ठाणे महापालिका हद्दीतील दिव्यात शिळ आणि डायघर परिसरात बेकायदा इमारतींच्या धर्तीवर अनधिकृत गोदामे मोठ्या प्रमाणावर उभी राहत असल्याचा विषय ठाणे पालिकेच्या गुरुवारी झालेल्या महासभेत चांगलाच गाजला. यावर प्रशासनाने तातडीने दखल घेत कारवाईला सुरुवात केली आहे. पालिका आयुक्त सौरभ राव यांच्या आदेशानुसार, दिवा प्रभाग समिती क्षेत्रात अनधिकृत गोदामांचे सर्वेक्षण करून ती जमीनदोस्त करण्याची मोहीम हाती घेण्यात आली आहे. या मोहिमेंतर्गत शिळफाटा येथील आवार गल्ली परिसरातील तब्बल ३१ बेकायदा गोदामांवर बुलडोझर फिरवण्यात आला आहे. महापालिकेच्या अतिक्रमण विभागाने मोठ्या संख्येने अधिकारी व कर्मचारी यांच्या उपस्थितीत ही धडक कारवाई केली असून, यामुळे गोदाममाफियांचे धाबे दणाणले आहेत. पहिल्या टप्प्यात रसायने, प्लास्टिक, ज्वलनशील पदार्थ तसेच स्क्रॅप साठवणूक करणाऱ्या गोदामांवर कारवाई करण्यात आली आहे. शासकीय, आरक्षित आणि सरकारी भूखंडांवर उभारण्यात आलेल्या बेकायदा गोदामांची तपासणी व सर्वेक्षण अजूनही सुरू आहे. पालिकेने यापुढेही कठोर कारवाई सुरूच राहील, असा इशारा दिला आहे.

लोक हिंद चॅनल

Journalist शहापूर, ठाणे, महाराष्ट्र•

2 hrs ago

ठाणे महापालिका हद्दीतील दिव्यात शिळ आणि डायघर परिसरात बेकायदा इमारतींच्या धर्तीवर अनधिकृत गोदामे मोठ्या प्रमाणावर उभी राहत असल्याचा विषय ठाणे पालिकेच्या गुरुवारी झालेल्या महासभेत चांगलाच गाजला. यावर प्रशासनाने तातडीने दखल घेत कारवाईला सुरुवात केली आहे. पालिका आयुक्त सौरभ राव यांच्या आदेशानुसार, दिवा प्रभाग समिती क्षेत्रात अनधिकृत गोदामांचे सर्वेक्षण करून ती जमीनदोस्त करण्याची मोहीम हाती घेण्यात आली आहे. या मोहिमेंतर्गत शिळफाटा येथील आवार गल्ली परिसरातील तब्बल ३१ बेकायदा गोदामांवर बुलडोझर फिरवण्यात आला आहे. महापालिकेच्या अतिक्रमण विभागाने मोठ्या संख्येने अधिकारी व कर्मचारी यांच्या उपस्थितीत ही धडक कारवाई केली असून, यामुळे गोदाममाफियांचे धाबे दणाणले आहेत. पहिल्या टप्प्यात रसायने, प्लास्टिक, ज्वलनशील पदार्थ तसेच स्क्रॅप साठवणूक करणाऱ्या गोदामांवर कारवाई करण्यात आली आहे. शासकीय, आरक्षित आणि सरकारी भूखंडांवर उभारण्यात आलेल्या बेकायदा गोदामांची तपासणी व सर्वेक्षण अजूनही सुरू आहे. पालिकेने यापुढेही कठोर कारवाई सुरूच राहील, असा इशारा दिला आहे.