कल्याण पूर्वेत रस्त्यांच्या खड्डेभरणी कामाची आमदार सुलभा गायकवाड यांच्याकडून पाहणी; हलगर्जीपणा खपवून घेतला जाणार नाही! ​कल्याण : कल्याण-डोंबिवली महानगरपालिकेच्या वतीने नेवाळी नाका ते चक्की नाका रस्त्यावरील खड्डे बुजविण्याचे काम युद्धपातळीवर हाती घेण्यात आले आहे. दरम्यान, या चालू कामाची आमदार सुलभा गायकवाड यांनी प्रत्यक्ष पाहणी करून कामाचा दर्जा, गती आणि नागरिकांना होणाऱ्या त्रासाबाबत संबंधित अधिकाऱ्यांकडून सविस्तर माहिती घेतली. ​या पाहणी दौऱ्यात नागरिकांच्या सुरक्षेला प्राधान्य देत, कामात कोणतीही दिरंगाई किंवा हलगर्जीपणा सहन केला जाणार नाही, असा सज्जड दम संबंधित यंत्रणेला भरण्यात आला आहे. ​सार्वजनिक बांधकाम विभागाचे कार्यकारी अभियंता मनोज सांगळे यांनी दिलेल्या माहितीनुसार, आगामी पाच दिवसांत चक्की नाका ते नेवाळी नाकाच्या दोन्ही मार्गांवरील जवळपास १८ ठिकाणचे खड्डे बुजविण्याचे काम पूर्ण केले जाणार आहे. ​पाहणी दरम्यान कंत्राटदारांना कामात कोणतीही तडजोड न करता, उच्च दर्जाचे साहित्य वापरून निर्धारित वेळेत काम पूर्ण करण्याचे स्पष्ट निर्देश देण्यात आले. तसेच, केवळ काम पूर्ण करणे नव्हे तर त्यानंतरही रस्त्याची गुणवत्ता दीर्घकाळ टिकून राहील, याची विशेष दक्षता घेण्यास सांगण्यात आले. ​"नागरिकांच्या सुरक्षिततेशी संबंधित रस्त्यांच्या कामात दिरंगाई, निकृष्ट दर्जा किंवा हलगर्जीपणा अजिबात खपवून घेतला जाणार नाही. दिलेल्या मुदतीत काम पूर्ण झालेच पाहिजे आणि नागरिकांना सुरक्षित, खड्डेमुक्त रस्ता मिळाला पाहिजे, ही आमची ठाम भूमिका आहे," असे आमदार सुलभा गायकवाड यांनी यावेळी स्पष्ट केले. ​या पाहणी दौऱ्यावेळी आमदार सुलभा गायकवाड यांच्यासह उपअभियंता संतोष ठाकूर व इतर संबंधित अधिकारी उपस्थित होते. या कामामुळे परिसरातील नागरिकांना मोठा दिलासा मिळण्याची अपेक्षा वर्तवली जात आहे.

MH Marathi

कल्याण, ठाणे, महाराष्ट्र•

52 min ago

कल्याण पूर्वेत रस्त्यांच्या खड्डेभरणी कामाची आमदार सुलभा गायकवाड यांच्याकडून पाहणी; हलगर्जीपणा खपवून घेतला जाणार नाही! ​कल्याण : कल्याण-डोंबिवली महानगरपालिकेच्या वतीने नेवाळी नाका ते चक्की नाका रस्त्यावरील खड्डे बुजविण्याचे काम युद्धपातळीवर हाती घेण्यात आले आहे. दरम्यान, या चालू कामाची आमदार सुलभा गायकवाड यांनी प्रत्यक्ष पाहणी करून कामाचा दर्जा, गती आणि नागरिकांना होणाऱ्या त्रासाबाबत संबंधित अधिकाऱ्यांकडून सविस्तर माहिती घेतली. ​या पाहणी दौऱ्यात नागरिकांच्या सुरक्षेला प्राधान्य देत, कामात कोणतीही दिरंगाई किंवा हलगर्जीपणा सहन केला जाणार नाही, असा सज्जड दम संबंधित यंत्रणेला भरण्यात आला आहे. ​सार्वजनिक बांधकाम विभागाचे कार्यकारी अभियंता मनोज सांगळे यांनी दिलेल्या माहितीनुसार, आगामी पाच दिवसांत चक्की नाका ते नेवाळी नाकाच्या दोन्ही मार्गांवरील जवळपास १८ ठिकाणचे खड्डे बुजविण्याचे काम पूर्ण केले जाणार आहे. ​पाहणी दरम्यान कंत्राटदारांना कामात कोणतीही तडजोड न करता, उच्च दर्जाचे साहित्य वापरून निर्धारित वेळेत काम पूर्ण करण्याचे स्पष्ट निर्देश देण्यात आले. तसेच, केवळ काम पूर्ण करणे नव्हे तर त्यानंतरही रस्त्याची गुणवत्ता दीर्घकाळ टिकून राहील, याची विशेष दक्षता घेण्यास सांगण्यात आले. ​"नागरिकांच्या सुरक्षिततेशी संबंधित रस्त्यांच्या कामात दिरंगाई, निकृष्ट दर्जा किंवा हलगर्जीपणा अजिबात खपवून घेतला जाणार नाही. दिलेल्या मुदतीत काम पूर्ण झालेच पाहिजे आणि नागरिकांना सुरक्षित, खड्डेमुक्त रस्ता मिळाला पाहिजे, ही आमची ठाम भूमिका आहे," असे आमदार सुलभा गायकवाड यांनी यावेळी स्पष्ट केले. ​या पाहणी दौऱ्यावेळी आमदार सुलभा गायकवाड यांच्यासह उपअभियंता संतोष ठाकूर व इतर संबंधित अधिकारी उपस्थित होते. या कामामुळे परिसरातील नागरिकांना मोठा दिलासा मिळण्याची अपेक्षा वर्तवली जात आहे.