தஞ்சாவூர் மாவட்டம், பாபநாசம் தாலுக்கா, சக்கராப்பள்ளி மெயின் ரோட்டைச் சேர்ந்தவர் ரியாஸ் அகமது. இவருக்கும் அனீப்நிஷா (22) என்பவருக்கும் கடந்த ஏப்ரல் 12-ம் தேதி திருமணம் நடைபெற்றுள்ளது. திருமணத்திற்குப் பிறகு அனீப்நிஷா கடந்த ஒரு மாதமாக கணபதி அக்ரஹாரம், இளந்தோப்பு தெருவில் உள்ள தனது தாயார் பரிதா வீட்டில் வசித்து வந்துள்ளார். கடந்த 8-ம் தேதி, தனது ஊரில் நடக்கும் விசேஷத்திற்காக உறவினர்கள் வந்திருப்பதாகக் கூறி ரியாஸ் அகமது தனது மனைவியை அழைத்துச் சென்றுள்ளார். விசேஷங்கள் முடிந்த பிறகு, இரவு 10 மணிக்கு மேல் மனைவியை மீண்டும் கணபதி அக்ரஹாரத்தில் உள்ள அவரது தாயார் வீட்டில் விட்டுவிட்டுச் சென்றுள்ளார். வீட்டிற்குள் சென்ற அனீப்நிஷா, அறையில் இருந்த மின் விசிறியில் சேலையால் தூக்கிட்ட நிலையில் காணப்பட்டுள்ளார். இதைக் கண்டு அதிர்ச்சியடைந்த தாய் பரிதா, மகளை மீட்டு அய்யம்பேட்டை அரசு மருத்துவமனைக்கு அழைத்துச் சென்றார். அங்கு அவரைப் பரிசோதித்த மருத்துவர்கள், அவர் ஏற்கனவே உயிரிழந்துவிட்டதாகத் தெரிவித்தனர். இதையடுத்து, கபிஸ்தலம் காவல் துறையினர் உடலை உடற்கூறு ஆய்விற்காக பாபநாசம் அரசு மருத்துவமனைக்கு அனுப்பி வைத்தனர். இதனிடையே, அனீப்நிஷாவின் இறப்பில் மர்மம் இருப்பதாகக் கூறி, சம்பந்தப்பட்டவர்களைக் கைது செய்ய வலியுறுத்தி அவரது உறவினர்கள் தஞ்சை-கும்பகோணம் தேசிய நெடுஞ்சாலையில் சாலை மறியல் போராட்டத்தில் ஈடுபட்டனர். போராட்டக்காரர்களுடன் பாபநாசம் காவல் கண்காணிப்பாளர் முருகவேலு பேச்சுவார்த்தை நடத்தியதைத் தொடர்ந்து, அவர்கள் மறியலைக் கைவிட்டு கலைந்து சென்றனர்.

சிவகுமார்.மு

பத்திரிகையாளர் பாபநாசம், தஞ்சாவூர், தமிழ்நாடு•

1 day ago

தஞ்சாவூர் மாவட்டம், பாபநாசம் தாலுக்கா, சக்கராப்பள்ளி மெயின் ரோட்டைச் சேர்ந்தவர் ரியாஸ் அகமது. இவருக்கும் அனீப்நிஷா (22) என்பவருக்கும் கடந்த ஏப்ரல் 12-ம் தேதி திருமணம் நடைபெற்றுள்ளது. திருமணத்திற்குப் பிறகு அனீப்நிஷா கடந்த ஒரு மாதமாக கணபதி அக்ரஹாரம், இளந்தோப்பு தெருவில் உள்ள தனது தாயார் பரிதா வீட்டில் வசித்து வந்துள்ளார். கடந்த 8-ம் தேதி, தனது ஊரில் நடக்கும் விசேஷத்திற்காக உறவினர்கள் வந்திருப்பதாகக் கூறி ரியாஸ் அகமது தனது மனைவியை அழைத்துச் சென்றுள்ளார். விசேஷங்கள் முடிந்த பிறகு, இரவு 10 மணிக்கு மேல் மனைவியை மீண்டும் கணபதி அக்ரஹாரத்தில் உள்ள அவரது தாயார் வீட்டில் விட்டுவிட்டுச் சென்றுள்ளார். வீட்டிற்குள் சென்ற அனீப்நிஷா, அறையில் இருந்த மின் விசிறியில் சேலையால் தூக்கிட்ட நிலையில் காணப்பட்டுள்ளார். இதைக் கண்டு அதிர்ச்சியடைந்த தாய் பரிதா, மகளை மீட்டு அய்யம்பேட்டை அரசு மருத்துவமனைக்கு அழைத்துச் சென்றார். அங்கு அவரைப் பரிசோதித்த மருத்துவர்கள், அவர் ஏற்கனவே உயிரிழந்துவிட்டதாகத் தெரிவித்தனர். இதையடுத்து, கபிஸ்தலம் காவல் துறையினர் உடலை உடற்கூறு ஆய்விற்காக பாபநாசம் அரசு மருத்துவமனைக்கு அனுப்பி வைத்தனர். இதனிடையே, அனீப்நிஷாவின் இறப்பில் மர்மம் இருப்பதாகக் கூறி, சம்பந்தப்பட்டவர்களைக் கைது செய்ய வலியுறுத்தி அவரது உறவினர்கள் தஞ்சை-கும்பகோணம் தேசிய நெடுஞ்சாலையில் சாலை மறியல் போராட்டத்தில் ஈடுபட்டனர். போராட்டக்காரர்களுடன் பாபநாசம் காவல் கண்காணிப்பாளர் முருகவேலு பேச்சுவார்த்தை நடத்தியதைத் தொடர்ந்து, அவர்கள் மறியலைக் கைவிட்டு கலைந்து சென்றனர்.