नागपूर जिल्ह्याच्या भिवापूर तालुक्यातील सेलोटी गावात आज दुपारी वीज कोसळून दोन बैलांचा मृत्यू झाला आहे, ज्यामुळे शेतकरी ताणबा मोतीराम मरघडे यांचे एक लाख रुपयांचे आर्थिक नुकसान झाले. ही दुर्दैवी घटना दुपारी दोन वाजताच्या सुमारास घडली. दुपारी बारा वाजेपर्यंत शेतात बैलजोडीच्या सहाय्याने वखरणीचे काम सुरू होते. त्यानंतर प्रखर उन्ह तापल्यामुळे शेतकऱ्याने बैलजोडीला एका झाडाखाली बांधून ठेवले होते. दीड वाजताच्या सुमारास विजांच्या कडकडाटासह मुसळधार पाऊस सुरू झाला आणि त्याच वेळी शेतात वीज कोसळली. या घटनेत झाडाखाली बांधलेली ही बैलजोडी जागीच मरण पावली. विशेष म्हणजे, ही बैलजोडी फक्त दोन महिन्यांपूर्वीच विकत घेण्यात आली होती. या घटनेची माहिती तलाठी प्रशांत आंभोरे आणि भिवापूरच्या पशुवैद्यकीय अधिकाऱ्यांना देण्यात आली असून, घटनास्थळी पंचनामा देखील करण्यात आला आहे. ऐन शेतीच्या हंगामावर ही घटना घडल्यामुळे बळीराजावर संकटाचे मोठे आर्थिक पहाड कोसळले असून, तो मोठ्या आर्थिक संकटात सापडला आहे.

Nisha Jambhule

भिवापूर, नागपूर, महाराष्ट्र•

10 hrs ago

नागपूर जिल्ह्याच्या भिवापूर तालुक्यातील सेलोटी गावात आज दुपारी वीज कोसळून दोन बैलांचा मृत्यू झाला आहे, ज्यामुळे शेतकरी ताणबा मोतीराम मरघडे यांचे एक लाख रुपयांचे आर्थिक नुकसान झाले. ही दुर्दैवी घटना दुपारी दोन वाजताच्या सुमारास घडली. दुपारी बारा वाजेपर्यंत शेतात बैलजोडीच्या सहाय्याने वखरणीचे काम सुरू होते. त्यानंतर प्रखर उन्ह तापल्यामुळे शेतकऱ्याने बैलजोडीला एका झाडाखाली बांधून ठेवले होते. दीड वाजताच्या सुमारास विजांच्या कडकडाटासह मुसळधार पाऊस सुरू झाला आणि त्याच वेळी शेतात वीज कोसळली. या घटनेत झाडाखाली बांधलेली ही बैलजोडी जागीच मरण पावली. विशेष म्हणजे, ही बैलजोडी फक्त दोन महिन्यांपूर्वीच विकत घेण्यात आली होती. या घटनेची माहिती तलाठी प्रशांत आंभोरे आणि भिवापूरच्या पशुवैद्यकीय अधिकाऱ्यांना देण्यात आली असून, घटनास्थळी पंचनामा देखील करण्यात आला आहे. ऐन शेतीच्या हंगामावर ही घटना घडल्यामुळे बळीराजावर संकटाचे मोठे आर्थिक पहाड कोसळले असून, तो मोठ्या आर्थिक संकटात सापडला आहे.