ವಿಶ್ವ ಯೋಗ ದಿನಾಚರಣೆಯ ವಿಶೇಷ ಸಂದರ್ಭದಲ್ಲಿ, ದೈಹಿಕ ಮತ್ತು ಮಾನಸಿಕ ಸದೃಢತೆಗಾಗಿ ಯೋಗಾಸನ ಕೇವಲ ಒಂದು ದಿನಕ್ಕೆ ಸೀಮಿತವಾಗದೆ ನಿತ್ಯ ಜೀವನದ ಅವಿಭಾಜ್ಯ ಅಂಗವಾಗಬೇಕು ಎಂಬುದನ್ನು ಗಡಿನಾಡು ಅಥಣಿಯ 74 ವರ್ಷದ ವಿಲಾಸರಾವ್ ಕುಲಕರ್ಣಿ ನಿರೂಪಿಸಿದ್ದಾರೆ. ಕಳೆದ 15 ವರ್ಷಗಳಿಂದ ನಿರಂತರವಾಗಿ ಜಲಯೋಗ ಅಭ್ಯಾಸ ಮಾಡುತ್ತಿರುವ ಇವರು, ನೆಲದ ಮೇಲೆ ಆಸನ ಮಾಡುವ ಬದಲು ನೀರಿನಲ್ಲಿ ತೇಲುತ್ತಾ ವಿವಿಧ ಯೋಗಾಸನ ಭಂಗಿಗಳನ್ನು ಪ್ರದರ್ಶಿಸುವ ಮೂಲಕ ವಿಶಿಷ್ಟ ಸಾಧನೆ ಮಾಡಿದ್ದಾರೆ. ಬ್ರಹ್ಮಚರ್ಯ ಪಾಲಿಸಿಕೊಂಡು ಬಂದಿರುವ ಕುಲಕರ್ಣಿ, ಸದಾ ಲವಲವಿಕೆ, ಚುರುಕುತನ ಹಾಗೂ ಆರೋಗ್ಯಕರ ಜೀವನಶೈಲಿಯಿಂದ ಜನಪ್ರಿಯರಾಗಿದ್ದು, ಅವರ ಫಿಟ್ನೆಸ್ ಅನೇಕ ಯುವಕರಿಗೆ ಸ್ಫೂರ್ತಿದಾಯಕವಾಗಿದೆ. ಅವರು ಅಥಣಿ ಪಟ್ಟಣದ ನಿವಾಸಿ. ವಿಲಾಸರಾವ್ ಕುಲಕರ್ಣಿಯವರಿಗೆ ಈಜುಗಾರಿಕೆ ಮತ್ತು ಜಲಯೋಗದ ಅಭ್ಯಾಸ ಅವರ ತಂದೆ ಗೋವಿಂದರಾವ್ ಮಾಸ್ತರ್ ಅವರಿಂದ ಬಂದ ಬಳುವಳಿಯಾಗಿದ್ದು, ಇದು ಅವರ ದೈಹಿಕ ಮತ್ತು ಮಾನಸಿಕ ಆರೋಗ್ಯ ಸುಧಾರಣೆಗೆ ಇಂದಿಗೂ ಸಹಕಾರಿಯಾಗಿದೆ. ಚಳಿಗಾಲ, ಮಳೆಗಾಲ ಹಾಗೂ ಬೇಸಿಗೆಕಾಲ ಲೆಕ್ಕಿಸದೆ ವರ್ಷದ 12 ತಿಂಗಳು ನಿತ್ಯ ಒಂದು ಗಂಟೆ ಕಾಲ ಬಾವಿಯಲ್ಲಿ ಜಲಯೋಗ ಅಭ್ಯಾಸದಲ್ಲಿ ನಿರತರಾಗಿರುತ್ತಾರೆ. 