অসমত এতিয়া ভোটাৰ আই ডি কাৰ্ড অনলাইন যোগে সহজে ডাউনলোড কৰিব পাৰিব। ইয়াৰ দ্বাৰা নতুন ভোটাৰ বা যিসকলৰ কাৰ্ড হেৰাইছে, তেওঁলোকে নিজৰ ঘৰতে বহি এই সেৱাৰ লাভ উঠাব পাৰিব। এই ডিজিটেল পদক্ষেপৰ ফলত ভোটাৰসকলে নিৰ্বাচনৰ আগতে নিজৰ পৰিচয় পত্ৰ সুৰক্ষিত কৰিব পাৰিব।

মহৰমৰ চান্দ উপলক্ষে কাৰবালাৰ ঐতিহাসিক ঘটনা স্মৰণ কৰা হৈছে। এই স্মৰণৰ সৈতে খাজা বাবা মুর্শিদ পুৰীৰ সৈতে জড়িত এক অলৌকিক ঘটনাৰো উল্লেখ আছে।

আজি বঙাইগাঁওৰ খাৰিজা দলাইগাঁওস্থিত ইণ্টাৰনেচনেল একাডেমী অফ স্কলাৰ্চত জনপ্ৰিয় শিল্পী জুবিন গাৰ্গৰ পূৰ্ণাংগ প্ৰতিমূৰ্তি উন্মোচন কৰা হয়। জুবিন গাৰ্গৰ সহধৰ্মীনি গৰিমা শইকীয়া গাৰ্গে এই প্ৰতিমূৰ্তি উন্মোচন কৰে। বঙাইগাঁওৰ বিশিষ্ট চিকিৎসক ডাঃ ইতেশ বৰদলৈৰ প্ৰচেষ্টাত স্কুলখনৰ বাকৰিত এই প্ৰতিমূৰ্তি স্থাপন কৰা হৈছিল। ওদালগুৰিৰ বিশিষ্ট শিল্পী খৰ্গেশ্বৰ বড়োই জুবিন গাৰ্গৰ এই পূৰ্ণাঙ্গ প্ৰতিমূৰ্তি নিৰ্মাণ কৰিছে। এই অনুষ্ঠানত জুবিন গাৰ্গৰ গীতৰ মাজেৰে তেওঁক স্মৰণ কৰা হয়। অনুষ্ঠানৰ অন্তত সংবাদ মাধ্যমৰ আগত প্ৰতিক্ৰিয়া প্ৰকাশ কৰি গৰিমা গাৰ্গে কয় যে বঙাইগাঁও জুবিনৰ এক আপোন স্থান, আৰু জুবিনৰ সত্তাক আমি জীয়াই ৰাখিব লাগিব। ইয়াৰ উপৰিও, তেওঁ জুবিন গাৰ্গৰ বেংক একাউণ্টৰ ধন ব্যৱহাৰ কৰাৰ সন্দৰ্ভত আৰু শ্যামকানু মহন্তই উচ্চতম ন্যায়ালয়ত আবেদন কৰাৰ সন্দৰ্ভতো নিজৰ প্ৰতিক্ৰিয়া ব্যক্ত কৰে।

কলগাছিয়াৰ তালেব আলীৰ পুত্ৰ, মানসিক বিকাৰগ্ৰস্ত আব্বাছ আলীয়ে গুৱাহাটীত চুৰি কাণ্ড সংঘটিত কৰি ভাইৰেল হৈছিল। এই ঘটনাৰ পিছতে তেওঁৰ হেনো কোটি টকীয়া সম্পত্তি আছে বুলি এক বাতৰি প্ৰচাৰ হৈছিল। কিন্তু প্ৰকৃততে তেওঁৰ অৱস্থা সম্পূৰ্ণ বেলেগ। কলগাছিয়াত অৱস্থিত আব্বাছ আলীৰ ঘৰটো দেখিলে স্পষ্ট হয় যে তেওঁৰ কোটি টকীয়া সম্পত্তিৰ দাবী ভিত্তিহীন। ঘৰটোৰ অৱস্থা অতি শোচনীয়, য'ত শুবলৈ এখন বিছনাও নাই। ভাইৰেল হোৱা চোৰ আব্বাছ আলীৰ এই তথাকথিত কোটি টকীয়া ঘৰটোৰ প্ৰকৃত ছবি দেখিলে মানুহে তেওঁৰ বাস্তৱিক পৰিস্থিতি সম্পৰ্কে পুনৰ বিবেচনা কৰিবলৈ বাধ্য হ'ব।

