सांगली जिल्ह्यातील मिरज तालुक्यातील बेळंकी येथे नव्याने उभारण्यात आलेल्या ३० खाटांच्या अत्याधुनिक ग्रामीण रुग्णालयाचे लोकार्पण सार्वजनिक आरोग्य व कुटुंब कल्याण राज्यमंत्री मेघना साकोरे-बोर्डीकर यांच्या हस्ते करण्यात आले. या सुसज्ज रुग्णालयामुळे परिसरातील नागरिकांना स्थानिक पातळीवरच दर्जेदार आणि आधुनिक आरोग्य सेवा उपलब्ध होणार आहेत. कोनशिला अनावरण व फीत कापून या रुग्णालयाचे रीतसर उद्घाटन करण्यात आले. या सोहळ्याला माजी मंत्री व आमदार डॉ. सुरेश खाडे, कोल्हापूर विभागाचे आरोग्य उपसंचालक डॉ. दिलीप माने, जिल्हा शल्य चिकित्सक डॉ. विक्रमसिंह कदम, तहसीलदार अपर्णा मोरे-धुमाळ आणि परिसरातील नागरिक मोठ्या संख्येने उपस्थित होते. या कार्यक्रमात बोलताना राज्यमंत्री मेघना साकोरे-बोर्डीकर यांनी सांगितले की, नागरिकांना त्यांच्या निवासस्थानापासून पाच किलोमीटरच्या परिसरात गुणवत्तापूर्ण आरोग्य सेवा देणे हे शासनाचे धोरण आहे. या रुग्णालयात लवकरच डायलिसिस सुविधा सुरू करण्यासाठी आणि कर्मचाऱ्यांच्या निवासाची व्यवस्था करण्यासाठी शासन स्तरावर प्रयत्न केले जातील, अशी ग्वाही त्यांनी दिली. आमदार डॉ. सुरेश खाडे यांनी सांगितले की, या रुग्णालयामुळे बेळंकी व परिसरातील सुमारे ३० ते ३५ गावांतील नागरिकांना मोठी आरोग्य सुविधा उपलब्ध झाली असून, आपत्कालीन परिस्थितीत रुग्णांचे प्राण वाचण्यास मदत होईल. रुग्णालयातील कर्मचाऱ्यांच्या निवासासाठी सुमारे ६ कोटी रुपयांचा प्रस्ताव शासनाकडे पाठवण्यात आला असून तो मंजूर करण्याची मागणी त्यांनी यावेळी केली. सुमारे एक एकर जागेवर ४६ हजार चौरस फूट क्षेत्रफळात पसरलेली ही तीन मजली अत्याधुनिक इमारत सुमारे १५ कोटी ५८ लाख रुपये खर्चून उभारण्यात आली आहे. रुग्णालयात मंजूर असलेल्या २७ पदांपैकी २३ पदे भरण्यात आली आहेत. या नव्या इमारतीमध्ये बाह्यरुग्ण विभाग (ओपीडी), एक्स-रे, पॅथॉलॉजी प्रयोगशाळा, प्रसूती कक्ष, नवजात शिशू विभाग, अत्याधुनिक ऑपरेशन थिएटर आणि स्त्री-पुरुष वॉर्ड यांसारख्या सर्व अद्ययावत सुविधा सज्ज करण्यात आल्या आहेत. पूर्वी स्वतंत्र इमारत नसल्यामुळे या रुग्णालयाचे कामकाज जुन्याच इमारतीतून चालत होते, मात्र आता हक्काच्या सुसज्ज इमारतीमुळे ग्रामीण भागातील आरोग्यसेवेला मोठे बळ मिळणार आहे.

EXPRESS NEWS

Press advisory मिरज, सांगली, महाराष्ट्र•

10 hrs ago

सांगली जिल्ह्यातील मिरज तालुक्यातील बेळंकी येथे नव्याने उभारण्यात आलेल्या ३० खाटांच्या अत्याधुनिक ग्रामीण रुग्णालयाचे लोकार्पण सार्वजनिक आरोग्य व कुटुंब कल्याण राज्यमंत्री मेघना साकोरे-बोर्डीकर यांच्या हस्ते करण्यात आले. या सुसज्ज रुग्णालयामुळे परिसरातील नागरिकांना स्थानिक पातळीवरच दर्जेदार आणि आधुनिक आरोग्य सेवा उपलब्ध होणार आहेत. कोनशिला अनावरण व फीत कापून या रुग्णालयाचे रीतसर उद्घाटन करण्यात आले. या सोहळ्याला माजी मंत्री व आमदार डॉ. सुरेश खाडे, कोल्हापूर विभागाचे आरोग्य उपसंचालक

डॉ. दिलीप माने, जिल्हा शल्य चिकित्सक डॉ. विक्रमसिंह कदम, तहसीलदार अपर्णा मोरे-धुमाळ आणि परिसरातील नागरिक मोठ्या संख्येने उपस्थित होते. या कार्यक्रमात बोलताना राज्यमंत्री मेघना साकोरे-बोर्डीकर यांनी सांगितले की, नागरिकांना त्यांच्या निवासस्थानापासून पाच किलोमीटरच्या परिसरात गुणवत्तापूर्ण आरोग्य सेवा देणे हे शासनाचे धोरण आहे. या रुग्णालयात लवकरच डायलिसिस सुविधा सुरू करण्यासाठी आणि कर्मचाऱ्यांच्या निवासाची व्यवस्था करण्यासाठी शासन स्तरावर प्रयत्न केले जातील, अशी ग्वाही त्यांनी दिली. आमदार डॉ. सुरेश खाडे

यांनी सांगितले की, या रुग्णालयामुळे बेळंकी व परिसरातील सुमारे ३० ते ३५ गावांतील नागरिकांना मोठी आरोग्य सुविधा उपलब्ध झाली असून, आपत्कालीन परिस्थितीत रुग्णांचे प्राण वाचण्यास मदत होईल. रुग्णालयातील कर्मचाऱ्यांच्या निवासासाठी सुमारे ६ कोटी रुपयांचा प्रस्ताव शासनाकडे पाठवण्यात आला असून तो मंजूर करण्याची मागणी त्यांनी यावेळी केली. सुमारे एक एकर जागेवर ४६ हजार चौरस फूट क्षेत्रफळात पसरलेली ही तीन मजली अत्याधुनिक इमारत सुमारे १५ कोटी ५८ लाख रुपये

खर्चून उभारण्यात आली आहे. रुग्णालयात मंजूर असलेल्या २७ पदांपैकी २३ पदे भरण्यात आली आहेत. या नव्या इमारतीमध्ये बाह्यरुग्ण विभाग (ओपीडी), एक्स-रे, पॅथॉलॉजी प्रयोगशाळा, प्रसूती कक्ष, नवजात शिशू विभाग, अत्याधुनिक ऑपरेशन थिएटर आणि स्त्री-पुरुष वॉर्ड यांसारख्या सर्व अद्ययावत सुविधा सज्ज करण्यात आल्या आहेत. पूर्वी स्वतंत्र इमारत नसल्यामुळे या रुग्णालयाचे कामकाज जुन्याच इमारतीतून चालत होते, मात्र आता हक्काच्या सुसज्ज इमारतीमुळे ग्रामीण भागातील आरोग्यसेवेला मोठे बळ मिळणार आहे.