74ರ ಇಳಿವಯಸ್ಸಿನಲ್ಲಿಯೂ ಅಥಣಿ ಪಟ್ಟಣ ಹಾಗೂ ಸುತ್ತಮುತ್ತಲಿನ ಬಾವಿಗಳಲ್ಲಿ ಪದ್ಮಾಸನ, ಶವಾಸನ, ಸಮುದ್ರೋಲ್ಲಂಘಾಸನ ಸೇರಿದಂತೆ ಅನೇಕ ಯೋಗಾಸನ ಭಂಗಿಗಳನ್ನು ನೀರಿನಲ್ಲಿ ಪ್ರದರ್ಶಿಸಿ ಯುವಕರು ನಾಚುವಂತೆ ಮಾಡುತ್ತಾರೆ. ಇವರು ಚಿಕ್ಕಮಕ್ಕಳು ಮತ್ತು ಯುವಕರಿಗೆ ಈಜು ಹಾಗೂ ಆಸನಗಳ ಬಗ್ಗೆ ಮಾಹಿತಿ ನೀಡುತ್ತಾರೆ. ವಿಲಾಸರಾವ್ ಅವರ ಈ ಅಪರೂಪದ ಸಾಧನೆಗೆ ತಾಲೂಕು ಆಡಳಿತವು ಗಣರಾಜ್ಯೋತ್ಸವ ಸಂದರ್ಭದಲ್ಲಿ ಸನ್ಮಾನಿಸಿ 'ಜಲಯೋಗ ಸಾಧಕ' ಎಂಬ ಪ್ರಶಸ್ತಿ ಪತ್ರವನ್ನು ನೀಡಿದೆ. ಅಲ್ಲದೆ, ಕನ್ನಡ ಸಾಹಿತ್ಯ ಪರಿಷತ್ತು, ಕರ್ನಾಟಕ ರಕ್ಷಣಾ ವೇದಿಕೆ, ಮಠಾಧೀಶರು ಹಾಗೂ ವಿವಿಧ ಸಂಘ-ಸಂಸ್ಥೆಗಳು ಇವರನ್ನು ಸನ್ಮಾನಿಸಿ ಅಭಿನಂದಿಸಿವೆ. ಅಥಣಿಯ ವೈದ್ಯರಾದ ಡಾ. ರಮೇಶ್ ಗುಳ್ಳ ಅವರು ಇವರ ವ್ಯಕ್ತಿತ್ವ ಮತ್ತು ಸಾಧನೆಯ ಕುರಿತು 'ವಿಶ್ವ ಜಲಯೋಗ' ಎಂಬ ಪುಸ್ತಕವನ್ನು ಪ್ರಕಟಿಸಿದ್ದು, ಇದು ಜಲಯೋಗದ ಕುರಿತು ವಿಶ್ವದಲ್ಲಿಯೇ ಪ್ರಥಮ ಪುಸ್ತಕವಾಗಿದೆ ಮತ್ತು ಸಮಾಜದ ಆರೋಗ್ಯ ಕಾಯ್ದುಕೊಳ್ಳಲು ಸಹಕಾರಿಯಾಗಿದೆ. ಶುರು app ನೊಂದಿಗೆ ಮಾತನಾಡಿದ ಜಲಯೋಗ ಸಾಧಕ ವಿಲಾಸರಾವ್ ಕುಲಕರ್ಣಿ, ಬಾವಿಯ ನೀರು ಬೆಚ್ಚಗಿರುತ್ತದೆ ಮತ್ತು ಚಳಿಯು ಗಾಳಿಯಲ್ಲಿ ಇರುತ್ತದೆ, ನೀರಿನಲ್ಲಿ ಜಿಗಿದರೆ ಚಳಿ ಓಡಿ ಹೋಗುತ್ತದೆ ಎಂದು ತಿಳಿಸಿದ್ದಾರೆ. ಬಾವಿಯಲ್ಲಿ ಐದು ಅಡಿ ಆಳವಿರಲಿ ಅಥವಾ ಹೆಚ್ಚು ಆಳವಿರಲಿ, ಜಲಯೋಗಕ್ಕೆ ಯಾವುದೇ ಅಡಚಣೆ ಇಲ್ಲ ಎಂದಿರುವ ಅವರು, ತಣ್ಣೀರಿನ ಸ್ನಾನ ಆರೋಗ್ಯಕ್ಕೆ ಒಳ್ಳೆಯದು ಎಂದು ಪ್ರತಿಪಾದಿಸಿದ್ದಾರೆ. ಪ್ರತಿದಿನ ನೀರಿನಲ್ಲಿ ಈಜಾಡುವುದರಿಂದ ದೇಹದ ಎಲ್ಲಾ ಅಂಗಾಂಗಗಳಿಗೆ ವ್ಯಾಯಾಮವಾಗುತ್ತದೆ ಹಾಗೂ ನೀರಿನಲ್ಲಿ ತೇಲುವಿಕೆ ಮತ್ತು ದೇಹದ ಭಾರ ಕಡಿಮೆಯಾಗುವುದರಿಂದ ಕೀಲು ನೋವುಗಳಿಗೆ ಯಾವುದೇ ಹಾನಿಯಾಗದಂತೆ ದೈಹಿಕ ಸದೃಢತೆಗೆ ಸಹಕಾರಿಯಾಗುತ್ತದೆ ಎಂದಿದ್ದಾರೆ. ಆಸಕ್ತಿ ಹೊಂದಿರುವ ಚಿಕ್ಕಮಕ್ಕಳು, ಯುವಕ-ಯುವತಿಯರಿಗೆ ಈಜು ಮತ್ತು ನೀರಿನಲ್ಲಿ ಯೋಗಾಭ್ಯಾಸಗಳನ್ನು ಉಚಿತವಾಗಿ ಹೇಳಿಕೊಡುತ್ತಿರುವುದಾಗಿ ಅವರು ಸಂತಸ ಹಂಚಿಕೊಂಡರು. ಅಥಣಿಯ ವೈದ್ಯರಾದ ಡಾ. ರಮೇಶ ಗುಳ್ಳ ಅವರು, ಜಲಯೋಗದಿಂದಲೇ ಸಾಧನೆಯ ಜತೆಗೆ ಸಾರ್ಥಕ ಬದುಕು ನಡೆಸುತ್ತಿರುವ ವಿಲಾಸರಾವ್ ಕುಲಕರ್ಣಿ ಎಲ್ಲರಿಗೂ ಸ್ಫೂರ್ತಿಯಾಗಿದ್ದಾರೆ ಎಂದು ಹೇಳಿದ್ದಾರೆ. ಹಿರಿಯ ಸಾಹಿತಿ ಡಾ. ಬಾಳಾಸಾಹೇಬ ಲೋಕಾಪುರ ಅವರು, ವಿಲಾಸರಾವ್ ಯಾವುದೇ ಗುರುವಿನ ಮಾರ್ಗದರ್ಶನವಿಲ್ಲದೆ, ಮನಸ್ಸನ್ನೇ ಗುರುವಾಗಿಸಿಕೊಂಡು ಏಕಾಗ್ರತೆ, ಆತ್ಮವಿಶ್ವಾಸ ಮತ್ತು ಧೈರ್ಯದಿಂದ ಕ್ಲಿಷ್ಟಕರ ಯೋಗ ಭಂಗಿಗಳನ್ನು ನೀರಿನಲ್ಲಿ ಲೀಲಾಜಾಲವಾಗಿ ಪ್ರದರ್ಶಿಸುವುದು ವಿಸ್ಮಯಕಾರಿ ಎಂದು ಬಣ್ಣಿಸಿದ್ದಾರೆ. ಮಳೆಗಾಲ ಮತ್ತು ಚಳಿಗಾಲದಲ್ಲಿ ಜಲಯೋಗ ಮತ್ತು ಈಜಲು ಯಾವುದೇ ತೊಂದರೆ ಇಲ್ಲ, ಆದರೆ ಬೇಸಿಗೆಯಲ್ಲಿ ಅನೇಕ ಬಾವಿಗಳು ಬತ್ತುವುದರಿಂದ ಸಮಸ್ಯೆ ಎದುರಾಗುತ್ತದೆ. ಆದ್ದರಿಂದ, ಸರ್ಕಾರ ಮತ್ತು ಜನಪ್ರತಿನಿಧಿಗಳು ತಾಲೂಕಿನ ಜನತೆಗೆ ಅನುಕೂಲವಾಗುವಂತೆ ಈಜು ಕೊಳವನ್ನು ನಿರ್ಮಿಸಬೇಕು ಎಂದು ವಿಲಾಸರಾವ್ ಕುಲಕರ್ಣಿ ಮನವಿ ಮಾಡಿದ್ದಾರೆ. ಯೋಗ ಬಲ್ಲವರಿಗೆ ರೋಗವಿಲ್ಲ ಎಂಬ ಮಾತಿನಂತೆ ವಿಲಾಸರಾವ್ ಕುಲಕರ್ಣಿ ಸಮಾಜಕ್ಕೆ ಮಾದರಿಯಾಗಿದ್ದಾರೆ.

