वातावरण बदलाचा आंबा पिकाला मोठा फटका; शहापूर तालुक्यात मोठी फळगळ ठाणे:शहापूर तालुक्यात यंदाच्या आंबा हंगामावर मोठे संकट ओढावले असून सततचे ढगाळ वातावरण, वाढती उष्णता आणि बदलते हवामान यामुळे आंबा झाडांवरील फळगळ मोठ्या प्रमाणात सुरू झाली आहे. प्राथमिक पाहणीत सुमारे ७० टक्के आंबा पिकाचे नुकसान झाल्याचा अंदाज व्यक्त करण्यात आला असून, यामुळे बागायतदारांवर मोठे आर्थिक संकट कोसळले आहे. तालुक्यातील एकूण ५७६ हेक्टर क्षेत्रावरील उत्पादनक्षम आंबा बागांना या परिस्थितीचा थेट फटका बसला आहे. शहापूर तालुक्यातील डोंगराळ आणि ग्रामीण भागात आंबा शेती मोठ्या प्रमाणावर केली जाते. या भागातील शेतकरी मोठा खर्च करून बागांची निगा राखतात, कीडनियंत्रण, पाणी व्यवस्थापन आणि खत व्यवस्थापनावर भर देतात. मात्र, यंदा हवामान बदलामुळे त्यांना मोठ्या नुकसानीला सामोरे जावे लागत आहे. विशेषतः लहान आणि मध्यम शेतकऱ्यांवर याचा सर्वाधिक परिणाम होत असून, त्यांच्या उत्पन्नाचा मुख्य आधार असलेला आंबा हंगाम धोक्यात आला आहे. फळगळ अशीच सुरू राहिल्यास केवळ उत्पादन घटणार नाही, तर बाजारात पुरवठा कमी होऊन दरांवरही परिणाम होईल. या पार्श्वभूमीवर कृषी विभागाने परिस्थितीची गांभीर्याने दखल घेतली असून कृषी विभागाच्या वरिष्ठ अधिकाऱ्यांच्या माध्यमातून संयुक्त पाहणी करण्यात आली आहे. या पाहणीच्या आधारे नुकसानीचा सविस्तर अहवाल शासनाकडे सादर करण्यात आला आहे. शासन स्तरावर या अहवालावर कार्यवाही सुरू असल्याची माहिती अधिकाऱ्यांकडून देण्यात आली आहे.

लोक हिंद चॅनल

Journalist शहापूर, ठाणे, महाराष्ट्र•

9 hrs ago

वातावरण बदलाचा आंबा पिकाला मोठा फटका; शहापूर तालुक्यात मोठी फळगळ ठाणे:शहापूर तालुक्यात यंदाच्या आंबा हंगामावर मोठे संकट ओढावले असून सततचे ढगाळ वातावरण, वाढती उष्णता आणि बदलते हवामान यामुळे आंबा झाडांवरील फळगळ मोठ्या प्रमाणात सुरू झाली आहे. प्राथमिक पाहणीत सुमारे ७० टक्के आंबा पिकाचे नुकसान झाल्याचा अंदाज व्यक्त करण्यात आला असून, यामुळे बागायतदारांवर मोठे आर्थिक संकट कोसळले आहे. तालुक्यातील एकूण ५७६ हेक्टर क्षेत्रावरील उत्पादनक्षम आंबा बागांना या परिस्थितीचा थेट फटका बसला आहे. शहापूर तालुक्यातील डोंगराळ आणि ग्रामीण भागात आंबा शेती मोठ्या प्रमाणावर केली जाते. या भागातील शेतकरी मोठा खर्च करून बागांची निगा राखतात, कीडनियंत्रण, पाणी व्यवस्थापन आणि खत व्यवस्थापनावर भर देतात. मात्र, यंदा हवामान बदलामुळे त्यांना मोठ्या नुकसानीला सामोरे जावे लागत आहे. विशेषतः लहान आणि मध्यम शेतकऱ्यांवर याचा सर्वाधिक परिणाम होत असून, त्यांच्या उत्पन्नाचा मुख्य आधार असलेला आंबा हंगाम धोक्यात आला आहे. फळगळ अशीच सुरू राहिल्यास केवळ उत्पादन घटणार नाही, तर बाजारात पुरवठा कमी होऊन दरांवरही परिणाम होईल. या पार्श्वभूमीवर कृषी विभागाने परिस्थितीची गांभीर्याने दखल घेतली असून कृषी विभागाच्या वरिष्ठ अधिकाऱ्यांच्या माध्यमातून संयुक्त पाहणी करण्यात आली आहे. या पाहणीच्या आधारे नुकसानीचा सविस्तर अहवाल शासनाकडे सादर करण्यात आला आहे. शासन स्तरावर या अहवालावर कार्यवाही सुरू असल्याची माहिती अधिकाऱ्यांकडून देण्यात आली आहे.