ଯେଉଁ ସମୟରେ ଯୁବପିଢ଼ି ସରକାରୀ ଚାକିରି ପଛରେ ଗୋଡ଼ାଉଛନ୍ତି, ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ମୁର୍ଷୁଣ୍ଢୀ ପଞ୍ଚାୟତର ଦୁହୁଲପାଲି ଗ୍ରାମର ୪୭ ବର୍ଷୀୟ କର୍ମୁ ଧଳ କୃଷିକୁ ନିଜ ଜୀବିକା ଓ ପରିଚୟର ମାଧ୍ୟମ କରି ଏକ ସଫଳତାର କାହାଣୀ ଲେଖିଛନ୍ତି। ଚାକିରିକୁ ପଛରେ ପକାଇ ଆମ୍ବ ଚାଷକୁ ଜୀବନର ପଥ ଭାବେ ବାଛିଥିବା କର୍ମୁ ଆଜି ଆର୍ଥିକ ସ୍ୱାବଲମ୍ବୀ ହେବା ସହ ଅଞ୍ଚଳରେ ଜଣେ ସଫଳ ଚାଷୀ ଭାବେ ପରିଚିତ ହୋଇପାରିଛନ୍ତି। +୩ କଳାରେ ଶିକ୍ଷା ଲାଭ କରିବା ପରେ ସରକାରୀ ଚାକିରି ପାଇଁ ଚେଷ୍ଟା ନ କରି କର୍ମୁ କୃଷି ପ୍ରତି ଆକର୍ଷିତ ହୋଇଥିଲେ। ପ୍ରାୟ ୨୦ ବର୍ଷ ପୂର୍ବେ ସରକାରୀ ସହାୟତା ପାଇ ସେ ଆମ୍ବ ଚାଷ ଆରମ୍ଭ କରିଥିଲେ। ପ୍ରାରମ୍ଭରେ ଛୋଟ ପରିସରରେ ଚାଷ କରୁଥିବା ବେଳେ ଧୀରେ ଧୀରେ ନିଜ ବଗିଚାକୁ ବିସ୍ତାର କରିଥିଲେ। ବର୍ତ୍ତମାନ ସେ ପ୍ରାୟ ୫.୫ ଏକର ଜମିରେ ୧୭୦ଟି ଆମ୍ବ ଗଛ ଲଗାଇ ସଫଳ ଭାବେ ଚାଷ କରୁଛନ୍ତି। ତାଙ୍କ ବଗିଚାରେ ଦଶରୀ, ଆମ୍ରପଲ୍ଲି, ମଲ୍ଲିକା ଓ ଲେଙ୍ଗେଡ଼ା ଭଳି ଉନ୍ନତମାନର ବିଭିନ୍ନ ପ୍ରଜାତିର ଆମ୍ବ ଚାଷ ହେଉଛି। କର୍ମୁଙ୍କ କହିବା ଅନୁଯାୟୀ, ଗଛର ନିୟମିତ ରକ୍ଷଣାବେକ୍ଷଣ, ଜୈବ ଓ ରାସାୟନିକ ସାର ପ୍ରୟୋଗ, ସମୟୋପଯୋଗୀ ଔଷଧ ଛିଟା ଏବଂ ବଉଳ ଆସିବା ସମୟରୁ ବିଶେଷ ଯତ୍ନ ନେବା ଫଳରେ ପ୍ରତିବର୍ଷ ଭଲ ଫଳନ ମିଳୁଛି। ବର୍ତ୍ତମାନ ତାଙ୍କ ବଗିଚାରୁ ଉତ୍ପାଦିତ ଆମ୍ବ ବିହାର, ଛତିଶଗଡ଼ ଏବଂ ମହାରାଷ୍ଟ୍ର ଭଳି ବାହାର ରାଜ୍ୟକୁ ବିକ୍ରି ପାଇଁ ପଠାଯାଉଛି। ତେବେ ସେ ଅଭିଯୋଗ କରିଛନ୍ତି ଯେ ସ୍ଥାନୀୟ ବଜାରରେ ଆମ୍ବ କିଲୋ ପ୍ରତି ସର୍ବାଧିକ ୪୦ ଟଙ୍କା ପର୍ଯ୍ୟନ୍ତ ବିକ୍ରି ହେଉଥିବା ବେଳେ ଦଲାଲମାନେ ଅଧିକ ଲାଭ ନେଉଛନ୍ତି, ଫଳରେ ଚାଷୀମାନେ ଯଥେଷ୍ଟ ମୂଲ୍ୟ ପାଇପାରୁ ନାହାନ୍ତି। ସରକାରୀ ଭାବେ ଆମ୍ବ କ୍ରୟ ବିକ୍ରୟର ବ୍ୟବସ୍ଥା କିମ୍ବା ଅଞ୍ଚଳରେ ଏକ ଶୀତଳ ଭଣ୍ଡାର ସ୍ଥାପନ କରାଗଲେ ଆମ୍ବ ଚାଷୀମାନେ ବହୁତ ଉପକୃତ ହେବେ ବୋଲି ସେ ପ୍ରକାଶ କରିଛନ୍ତି। ଆମ୍ବ ଚାଷ ମାଧ୍ୟମରେ କର୍ମୁ ଧଳ ବର୍ଷକୁ ପ୍ରାୟ ୭ରୁ ୮ ଲକ୍ଷ ଟଙ୍କା ରୋଜଗାର କରୁଥିବା ବେଳେ, ତାଙ୍କ ବଗିଚାରେ ୪ରୁ ୫ ଜଣ ଲୋକ ନିୟମିତ କାମ ପାଉଛନ୍ତି। ଏହି ଚାଷରେ ତାଙ୍କ ବଡ଼ ଭାଇ ଧର୍ମୁ ଧଳ ତାଙ୍କୁ ସହଯୋଗ କରିବା ସହ ବିଭିନ୍ନ ପରାମର୍ଶ ଦେଇଥାନ୍ତି। ସେ ଓ ତାଙ୍କ ବଡ଼ ଭାଇଙ୍କ ପରିବାର ଏକାଠି ରହି ଏହି ଚାଷରୁ ଅର୍ଥ ରୋଜଗାର କରି ଉଭୟଙ୍କ ପିଲାଙ୍କ ପାଠପଢ଼ା ସହିତ ଭଲରେ ପାରିବାର ଚଳାଇଥାନ୍ତି। ତାଙ୍କର ଏହି ସଫଳତା ଦେଖି ଅଞ୍ଚଳର ଅନେକ ଯୁବକ ମଧ୍ୟ ବର୍ତ୍ତମାନ ଉଦ୍ୟାନ କୃଷି ପ୍ରତି ଆକର୍ଷିତ ହେଉଛନ୍ତି। କୃଷି ପ୍ରତି ଆଗ୍ରହ, ଧୈର୍ଯ୍ୟ ଓ ନିଷ୍ଠା ଥିଲେ ଚାଷ ମାଧ୍ୟମରେ ମଧ୍ୟ ସ୍ୱାବଲମ୍ବୀ ହୋଇପାରିବ ବୋଲି କର୍ମୁ ଧଳ ପ୍ରମାଣିତ କରିଦେଇଛନ୍ତି। ତାଙ୍କର ଏହି ସଫଳତା କାହାଣୀ ବର୍ତ୍ତମାନ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

21 hrs ago

ଯେଉଁ ସମୟରେ ଯୁବପିଢ଼ି ସରକାରୀ ଚାକିରି ପଛରେ ଗୋଡ଼ାଉଛନ୍ତି, ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ମୁର୍ଷୁଣ୍ଢୀ ପଞ୍ଚାୟତର ଦୁହୁଲପାଲି ଗ୍ରାମର ୪୭ ବର୍ଷୀୟ କର୍ମୁ ଧଳ କୃଷିକୁ ନିଜ ଜୀବିକା ଓ ପରିଚୟର ମାଧ୍ୟମ କରି ଏକ ସଫଳତାର କାହାଣୀ ଲେଖିଛନ୍ତି। ଚାକିରିକୁ ପଛରେ ପକାଇ ଆମ୍ବ ଚାଷକୁ ଜୀବନର ପଥ ଭାବେ ବାଛିଥିବା କର୍ମୁ ଆଜି ଆର୍ଥିକ ସ୍ୱାବଲମ୍ବୀ ହେବା ସହ ଅଞ୍ଚଳରେ ଜଣେ ସଫଳ ଚାଷୀ ଭାବେ ପରିଚିତ ହୋଇପାରିଛନ୍ତି। +୩ କଳାରେ ଶିକ୍ଷା ଲାଭ କରିବା ପରେ ସରକାରୀ ଚାକିରି ପାଇଁ ଚେଷ୍ଟା ନ କରି କର୍ମୁ କୃଷି ପ୍ରତି ଆକର୍ଷିତ ହୋଇଥିଲେ। ପ୍ରାୟ ୨୦ ବର୍ଷ ପୂର୍ବେ ସରକାରୀ ସହାୟତା ପାଇ ସେ ଆମ୍ବ ଚାଷ ଆରମ୍ଭ କରିଥିଲେ। ପ୍ରାରମ୍ଭରେ ଛୋଟ ପରିସରରେ ଚାଷ କରୁଥିବା ବେଳେ ଧୀରେ ଧୀରେ ନିଜ ବଗିଚାକୁ ବିସ୍ତାର କରିଥିଲେ। ବର୍ତ୍ତମାନ ସେ ପ୍ରାୟ ୫.୫ ଏକର ଜମିରେ ୧୭୦ଟି ଆମ୍ବ ଗଛ ଲଗାଇ