Dr RAMANNA.S.D

Journalist ಅಥಣಿ, ಬೆಳಗಾವಿ, ಕರ್ನಾಟಕ•

10 hrs ago

ವಿಶ್ವ ಯೋಗ ದಿನಾಚರಣೆಯ ವಿಶೇಷ ಸಂದರ್ಭದಲ್ಲಿ, ದೈಹಿಕ ಮತ್ತು ಮಾನಸಿಕ ಸದೃಢತೆಗಾಗಿ ಯೋಗಾಸನ ಕೇವಲ ಒಂದು ದಿನಕ್ಕೆ ಸೀಮಿತವಾಗದೆ ನಿತ್ಯ ಜೀವನದ ಅವಿಭಾಜ್ಯ ಅಂಗವಾಗಬೇಕು ಎಂಬುದನ್ನು ಗಡಿನಾಡು ಅಥಣಿಯ 74 ವರ್ಷದ ವಿಲಾಸರಾವ್ ಕುಲಕರ್ಣಿ ನಿರೂಪಿಸಿದ್ದಾರೆ. ಕಳೆದ 15 ವರ್ಷಗಳಿಂದ ನಿರಂತರವಾಗಿ ಜಲಯೋಗ ಅಭ್ಯಾಸ ಮಾಡುತ್ತಿರುವ ಇವರು, ನೆಲದ ಮೇಲೆ ಆಸನ ಮಾಡುವ ಬದಲು ನೀರಿನಲ್ಲಿ ತೇಲುತ್ತಾ ವಿವಿಧ ಯೋಗಾಸನ ಭಂಗಿಗಳನ್ನು ಪ್ರದರ್ಶಿಸುವ ಮೂಲಕ ವಿಶಿಷ್ಟ ಸಾಧನೆ ಮಾಡಿದ್ದಾರೆ. ಬ್ರಹ್ಮಚರ್ಯ ಪಾಲಿಸಿಕೊಂಡು ಬಂದಿರುವ ಕುಲಕರ್ಣಿ, ಸದಾ ಲವಲವಿಕೆ, ಚುರುಕುತನ ಹಾಗೂ ಆರೋಗ್ಯಕರ ಜೀವನಶೈಲಿಯಿಂದ ಜನಪ್ರಿಯರಾಗಿದ್ದು, ಅವರ ಫಿಟ್ನೆಸ್ ಅನೇಕ ಯುವಕರಿಗೆ ಸ್ಫೂರ್ತಿದಾಯಕವಾಗಿದೆ. ಅವರು ಅಥಣಿ ಪಟ್ಟಣದ ನಿವಾಸಿ. ವಿಲಾಸರಾವ್ ಕುಲಕರ್ಣಿಯವರಿಗೆ ಈಜುಗಾರಿಕೆ ಮತ್ತು ಜಲಯೋಗದ ಅಭ್ಯಾಸ ಅವರ ತಂದೆ ಗೋವಿಂದರಾವ್ ಮಾಸ್ತರ್ ಅವರಿಂದ ಬಂದ ಬಳುವಳಿಯಾಗಿದ್ದು, ಇದು ಅವರ ದೈಹಿಕ ಮತ್ತು ಮಾನಸಿಕ ಆರೋಗ್ಯ

ಸುಧಾರಣೆಗೆ ಇಂದಿಗೂ ಸಹಕಾರಿಯಾಗಿದೆ. ಚಳಿಗಾಲ, ಮಳೆಗಾಲ ಹಾಗೂ ಬೇಸಿಗೆಕಾಲ ಲೆಕ್ಕಿಸದೆ ವರ್ಷದ 12 ತಿಂಗಳು ನಿತ್ಯ ಒಂದು ಗಂಟೆ ಕಾಲ ಬಾವಿಯಲ್ಲಿ ಜಲಯೋಗ ಅಭ್ಯಾಸದಲ್ಲಿ ನಿರತರಾಗಿರುತ್ತಾರೆ. 