पुणे आणि पिंपरी-चिंचवडमधील फुगेवाडी, दापोडी आणि हडपसर भागांत विषारी गावठी दारू प्यायल्याने १८ जणांचा मृत्यू झाल्याने मोठी खळबळ उडाली आहे. या प्रकरणाच्या वेगाने केलेल्या तपासातून पोलिसांना थेट भिवंडीपर्यंतचे धागेदोरे मिळाले, जिथे एक धक्कादायक सत्य समोर आले आहे. या तपासादरम्यान भिवंडी येथील मेसर्स रेक्स इंटरनॅशनल या कंपनीवर धाड टाकून ५९२९ किलो मिथेनॉलचा साठा जप्त करण्यात आला. प्राथमिक तपासात असे स्पष्ट झाले आहे की पुणे प्रकरणातील दारूमध्ये वापरण्यात आलेले विषारी मिथेनॉल याच कंपनीकडून पुरवण्यात आले होते. अवघ्या ३० रुपयांत विकल्या जाणाऱ्या या दारूमध्ये 'मिथेनॉल' हे विषारी रसायन मिसळण्यात आल्याचे निष्पन्न झाले आहे. पोलीस तपासानुसार, मृत व्यक्तींनी फुगेवाडी येथील कर्नालसिंग विरका यांच्या ठिकाणाहून हातभट्टीची दारू घेतली होती, जी विरकाला योगेश वानखेडेकडून मिळाली होती. योगेश वानखेडे हा उरळी कांचन येथील राजू प्रजापतीकडून दारू घेऊन येत असे. या संपूर्ण साखळीतील दारूमध्ये वापरलेले मिथेनॉल मेसर्स रेक्स इंटरनॅशनलमधून प्राप्त झाल्याचे स्पष्ट झाले आहे. अन्न व औषध प्रशासन (एफडीए) आयुक्त तुकाराम मुंढे यांच्या निर्देशानुसार ठाणे येथील औषध निरीक्षक योगेंद्र पोळ यांनी कंपनीचे कार्यालय वाशी येथे असून गोदाम अनंत अँड कंपनी, गाळा क्र. ५४४/ए, म्हात्रे कंपाउंड, अंजूर रोड, वळगाव, भिवंडी येथे असल्याची माहिती मिळाल्यानंतर धाड टाकली. तपासणीदरम्यान कंपनीचे मालक अरुणकुमार चौबे आणि सक्षम व्यक्ती अभिषेक अरुणकुमार चौबे हे उपस्थित नव्हते. या कारवाईत ५९२९ किलोग्रॅम मिथेनॉलचा साठा आढळून आला, परंतु या विषारी रसायनाच्या खरेदी-विक्रीची कोणतीही अधिकृत नोंद, साठा नोंदवही किंवा आवश्यक कागदपत्रे उपलब्ध नव्हती. विषारी द्रव्य नियमांनुसार आवश्यक नोंदी व व्यवहारांचा तपशील उपलब्ध नसल्याने हा साठा जप्त करण्यात आला असून, नारपोली पोलीस ठाणे, भिवंडी येथे मालक अरुणकुमार चौबे आणि सक्षम व्यक्ती अभिषेक अरुणकुमार चौबे यांच्याविरुद्ध तक्रार दाखल करण्यात येऊन पोलिसांनी गुन्हा नोंद केला आहे. याशिवाय, एफडीएच्या ठाणे कार्यालयाने विषारी द्रव्य अधिनियमांतर्गत कारणे दाखवा नोटीस बजावून संबंधित परवाना रद्द करण्याची प्रक्रिया सुरू केली आहे. आयुक्त तुकाराम मुंढे यांनी जनतेच्या आरोग्याशी खेळ करणाऱ्या कोणत्याही व्यक्ती किंवा आस्थापनेला कोणतीही सवलत दिली जाणार नाही, असे स्पष्ट केले आहे. औषधे व सौंदर्यप्रसाधने अधिनियम, १९४० तसेच संबंधित कायदे व नियमांचे उल्लंघन करणाऱ्यांविरोधात कठोर कायदेशीर आणि न्यायालयीन कारवाई करण्यात येणार असल्याचे त्यांनी म्हटले आहे. सुरक्षित अन्न व औषधे हा प्रत्येक नागरिकाचा मूलभूत अधिकार असून तो सुनिश्चित करणे ही प्रशासनाची सर्वोच्च जबाबदारी आहे. या घटनेच्या पार्श्वभूमीवर, आयुक्त मुंढे यांनी राज्यभर मिथेनॉलच्या अवैध साठ्यांविरोधात तातडीने कारवाईचे आदेश दिले आहेत. अन्न व औषध प्रशासनाने नागरिकांना अवैध औषध विक्री, औषधांमधील भेसळ, विषारी रसायनांचा गैरवापर आणि फसव्या जाहिरातींविरोधात सक्रिय सहभाग नोंदवण्याचे आवाहनही केले आहे.

