नांदेड जिल्ह्यातील देगलूर तालुक्यातील आमदापूर येथे, मरखेल पोलीस ठाण्याच्या हद्दीत अनैतिक संबंधातून पतीचा खून झाल्याची धक्कादायक घटना समोर आली आहे. या प्रकरणी पत्नीसह तिच्या प्रियकराला पोलिसांनी अटक केली आहे. मृत पती रामकिशन गंगाधर गोलेवार हे दिनांक २५ एप्रिल २०२६ पासून बेपत्ता असल्याची तक्रार त्यांची पत्नी दैवशला रामकिशन गोलेवार यांनी तब्बल २२ दिवसांनी, म्हणजेच १७ मे रोजी मरखेल पोलीस ठाण्यात दाखल केली होती. या तक्रारीनंतर पोलीस ठाण्याच्या विशेष पथकाने तपास सुरू केला. तांत्रिक विश्लेषण, गुप्त माहिती, साक्षीदारांचे जबाब आणि वैज्ञानिक पुराव्यांच्या आधारे पोलिसांनी आरोपींचा शोध घेतला. तपासात मयताची पत्नी दैवशला रामकिशन गोलेवार आणि गावातील तिचा प्रियकर सुभाष व्यंकन्ना यतरवाड यांनी पतीचा खून करून मृतदेह शेतात पुरल्याची कबुली दिली. पोलिसांनी पुरलेल्या मृतदेहाचे उत्खनन करून त्याचे अवशेष, मानवी सांगाडा, गुन्ह्यात वापरलेले हत्यार, मयताचे कपडे तसेच डीएनएचे नमुने जप्त केले आणि दोन्ही आरोपींना अटक केली. या दोन्ही आरोपींना दिनांक १९ जून रोजी देगलूर न्यायालयात हजर करण्यात आले असता, न्यायालयाने त्यांना सहा दिवसांची पोलीस कोठडी सुनावली आहे.

जयपाल चांदोबा दावनगीरकर

Social worker देगलूर, नांदेड, महाराष्ट्र•

2 hrs ago

नांदेड जिल्ह्यातील देगलूर तालुक्यातील आमदापूर येथे, मरखेल पोलीस ठाण्याच्या हद्दीत अनैतिक संबंधातून पतीचा खून झाल्याची धक्कादायक घटना समोर आली आहे. या प्रकरणी पत्नीसह तिच्या प्रियकराला पोलिसांनी अटक केली आहे. मृत पती रामकिशन गंगाधर गोलेवार हे दिनांक २५ एप्रिल २०२६ पासून बेपत्ता असल्याची तक्रार त्यांची पत्नी दैवशला रामकिशन गोलेवार यांनी तब्बल २२ दिवसांनी, म्हणजेच १७ मे रोजी मरखेल पोलीस ठाण्यात दाखल केली होती. या तक्रारीनंतर पोलीस ठाण्याच्या विशेष पथकाने तपास सुरू केला. तांत्रिक विश्लेषण, गुप्त माहिती, साक्षीदारांचे जबाब आणि वैज्ञानिक पुराव्यांच्या आधारे पोलिसांनी आरोपींचा शोध घेतला. तपासात मयताची पत्नी दैवशला रामकिशन गोलेवार आणि गावातील तिचा प्रियकर सुभाष व्यंकन्ना यतरवाड यांनी पतीचा खून करून मृतदेह शेतात पुरल्याची कबुली दिली. पोलिसांनी पुरलेल्या मृतदेहाचे उत्खनन करून त्याचे अवशेष, मानवी सांगाडा, गुन्ह्यात वापरलेले हत्यार, मयताचे कपडे तसेच डीएनएचे नमुने जप्त केले आणि दोन्ही आरोपींना अटक केली. या दोन्ही आरोपींना दिनांक १९ जून रोजी देगलूर न्यायालयात हजर करण्यात आले असता, न्यायालयाने त्यांना सहा दिवसांची पोलीस कोठडी सुनावली आहे.