ড্ৰাগছৰ বিৰুদ্ধে অৰুণাচল প্ৰদেশৰ চাংলাং জিলা আৰক্ষীয়ে অব্যাহত ৰাখিছে কঠোৰ অভিযান। অৰুণাচল প্ৰদেশৰ চাংলাং জিলা আৰক্ষীৰ এক বৃহৎ সফলতাত নদীপাৰ অঞ্চলৰ পৰা বুজন পৰিমাণৰ নিচাজাতীয় সামগ্ৰীসহ এজন সৰবৰাহকাৰীক গ্ৰেপ্তাৰ কৰিবলৈ সক্ষম হৈছে। সবিশেষ চাংলাঙত ড্ৰাগছ সৰবৰাহকাৰীৰ বিৰুদ্ধে আৰক্ষীৰ মাৰথোন অভিযান। চাংলাং জিলাৰ আৰক্ষী অধীক্ষকৰ (SP) প্ৰত্যক্ষ তত্বাৱধানত আৰু চাংলাং সদৰ থানাৰ ভাৰপ্ৰাপ্ত বিষয়া (OC) পৰিদৰ্শক বি. চাৰোহৰ নেতৃত্বত যোৱা আৰক্ষীৰ এটা দলে নদীপাৰ অঞ্চলত এক গোপন সূত্ৰৰ পম খেদি তালাচী অভিযান চলায়।​এই অভিযান কালত আৰক্ষীৰ দলটোৱে প্লাষ্টিকৰ কণ্টেইনাৰত লুকুৱাই ৰখা অৱস্থাত প্ৰায় ২২.২ গ্ৰাম সন্দেহযুক্ত নিচাজাতীয় পাউডাৰ (হেৰোইন) জব্দ কৰিবলৈ সক্ষম হয়। ড্ৰাগছখিনি নিজৰ জিম্মাত ৰখাৰ অপৰাধত আৰক্ষীয়ে মাণিক বণিক নামৰ এজন ব্যক্তিক হাতে-লোটে গ্ৰেপ্তাৰ কৰে। ​ধৃত অভিযুক্ত মাণিক বণিকৰ বিৰুদ্ধে ইতিমধ্যে NDPS আইন, ১৯৮৫ ৰ অধীনত এক গোচৰ ৰুজু কৰি আৰক্ষীয়ে তদন্ত অব্যাহত ৰাখিছে। ​উল্লেখযোগ্য যে, এই সফল অভিযানত পৰিদৰ্শক বি. চাৰোহৰ লগতে কনিষ্টবল নকোৱাং খেটে, সুশীল ৰাজভৰ, হিয়াৰাং আপেচাম, নোৱাং ৱাংছা, মহিলা কনিষ্টবল আৰতি মিবাং আৰু চালক কনিষ্টবল লোমডুং হাখিয়ে আগভাগ লয়। ​জিলাখনৰ পৰা ড্ৰাগছৰ সন্ত্ৰাস নিৰ্মূল কৰাৰ ক্ষেত্ৰত চাংলাং জিলা আৰক্ষীয়ে যে কোনো ধৰণৰ আপোচ নকৰে, সেয়া এই অভিযানৰ জৰিয়তে পুনৰবাৰ স্পষ্ট কৰি দিছে।

Deepak Das

Local News Reporter মাৰ্ঘেৰিটা, তিনিচুকীয়া, অসম•

14 hrs ago

ড্ৰাগছৰ বিৰুদ্ধে অৰুণাচল প্ৰদেশৰ চাংলাং জিলা আৰক্ষীয়ে অব্যাহত ৰাখিছে কঠোৰ অভিযান। অৰুণাচল প্ৰদেশৰ চাংলাং জিলা আৰক্ষীৰ এক বৃহৎ সফলতাত নদীপাৰ অঞ্চলৰ পৰা বুজন পৰিমাণৰ নিচাজাতীয় সামগ্ৰীসহ এজন সৰবৰাহকাৰীক গ্ৰেপ্তাৰ কৰিবলৈ সক্ষম হৈছে। সবিশেষ চাংলাঙত ড্ৰাগছ সৰবৰাহকাৰীৰ বিৰুদ্ধে আৰক্ষীৰ মাৰথোন অভিযান। চাংলাং জিলাৰ আৰক্ষী অধীক্ষকৰ (SP) প্ৰত্যক্ষ তত্বাৱধানত আৰু চাংলাং সদৰ থানাৰ ভাৰপ্ৰাপ্ত বিষয়া (OC) পৰিদৰ্শক বি. চাৰোহৰ নেতৃত্বত যোৱা আৰক্ষীৰ এটা দলে নদীপাৰ অঞ্চলত এক গোপন সূত্ৰৰ পম খেদি তালাচী অভিযান চলায়।​এই অভিযান কালত আৰক্ষীৰ দলটোৱে প্লাষ্টিকৰ কণ্টেইনাৰত লুকুৱাই ৰখা অৱস্থাত প্ৰায় ২২.২ গ্ৰাম সন্দেহযুক্ত নিচাজাতীয় পাউডাৰ (হেৰোইন) জব্দ কৰিবলৈ সক্ষম হয়। ড্ৰাগছখিনি নিজৰ জিম্মাত ৰখাৰ অপৰাধত আৰক্ষীয়ে মাণিক বণিক নামৰ এজন ব্যক্তিক হাতে-লোটে গ্ৰেপ্তাৰ কৰে। ​ধৃত অভিযুক্ত মাণিক বণিকৰ বিৰুদ্ধে ইতিমধ্যে NDPS আইন, ১৯৮৫ ৰ অধীনত এক গোচৰ ৰুজু কৰি আৰক্ষীয়ে তদন্ত অব্যাহত ৰাখিছে। ​উল্লেখযোগ্য যে, এই সফল অভিযানত পৰিদৰ্শক বি. চাৰোহৰ লগতে কনিষ্টবল নকোৱাং খেটে, সুশীল ৰাজভৰ, হিয়াৰাং আপেচাম, নোৱাং ৱাংছা, মহিলা কনিষ্টবল আৰতি মিবাং আৰু চালক কনিষ্টবল লোমডুং হাখিয়ে আগভাগ লয়। ​জিলাখনৰ পৰা ড্ৰাগছৰ সন্ত্ৰাস নিৰ্মূল কৰাৰ ক্ষেত্ৰত চাংলাং জিলা আৰক্ষীয়ে যে কোনো ধৰণৰ আপোচ নকৰে, সেয়া এই অভিযানৰ জৰিয়তে পুনৰবাৰ স্পষ্ট কৰি দিছে।