केंद्र शासनाच्या निर्देशानुसार कोल्हापूर जिल्ह्यात जिल्हा विद्युत समितीची स्थापना करण्यात आली आहे. या समितीच्या अध्यक्षपदी खासदार धनंजय महाडिक यांची निवड करण्यात आली असून, खासदार धैर्यशील माने आणि खासदार श्रीमंत शाहू छत्रपती यांची उपाध्यक्षपदी निवड झाली आहे. महावितरणमार्फत राबविल्या जाणाऱ्या विविध वीजविषयक योजनांचा लाभ पात्र लाभार्थ्यांपर्यंत पोहोचत आहे की नाही, यावर देखरेख ठेवण्यासाठी आणि योजनांची प्रभावी अंमलबजावणी सुनिश्चित करण्यासाठी ही जिल्हास्तरीय समिती स्थापन करण्यात आली आहे. सध्या केंद्र शासनाच्या सुधारित वीज वितरण क्षेत्र योजना (आरडीएसएस), पंतप्रधान ई-बस योजना आणि पंतप्रधान सूर्यघर मोफत वीज योजना यांसारख्या महत्त्वाच्या योजना जिल्ह्यात राबविल्या जात आहेत. या योजनांचा अधिकाधिक नागरिकांना लाभ मिळावा आणि त्यांचा सहभाग वाढावा यासाठी समिती महत्त्वाची भूमिका बजावेल. समितीमध्ये पालकमंत्री प्रकाश आबिटकर, वैद्यकीय शिक्षण मंत्री हसन मुश्रीफ, सहपालकमंत्री माधुरी मिसाळ, जिल्ह्यातील आमदार, जिल्हा परिषद अध्यक्षा आणि महावितरणचे अधीक्षक अभियंते यांचाही समावेश आहे. आपल्या निवडीनंतर प्रतिक्रिया देताना खासदार धनंजय महाडिक यांनी सांगितले की, केंद्र शासनाच्या सर्व वीजविषयक योजनांचा लाभ शेवटच्या लाभार्थ्यांपर्यंत पोहोचवण्यासाठी नियोजनबद्ध प्रयत्न केले जातील. तसेच, योजनांच्या अंमलबजावणीत कोल्हापूर जिल्ह्याला राज्यात प्रथम क्रमांकावर आणण्यासाठी सर्व संबंधित यंत्रणांच्या समन्वयाने काम करण्याची ग्वाही त्यांनी दिली. खासदार महाडिक यांच्या अध्यक्षपदाच्या निवडीमुळे केंद्र शासनाच्या विविध वीज योजनांचा लाभ अधिक प्रभावीपणे तळागाळापर्यंत पोहोचेल, अशी अपेक्षा नागरिकांमधून व्यक्त होत आहे.

E city news network

Local News Reporter करवीर, कोल्हापूर, महाराष्ट्र•

1 hr ago

केंद्र शासनाच्या निर्देशानुसार कोल्हापूर जिल्ह्यात जिल्हा विद्युत समितीची स्थापना करण्यात आली आहे. या समितीच्या अध्यक्षपदी खासदार धनंजय महाडिक यांची निवड करण्यात आली असून, खासदार धैर्यशील माने आणि खासदार श्रीमंत शाहू छत्रपती यांची उपाध्यक्षपदी निवड झाली आहे. महावितरणमार्फत राबविल्या जाणाऱ्या विविध वीजविषयक योजनांचा लाभ पात्र लाभार्थ्यांपर्यंत पोहोचत आहे की नाही, यावर देखरेख ठेवण्यासाठी आणि योजनांची प्रभावी अंमलबजावणी सुनिश्चित करण्यासाठी ही जिल्हास्तरीय समिती स्थापन करण्यात आली आहे. सध्या केंद्र शासनाच्या सुधारित वीज वितरण क्षेत्र योजना (आरडीएसएस), पंतप्रधान ई-बस योजना आणि पंतप्रधान सूर्यघर मोफत वीज योजना यांसारख्या महत्त्वाच्या योजना जिल्ह्यात राबविल्या जात आहेत. या योजनांचा अधिकाधिक नागरिकांना लाभ मिळावा

आणि त्यांचा सहभाग वाढावा यासाठी समिती महत्त्वाची भूमिका बजावेल. समितीमध्ये पालकमंत्री प्रकाश आबिटकर, वैद्यकीय शिक्षण मंत्री हसन मुश्रीफ, सहपालकमंत्री माधुरी मिसाळ, जिल्ह्यातील आमदार, जिल्हा परिषद अध्यक्षा आणि महावितरणचे अधीक्षक अभियंते यांचाही समावेश आहे. आपल्या निवडीनंतर प्रतिक्रिया देताना खासदार धनंजय महाडिक यांनी सांगितले की, केंद्र शासनाच्या सर्व वीजविषयक योजनांचा लाभ शेवटच्या लाभार्थ्यांपर्यंत पोहोचवण्यासाठी नियोजनबद्ध प्रयत्न केले जातील. तसेच, योजनांच्या अंमलबजावणीत कोल्हापूर जिल्ह्याला राज्यात प्रथम क्रमांकावर आणण्यासाठी सर्व संबंधित यंत्रणांच्या समन्वयाने काम करण्याची ग्वाही त्यांनी दिली. खासदार महाडिक यांच्या अध्यक्षपदाच्या निवडीमुळे केंद्र शासनाच्या विविध वीज योजनांचा लाभ अधिक प्रभावीपणे तळागाळापर्यंत पोहोचेल, अशी अपेक्षा नागरिकांमधून व्यक्त होत आहे.