ସଫଳ ଭାବେ ଚାଷ କରୁଛନ୍ତି। ତାଙ୍କ ବଗିଚାରେ ଦଶରୀ, ଆମ୍ରପଲ୍ଲି, ମଲ୍ଲିକା ଓ ଲେଙ୍ଗେଡ଼ା ଭଳି ଉନ୍ନତମାନର ବିଭିନ୍ନ ପ୍ରଜାତିର ଆମ୍ବ ଚାଷ ହେଉଛି। କର୍ମୁଙ୍କ କହିବା ଅନୁଯାୟୀ, ଗଛର ନିୟମିତ ରକ୍ଷଣାବେକ୍ଷଣ, ଜୈବ ଓ ରାସାୟନିକ ସାର ପ୍ରୟୋଗ, ସମୟୋପଯୋଗୀ ଔଷଧ ଛିଟା ଏବଂ ବଉଳ ଆସିବା ସମୟରୁ ବିଶେଷ ଯତ୍ନ ନେବା ଫଳରେ ପ୍ରତିବର୍ଷ ଭଲ ଫଳନ ମିଳୁଛି। ବର୍ତ୍ତମାନ ତାଙ୍କ ବଗିଚାରୁ ଉତ୍ପାଦିତ ଆମ୍ବ ବିହାର, ଛତିଶଗଡ଼ ଏବଂ ମହାରାଷ୍ଟ୍ର ଭଳି ବାହାର ରାଜ୍ୟକୁ ବିକ୍ରି ପାଇଁ ପଠାଯାଉଛି। ତେବେ ସେ ଅଭିଯୋଗ କରିଛନ୍ତି ଯେ ସ୍ଥାନୀୟ ବଜାରରେ ଆମ୍ବ କିଲୋ ପ୍ରତି ସର୍ବାଧିକ ୪୦ ଟଙ୍କା ପର୍ଯ୍ୟନ୍ତ ବିକ୍ରି ହେଉଥିବା ବେଳେ ଦଲାଲମାନେ ଅଧିକ ଲାଭ ନେଉଛନ୍ତି, ଫଳରେ ଚାଷୀମାନେ ଯଥେଷ୍ଟ ମୂଲ୍ୟ ପାଇପାରୁ ନାହାନ୍ତି। ସରକାରୀ ଭାବେ ଆମ୍ବ କ୍ରୟ ବିକ୍ରୟର ବ୍ୟବସ୍ଥା କିମ୍ବା ଅଞ୍ଚଳରେ ଏକ ଶୀତଳ ଭଣ୍ଡାର ସ୍ଥାପନ କରାଗଲେ ଆମ୍ବ ଚାଷୀମାନେ ବହୁତ ଉପକୃତ

ହେବେ ବୋଲି ସେ ପ୍ରକାଶ କରିଛନ୍ତି। ଆମ୍ବ ଚାଷ ମାଧ୍ୟମରେ କର୍ମୁ ଧଳ ବର୍ଷକୁ ପ୍ରାୟ ୭ରୁ ୮ ଲକ୍ଷ ଟଙ୍କା ରୋଜଗାର କରୁଥିବା ବେଳେ, ତାଙ୍କ ବଗିଚାରେ ୪ରୁ ୫ ଜଣ ଲୋକ ନିୟମିତ କାମ ପାଉଛନ୍ତି। ଏହି ଚାଷରେ ତାଙ୍କ ବଡ଼ ଭାଇ ଧର୍ମୁ ଧଳ ତାଙ୍କୁ ସହଯୋଗ କରିବା ସହ ବିଭିନ୍ନ ପରାମର୍ଶ ଦେଇଥାନ୍ତି। ସେ ଓ ତାଙ୍କ ବଡ଼ ଭାଇଙ୍କ ପରିବାର ଏକାଠି ରହି ଏହି ଚାଷରୁ ଅର୍ଥ ରୋଜଗାର କରି ଉଭୟଙ୍କ ପିଲାଙ୍କ ପାଠପଢ଼ା ସହିତ ଭଲରେ ପାରିବାର ଚଳାଇଥାନ୍ତି। ତାଙ୍କର ଏହି ସଫଳତା ଦେଖି ଅଞ୍ଚଳର ଅନେକ ଯୁବକ ମଧ୍ୟ ବର୍ତ୍ତମାନ ଉଦ୍ୟାନ କୃଷି ପ୍ରତି ଆକର୍ଷିତ ହେଉଛନ୍ତି। କୃଷି ପ୍ରତି ଆଗ୍ରହ, ଧୈର୍ଯ୍ୟ ଓ ନିଷ୍ଠା ଥିଲେ ଚାଷ ମାଧ୍ୟମରେ ମଧ୍ୟ ସ୍ୱାବଲମ୍ବୀ ହୋଇପାରିବ ବୋଲି କର୍ମୁ ଧଳ ପ୍ରମାଣିତ କରିଦେଇଛନ୍ତି। ତାଙ୍କର ଏହି ସଫଳତା କାହାଣୀ ବର୍ତ୍ତମାନ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।