ప్రస్తుత వర్షాకాలం సీజన్‌లో ఖరీఫ్ వరి సాగు చేసే రైతులు పలు జాగ్రత్తలు, శాస్త్రీయ పద్ధతులు పాటించడం ద్వారా నాణ్యమైన దిగుబడి సాధించవచ్చని అనంతగిరి మండల వ్యవసాయ అధికారి కే.రంగారావు ఒక ప్రకటనలో తెలిపారు. రైతులు నారుమడి తయారీ నుండి నాటడం వరకు పలు రకాల సూచనలు తప్పనిసరిగా పాటించాలని ఆయన కోరారు. వర్షపు నీరు నిల్వ ఉండి నారు కుళ్ళిపోకుండా ఉండటానికి ఎత్తైన నారుమడులను తయారు చేసుకోవాలని వ్యవసాయ అధికారి సూచించారు. ఇందుకోసం చదరపు మీటరుకు 2-3 కిలోల పశువుల ఎరువు లేదా వర్మికాంపోస్ట్ వేసి నేల సారాన్ని పెంచాలన్నారు. నాణ్యమైన విత్తనాల ఎంపిక కోసం 10 లీటర్ల నీటిలో 1.5 కిలోల ఉప్పు కలిపి వరి విత్తనాలను నానబెట్టాలని, పైకి తేలిన తేలికపాటి గింజలను తొలగించి, అడుగున ఉన్న గట్టి విత్తనాలను మాత్రమే ఎంచుకోవాలని తెలిపారు. వేరుకుళ్లు, మొదలుకుళ్లు తెగుళ్ల నివారణ కోసం కిలో విత్తనానికి 10 గ్రాముల ట్రైకోడెర్మా విరిడి లేదా సూడోమోనాస్ ఫ్లోరెసెన్స్ కలిపి శుద్ధి చేయాలని, ఆపై 24 గంటల పాటు నానబెట్టి మొలకకట్టాలని స్పష్టం చేశారు. విత్తనాలు చల్లిన 3-5 రోజుల వరకు తేమగా ఉంచి, ఆ తర్వాత క్రమంగా నీరు పెంచాలని రంగారావు వివరించారు. పక్షుల నుండి రక్షణ కోసం వలలు లేదా ఆకులు కప్పాలని, కలుపును మొదటి వారంలోనే చేతితో ఏరివేయాలని సూచించారు. సేంద్రీయ పోషణ పద్ధతిలో నారు ఏపుగా పెరగడానికి జీవామృతం (10 లీటర్ల నీటికి అర లీటరు చొప్పున), తెగుళ్ల నివారణకు వేపపిండి లేదా 5 శాతం వేప కషాయం వాడాలని స్పష్టం చేశారు. నాటడానికి 21 నుండి 25 రోజుల వయస్సు గల నారు అత్యంత అనుకూలమని ఆయన పేర్కొన్నారు.

Laxman Regam

Local News Reporter అనంతగిరి, అల్లూరి సీతారామ రాజు, ఆంధ్రప్రదేశ్•

2 hrs ago

ప్రస్తుత వర్షాకాలం సీజన్‌లో ఖరీఫ్ వరి సాగు చేసే రైతులు పలు జాగ్రత్తలు, శాస్త్రీయ పద్ధతులు పాటించడం ద్వారా నాణ్యమైన దిగుబడి సాధించవచ్చని అనంతగిరి మండల వ్యవసాయ అధికారి కే.రంగారావు ఒక ప్రకటనలో తెలిపారు. రైతులు నారుమడి తయారీ నుండి నాటడం వరకు పలు రకాల సూచనలు తప్పనిసరిగా పాటించాలని ఆయన కోరారు. వర్షపు నీరు నిల్వ ఉండి నారు కుళ్ళిపోకుండా ఉండటానికి ఎత్తైన నారుమడులను తయారు చేసుకోవాలని వ్యవసాయ అధికారి సూచించారు. ఇందుకోసం చదరపు మీటరుకు 2-3 కిలోల పశువుల ఎరువు లేదా వర్మికాంపోస్ట్ వేసి నేల సారాన్ని పెంచాలన్నారు. నాణ్యమైన విత్తనాల ఎంపిక కోసం 10 లీటర్ల నీటిలో 1.5 కిలోల ఉప్పు కలిపి వరి విత్తనాలను నానబెట్టాలని, పైకి తేలిన తేలికపాటి గింజలను తొలగించి, అడుగున ఉన్న గట్టి విత్తనాలను మాత్రమే ఎంచుకోవాలని తెలిపారు. వేరుకుళ్లు, మొదలుకుళ్లు తెగుళ్ల నివారణ కోసం కిలో విత్తనానికి 10 గ్రాముల ట్రైకోడెర్మా విరిడి లేదా సూడోమోనాస్ ఫ్లోరెసెన్స్ కలిపి శుద్ధి చేయాలని, ఆపై 24 గంటల పాటు నానబెట్టి మొలకకట్టాలని స్పష్టం చేశారు. విత్తనాలు చల్లిన 3-5 రోజుల వరకు తేమగా ఉంచి, ఆ తర్వాత క్రమంగా నీరు పెంచాలని రంగారావు వివరించారు. పక్షుల నుండి రక్షణ కోసం వలలు లేదా ఆకులు కప్పాలని, కలుపును మొదటి వారంలోనే చేతితో ఏరివేయాలని సూచించారు. సేంద్రీయ పోషణ పద్ధతిలో నారు ఏపుగా పెరగడానికి జీవామృతం (10 లీటర్ల నీటికి అర లీటరు చొప్పున), తెగుళ్ల నివారణకు వేపపిండి లేదా 5 శాతం వేప కషాయం వాడాలని స్పష్టం చేశారు. నాటడానికి 21 నుండి 25 రోజుల వయస్సు గల నారు అత్యంత అనుకూలమని ఆయన పేర్కొన్నారు.