ବିଭାଗର ଅଧିକାରୀ, ଛାତ୍ରଛାତ୍ରୀ, ସ୍ୱେଚ୍ଛାସେବୀ ସଂଗଠନର ସଦସ୍ୟ ଓ ସାଧାରଣ ଲୋକ ଅଂଶଗ୍ରହଣ କରି ନିଶାମୁକ୍ତ ସମାଜ ଗଠନର ବାର୍ତ୍ତା ପ୍ରଚାର କରିଥିଲେ। ପରବର୍ତ୍ତୀ ସମୟରେ ଜିଲ୍ଲା ଖଣିଜ ପାଣ୍ଠି ପ୍ରେକ୍ଷାଳୟରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା। ଏହି ସଭାରେ ଜିଲ୍ଲା ଅବକାରୀ ଅଧିକ୍ଷକ ପ୍ରଭାତ କୁମାର ସେଠୀ, ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସୁନୀଲ କୁମାର ନାୟକ, ବ୍ରହ୍ମକୁମାରୀ ଅନୁଷ୍ଠାନର ମୁଖ୍ୟ ବକ୍ତା ରୀନା, ଏବଂ ଜିଲ୍ଲା ଶିଶୁ ସୁରକ୍ଷା ଅଧିକାରୀ ସୁନନ୍ଦ ମହାରଣାଙ୍କ ସମେତ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଓ ସ୍ୱେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତାମାନେ ଉପସ୍ଥିତ ଥିଲେ। ପ୍ରାରମ୍ଭରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସୁନୀଲ କୁମାର ନାୟକ ସମସ୍ତଙ୍କୁ ସ୍ୱାଗତ କରି ଦିବସ ପାଳନର ଉଦ୍ଦେଶ୍ୟ ବିଷୟରେ ଅବଗତ କରାଇଥିଲେ। ଏହି ଅବସରରେ ପୂର୍ବରୁ ଆୟୋଜିତ ଜିଲ୍ଲାସ୍ତରୀୟ ବକ୍ତୃତା ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ପ୍ରତିଯୋଗୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ। ଏହାପରେ ବେଲପାହାଡ଼ସ୍ଥିତ ମିରର ଥିଏଟର ପକ୍ଷରୁ 'ନିଶା ମୁକ୍ତ ଭାରତ ଅଭିଯାନ' ଅବସରରେ ନିଶାସକ୍ତିର କୁପ୍ରଭାବ ଏବଂ ନିଶାମୁକ୍ତ ସମାଜ ଗଠନର ବାର୍ତ୍ତା ଉପରେ ଆଧାରିତ ସଚେତନତାମୂଳକ ନାଟକ ଓ ଗୀତ ପ୍ରଦର୍ଶିତ କରାଯାଇଥିଲା। ଏହି ନାଟକ ମାଧ୍ୟମରେ ମଦ୍ୟପାନ ଓ ବିଭିନ୍ନ ନିଶାଦ୍ରବ୍ୟର କୁପ୍ରଭାବ ସମ୍ପର୍କରେ ସଚେତନତା ସୃଷ୍ଟି କରାଯାଇଥିବାବେଳେ ସମବେତ ଗୀତ ମାଧ୍ୟମରେ ଯୁବପିଢ଼ିଙ୍କୁ ନିଶାମୁକ୍ତ ଜୀବନ ଗଢ଼ିବାକୁ ଆହ୍ୱାନ କରାଯାଇଥିଲା। ଏହି ପରିବେଷଣରେ ବିନୟ ପ୍ରଧାନ, ସୋନିଆ ବେହେରା, ଜ୍ୟୋତ୍ସ୍ନା କାଲୋ, ବର୍ଷାରାଣୀ ଧଳ, ବେଦବ୍ୟାସ ହରିପାଳ, ସାନିଆ ବେହେରା, ତନୁଜା ମେହେର, ଫକିର ମେହେର, ପୂଜା ଧନ, ଖୁସିକୁମାରୀ ଜେନା, ଲିପ୍ସା ସାହୁ ଏବଂ ଭବେଶ ପ୍ରଧାନ ଅଂଶଗ୍ରହଣ କରିଥିଲେ। କଳାକାରମାନଙ୍କର ଜୀବନ୍ତ ଅଭିନୟ ଓ ସଙ୍ଗୀତ ପରିବେଷଣ ଉପସ୍ଥିତ ଦର୍ଶକଙ୍କ ପ୍ରଶଂସା ଲାଭ କରିବା ସହ ନିଶାମୁକ୍ତ ସମାଜ ଗଠନର ବାର୍ତ୍ତାକୁ ଅଧିକ ପ୍ରଭାବଶାଳୀ ଭାବେ ପହଞ୍ଚାଇଥିଲା। କାର୍ଯ୍ୟକ୍ରମର ଶେଷରେ କନିଷ୍ଠ କିରାଣି ଆଦିତ୍ୟ କୁମାର ବାଦୀ ସମସ୍ତ ଅତିଥି ଓ ଅଂଶଗ୍ରହଣକାରୀଙ୍କୁ ଧନ୍ୟବାଦ ଜ୍ଞାପନ କରିଥିଲେ।

ଛତିଶଗଡ଼ର ମୋହଲା-ମାନପୁର ଜିଲ୍ଲାର ଗୁଣ୍ଡରଦେହୀ ଗାଁରେ ଏକ ତୀବ୍ର ବେଗରେ ଆସୁଥିବା ଟ୍ରକ୍‌ ଧକ୍କାରେ ଜଣେ ୧୦ ବର୍ଷର ଶିଶୁର ଘଟଣାସ୍ଥଳରେ ହିଁ ଦୁଃଖଦ ମୃତ୍ୟୁ ଘଟିଛି। ଏହି ମର୍ମନ୍ତୁଦ ଦୁର୍ଘଟଣା ପରେ କ୍ରୋଧିତ ଗ୍ରାମବାସୀମାନେ ଶବକୁ ରାସ୍ତା ଉପରେ ରଖି ରାଜନନ୍ଦଗାଁଓ-ଚନ୍ଦ୍ରପୁର ରାଜ୍ୟ ରାଜପଥକୁ ଅବରୋଧ କରିଥିଲେ। ଏହି ସମୟରେ ଅଭିଯୁକ୍ତ ଟ୍ରକ୍ ଡ୍ରାଇଭର ପୋଲିସ ବ୍ୟାରିକେଡ୍ ଭାଙ୍ଗି ପ୍ରାୟ ୭୦ କିଲୋମିଟର ପର୍ଯ୍ୟନ୍ତ ଫେରାର ହୋଇଯାଇଥିଲା। ପରେ କୋରକଟି ନିକଟରେ ଟ୍ରକ୍‌ଟି ନିୟନ୍ତ୍ରଣ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା। ପୋଲିସ ଆହତ ଡ୍ରାଇଭରକୁ ହେପାଜତକୁ ନେଇ ଡାକ୍ତରଖାନାରେ ଭର୍ତ୍ତି କରିଛି। ପୋଲିସ ସମ୍ପୂର୍ଣ୍ଣ ମାମଲାର ତଦନ୍ତ କରୁଛି ଏବଂ ଡ୍ରାଇଭର ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।