लोक हिंद चॅनल

Journalist शहापूर, ठाणे, महाराष्ट्र•

3 hrs ago

पुणे आणि पिंपरी-चिंचवडमधील फुगेवाडी, दापोडी आणि हडपसर भागांत विषारी गावठी दारू प्यायल्याने १८ जणांचा मृत्यू झाल्याने मोठी खळबळ उडाली आहे. या प्रकरणाच्या वेगाने केलेल्या तपासातून पोलिसांना थेट भिवंडीपर्यंतचे धागेदोरे मिळाले, जिथे एक धक्कादायक सत्य समोर आले आहे. या तपासादरम्यान भिवंडी येथील मेसर्स रेक्स इंटरनॅशनल या कंपनीवर धाड टाकून ५९२९ किलो मिथेनॉलचा साठा जप्त करण्यात आला. प्राथमिक तपासात असे स्पष्ट झाले आहे की पुणे प्रकरणातील दारूमध्ये वापरण्यात आलेले विषारी मिथेनॉल याच कंपनीकडून पुरवण्यात आले होते. अवघ्या ३० रुपयांत विकल्या जाणाऱ्या या दारूमध्ये 'मिथेनॉल' हे विषारी रसायन मिसळण्यात आल्याचे निष्पन्न झाले आहे. पोलीस तपासानुसार, मृत व्यक्तींनी फुगेवाडी येथील कर्नालसिंग विरका यांच्या ठिकाणाहून हातभट्टीची दारू घेतली होती, जी विरकाला योगेश वानखेडेकडून मिळाली होती. योगेश वानखेडे हा उरळी कांचन येथील राजू प्रजापतीकडून दारू घेऊन येत असे. या संपूर्ण साखळीतील दारूमध्ये वापरलेले मिथेनॉल मेसर्स रेक्स इंटरनॅशनलमधून प्राप्त झाल्याचे स्पष्ट झाले आहे. अन्न व औषध प्रशासन (एफडीए) आयुक्त तुकाराम मुंढे यांच्या निर्देशानुसार ठाणे येथील औषध निरीक्षक योगेंद्र पोळ यांनी कंपनीचे कार्यालय वाशी येथे असून गोदाम अनंत अँड कंपनी, गाळा क्र. ५४४/ए, म्हात्रे कंपाउंड, अंजूर रोड, वळगाव, भिवंडी येथे असल्याची माहिती मिळाल्यानंतर धाड टाकली. तपासणीदरम्यान कंपनीचे मालक अरुणकुमार चौबे आणि सक्षम व्यक्ती अभिषेक अरुणकुमार चौबे हे उपस्थित नव्हते. या कारवाईत ५९२९ किलोग्रॅम मिथेनॉलचा साठा आढळून आला, परंतु या विषारी रसायनाच्या खरेदी-विक्रीची कोणतीही अधिकृत नोंद, साठा नोंदवही किंवा आवश्यक कागदपत्रे उपलब्ध नव्हती. विषारी द्रव्य नियमांनुसार आवश्यक नोंदी व व्यवहारांचा तपशील उपलब्ध नसल्याने हा साठा जप्त करण्यात आला असून, नारपोली पोलीस ठाणे, भिवंडी येथे मालक अरुणकुमार चौबे आणि सक्षम व्यक्ती अभिषेक अरुणकुमार चौबे यांच्याविरुद्ध तक्रार दाखल करण्यात येऊन पोलिसांनी गुन्हा नोंद केला आहे. याशिवाय, एफडीएच्या ठाणे कार्यालयाने विषारी द्रव्य अधिनियमांतर्गत कारणे दाखवा नोटीस बजावून संबंधित परवाना रद्द करण्याची प्रक्रिया सुरू केली आहे. आयुक्त तुकाराम मुंढे यांनी जनतेच्या आरोग्याशी खेळ करणाऱ्या कोणत्याही व्यक्ती किंवा आस्थापनेला कोणतीही सवलत दिली जाणार नाही, असे स्पष्ट केले आहे. औषधे व सौंदर्यप्रसाधने अधिनियम, १९४० तसेच संबंधित कायदे व नियमांचे उल्लंघन करणाऱ्यांविरोधात कठोर कायदेशीर आणि न्यायालयीन कारवाई करण्यात येणार असल्याचे त्यांनी म्हटले आहे. सुरक्षित अन्न व औषधे हा प्रत्येक नागरिकाचा मूलभूत अधिकार असून तो सुनिश्चित करणे ही प्रशासनाची सर्वोच्च जबाबदारी आहे. या घटनेच्या पार्श्वभूमीवर, आयुक्त मुंढे यांनी राज्यभर मिथेनॉलच्या अवैध साठ्यांविरोधात तातडीने कारवाईचे आदेश दिले आहेत. अन्न व औषध प्रशासनाने नागरिकांना अवैध औषध विक्री, औषधांमधील भेसळ, विषारी रसायनांचा गैरवापर आणि फसव्या जाहिरातींविरोधात सक्रिय सहभाग नोंदवण्याचे आवाहनही केले आहे.