शहर पोलिसांच्या गुन्हे शाखेने शुक्रवारी (१० जुलै) पहाटे मिटमिटा परिसरात मोठी कारवाई करत कथित डॉन बाबा फर्जन यांच्या आलिशान बंगल्यावर धडक छापा टाकला. या धडाकेबाज कारवाईत तब्बल ५ कोटी २६ लाख २९ हजार ५६० रुपयांची रोकड, सुमारे ३० लाख रुपयांचे सोने-चांदीचे दागिने आणि रिव्हॉल्वर, पिस्तुले व रायफलसह मोठा शस्त्रसाठा जप्त करण्यात आला आहे. या प्रकरणी छावणी पोलीस ठाण्यात बाबा फर्जन यांच्या पत्नी शीलाबाई बाबा फर्जन दोरडी (वय ४८) यांच्याविरुद्ध गुन्हा दाखल करण्यात आला असून अधिक तपास सुरू आहे. पोलीस उपनिरीक्षक प्रवीण पाथरकर यांना मिळालेल्या गोपनीय माहितीच्या आधारे, वरिष्ठ पोलीस निरीक्षक गजानन कल्याणकर यांच्या मार्गदर्शनाखाली पहाटे साडेचारच्या सुमारास हा छापा टाकण्यात आला. कारवाई दरम्यान पोलिसांना डायनिंग हॉलमागील एक खोली बाहेरून कुलूपबंद आढळली, ज्याची चावी सुरेश सुमेर वर्मा यांच्याकडे होती. ही चावी मृत्यूपूर्वी बाबा फर्जन यांनी स्वतःकडे दिल्याचे वर्मा यांनी पोलिसांना सांगितले. घरातील उपस्थितांनी कपाटांच्या व लोखंडी कोठ्यांच्या चाव्या देण्यास टाळाटाळ केल्यामुळे पोलिसांनी कुलपे तोडून तपासणी केली असता, तिथे मोठ्या प्रमाणावर रोकड, दागिने, शस्त्रसाठा आणि विविध कंपन्यांच्या विदेशी मद्याच्या बाटल्या आढळून आल्या. तपासाचा भाग म्हणून बंगल्याच्या परिसरातील सीसीटीव्ही यंत्रणेचा डीव्हीआर देखील जप्त करण्यात आला आहे. पोलिसांनी जप्त केलेल्या मुद्देमालामध्ये ५ कोटी २६ लाख २९ हजार ५६० रुपयांची रोकड, २१ लाख ३४ हजार ४५० रुपये किमतीचे १५१.३३ ग्रॅम सोन्याचे दागिने आणि ८ लाख ९ हजार २४८ रुपयांचे ३,९२१.२३ ग्रॅम चांदीचे दागिने व शिक्के समाविष्ट आहेत. शस्त्रास्त्रांमध्ये १ रिव्हॉल्वर, २ पिस्तुले, ४ रायफल, ४ मॅगझीन, १२ बोअर गनची ६३२ जिवंत काडतुसे, ८ चाकू, १ कुकरी आणि १ भाला जप्त करण्यात आला आहे. कथित डॉन बाबा फर्जन यांचा १९९० च्या दशकात शहरातील सिटी चौक आणि मिटमिटा परिसरात मोठा दबदबा होता. विविध सामाजिक व राजकीय संघटनांशी संबंधित असलेल्या फर्जन यांनी अपक्ष म्हणून विधानसभेची निवडणूकही लढवली होती. त्यांचा १३ जून २०२६ रोजी मृत्यू झाला असून, त्यानंतर त्यांची पत्नी आणि नातेवाईक या बंगल्यात राहत होते. या संपूर्ण प्रकरणाचा अधिक तपास पोलीस उपनिरीक्षक सूर्यकांत शेंबाळे करत आहेत.

RahimKhan Pathan

Voice of people सोयगाव, औरंगाबाद, महाराष्ट्र•

9 hrs ago

शहर पोलिसांच्या गुन्हे शाखेने शुक्रवारी (१० जुलै) पहाटे मिटमिटा परिसरात मोठी कारवाई करत कथित डॉन बाबा फर्जन यांच्या आलिशान बंगल्यावर धडक छापा टाकला. या धडाकेबाज कारवाईत तब्बल ५ कोटी २६ लाख २९ हजार ५६० रुपयांची रोकड, सुमारे ३० लाख रुपयांचे सोने-चांदीचे दागिने आणि रिव्हॉल्वर, पिस्तुले व रायफलसह मोठा शस्त्रसाठा जप्त करण्यात आला आहे. या प्रकरणी छावणी पोलीस ठाण्यात बाबा फर्जन यांच्या पत्नी शीलाबाई बाबा फर्जन दोरडी (वय ४८) यांच्याविरुद्ध गुन्हा दाखल करण्यात आला असून अधिक तपास सुरू आहे. पोलीस उपनिरीक्षक प्रवीण पाथरकर यांना मिळालेल्या गोपनीय माहितीच्या आधारे, वरिष्ठ पोलीस निरीक्षक गजानन कल्याणकर यांच्या मार्गदर्शनाखाली पहाटे साडेचारच्या सुमारास हा छापा टाकण्यात आला. कारवाई दरम्यान पोलिसांना डायनिंग हॉलमागील एक खोली बाहेरून कुलूपबंद आढळली, ज्याची चावी सुरेश सुमेर वर्मा यांच्याकडे होती. ही चावी मृत्यूपूर्वी बाबा फर्जन यांनी स्वतःकडे दिल्याचे वर्मा यांनी पोलिसांना सांगितले. घरातील उपस्थितांनी कपाटांच्या व लोखंडी कोठ्यांच्या चाव्या देण्यास टाळाटाळ केल्यामुळे पोलिसांनी कुलपे तोडून तपासणी केली असता, तिथे मोठ्या प्रमाणावर रोकड, दागिने, शस्त्रसाठा आणि विविध कंपन्यांच्या विदेशी मद्याच्या बाटल्या आढळून आल्या. तपासाचा भाग म्हणून बंगल्याच्या परिसरातील सीसीटीव्ही यंत्रणेचा डीव्हीआर देखील जप्त करण्यात आला आहे. पोलिसांनी जप्त केलेल्या मुद्देमालामध्ये ५ कोटी २६ लाख २९ हजार ५६० रुपयांची रोकड, २१ लाख ३४ हजार ४५० रुपये किमतीचे १५१.३३ ग्रॅम सोन्याचे दागिने आणि ८ लाख ९ हजार २४८ रुपयांचे ३,९२१.२३ ग्रॅम चांदीचे दागिने व शिक्के समाविष्ट आहेत. शस्त्रास्त्रांमध्ये १ रिव्हॉल्वर, २ पिस्तुले, ४ रायफल, ४ मॅगझीन, १२ बोअर गनची ६३२ जिवंत काडतुसे, ८ चाकू, १ कुकरी आणि १ भाला जप्त करण्यात आला आहे. कथित डॉन बाबा फर्जन यांचा १९९० च्या दशकात शहरातील सिटी चौक आणि मिटमिटा परिसरात मोठा दबदबा होता. विविध सामाजिक व राजकीय संघटनांशी संबंधित असलेल्या फर्जन यांनी अपक्ष म्हणून विधानसभेची निवडणूकही लढवली होती. त्यांचा १३ जून २०२६ रोजी मृत्यू झाला असून, त्यानंतर त्यांची पत्नी आणि नातेवाईक या बंगल्यात राहत होते. या संपूर्ण प्रकरणाचा अधिक तपास पोलीस उपनिरीक्षक सूर्यकांत शेंबाळे करत आहेत.