चंद्रपूर महानगरपालिकेतील काही अधिकारी आणि कर्मचाऱ्यांच्या संगनमताने अनुसूचित जातीच्या एका कुटुंबाच्या खाजगी मालमत्तेवर बेकायदेशीर कब्जा केल्याचा गंभीर आरोप समोर आला आहे. नगीना बाग येथील रहिवासी श्री. मुन्ना विठ्ठल तावाडे यांनी या प्रकरणी मुख्यमंत्री, जिल्हाधिकारी, मनपा आयुक्त आणि पोलीस अधीक्षकांसह वरिष्ठ अधिकाऱ्यांकडे लेखी तक्रार केली आहे. येत्या १० दिवसांत या प्रकरणी न्याय न मिळाल्यास संपूर्ण कुटुंबासह सामूहिक आत्मदहन करण्याचा इशारा त्यांनी दिला आहे. तावाडे यांच्या दाव्यानुसार, मौजा भानापेठ, एकोरी वॉर्ड येथील शीट क्रमांक ५१, नगरभूखंड क्रमांक ६६७९ वरील १०१.५० चौ.मी. क्षेत्राच्या त्यांच्या मालमत्तेवर बनावट मालमत्ता कर आकारणी तक्ता तयार करून मनपाच्या अतिक्रमण विभागातील काही अधिकाऱ्यांनी बेकायदेशीर कब्जा केला आहे, ज्यामुळे त्यांचे कुटुंब बेघर झाले आहे. न्यायासाठी त्यांनी मनपा आयुक्तांना १८ वेळा लेखी निवेदने दिली असून १३ वेळा प्रत्यक्ष भेट घेतली आहे. या प्रकरणी जिल्हाधिकाऱ्यांनी मनपा आयुक्तांकडे अहवाल मागवला असून शहर पोलीस ठाण्याकडूनही पत्रव्यवहार करण्यात आला आहे, मात्र अद्याप कोणतीही ठोस कारवाई झालेली नाही. या संपूर्ण प्रकारामुळे अनुसूचित जाती व जमाती (अत्याचार प्रतिबंधक) अधिनियम, भारतीय न्याय संहिता २०२३ आणि महाराष्ट्र महानगरपालिका अधिनियमातील तरतुदींचा भंग झाल्याचा आरोप तावाडे यांनी केला आहे. दोषी अधिकारी व कर्मचाऱ्यांवर गुन्हा दाखल करून मालमत्तेचा ताबा तातडीने परत मिळावा आणि कुटुंबाला पोलीस संरक्षण दिले जावे, अशी मागणी त्यांनी केली आहे. या इशाऱ्यामुळे प्रशासनासमोर गंभीर प्रश्न निर्माण झाला असून, सामाजिक संघटनांनीही या प्रकरणाची निष्पक्ष चौकशी करून पीडित कुटुंबाला न्याय देण्याची मागणी केली आहे.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

2 hrs ago

चंद्रपूर महानगरपालिकेतील काही अधिकारी आणि कर्मचाऱ्यांच्या संगनमताने अनुसूचित जातीच्या एका कुटुंबाच्या खाजगी मालमत्तेवर बेकायदेशीर कब्जा केल्याचा गंभीर आरोप समोर आला आहे. नगीना बाग येथील रहिवासी श्री. मुन्ना विठ्ठल तावाडे यांनी या प्रकरणी मुख्यमंत्री, जिल्हाधिकारी, मनपा आयुक्त आणि पोलीस अधीक्षकांसह वरिष्ठ अधिकाऱ्यांकडे लेखी तक्रार केली आहे. येत्या १० दिवसांत या प्रकरणी न्याय न मिळाल्यास संपूर्ण कुटुंबासह सामूहिक आत्मदहन करण्याचा इशारा त्यांनी दिला आहे. तावाडे यांच्या दाव्यानुसार, मौजा भानापेठ, एकोरी वॉर्ड येथील शीट क्रमांक ५१, नगरभूखंड क्रमांक ६६७९ वरील १०१.५० चौ.मी. क्षेत्राच्या त्यांच्या मालमत्तेवर बनावट मालमत्ता कर आकारणी तक्ता तयार करून मनपाच्या अतिक्रमण विभागातील काही अधिकाऱ्यांनी बेकायदेशीर कब्जा केला आहे, ज्यामुळे त्यांचे कुटुंब बेघर झाले आहे. न्यायासाठी त्यांनी मनपा आयुक्तांना १८ वेळा लेखी निवेदने दिली असून १३ वेळा प्रत्यक्ष भेट घेतली आहे. या प्रकरणी जिल्हाधिकाऱ्यांनी मनपा आयुक्तांकडे अहवाल मागवला असून शहर पोलीस ठाण्याकडूनही पत्रव्यवहार करण्यात आला आहे, मात्र अद्याप कोणतीही ठोस कारवाई झालेली नाही. या संपूर्ण प्रकारामुळे अनुसूचित जाती व जमाती (अत्याचार प्रतिबंधक) अधिनियम, भारतीय न्याय संहिता २०२३ आणि महाराष्ट्र महानगरपालिका अधिनियमातील तरतुदींचा भंग झाल्याचा आरोप तावाडे यांनी केला आहे. दोषी अधिकारी व कर्मचाऱ्यांवर गुन्हा दाखल करून मालमत्तेचा ताबा तातडीने परत मिळावा आणि कुटुंबाला पोलीस संरक्षण दिले जावे, अशी मागणी त्यांनी केली आहे. या इशाऱ्यामुळे प्रशासनासमोर गंभीर प्रश्न निर्माण झाला असून, सामाजिक संघटनांनीही या प्रकरणाची निष्पक्ष चौकशी करून पीडित कुटुंबाला न्याय देण्याची मागणी केली आहे.