रिंग रोड बाधित शेतकऱ्यांची चुकीच्या मोजणीवर जिल्हाधिकाऱ्यांकडे पुराव्यासह आक्षेप नाशिक रिंग रोड बाधित शेतकऱ्यांच्या न्यायहक्काच्या लढ्याला महत्त्वाचे वळण मिळाले असून,आज मा.जिल्हाधिकारी श्री.आयुष प्रसाद यांची छावा क्रांतिवीर सेनेचे अध्यक्ष करण गायकर यांच्या नेतृत्वाखाली रिंग रोड बाधित गावांच्या प्रतिनिधींसह मौजे गोवर्धन येथील शेतकरी शिष्टमंडळाने सविस्तर भेट घेतली. या बैठकीत गोवर्धन येथे दि.२० जुलै २०२६ रोजी करण्यात आलेल्या कथित मोजणीबाबत गंभीर आक्षेप नोंदविण्यात आले.संबंधित मोजणी प्रत्यक्ष जागेवर न करता केवळ कागदपत्रांवर दाखविण्यात आल्याचा आरोप शेतकरी शिष्टमंडळाने केला.ही मोजणी चुकीची असून माननीय उच्च न्यायालयाच्या निर्देशांचे उल्लंघन करणारी असल्याचे पुराव्यानिशी जिल्हाधिकाऱ्यांच्या निदर्शनास आणून देण्यात आले. यावेळी करण गायकर यांनी उपोषणावेळी मंत्री मा.गिरीश महाजन यांनी दिलेल्या स्पष्ट सूचनांची आठवण करून दिली.मुख्यमंत्री देवेंद्र फडणवीस आणि रिंग रोड बाधित शेतकरी यांच्यात अंतिम बैठक होईपर्यंत संबंधित १४ गावांमध्ये कोणतीही भूसंपादनाची कारवाई करू नये,अशा स्पष्ट सूचना देण्यात आल्या होत्या.त्यानुसार मा. जिल्हाधिकारी आयुष प्रसाद यांनी सर्व संबंधित विभागांना लेखी आदेशदेखील दिले असल्याचे शिष्टमंडळाने सांगितले. मात्र,भूसंपादन अधिकारी डॉ.पवन दत्ता हे वरिष्ठ अधिकाऱ्यांच्या तसेच मंत्री गिरीश महाजन यांच्या निर्देशांचे पालन न करता उलट त्या आदेशांची पायमल्ली करत असल्याचा गंभीर आरोप शेतकरी प्रतिनिधींनी केला.चुकीच्या पद्धतीने मार्गदर्शन करून शेतकऱ्यांमध्ये संभ्रम व नैराश्य निर्माण केले जात असल्याने प्रशासनाबद्दल चुकीचा संदेश जात आहे.अशा परिस्थितीत एखाद्या शेतकऱ्याने टोकाचे पाऊल उचलल्यास त्याची जबाबदारी कोणाची,असा सवाल उपस्थित करत डॉ.पवन दत्ता यांना पुन्हा एकदा स्पष्ट लेखी सूचना देण्यात याव्यात,अशी मागणी शिष्टमंडळाने जिल्हाधिकाऱ्यांकडे केली. बैठकीदरम्यान मा.जिल्हाधिकारी आयुष प्रसाद यांनी दि.२७ जुलै २०२६ रोजी झालेल्या सर्व भूसंपादन अधिकाऱ्यांच्या बैठकीची माहिती शेतकरी प्रतिनिधींना दिली.त्या बैठकीत घेण्यात आलेले निर्णय व अधिकाऱ्यांना देण्यात आलेले निर्देश असलेली कागदपत्रे त्यांनी करण गायकर यांच्या स्वाधीन केली. यावेळी जिल्हाधिकाऱ्यांनी प्रशासन शेतकऱ्यांच्या समस्या सोडविण्यासाठी कटिबद्ध असल्याचे पुन्हा स्पष्ट केले. तसेच रिंग रोड बाधित शेतकऱ्यांच्या हिताच्या दृष्टीने शासन स्तरावर अनेक महत्त्वपूर्ण निर्णय घेण्यात येत असल्याची माहिती देत,नव्याने झालेल्या निर्णयांचा सखोल अभ्यास करून ते सर्व शेतकऱ्यांपर्यंत पोहोचवावेत,असे आवाहन केले.