କୋଣାର୍କ ବସଷ୍ଟାଣ୍ଡ ନିକଟରେ ଥିବା ଏକ ଠିପି ବନ୍ଦ ବିଦେଶୀ ମଦ ଦୋକାନ ଉପରକୁ ବୋମା ମାଡ଼ କରାଯାଇଛି। ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ, ଦୋକାନର ଜଣେ ପୁରୁଣା କର୍ମଚାରୀ ୨ଟି ବୋମା ମାଡ଼ କରି ସେଠାରୁ ଫେରାର ହୋଇଯାଇଛନ୍ତି। ଏହି ଘଟଣା ପରେ ବର୍ତ୍ତମାନ ପୋଲିସ ପକ୍ଷରୁ ତନାଘନା ଜାରି ରହିଛି।

ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ଚିଫ ସେକ୍ରେଟାରି ଯାଇ କାହିଁକି ଚେକା ପକାଇ ବସୁଛନ୍ତି ବୋଲି ସୁର ପ୍ରଶ୍ନ ଉଠାଇଛନ୍ତି। ଏଥିସହ ସେ ଚିଫ ସେକ୍ରେଟାରିଙ୍କୁ ସଚିବାଳୟରେ ବସି ମୁଖ୍ୟମନ୍ତ୍ରୀଙ୍କ କାର୍ଯ୍ୟ କରିବା ପାଇଁ କହିଛନ୍ତି।

ଖୋର୍ଦ୍ଧା ଜିଲ୍ଲା ବାଲିପାଟଣାରେ ପ୍ରଚୁର ପରିମାଣର ଏକ୍ସପାରି (ମିଆଦ ସରିଥିବା) ଜିନିଷ ଆସି ଜବତ ହେବା ଖବର ପାଇ ଖୋର୍ଦ୍ଧା ଖାଦ୍ୟ ସୁରକ୍ଷା ଅଧିକାରୀ (Food Safety Officer) ଘଟଣାସ୍ଥଳରେ ପହଞ୍ଚିଛନ୍ତି।

ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ଅନ୍ତର୍ଗତ ଶିଶୁ ଅନନ୍ତ ମଠ ନିକଟରେ ଥିବା କୁଶଭଦ୍ରା ନଦୀ ସେତୁରେ ରାତି ସମୟରେ ଘୋର ଅନ୍ଧକାର ରହୁଛି। ସେତୁରେ ଆଲୋକ ବ୍ୟବସ୍ଥା ନଥିବାରୁ ସାଧାରଣ ଲୋକେ ଯିବା ଆସିବା କରିବାରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଏହି ସମସ୍ୟାର ସମାଧାନ ପାଇଁ ସମାଜସେବୀ କ୍ଷୀରୋଦ ଚନ୍ଦ୍ର ପଣ୍ଡା ସରକାର, ପ୍ରଶାସନିକ ଅଧିକାରୀ, ସ୍ଥାନୀୟ ବିଧାୟକ ଏବଂ ସାଂସଦଙ୍କ ନିକଟରେ ଦାବି ଜଣାଇଛନ୍ତି। ଆସନ୍ତା ୧୧/୭/୨୦୨୬ ତାରିଖ ସୁଦ୍ଧା ସେତୁରେ ଲାଇଟ୍ ଲଗାଇବା ପାଇଁ ସେ ଦାବି କରିଛନ୍ତି।

କଣ୍ଟାମାଳ ଅଞ୍ଚଳର ଚାଷୀମାନେ ଏବେ ମାଙ୍କଡ଼ଙ୍କ ଉପଦ୍ରବକୁ ନେଇ ଅତିଷ୍ଠ ହୋଇପଡ଼ିଛନ୍ତି। ମାଙ୍କଡ଼ଙ୍କ ଦ୍ୱାରା ଫସଲ ନଷ୍ଟ ହେଉଥିବାରୁ ଚାଷୀମାନେ ଗଭୀର ସମସ୍ୟାର ସମ୍ମୁଖୀନ ହେଉଛନ୍ତି। ଏହି ସମସ୍ୟାର ସମାଧାନ ପାଇଁ ଚାଷୀମାନେ ସରକାରଙ୍କ ତୁରନ୍ତ ହସ୍ତକ୍ଷେପ ଦାବି କରିଛନ୍ତି।

