புதுக்கோட்டை மாவட்டம் அன்னவாசல் அருகே உள்ள வீரப்பட்டி ஊராட்சி ஒன்றிய நடுநிலைப்பள்ளியில் பணிபுரியும் ஆசிரியர் ஜெரால்டு தாக்கப்பட்ட சம்பவத்தில், மருதுபாண்டியன் என்ற நபர் கைது செய்யப்பட்டுள்ளார். வீரப்பட்டி அரசு நடுநிலைப்பள்ளியின் தலைமை ஆசிரியராக மணிபாலா பணியாற்றி வருகிறார். நேற்று பள்ளிக்குச் சென்ற மருதுபாண்டியன், தனது மகன்களின் மாற்றுச் சான்றிதழைக் கேட்டுள்ளார். அப்போது, மாற்றுச் சான்றிதழைப் பெற உங்கள் மனைவியையும் அழைத்து வாருங்கள் என்று தலைமை ஆசிரியர் மணிபாலா கூறியதால், இருவருக்கும் இடையே வாக்குவாதம் ஏற்பட்டுள்ளது. இந்த வாக்குவாதத்தை சமாதானப்படுத்த முயன்ற இடைநிலை ஆசிரியர் ஜெரால்டுக்கும், மருதுபாண்டியனுக்கும் இடையே மோதல் உருவாகியுள்ளது. அந்த நேரத்தில் மருதுபாண்டியன், ஆசிரியர் ஜெரால்டைத் தனது செல்போனால் தலை மற்றும் நெஞ்சில் குத்தியும், மாணவர்கள் முன்னிலையில் தரக்குறைவான வார்த்தைகளால் திட்டியும், அவரது சட்டையைக் கிழித்ததாகவும் கூறப்படுகிறது. இந்தச் சம்பவத்தைத் தொடர்ந்து, 20-க்கும் மேற்பட்ட ஆசிரியர்களுடன் அன்னவாசல் காவல் நிலையத்திற்குச் சென்ற ஜெரால்டு, இது குறித்து புகார் அளித்தார். புகாரின் பேரில் வழக்குப்பதிவு செய்த அன்னவாசல் காவல்துறையினர், மருதுபாண்டியனைக் கைது செய்து சிறையில் அடைத்தனர்.

Batcha

செய்தியாளர் இலுப்பூர், புதுக்கோட்டை, தமிழ்நாடு•

1 day ago

புதுக்கோட்டை மாவட்டம் அன்னவாசல் அருகே உள்ள வீரப்பட்டி ஊராட்சி ஒன்றிய நடுநிலைப்பள்ளியில் பணிபுரியும் ஆசிரியர் ஜெரால்டு தாக்கப்பட்ட சம்பவத்தில், மருதுபாண்டியன் என்ற நபர் கைது செய்யப்பட்டுள்ளார். வீரப்பட்டி அரசு நடுநிலைப்பள்ளியின் தலைமை ஆசிரியராக மணிபாலா பணியாற்றி வருகிறார். நேற்று பள்ளிக்குச் சென்ற மருதுபாண்டியன், தனது மகன்களின் மாற்றுச் சான்றிதழைக் கேட்டுள்ளார். அப்போது,

மாற்றுச் சான்றிதழைப் பெற உங்கள் மனைவியையும் அழைத்து வாருங்கள் என்று தலைமை ஆசிரியர் மணிபாலா கூறியதால், இருவருக்கும் இடையே வாக்குவாதம் ஏற்பட்டுள்ளது. இந்த வாக்குவாதத்தை சமாதானப்படுத்த முயன்ற இடைநிலை ஆசிரியர் ஜெரால்டுக்கும், மருதுபாண்டியனுக்கும் இடையே மோதல் உருவாகியுள்ளது. அந்த நேரத்தில் மருதுபாண்டியன், ஆசிரியர் ஜெரால்டைத் தனது செல்போனால் தலை மற்றும் நெஞ்சில் குத்தியும்,

மாணவர்கள் முன்னிலையில் தரக்குறைவான வார்த்தைகளால் திட்டியும், அவரது சட்டையைக் கிழித்ததாகவும் கூறப்படுகிறது. இந்தச் சம்பவத்தைத் தொடர்ந்து, 20-க்கும் மேற்பட்ட ஆசிரியர்களுடன் அன்னவாசல் காவல் நிலையத்திற்குச் சென்ற ஜெரால்டு, இது குறித்து புகார் அளித்தார். புகாரின் பேரில் வழக்குப்பதிவு செய்த அன்னவாசல் காவல்துறையினர், மருதுபாண்டியனைக் கைது செய்து சிறையில் அடைத்தனர்.