ज्या निर्णयांमध्ये शेतकऱ्यांना बदल आवश्यक वाटतील,त्यावर पुन्हा सकारात्मक चर्चा करून योग्य निर्णय घेण्यात येईल,अशी ग्वाहीदेखील त्यांनी दिली. दरम्यान,नाशिक येथे झालेल्या अन्नत्याग उपोषणानंतर शासन स्तरावर झालेल्या महत्त्वपूर्ण घडामोडी,नव्याने जारी झालेले आदेश,विविध निर्णय तसेच मुख्यमंत्री देवेंद्र फडणवीस यांच्यासोबत होणाऱ्या बैठकीची तयारी याबाबत सर्व बाधित शेतकऱ्यांना सविस्तर माहिती देण्यासाठी रविवार,दि.२ऑगस्ट २०२६ रोजी सकाळी ११.०० वाजता कालिका माता मंदिर हॉल,नाशिक येथे सर्व रिंग रोड बाधित शेतकऱ्यांची अत्यंत महत्त्वपूर्ण बैठक आयोजित करण्यात आली आहे. बैठकीत पुढील महत्त्वाच्या विषयांवर चर्चा होणार: ✅ आतापर्यंत झालेल्या सर्व घडामोडींचा सविस्तर आढावा ✅ मुख्यमंत्री देवेंद्र फडणवीस यांच्यासोबत होणाऱ्या बैठकीबाबत चर्चा ✅ पुढील आंदोलनाची दिशा व कायदेशीर लढ्याचे नियोजन छावा क्रांतिकारी सेना आणि शेतकरी शिष्टमंडळाच्या वतीने सर्व रिंग रोड बाधित शेतकरी बांधवांनी या बैठकीस मोठ्या संख्येने उपस्थित राहून आपल्या न्यायहक्काच्या लढ्याला अधिक बळ द्यावे,असे आवाहन अध्यक्ष करण गायकर यांनी केले आहे.

Kapil Katyare

Photographer नाशिक, नाशिक, महाराष्ट्र•

19 hrs ago

रिंग रोड बाधित शेतकऱ्यांची चुकीच्या मोजणीवर जिल्हाधिकाऱ्यांकडे पुराव्यासह आक्षेप नाशिक रिंग रोड बाधित शेतकऱ्यांच्या न्यायहक्काच्या लढ्याला महत्त्वाचे वळण मिळाले असून,आज मा.जिल्हाधिकारी श्री.आयुष प्रसाद यांची छावा क्रांतिवीर सेनेचे अध्यक्ष करण गायकर यांच्या नेतृत्वाखाली रिंग रोड बाधित गावांच्या प्रतिनिधींसह मौजे गोवर्धन येथील शेतकरी शिष्टमंडळाने सविस्तर भेट घेतली. या बैठकीत गोवर्धन येथे दि.२० जुलै २०२६ रोजी करण्यात आलेल्या कथित मोजणीबाबत गंभीर आक्षेप नोंदविण्यात आले.संबंधित मोजणी प्रत्यक्ष जागेवर न करता केवळ कागदपत्रांवर दाखविण्यात आल्याचा आरोप शेतकरी शिष्टमंडळाने केला.ही मोजणी चुकीची असून माननीय उच्च न्यायालयाच्या निर्देशांचे उल्लंघन करणारी असल्याचे पुराव्यानिशी जिल्हाधिकाऱ्यांच्या निदर्शनास आणून देण्यात आले. यावेळी करण गायकर यांनी उपोषणावेळी मंत्री मा.गिरीश महाजन यांनी दिलेल्या स्पष्ट सूचनांची आठवण करून दिली.मुख्यमंत्री देवेंद्र फडणवीस आणि रिंग रोड बाधित शेतकरी यांच्यात अंतिम बैठक होईपर्यंत संबंधित १४ गावांमध्ये कोणतीही भूसंपादनाची कारवाई करू नये,अशा स्पष्ट सूचना देण्यात आल्या होत्या.