बदनापूर शहरात वाढत्या वाहतूक कोंडीमुळे वाहनचालक, व्यापारी आणि पादचारी त्रस्त झाले आहेत. संभाजीनगर–जालना राज्य महामार्गासह शहरातील मुख्य बाजारपेठेतील अंतर्गत रस्त्यांवर दररोज होणाऱ्या या त्रासामुळे नागरिकांच्या सहनशक्तीचा अंत झाला असून, "पोलीस यंत्रणा नेमकी करते तरी काय?" असा संतप्त सवाल उपस्थित केला जात आहे. या वाहतूक कोंडीमागे रस्त्यांच्या दोन्ही बाजूंना होणारे अतिक्रमण, दुकानांसमोर उभी राहणारी हातगाड्यांची गर्दी आणि बेशिस्तपणे पार्क केलेली वाहने अशी प्रमुख कारणे आहेत, ज्यामुळे रस्त्यांची रुंदी कमी होत आहे. याव्यतिरिक्त बस, रिक्षा, कार, ट्रॅक्टरसह अवजड वाहनांची वाढती वर्दळ, रस्त्यावरील मोकाट जनावरे आणि अनेक ठिकाणी साचलेले बांधकाम साहित्य यामुळे वाहतुकीचा वेग मंदावला आहे. वाहतुकीचे नियम धाब्यावर बसवून विरुद्ध दिशेने किंवा अरुंद जागेतून वाहने काढण्याच्या प्रवृत्तीमुळे अपघातांचा धोकाही वाढला असून, अशांवर कारवाई होत नसल्याची तक्रार नागरिक करत आहेत. वाहतूक व्यवस्था सुधारण्यासाठी नियोजित पार्किंगची सुविधा, सार्वजनिक वाहतुकीसाठी स्वतंत्र थांबे, राज्यमार्गालगतची वाहने अन्यत्र हलवणे आणि अतिक्रमणांविरुद्ध नियमित मोहीम राबवण्याची गरज नागरिकांनी व्यक्त केली आहे. केवळ लक्ष्यपूर्तीसाठी कारवाई न करता पोलीस प्रशासनाने, सार्वजनिक बांधकाम विभाग आणि नगर पंचायतीच्या समन्वयाने एक दीर्घकालीन वाहतूक आराखडा तयार करावा, अशी मागणी होत आहे. लोकप्रतिनिधींनीही या प्रश्नाकडे तातडीने आणि गांभीर्याने लक्ष देण्याचे आवाहन नागरिकांनी केले आहे.

RahimKhan Pathan

Voice of people सोयगाव, औरंगाबाद, महाराष्ट्र•

1 day ago

बदनापूर शहरात वाढत्या वाहतूक कोंडीमुळे वाहनचालक, व्यापारी आणि पादचारी त्रस्त झाले आहेत. संभाजीनगर–जालना राज्य महामार्गासह शहरातील मुख्य बाजारपेठेतील अंतर्गत रस्त्यांवर दररोज होणाऱ्या या त्रासामुळे नागरिकांच्या सहनशक्तीचा अंत झाला असून, "पोलीस यंत्रणा नेमकी करते तरी काय?" असा संतप्त सवाल उपस्थित केला जात आहे. या वाहतूक कोंडीमागे रस्त्यांच्या दोन्ही बाजूंना होणारे अतिक्रमण, दुकानांसमोर उभी राहणारी हातगाड्यांची गर्दी आणि बेशिस्तपणे पार्क केलेली वाहने अशी प्रमुख कारणे आहेत, ज्यामुळे रस्त्यांची रुंदी कमी होत आहे. याव्यतिरिक्त बस, रिक्षा, कार, ट्रॅक्टरसह अवजड वाहनांची वाढती वर्दळ, रस्त्यावरील मोकाट जनावरे आणि अनेक ठिकाणी साचलेले बांधकाम साहित्य यामुळे वाहतुकीचा वेग मंदावला आहे. वाहतुकीचे नियम धाब्यावर बसवून विरुद्ध दिशेने किंवा अरुंद जागेतून वाहने काढण्याच्या प्रवृत्तीमुळे अपघातांचा धोकाही वाढला असून, अशांवर कारवाई होत नसल्याची तक्रार नागरिक करत आहेत. वाहतूक व्यवस्था सुधारण्यासाठी नियोजित पार्किंगची सुविधा, सार्वजनिक वाहतुकीसाठी स्वतंत्र थांबे, राज्यमार्गालगतची वाहने अन्यत्र हलवणे आणि अतिक्रमणांविरुद्ध नियमित मोहीम राबवण्याची गरज नागरिकांनी व्यक्त केली आहे. केवळ लक्ष्यपूर्तीसाठी कारवाई न करता पोलीस प्रशासनाने, सार्वजनिक बांधकाम विभाग आणि नगर पंचायतीच्या समन्वयाने एक दीर्घकालीन वाहतूक आराखडा तयार करावा, अशी मागणी होत आहे. लोकप्रतिनिधींनीही या प्रश्नाकडे तातडीने आणि गांभीर्याने लक्ष देण्याचे आवाहन नागरिकांनी केले आहे.