भोर तालुक्यातील नसरापूर येथे तीन वर्षीय चिमुकलीचे अपहरण, लैंगिक अत्याचार आणि निर्घृण हत्या केल्याच्या खटल्यात शनिवार, २० जून २०२६ रोजी न्यायालयात अंतिम युक्तिवाद पूर्ण झाला. विशेष सरकारी वकील ॲड. अजय मिसर यांनी आरोपी भीमराव कांबळे याच्याविरोधात सीसीटीव्ही फुटेज, डीएनए आणि वैद्यकीय अहवालांवर आधारित भक्कम पुरावे सादर करत न्यायालयाकडे फाशीच्या शिक्षेची जोरदार मागणी केली. सरकारी पक्षाने सादर केलेल्या सहा महत्त्वाच्या सीसीटीव्ही फुटेजनुसार, दुपारी ३:१२ वाजता आरोपी भीमराव कांबळे चिमुकलीला फूस लावून घेऊन जाताना दिसला, तर दुपारी ३:५१ वाजता तो एकटाच परतताना कॅमेऱ्यात कैद झाला. यावरून पीडित मुलगी तब्बल ३९ मिनिटे आरोपीच्या ताब्यात होती हे स्पष्ट झाल्याचे सरकारी पक्षाने नमूद केले. शवविच्छेदन अहवाल, वैद्यकीय पुरावे आणि मुलीच्या शरीरावरील जखमांचे विश्लेषण करताना सरकारी वकिलांनी आरोपीने अत्यंत क्रूर आणि अनैसर्गिक अत्याचार केल्याचे सांगितले. तसेच मुलीच्या मृत्यूनंतरही तिच्या मृतदेहावर अत्याचार झाल्याचा दावा करण्यात आला. पीडितेच्या शरीरावरील आरोपीच्या दातांचे व्रण, त्याचे केस आणि तिच्या तोंडात कोंबलेल्या कपड्यावर आढळलेला डीएनए आरोपीशी तंतोतंत जुळला आहे, ज्यामुळे आरोपीविरोधातील पुरावे अधिक मजबूत झाल्याचे सरकारी पक्षाचे म्हणणे आहे. यापूर्वी, १९ जून रोजी झालेल्या सुनावणीत सीसीटीव्ही फुटेज झूम करून दाखवल्यावर आरोपी भीमराव कांबळे याने 'त्या फुटेजमध्ये दिसणारा व्यक्ती मीच आहे' अशी कबुली न्यायालयात दिली होती. या संवेदनशील प्रकरणात पोलिसांनी केवळ १६ दिवसांत दोषारोपपत्र दाखल केले आणि त्यानंतर पुढील १६ दिवसांत तब्बल ५५ साक्षीदारांच्या साक्षी नोंदवून खटल्याची सुनावणी पूर्ण केली. दोन्ही बाजूंचा अंतिम युक्तिवाद पूर्ण झाल्यानंतर न्यायालयाने या प्रकरणाचा निकाल २५ जून २०२६ रोजी जाहीर करण्याचे निश्चित केले आहे. सरकारी पक्षाने आरोपीला मृत्युदंड देण्याची मागणी केली असून, या निकालाकडे संपूर्ण राज्याचे लक्ष लागले आहे.

पत्रकार विक्रम शिंदे

Reporter भोर, पुणे, महाराष्ट्र•

4 hrs ago

भोर तालुक्यातील नसरापूर येथे तीन वर्षीय चिमुकलीचे अपहरण, लैंगिक अत्याचार आणि निर्घृण हत्या केल्याच्या खटल्यात शनिवार, २० जून २०२६ रोजी न्यायालयात अंतिम युक्तिवाद पूर्ण झाला. विशेष सरकारी वकील ॲड. अजय मिसर यांनी आरोपी भीमराव कांबळे याच्याविरोधात सीसीटीव्ही फुटेज, डीएनए आणि वैद्यकीय अहवालांवर आधारित भक्कम पुरावे सादर करत न्यायालयाकडे फाशीच्या शिक्षेची जोरदार मागणी केली. सरकारी पक्षाने सादर केलेल्या सहा महत्त्वाच्या सीसीटीव्ही फुटेजनुसार, दुपारी ३:१२ वाजता आरोपी भीमराव कांबळे चिमुकलीला फूस लावून घेऊन जाताना दिसला, तर दुपारी ३:५१ वाजता तो एकटाच परतताना कॅमेऱ्यात कैद झाला. यावरून पीडित मुलगी तब्बल ३९ मिनिटे आरोपीच्या ताब्यात होती हे स्पष्ट झाल्याचे सरकारी पक्षाने नमूद केले. शवविच्छेदन अहवाल, वैद्यकीय पुरावे आणि मुलीच्या शरीरावरील जखमांचे विश्लेषण करताना सरकारी वकिलांनी आरोपीने अत्यंत क्रूर आणि अनैसर्गिक अत्याचार केल्याचे सांगितले. तसेच मुलीच्या मृत्यूनंतरही तिच्या मृतदेहावर अत्याचार झाल्याचा दावा करण्यात आला. पीडितेच्या शरीरावरील आरोपीच्या दातांचे व्रण, त्याचे केस आणि तिच्या तोंडात कोंबलेल्या कपड्यावर आढळलेला डीएनए आरोपीशी तंतोतंत जुळला आहे, ज्यामुळे आरोपीविरोधातील पुरावे अधिक मजबूत झाल्याचे सरकारी पक्षाचे म्हणणे आहे. यापूर्वी, १९ जून रोजी झालेल्या सुनावणीत सीसीटीव्ही फुटेज झूम करून दाखवल्यावर आरोपी भीमराव कांबळे याने 'त्या फुटेजमध्ये दिसणारा व्यक्ती मीच आहे' अशी कबुली न्यायालयात दिली होती. या संवेदनशील प्रकरणात पोलिसांनी केवळ १६ दिवसांत दोषारोपपत्र दाखल केले आणि त्यानंतर पुढील १६ दिवसांत तब्बल ५५ साक्षीदारांच्या साक्षी नोंदवून खटल्याची सुनावणी पूर्ण केली. दोन्ही बाजूंचा अंतिम युक्तिवाद पूर्ण झाल्यानंतर न्यायालयाने या प्रकरणाचा निकाल २५ जून २०२६ रोजी जाहीर करण्याचे निश्चित केले आहे. सरकारी पक्षाने आरोपीला मृत्युदंड देण्याची मागणी केली असून, या निकालाकडे संपूर्ण राज्याचे लक्ष लागले आहे.