त्यानुसार मा. जिल्हाधिकारी आयुष प्रसाद यांनी सर्व संबंधित विभागांना लेखी आदेशदेखील दिले असल्याचे शिष्टमंडळाने सांगितले. मात्र,भूसंपादन अधिकारी डॉ.पवन दत्ता हे वरिष्ठ अधिकाऱ्यांच्या तसेच मंत्री गिरीश महाजन यांच्या निर्देशांचे पालन न करता उलट त्या आदेशांची पायमल्ली करत असल्याचा गंभीर आरोप शेतकरी प्रतिनिधींनी केला.चुकीच्या पद्धतीने मार्गदर्शन करून शेतकऱ्यांमध्ये संभ्रम व नैराश्य निर्माण केले जात असल्याने प्रशासनाबद्दल चुकीचा संदेश जात आहे.अशा परिस्थितीत एखाद्या शेतकऱ्याने टोकाचे पाऊल उचलल्यास त्याची जबाबदारी कोणाची,असा सवाल उपस्थित करत डॉ.पवन दत्ता यांना पुन्हा एकदा स्पष्ट लेखी सूचना देण्यात याव्यात,अशी मागणी शिष्टमंडळाने जिल्हाधिकाऱ्यांकडे केली. बैठकीदरम्यान मा.जिल्हाधिकारी आयुष प्रसाद यांनी दि.२७ जुलै २०२६ रोजी झालेल्या सर्व भूसंपादन अधिकाऱ्यांच्या बैठकीची माहिती शेतकरी प्रतिनिधींना दिली.त्या बैठकीत घेण्यात आलेले निर्णय व अधिकाऱ्यांना देण्यात आलेले निर्देश असलेली कागदपत्रे त्यांनी करण गायकर यांच्या स्वाधीन केली. यावेळी जिल्हाधिकाऱ्यांनी प्रशासन शेतकऱ्यांच्या समस्या सोडविण्यासाठी कटिबद्ध असल्याचे पुन्हा स्पष्ट केले. तसेच रिंग रोड बाधित शेतकऱ्यांच्या हिताच्या दृष्टीने शासन स्तरावर अनेक महत्त्वपूर्ण निर्णय घेण्यात येत असल्याची माहिती देत,नव्याने झालेल्या निर्णयांचा सखोल अभ्यास करून ते सर्व शेतकऱ्यांपर्यंत पोहोचवावेत,असे आवाहन केले.ज्या निर्णयांमध्ये शेतकऱ्यांना बदल आवश्यक वाटतील,त्यावर पुन्हा सकारात्मक चर्चा करून योग्य निर्णय घेण्यात येईल,अशी ग्वाहीदेखील त्यांनी दिली. दरम्यान,नाशिक येथे झालेल्या अन्नत्याग उपोषणानंतर शासन स्तरावर झालेल्या महत्त्वपूर्ण घडामोडी,नव्याने जारी झालेले आदेश,विविध निर्णय तसेच मुख्यमंत्री देवेंद्र फडणवीस यांच्यासोबत होणाऱ्या बैठकीची तयारी याबाबत सर्व बाधित शेतकऱ्यांना सविस्तर माहिती देण्यासाठी रविवार,दि.२ऑगस्ट २०२६ रोजी सकाळी ११.०० वाजता कालिका माता मंदिर हॉल,नाशिक येथे सर्व रिंग रोड बाधित शेतकऱ्यांची अत्यंत महत्त्वपूर्ण बैठक आयोजित करण्यात आली आहे. बैठकीत पुढील महत्त्वाच्या विषयांवर चर्चा होणार: ✅ आतापर्यंत झालेल्या सर्व घडामोडींचा सविस्तर आढावा ✅ मुख्यमंत्री देवेंद्र फडणवीस यांच्यासोबत होणाऱ्या बैठकीबाबत चर्चा ✅ पुढील आंदोलनाची दिशा व कायदेशीर लढ्याचे नियोजन छावा क्रांतिकारी सेना आणि शेतकरी शिष्टमंडळाच्या वतीने सर्व रिंग रोड बाधित शेतकरी बांधवांनी या बैठकीस मोठ्या संख्येने उपस्थित राहून आपल्या न्यायहक्काच्या लढ्याला अधिक बळ द्यावे,असे आवाहन अध्यक्ष करण गायकर यांनी केले आहे.