चाकूर नगरपंचायतीचे नगराध्यक्ष अब्दुलकरीम गुळवे यांनी ७ जुलै रोजी जिल्हाधिकाऱ्यांकडे आपला राजीनामा सादर केल्यामुळे शहरातील राजकीय वातावरण पुन्हा एकदा तापले आहे. जिल्हाधिकारी डॉ. भारत बास्टेवाड यांनी या रिक्त पदासाठी १३ ते १७ जुलैदरम्यान निवडणूक कार्यक्रम जाहीर केला असून, त्यानंतर इच्छुकांनी मोर्चेबांधणी सुरू केली आहे. वर्षभरापूर्वी कपील माकणे यांच्याविरोधात अविश्वास ठराव मंजूर झाल्यानंतर सहकारमंत्री बाबासाहेब पाटील यांच्या नेतृत्वाखाली राष्ट्रवादी काँग्रेसने सत्ता स्थापन केली होती, मात्र आता गुळवे यांच्या राजीनाम्यामुळे पुन्हा एकदा निवडणुकीचे वारे वाहत आहेत. निवडणूक जाहीर होताच संभाव्य उमेदवारांच्या नावांची चर्चा रंगू लागली आहे. यामध्ये माजी पाणीपुरवठा सभापती तथा नगरसेवक भागवत फुले यांचे नाव आघाडीवर आहे. काँग्रेसच्या तिकिटावर निवडून आल्यानंतर राष्ट्रवादी काँग्रेसमध्ये प्रवेश केलेले फुले हे युवा आणि अभ्यासू नेतृत्व म्हणून ओळखले जातात, त्यामुळे त्यांची दावेदारी मजबूत मानली जात आहे. त्याचबरोबर राष्ट्रवादी काँग्रेसचे नगरसेवक मुजम्मिल सय्यद यांच्या नावाचीही जोरदार चर्चा असून, सोशल मीडियावर त्यांच्या समर्थकांकडून त्यांना संधी मिळण्याचे दावे केले जात आहेत. सय्यद हे शांत आणि संयमी स्वभावाचे असल्याने त्यांना पक्षांतर्गत चांगला पाठिंबा असल्याचे बोलले जात आहे. नगरपंचायतीच्या सुरुवातीच्या निवडणुकीत प्रहार जनशक्ती पक्षाचे सहा, राष्ट्रवादी काँग्रेसचे पाच, भाजपचे तीन आणि काँग्रेसचे तीन नगरसेवक निवडून आले होते. त्यानंतर काही नगरसेवकांनी राष्ट्रवादी काँग्रेसमध्ये प्रवेश केल्याने पक्षाचे संख्याबळ वाढले असून, या निवडणुकीत राष्ट्रवादीची भूमिका निर्णायक ठरणार आहे. आता सहकारमंत्री बाबासाहेब पाटील कोणाच्या नावावर शिक्कामोर्तब करतात, याकडे सर्वांचे लक्ष लागले आहे. १७ जुलै रोजी नगराध्यक्षपदाची अंतिम निवड होणार असून, तोपर्यंत राजकीय बैठका आणि चर्चांमुळे चाकूरच्या राजकारणात मोठी रंगत येण्याची शक्यता आहे.

संजय पाटील,पत्रकार

चाकूर, लातूर, महाराष्ट्र•

11 hrs ago

चाकूर नगरपंचायतीचे नगराध्यक्ष अब्दुलकरीम गुळवे यांनी ७ जुलै रोजी जिल्हाधिकाऱ्यांकडे आपला राजीनामा सादर केल्यामुळे शहरातील राजकीय वातावरण पुन्हा एकदा तापले आहे. जिल्हाधिकारी डॉ. भारत बास्टेवाड यांनी या रिक्त पदासाठी १३ ते १७ जुलैदरम्यान निवडणूक कार्यक्रम जाहीर केला असून, त्यानंतर इच्छुकांनी मोर्चेबांधणी सुरू केली आहे. वर्षभरापूर्वी कपील माकणे यांच्याविरोधात अविश्वास ठराव मंजूर झाल्यानंतर सहकारमंत्री बाबासाहेब पाटील यांच्या नेतृत्वाखाली राष्ट्रवादी काँग्रेसने सत्ता स्थापन केली होती, मात्र आता गुळवे यांच्या राजीनाम्यामुळे पुन्हा एकदा निवडणुकीचे वारे वाहत आहेत. निवडणूक जाहीर होताच संभाव्य उमेदवारांच्या नावांची चर्चा रंगू लागली आहे. यामध्ये माजी पाणीपुरवठा सभापती तथा नगरसेवक भागवत फुले यांचे नाव आघाडीवर आहे. काँग्रेसच्या तिकिटावर निवडून आल्यानंतर राष्ट्रवादी काँग्रेसमध्ये प्रवेश केलेले फुले हे युवा आणि अभ्यासू नेतृत्व म्हणून ओळखले जातात, त्यामुळे

त्यांची दावेदारी मजबूत मानली जात आहे. त्याचबरोबर राष्ट्रवादी काँग्रेसचे नगरसेवक मुजम्मिल सय्यद यांच्या नावाचीही जोरदार चर्चा असून, सोशल मीडियावर त्यांच्या समर्थकांकडून त्यांना संधी मिळण्याचे दावे केले जात आहेत. सय्यद हे शांत आणि संयमी स्वभावाचे असल्याने त्यांना पक्षांतर्गत चांगला पाठिंबा असल्याचे बोलले जात आहे. नगरपंचायतीच्या सुरुवातीच्या निवडणुकीत प्रहार जनशक्ती पक्षाचे सहा, राष्ट्रवादी काँग्रेसचे पाच, भाजपचे तीन आणि काँग्रेसचे तीन नगरसेवक निवडून आले होते. त्यानंतर काही नगरसेवकांनी राष्ट्रवादी काँग्रेसमध्ये प्रवेश केल्याने पक्षाचे संख्याबळ वाढले असून, या निवडणुकीत राष्ट्रवादीची भूमिका निर्णायक ठरणार आहे. आता सहकारमंत्री बाबासाहेब पाटील कोणाच्या नावावर शिक्कामोर्तब करतात, याकडे सर्वांचे लक्ष लागले आहे. १७ जुलै रोजी नगराध्यक्षपदाची अंतिम निवड होणार असून, तोपर्यंत राजकीय बैठका आणि चर्चांमुळे चाकूरच्या राजकारणात मोठी रंगत येण्याची शक्यता आहे.