புதுக்கோட்டை மாவட்டம் ஆலங்குடி அரசு மருத்துவமனையில் உலக யோகா தினம் கோலாகலமாகக் கொண்டாடப்பட்டது. இந்த நிகழ்ச்சிக்கு தலைமை மருத்துவர் பெரியசாமி தலைமை தாங்க, யோகா மருத்துவர் கீதா அனைவரையும் வரவேற்றார். மருத்துவர்கள் லதா, துரைராஜன், மணிவண்ணன், செவிலியர்கள் வேலுமணி, சசிரேகா, வகிதா, கீதா, ஜெயலட்சுமி மற்றும் கதிரவன், பூபாலன், சமீர் அகமது, செல்வகுமார், விசு, மீனாட்சி உள்ளிட்ட அனைத்து மருத்துவப் பணியாளர்கள், பொதுமக்கள் எனப் பலரும் இதில் ஆர்வத்துடன் பங்கேற்றனர். நிகழ்ச்சியின் ஒரு பகுதியாக, மருத்துவமனைப் பணியாளர்களுக்கும், பயனாளிகளுக்கும் யோகா பயிற்சி வழங்கப்பட்டது. விழாவில் பேசிய டாக்டர் மு. பெரியசாமி, மக்களின் உடல் நலம், மன அமைதி மற்றும் உலகளாவிய நல்லிணக்கத்தை மேம்படுத்துவதே இந்த நாளின் நோக்கம் என்று குறிப்பிட்டார். யோகா ஒரு பண்டைய இந்திய பாரம்பரியக் கலை என்றும், இது உடலின் பல்வேறு ஆற்றல் மையங்களைச் சமநிலைப்படுத்தி, மன அழுத்தத்தைக் குறைக்க உதவுவதாகவும் அவர் விளக்கினார். 2026 ஆம் ஆண்டிற்கான அதிகாரப்பூர்வ கருப்பொருள் 'ஆரோக்கியமான வயோதிகத்துக்கு யோகா' என்பதாகும் என்று அவர் எடுத்துரைத்தார். யோகா இரத்த அழுத்தத்தைக் கட்டுக்குள் வைத்திருக்கவும், மூட்டு வலியைப் போக்கவும், சிறந்த தூக்கத்தைப் பெறவும், இரத்த ஓட்டத்தைச் சீராக்கி இதய நோய் அபாயத்தைக் குறைக்கவும் உதவுவதாகக் கூறினார். பிராணாயாமம் போன்ற பயிற்சிகள் நுரையீரல் திறனை அதிகரிப்பதுடன், யோகா மூளை மற்றும் உடலின் ஒருங்கிணைப்பை அதிகரித்து நினைவாற்றலையும் கவனத்தையும் மேம்படுத்துகிறது என்றும் அவர் தெரிவித்தார். மேலும், யோகா உடலுக்குப் புத்துணர்ச்சியையும் நேர்மறை எண்ணங்களையும் தந்து விழிப்புணர்வுடன் வாழ உதவுவதாகவும், கர்ப்பிணிப் பெண்களுக்கு தடாசனம் முதுகு மற்றும் கால்களின் வலிமையைப் பராமரிக்கவும், திட்லியாசனம் இடுப்புப் பகுதியைத் தளர்த்தி சுகப் பிரசவத்திற்குத் துணைபுரியவும் உதவுவதாகவும் டாக்டர் பெரியசாமி தனது உரையில் எடுத்துரைத்தார். எனவே, அனைத்து வயதினரும் யோகா பயிற்சி செய்வது ஆரோக்கியத்திற்குச் சிறந்தது என்று அவர் வலியுறுத்தினார். நிகழ்ச்சியின் முடிவில் ஐஸ்வர்யா நன்றி கூறினார்.

கே.ஆர். இளங்கோவன்

ஆலங்குடி, புதுக்கோட்டை, தமிழ்நாடு•

17 hrs ago

புதுக்கோட்டை மாவட்டம் ஆலங்குடி அரசு மருத்துவமனையில் உலக யோகா தினம் கோலாகலமாகக் கொண்டாடப்பட்டது. இந்த நிகழ்ச்சிக்கு தலைமை மருத்துவர் பெரியசாமி தலைமை தாங்க, யோகா மருத்துவர் கீதா அனைவரையும் வரவேற்றார். மருத்துவர்கள் லதா, துரைராஜன், மணிவண்ணன், செவிலியர்கள் வேலுமணி, சசிரேகா, வகிதா, கீதா, ஜெயலட்சுமி மற்றும் கதிரவன், பூபாலன், சமீர் அகமது, செல்வகுமார், விசு, மீனாட்சி உள்ளிட்ட அனைத்து மருத்துவப் பணியாளர்கள், பொதுமக்கள் எனப் பலரும் இதில் ஆர்வத்துடன் பங்கேற்றனர். நிகழ்ச்சியின் ஒரு பகுதியாக, மருத்துவமனைப் பணியாளர்களுக்கும், பயனாளிகளுக்கும் யோகா பயிற்சி வழங்கப்பட்டது. விழாவில் பேசிய டாக்டர் மு. பெரியசாமி, மக்களின் உடல் நலம், மன அமைதி மற்றும் உலகளாவிய நல்லிணக்கத்தை மேம்படுத்துவதே இந்த நாளின் நோக்கம் என்று குறிப்பிட்டார். யோகா ஒரு பண்டைய இந்திய பாரம்பரியக் கலை என்றும், இது உடலின் பல்வேறு ஆற்றல் மையங்களைச் சமநிலைப்படுத்தி, மன அழுத்தத்தைக் குறைக்க உதவுவதாகவும் அவர் விளக்கினார். 2026 ஆம் ஆண்டிற்கான அதிகாரப்பூர்வ கருப்பொருள் 'ஆரோக்கியமான வயோதிகத்துக்கு யோகா' என்பதாகும் என்று அவர் எடுத்துரைத்தார். யோகா இரத்த அழுத்தத்தைக் கட்டுக்குள் வைத்திருக்கவும், மூட்டு வலியைப் போக்கவும், சிறந்த தூக்கத்தைப் பெறவும், இரத்த ஓட்டத்தைச் சீராக்கி இதய நோய் அபாயத்தைக் குறைக்கவும் உதவுவதாகக் கூறினார். பிராணாயாமம் போன்ற பயிற்சிகள் நுரையீரல் திறனை அதிகரிப்பதுடன், யோகா மூளை மற்றும் உடலின் ஒருங்கிணைப்பை அதிகரித்து நினைவாற்றலையும் கவனத்தையும் மேம்படுத்துகிறது என்றும் அவர் தெரிவித்தார். மேலும், யோகா உடலுக்குப் புத்துணர்ச்சியையும் நேர்மறை எண்ணங்களையும் தந்து விழிப்புணர்வுடன் வாழ உதவுவதாகவும், கர்ப்பிணிப் பெண்களுக்கு தடாசனம் முதுகு மற்றும் கால்களின் வலிமையைப் பராமரிக்கவும், திட்லியாசனம் இடுப்புப் பகுதியைத் தளர்த்தி சுகப் பிரசவத்திற்குத் துணைபுரியவும் உதவுவதாகவும் டாக்டர் பெரியசாமி தனது உரையில் எடுத்துரைத்தார். எனவே, அனைத்து வயதினரும் யோகா பயிற்சி செய்வது ஆரோக்கியத்திற்குச் சிறந்தது என்று அவர் வலியுறுத்தினார். நிகழ்ச்சியின் முடிவில் ஐஸ்வர்யா நன்றி கூறினார்.