महाराष्ट्र विधान परिषदेच्या नांदेड स्थानिक प्राधिकार मतदारसंघ निवडणुकीची मतमोजणी सोमवार, २२ जून रोजी सकाळी ८ वाजेपासून नांदेड येथील जिल्हाधिकारी कार्यालय परिसरातील नियोजन भवनच्या कॅबिनेट हॉलमध्ये होणार आहे. यासाठी प्रशासनाने सर्व तयारी पूर्ण केली असून, मतमोजणी प्रक्रिया पारदर्शक, अचूक आणि सुरळीत पार पाडण्यासाठी नियुक्त अधिकारी व कर्मचाऱ्यांचे प्रशिक्षण नुकतेच जिल्हाधिकारी कार्यालयातील नियोजन भवनाच्या सभागृहात संपन्न झाले. या प्रशिक्षणावेळी जिल्हा निवडणूक अधिकारी तथा जिल्हाधिकारी राहुल कर्डिले यांनी अधिकारी-कर्मचाऱ्यांना मतमोजणी प्रक्रिया पूर्ण करण्यासंदर्भात आवश्यक सूचना देऊन मतमोजणीपर्यंत सतर्कता बाळगण्याचे निर्देश दिले. भोकरचे उपविभागीय अधिकारी प्रवीण मेगशेट्टी आणि नांदेडचे उपविभागीय अधिकारी डॉ. सचिन खल्लाळ यांनी सादरीकरणाच्या माध्यमातून मतमोजणी प्रक्रियेतील प्रत्येक टप्प्याची सविस्तर माहिती दिली. यामध्ये मतमोजणी केंद्रावरील जबाबदाऱ्या, मतपत्रिकांची तपासणी, मतांच्या वैधतेचे निकष, निकाल नोंदविण्याची पद्धत आणि निवडणूक आयोगाच्या मार्गदर्शक सूचनांचे काटेकोर पालन करण्याबाबत मार्गदर्शन करण्यात आले. यावेळी उपस्थित अधिकारी व कर्मचाऱ्यांना मतमोजणी प्रक्रियेचे प्रत्यक्ष प्रात्यक्षिक दाखवून मतपत्रिकांची छाननी, मतमोजणी आणि नोंदणीची कार्यपद्धती समजावून सांगण्यात आली. जिल्हाधिकारी तथा निवडणूक निर्णय अधिकारी राहुल कर्डिले यांच्या अध्यक्षतेखाली झालेल्या या प्रशिक्षण कार्यक्रमास सहाय्यक जिल्हाधिकारी बी. सरवनन, अपर जिल्हाधिकारी डॉ. रत्नदीप गायकवाड, निवासी उपजिल्हाधिकारी किरण अंबेकर, उपजिल्हाधिकारी सामान्य अजय शिंदे, उपजिल्हाधिकारी निवडणूक राजकुमार माने, उपजिल्हाधिकारी (रोहयो) हनुमंत कोळेकर, नांदेडचे उपविभागीय अधिकारी डॉ. सचिन खल्लाळ, भोकरचे उपविभागीय अधिकारी प्रवीण मेगशेट्टी, देगलूरचे उपविभागीय अधिकारी अनुप पाटील आणि तहसीलदार संजय वारकड यांच्यासह अन्य अधिकारी उपस्थित होते. प्रशासनाने मतमोजणीच्या पार्श्वभूमीवर सुरक्षा व्यवस्था, मनुष्यबळ नियोजन आणि इतर आवश्यक बाबींची तयारी पूर्ण केली असून, संपूर्ण प्रक्रिया शांततापूर्ण, निष्पक्ष आणि सुरळीत वातावरणात पार पडावी यासाठी सर्व यंत्रणा सज्ज असल्याचे प्रशासनाकडून सांगण्यात आले आहे.

SANDEEP

TV News Anchor देगलूर, नांदेड, महाराष्ट्र•

3 hrs ago

महाराष्ट्र विधान परिषदेच्या नांदेड स्थानिक प्राधिकार मतदारसंघ निवडणुकीची मतमोजणी सोमवार, २२ जून रोजी सकाळी ८ वाजेपासून नांदेड येथील जिल्हाधिकारी कार्यालय परिसरातील नियोजन भवनच्या कॅबिनेट हॉलमध्ये होणार आहे. यासाठी प्रशासनाने सर्व तयारी पूर्ण केली असून, मतमोजणी प्रक्रिया पारदर्शक, अचूक आणि सुरळीत पार पाडण्यासाठी नियुक्त अधिकारी व कर्मचाऱ्यांचे प्रशिक्षण नुकतेच जिल्हाधिकारी कार्यालयातील नियोजन भवनाच्या सभागृहात संपन्न झाले. या प्रशिक्षणावेळी जिल्हा निवडणूक अधिकारी तथा जिल्हाधिकारी राहुल कर्डिले यांनी अधिकारी-कर्मचाऱ्यांना मतमोजणी प्रक्रिया पूर्ण करण्यासंदर्भात आवश्यक सूचना देऊन मतमोजणीपर्यंत सतर्कता बाळगण्याचे निर्देश दिले. भोकरचे उपविभागीय अधिकारी प्रवीण मेगशेट्टी आणि नांदेडचे उपविभागीय अधिकारी डॉ. सचिन खल्लाळ यांनी सादरीकरणाच्या माध्यमातून मतमोजणी प्रक्रियेतील प्रत्येक टप्प्याची सविस्तर माहिती दिली. यामध्ये मतमोजणी केंद्रावरील जबाबदाऱ्या, मतपत्रिकांची तपासणी, मतांच्या वैधतेचे निकष, निकाल नोंदविण्याची पद्धत आणि निवडणूक आयोगाच्या मार्गदर्शक सूचनांचे काटेकोर पालन करण्याबाबत मार्गदर्शन करण्यात आले. यावेळी उपस्थित अधिकारी व कर्मचाऱ्यांना मतमोजणी प्रक्रियेचे प्रत्यक्ष प्रात्यक्षिक दाखवून मतपत्रिकांची छाननी, मतमोजणी आणि नोंदणीची कार्यपद्धती समजावून सांगण्यात आली. जिल्हाधिकारी तथा निवडणूक निर्णय अधिकारी राहुल कर्डिले यांच्या अध्यक्षतेखाली झालेल्या या प्रशिक्षण कार्यक्रमास सहाय्यक जिल्हाधिकारी बी. सरवनन, अपर जिल्हाधिकारी डॉ. रत्नदीप गायकवाड, निवासी उपजिल्हाधिकारी किरण अंबेकर, उपजिल्हाधिकारी सामान्य अजय शिंदे, उपजिल्हाधिकारी निवडणूक राजकुमार माने, उपजिल्हाधिकारी (रोहयो) हनुमंत कोळेकर, नांदेडचे उपविभागीय अधिकारी डॉ. सचिन खल्लाळ, भोकरचे उपविभागीय अधिकारी प्रवीण मेगशेट्टी, देगलूरचे उपविभागीय अधिकारी अनुप पाटील आणि तहसीलदार संजय वारकड यांच्यासह अन्य अधिकारी उपस्थित होते. प्रशासनाने मतमोजणीच्या पार्श्वभूमीवर सुरक्षा व्यवस्था, मनुष्यबळ नियोजन आणि इतर आवश्यक बाबींची तयारी पूर्ण केली असून, संपूर्ण प्रक्रिया शांततापूर्ण, निष्पक्ष आणि सुरळीत वातावरणात पार पडावी यासाठी सर्व यंत्रणा सज्ज असल्याचे प्रशासनाकडून सांगण्यात आले आहे.