ধুবুৰীৰ বিদ্যাপাৰা জামে মছজিদত দিন দুপৰতে চুৰিকাণ্ড সংঘটিত কৰিবলৈ আহি ৰাইজৰ হাতত ধৰা পৰে এজন যুৱক। এই যুৱকজন নিউঘাট আইৰণজংলা তৃতীয় খণ্ড অঞ্চলৰ আব্দুল মোল্লা বুলি চিনাক্ত কৰা হৈছে। তেওঁ মছজিদৰ ভিতৰত প্ৰৱেশ কৰি তাৰ সামগ্ৰী চুৰি কৰাৰ চেষ্টা কৰিছিল। ঘটনাটো সংঘটিত হোৱাৰ লগে লগে স্থানীয় ৰাইজে চোৰটোক উত্তম মাধ্যম সোধাই লগে লগে আৰক্ষীক গতাই দিয়ে। খবৰ লাভ কৰি ধুবুৰী সদৰ আৰক্ষী ঘটনাস্থলীত উপস্থিত হৈ আব্দুল মোল্লাক আটক কৰি থানালৈ লৈ যায়। উল্লেখ্য যে, মছজিদ কমিটিৰ সূত্ৰে কিছুদিন পূৰ্বেও এই একেজন চোৰেই বিদ্যাপাৰা জামে মছজিদত চুৰিকাণ্ড সংঘটিত কৰিছিল বুলি চিচি টিভি কেমেৰাৰ ফুটেজৰ পৰা চিনাক্ত কৰিব পৰা গৈছিল।

বৰপেটা জিলাৰ ঘিৰাজাৰী গাঁৱত স্বামীয়ে নিজ পত্নীক আন লোকৰ হতুৱাই হাৰাশাস্তি কৰা এক ঘটনা সংঘটিত হৈছে।

ধুবুৰীৰ আদাবাৰী ব্ৰহ্মপুত্ৰ ফাউণ্ডেচনৰ উদ্যোগত আদাবাৰী জিলা পৰিষদৰ সদস্যা মাছুমা বেগম আৰু মালেক ফানি মেন গ্ৰুপৰ সহযোগত ধুবুৰীৰ আদাবাৰী অঞ্চলত প্ৰথম পৰ্যায়ৰ বৃক্ষৰোপণ অভিযান আনুষ্ঠানিকভাৱে শুভাৰম্ভ কৰা হয়। এই অভিযানৰ অধীনত ধুবুৰীৰ চান্দাখোল অঞ্চলত নিৰ্মীয়মান ৰাষ্ট্ৰীয় ঘাইপথৰ মাজৰ অংশত আৰু ইয়াৰ আশে-পাশে পৰিৱেশ জীয়াই ৰখাৰ লগতে ৰাইজৰ মাজত সজাগতা অনাৰ উদ্দেশ্যে ২০০ জোপা বাণিজ্যিক গছপুলি ৰোপণ কৰা হৈছে। এই কাৰ্যসূচী সুচাৰুৰূপে সম্পূর্ণ হয়। আদাবাৰীৰ স্বেচ্ছাসেৱী সংগঠনসমূহে গ্ৰহণ কৰা এই পদক্ষেপক এক প্ৰশংসনীয় পদক্ষেপ হিচাপে আখ্যা দিয়া হৈছে।

ধুবুৰী জিলাৰ গৌৰীপুৰ আৰক্ষী থানাই এক উল্লেখনীয় সফলতা লাভ কৰিছে। বিগত সময়ছোৱাত গৌৰীপুৰৰ বিভিন্ন অঞ্চলৰ ব্যক্তিগত ঘৰ আৰু মঠ-মন্দিৰৰ পৰা চুৰি হোৱা বহু সামগ্ৰী উদ্ধাৰ কৰাৰ লগতে এই ঘটনাৰ সৈতে জড়িত ৯ জন চোৰক গ্ৰেপ্তাৰ কৰা হৈছে। জানিব পৰা মতে, যোৱা পৰহি গৌৰীপুৰ আৰক্ষীয়ে এক গোপন সূত্ৰৰ ভিত্তিত গৌৰীপুৰৰ টিয়ামাৰী অঞ্চলত এটি দোকানত অভিযান চলায়। গৌৰীপুৰ আৰক্ষী থানাৰ ভাৰপ্ৰাপ্ত বিষয়া বিভূতি থাপাৰ নেতৃত্বত আৰু চহৰ উপ-পৰিদৰ্শক নেত্ৰ কমল বৰাৰ সহযোগত চলা এই অভিযানত কেইবাটাও বিভিন্ন ধৰণৰ চুৰি সামগ্ৰী উদ্ধাৰ হয়। উদ্ধাৰ হোৱা সামগ্ৰীসমূহৰ ভিতৰত বিভিন্ন পূজাৰ সামগ্ৰী, গেছ চিলিণ্ডাৰ, মাইকৰ মেচিন, বৈদ্যুতিক তাঁৰ, বেটাৰী আৰু বিভিন্ন ধৰণৰ লোহাৰ সামগ্ৰী অন্যতম আছিল। এই চুৰি কাণ্ডত জড়িত থকা আৰু গৌৰীপুৰ আৰক্ষীয়ে গ্ৰেপ্তাৰ কৰা লোকসকল হ'ল ক্ৰমে: মালাটিখামাৰৰ মনোৱাৰ হুছেইনৰ পুত্ৰ হাছানুৰ ইছলাম ওৰফে মিলন (২২); টিয়ামাৰী ২ খণ্ডৰ উছমান আলীৰ পুত্ৰ খাইৰুছ জামান (৩৭); ফুলুকামাৰীৰ বিনোদ দাসৰ পুত্ৰ মিন্টু দাস (১৯); মধূশৌলমাৰী ২য় খণ্ডৰ লেফটেনেণ্ট সুকুৰ আলীৰ পুত্ৰ মফিজুৰ ৰহমান (৩৯); গৌৰীপুৰৰ চৌৰাংগীমোৰৰ আবুল হুচেইনৰ পুত্ৰ সৰিফুল হুচেইন (১৮) আৰু একে স্থানৰ ৰফিকুল হুচেইন (২৩); টিয়ামাৰীৰ ছানোৱাৰ হুচেইনৰ পুত্ৰ সাহিনুল সেখ (২৪); গৌৰীপুৰ বৰবাৰীৰ আব্দুল আজিজৰ পুত্ৰ পিংকু আলোম (২৭); আৰু চুপাৰ মাৰ্কেটৰ গোপাল ৰায়ৰ পুত্ৰ মনোজ ৰায় (২০)। বৰ্তমান গৌৰীপুৰ আৰক্ষীয়ে এই সমগ্ৰ চুৰি কাৰ্য্যৰ ওপৰত আৰু অধিক তদন্ত অব্যাহত ৰাখিছে বুলি জানিবলৈ পোৱা গৈছে।

ধুবুৰী জিলাৰ গৌৰীপুৰ আৰক্ষী থানাই শেহতীয়াকৈ এক বিশাল সফলতা লাভ কৰিছে। গৌৰীপুৰ আৰক্ষীয়ে বিগত সময়ছোৱাত গৌৰীপুৰৰ বিভিন্ন অঞ্চলৰ ব্যক্তিগত ঘৰ আৰু বিভিন্ন মঠ-মন্দিৰৰ পৰা চুৰি কৰা সামগ্ৰীসমূহ উদ্ধাৰ কৰাৰ লগতে মুঠ ৯ জনকৈ চোৰক গ্ৰেপ্তাৰ কৰিছে। এই অভিযানত বৃহৎ পৰিমাণৰ চুৰি সামগ্ৰী জব্দ কৰা হৈছে, যিটো গৌৰীপুৰ থানাৰ আৰক্ষীৰ এক উল্লেখনীয় কৃতিত্ব বুলি অভিহিত কৰা হৈছে।