କଟକ ସହରରେ ଟ୍ରାଫିକ୍ ନିୟମ ଉଲ୍ଲଙ୍ଘନକାରୀଙ୍କ ପ୍ରତି ପୁଲିସ କଡ଼ା ଆଭିମୁଖ୍ୟ ଗ୍ରହଣ କରିଛି। ଏଣିକି ନିୟମ ଭଙ୍ଗ କଲେ କେବଳ ଫାଇନ୍ ନୁହେଁ, ବରଂ ସିଧାସଳଖ ଗାଡ଼ି ଜବତ କରାଯାଉଛି। ସହରର ବିଭିନ୍ନ ଛକ ଓ ସ୍ଥାନରେ ଟ୍ରାଫିକ୍ ପୁଲିସ ପକ୍ଷରୁ ଜୋରଦାର ଚଢ଼ାଉ ଚାଲିଥିବା ବେଳେ ଫିଟନେସ୍, ଡ୍ରାଇଭିଂ ଲାଇସେନ୍ସ, ପରମିଟ୍ ଏବଂ ଇନ୍ସୁରାନ୍ସ ନଥିବା ଗାଡ଼ି ଚାଳକମାନେ ଧରାପଡ଼ୁଛନ୍ତି। ଗତ ସପ୍ତାହ ମଧ୍ୟରେ କଟକରେ ୬୦ରୁ ଅଧିକ ଗାଡ଼ି ଜବତ କରାଯାଇସାରିଲାଣି। ଆଗାମୀ ଦିନରେ ଏହି ଜବତ ଗାଡ଼ିଗୁଡ଼ିକର ପଞ୍ଜୀକରଣ ରଦ୍ଦ କରାଯିବ ବୋଲି ଆରଟିଓ ସୂଚନା ଦେଇଛନ୍ତି। ଇ-ଡିଟେକ୍ସନ ମାଧ୍ୟମରେ ବିଭିନ୍ନ ଟୋଲଗେଟ୍‌ରେ ୪୩ ହଜାରରୁ ଅଧିକ ନିୟମ ଉଲ୍ଲଙ୍ଘନକାରୀ ଗାଡ଼ି ଚିହ୍ନଟ ହୋଇଛନ୍ତି। କିଛି ଚାଳକ ୨୦ରୁ ୫୦ ଥର ପର୍ଯ୍ୟନ୍ତ ନିୟମ ଉଲ୍ଲଙ୍ଘନ କରି ମଧ୍ୟ ବାହାରେ ବୁଲୁଥିବା ଦେଖିବାକୁ ମିଳିଛି। କଠୋର ନିୟମ ସତ୍ତ୍ବେ ଅମାନିଆ ଚାଳକଙ୍କ ସଂଖ୍ୟା ବଢ଼ିଚାଲିଥିବାରୁ ଏହି କଡ଼ା ପଦକ୍ଷେପ ନିଆଯାଇଛି।

ଓଡ଼ିଶାରେ ଲୋକଙ୍କ ସରକାରରେ କେବଳ ପ୍ରତିଶ୍ରୁତି ନୁହେଁ, ବରଂ ଭୂମିପୂଜନରୁ ଉତ୍ପାଦନ, ନିବେଶରୁ ନିଯୁକ୍ତି ଏବଂ ସ୍ୱପ୍ନରୁ ସଫଳତା ପର୍ଯ୍ୟନ୍ତ ଶିଳ୍ପ ବିକାଶ ଆଜି ବାସ୍ତବ ରୂପ ନେଉଛି। ମାତ୍ର ଦୁଇ ବର୍ଷ ମଧ୍ୟରେ ଲକ୍ଷ ଲକ୍ଷ କୋଟି ଟଙ୍କାର ଶିଳ୍ପ ପ୍ରକଳ୍ପ, ବ୍ୟାପକ ନିବେଶ ଅନୁମୋଦନ ଏବଂ ନୂତନ ଶିଳ୍ପାଞ୍ଚଳର ବିକାଶ ହୋଇଛି। ଏହି ଦ୍ରୁତ ଅଗ୍ରଗତି ଯୋଗୁଁ ପ୍ରାୟ ୬ ଲକ୍ଷ ନିଯୁକ୍ତି ସୁଯୋଗ ସୃଷ୍ଟିର ଦିଗ ପ୍ରଶସ୍ତ ହୋଇଛି ଏବଂ ଓଡ଼ିଶା ଦେଶର ଅନ୍ୟତମ ପସନ୍ଦର ନିବେଶସ୍ଥଳୀରେ ପରିଣତ ହୋଇଛି। ଦ୍ରୁତ ନିଷ୍ପତ୍ତି, ସ୍ୱଚ୍ଛ ନୀତି ଏବଂ ଶିଳ୍ପ ଅନୁକୂଳ ପରିବେଶ ରାଜ୍ୟ ପ୍ରତି ନିବେଶକଙ୍କ ବିଶ୍ୱାସକୁ ଅଧିକ ସୁଦୃଢ଼ କରିଛି। ଏହି ଶିଳ୍ପ ବିକାଶ ସହ ଓଡ଼ିଆ ଯୁବକମାନେ ମଧ୍ୟ ନିଜ ମାଟିକୁ ଫେରୁଛନ୍ତି। ବିକଶିତ ଓ ସମୃଦ୍ଧ ଓଡ଼ିଶା ଗଠନ ଦିଗରେ ଏହା ଲୋକଙ୍କ ସରକାରର ଏକ ଦୃଢ଼ ସଂକଳ୍ପ।

ରଥଯାତ୍ରା ଆରମ୍ଭ ହେବା ପୂର୍ବରୁ ପୁରୀ ଷ୍ଟ୍ରଲିନ ଛକରେ ଏକ ସିସିଟିଭି ଖୁଣ୍ଟି ଗଳି ପଡ଼ିଛି। ଏହି ସିସିଟିଭି ଖୁଣ୍ଟି ଗଳି ପଡ଼ିବା ଭଳି ଘଟଣାଟି ପୁରୀର ଷ୍ଟ୍ରଲିନ ଛକରେ ହିଁ ସଂଘଟିତ ହୋଇଛି।

ଭୁବନେଶ୍ୱରର ବଡ଼ଗଡ଼ ଅଞ୍ଚଳରେ ଏକ ବଡ଼ ଅଘଟଣ ଘଟିଛି। ଏଠାରେ ଏକ ନିର୍ମାଣାଧୀନ ଟାଙ୍କିରେ ପଡ଼ି ୨ ଜଣଙ୍କର ମୃତ୍ୟୁ ହୋଇଛି। ଟାଙ୍କିର ସଟରିଂ ପଟା ଖୋଲିବା ବେଳେ ଏହି ଦୁଇ ଜଣ ତଳକୁ ଖସିପଡ଼ିଥିଲେ।