74ರ ಇಳಿವಯಸ್ಸಿನಲ್ಲಿಯೂ ಅಥಣಿ ಪಟ್ಟಣ ಹಾಗೂ ಸುತ್ತಮುತ್ತಲಿನ ಬಾವಿಗಳಲ್ಲಿ ಪದ್ಮಾಸನ, ಶವಾಸನ, ಸಮುದ್ರೋಲ್ಲಂಘಾಸನ ಸೇರಿದಂತೆ ಅನೇಕ ಯೋಗಾಸನ ಭಂಗಿಗಳನ್ನು ನೀರಿನಲ್ಲಿ ಪ್ರದರ್ಶಿಸಿ ಯುವಕರು ನಾಚುವಂತೆ ಮಾಡುತ್ತಾರೆ. ಇವರು ಚಿಕ್ಕಮಕ್ಕಳು ಮತ್ತು ಯುವಕರಿಗೆ ಈಜು ಹಾಗೂ ಆಸನಗಳ ಬಗ್ಗೆ ಮಾಹಿತಿ ನೀಡುತ್ತಾರೆ. ವಿಲಾಸರಾವ್ ಅವರ ಈ ಅಪರೂಪದ ಸಾಧನೆಗೆ ತಾಲೂಕು ಆಡಳಿತವು ಗಣರಾಜ್ಯೋತ್ಸವ ಸಂದರ್ಭದಲ್ಲಿ ಸನ್ಮಾನಿಸಿ 'ಜಲಯೋಗ ಸಾಧಕ' ಎಂಬ ಪ್ರಶಸ್ತಿ ಪತ್ರವನ್ನು ನೀಡಿದೆ. ಅಲ್ಲದೆ, ಕನ್ನಡ ಸಾಹಿತ್ಯ ಪರಿಷತ್ತು, ಕರ್ನಾಟಕ ರಕ್ಷಣಾ ವೇದಿಕೆ, ಮಠಾಧೀಶರು ಹಾಗೂ ವಿವಿಧ ಸಂಘ-ಸಂಸ್ಥೆಗಳು ಇವರನ್ನು ಸನ್ಮಾನಿಸಿ ಅಭಿನಂದಿಸಿವೆ. ಅಥಣಿಯ ವೈದ್ಯರಾದ ಡಾ. ರಮೇಶ್ ಗುಳ್ಳ ಅವರು ಇವರ ವ್ಯಕ್ತಿತ್ವ ಮತ್ತು ಸಾಧನೆಯ

ಕುರಿತು 'ವಿಶ್ವ ಜಲಯೋಗ' ಎಂಬ ಪುಸ್ತಕವನ್ನು ಪ್ರಕಟಿಸಿದ್ದು, ಇದು ಜಲಯೋಗದ ಕುರಿತು ವಿಶ್ವದಲ್ಲಿಯೇ ಪ್ರಥಮ ಪುಸ್ತಕವಾಗಿದೆ ಮತ್ತು ಸಮಾಜದ ಆರೋಗ್ಯ ಕಾಯ್ದುಕೊಳ್ಳಲು ಸಹಕಾರಿಯಾಗಿದೆ. ಶುರು app ನೊಂದಿಗೆ ಮಾತನಾಡಿದ ಜಲಯೋಗ ಸಾಧಕ ವಿಲಾಸರಾವ್ ಕುಲಕರ್ಣಿ, ಬಾವಿಯ ನೀರು ಬೆಚ್ಚಗಿರುತ್ತದೆ ಮತ್ತು ಚಳಿಯು ಗಾಳಿಯಲ್ಲಿ ಇರುತ್ತದೆ, ನೀರಿನಲ್ಲಿ ಜಿಗಿದರೆ ಚಳಿ ಓಡಿ ಹೋಗುತ್ತದೆ ಎಂದು ತಿಳಿಸಿದ್ದಾರೆ. ಬಾವಿಯಲ್ಲಿ ಐದು ಅಡಿ ಆಳವಿರಲಿ ಅಥವಾ ಹೆಚ್ಚು ಆಳವಿರಲಿ, ಜಲಯೋಗಕ್ಕೆ ಯಾವುದೇ ಅಡಚಣೆ ಇಲ್ಲ ಎಂದಿರುವ ಅವರು, ತಣ್ಣೀರಿನ ಸ್ನಾನ ಆರೋಗ್ಯಕ್ಕೆ ಒಳ್ಳೆಯದು ಎಂದು ಪ್ರತಿಪಾದಿಸಿದ್ದಾರೆ. ಪ್ರತಿದಿನ ನೀರಿನಲ್ಲಿ ಈಜಾಡುವುದರಿಂದ ದೇಹದ ಎಲ್ಲಾ ಅಂಗಾಂಗಗಳಿಗೆ ವ್ಯಾಯಾಮವಾಗುತ್ತದೆ ಹಾಗೂ ನೀರಿನಲ್ಲಿ ತೇಲುವಿಕೆ ಮತ್ತು ದೇಹದ ಭಾರ ಕಡಿಮೆಯಾಗುವುದರಿಂದ ಕೀಲು ನೋವುಗಳಿಗೆ ಯಾವುದೇ ಹಾನಿಯಾಗದಂತೆ ದೈಹಿಕ ಸದೃಢತೆಗೆ ಸಹಕಾರಿಯಾಗುತ್ತದೆ ಎಂದಿದ್ದಾರೆ. ಆಸಕ್ತಿ ಹೊಂದಿರುವ ಚಿಕ್ಕಮಕ್ಕಳು, ಯುವಕ-ಯುವತಿಯರಿಗೆ ಈಜು ಮತ್ತು ನೀರಿನಲ್ಲಿ ಯೋಗಾಭ್ಯಾಸಗಳನ್ನು

ಉಚಿತವಾಗಿ ಹೇಳಿಕೊಡುತ್ತಿರುವುದಾಗಿ ಅವರು ಸಂತಸ ಹಂಚಿಕೊಂಡರು. ಅಥಣಿಯ ವೈದ್ಯರಾದ ಡಾ. ರಮೇಶ ಗುಳ್ಳ ಅವರು, ಜಲಯೋಗದಿಂದಲೇ ಸಾಧನೆಯ ಜತೆಗೆ ಸಾರ್ಥಕ ಬದುಕು ನಡೆಸುತ್ತಿರುವ ವಿಲಾಸರಾವ್ ಕುಲಕರ್ಣಿ ಎಲ್ಲರಿಗೂ ಸ್ಫೂರ್ತಿಯಾಗಿದ್ದಾರೆ ಎಂದು ಹೇಳಿದ್ದಾರೆ. ಹಿರಿಯ ಸಾಹಿತಿ ಡಾ. ಬಾಳಾಸಾಹೇಬ ಲೋಕಾಪುರ ಅವರು, ವಿಲಾಸರಾವ್ ಯಾವುದೇ ಗುರುವಿನ ಮಾರ್ಗದರ್ಶನವಿಲ್ಲದೆ, ಮನಸ್ಸನ್ನೇ ಗುರುವಾಗಿಸಿಕೊಂಡು ಏಕಾಗ್ರತೆ, ಆತ್ಮವಿಶ್ವಾಸ ಮತ್ತು ಧೈರ್ಯದಿಂದ ಕ್ಲಿಷ್ಟಕರ ಯೋಗ ಭಂಗಿಗಳನ್ನು ನೀರಿನಲ್ಲಿ ಲೀಲಾಜಾಲವಾಗಿ ಪ್ರದರ್ಶಿಸುವುದು ವಿಸ್ಮಯಕಾರಿ ಎಂದು ಬಣ್ಣಿಸಿದ್ದಾರೆ. ಮಳೆಗಾಲ ಮತ್ತು ಚಳಿಗಾಲದಲ್ಲಿ ಜಲಯೋಗ ಮತ್ತು ಈಜಲು ಯಾವುದೇ ತೊಂದರೆ ಇಲ್ಲ, ಆದರೆ ಬೇಸಿಗೆಯಲ್ಲಿ ಅನೇಕ ಬಾವಿಗಳು ಬತ್ತುವುದರಿಂದ ಸಮಸ್ಯೆ ಎದುರಾಗುತ್ತದೆ. ಆದ್ದರಿಂದ, ಸರ್ಕಾರ ಮತ್ತು ಜನಪ್ರತಿನಿಧಿಗಳು ತಾಲೂಕಿನ ಜನತೆಗೆ ಅನುಕೂಲವಾಗುವಂತೆ ಈಜು ಕೊಳವನ್ನು ನಿರ್ಮಿಸಬೇಕು ಎಂದು ವಿಲಾಸರಾವ್ ಕುಲಕರ್ಣಿ ಮನವಿ ಮಾಡಿದ್ದಾರೆ. ಯೋಗ ಬಲ್ಲವರಿಗೆ ರೋಗವಿಲ್ಲ ಎಂಬ ಮಾತಿನಂತೆ ವಿಲಾಸರಾವ್ ಕುಲಕರ್ಣಿ ಸಮಾಜಕ್ಕೆ ಮಾದರಿಯಾಗಿದ್ದಾರೆ.