नांदेडच्या मुखेडमध्ये जन्म-मृत्यू नोंदीचे आदेश प्रमाणपत्र मिळण्यास होणाऱ्या दिरंगाईविरोधात ऑल इंडिया तन्जिम-ए-इन्साफ या संघटनेने मुखेड तहसील कार्यालयावर मोर्चा काढण्याचा इशारा दिला आहे. या संदर्भात ऑल इंडिया तन्जिम-ए-इन्साफचे मुखेड तालुकाध्यक्ष हशनोद्दीन शेख यांनी १० जुलै रोजी मुखेडच्या तहसीलदारांना एक निवेदन सादर केले आहे. जन्म-मृत्यू नोंदणीचे आदेश नगरपरिषद आणि ग्रामपंचायत कार्यालयांना देण्याचे अधिकार तालुका दंडाधिकारी तथा तहसीलदारांना आहेत. मात्र, मुखेड तहसील कार्यालयातील संबंधित विभाग हा जास्तीत जास्त वेळा कुलूपबंदच राहत असल्याने आदेश प्रमाणपत्राच्या कामात मोठी दिरंगाई होत आहे. यामुळे गरजू अर्जदार, महिला आणि विद्यार्थ्यांची प्रचंड पायपीट होत असून विद्यार्थ्यांच्या शैक्षणिक वर्षावरही याचा अतिशय वाईट परिणाम होत आहे. तहसीलदारांनी या गंभीर समस्येकडे त्वरित लक्ष देऊन पात्र अर्जदारांना जन्म-मृत्यूची नोंद घेण्याबाबतचे आदेश जारी करावेत आणि नागरिकांची होणारी हेळसांड थांबवावी, अन्यथा तहसील कार्यालयावर तीव्र मोर्चा काढला जाईल, असा इशारा हशनोद्दीन शेख यांच्या वतीने देण्यात आला आहे.

Milind Manohar Kamble

मुखेड, नांदेड, महाराष्ट्र•

1 hr ago

नांदेडच्या मुखेडमध्ये जन्म-मृत्यू नोंदीचे आदेश प्रमाणपत्र मिळण्यास होणाऱ्या दिरंगाईविरोधात ऑल इंडिया तन्जिम-ए-इन्साफ या संघटनेने मुखेड तहसील कार्यालयावर मोर्चा काढण्याचा इशारा दिला आहे. या संदर्भात ऑल इंडिया तन्जिम-ए-इन्साफचे मुखेड तालुकाध्यक्ष हशनोद्दीन शेख यांनी १० जुलै रोजी मुखेडच्या तहसीलदारांना एक निवेदन सादर केले आहे. जन्म-मृत्यू नोंदणीचे आदेश नगरपरिषद आणि ग्रामपंचायत कार्यालयांना देण्याचे अधिकार तालुका दंडाधिकारी तथा तहसीलदारांना आहेत. मात्र, मुखेड तहसील कार्यालयातील संबंधित विभाग हा जास्तीत जास्त वेळा कुलूपबंदच राहत असल्याने आदेश प्रमाणपत्राच्या कामात मोठी दिरंगाई होत आहे. यामुळे गरजू अर्जदार, महिला आणि विद्यार्थ्यांची प्रचंड पायपीट होत असून विद्यार्थ्यांच्या शैक्षणिक वर्षावरही याचा अतिशय वाईट परिणाम होत आहे. तहसीलदारांनी या गंभीर समस्येकडे त्वरित लक्ष देऊन पात्र अर्जदारांना जन्म-मृत्यूची नोंद घेण्याबाबतचे आदेश जारी करावेत आणि नागरिकांची होणारी हेळसांड थांबवावी, अन्यथा तहसील कार्यालयावर तीव्र मोर्चा काढला जाईल, असा इशारा हशनोद्दीन शेख यांच्या वतीने देण्यात आला आहे.