ସ୍ୱାସ୍ଥ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ ସରପଞ୍ଚ ଓ ବିଜେଡି ସଭାପତି ଅଟକ, ଥାନା ଆଗରେ ଶୋଇଲେ ପୂର୍ବତନ ସାଂସଦ ବାଳଗୋପାଳ ମିଶ୍ର ବଲାଙ୍ଗିର/ଲୋଇସିଂହା: ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଡ. ମୁକେଶ ମହାଲିଙ୍ଗଙ୍କ ବଲାଙ୍ଗିର ଜିଲ୍ଲା ଲୋଇସିଂହା ଗସ୍ତ ପୂର୍ବରୁ ଅଞ୍ଚଳରେ ତୀବ୍ର ଉତ୍ତେଜନା ଦେଖାଦେଇଛି। ମନ୍ତ୍ରୀଙ୍କ ଗସ୍ତରେ ବାଧା ସୃଷ୍ଟି ହେବା ଆଶଙ୍କାରେ ପୁଲିସ ପକ୍ଷରୁ କରାଯାଇଥିବା 'ପ୍ରତିଷେଧାତ୍ମକ' ଅଟକକୁ ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି। ଘଟଣାକ୍ରମ: ଲୋଇସିଂହା ଥାନା ରାମପୁର ଗ୍ରାମରେ ଆୟୋଜିତ ରାମନବମୀ ଉତ୍ସବ ଓ ଷୋହଳ ପ୍ରହର ନାମଯଜ୍ଞରେ ଯୋଗଦେବା ପାଇଁ ସ୍ୱାସ୍ଥ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ସ୍ଥିର ହୋଇଥିଲା। ତେବେ ମନ୍ତ୍ରୀଙ୍କ ଫଟୋ ଥିବା ପୋଷ୍ଟର ଚିରିବା ଅଭିଯୋଗରେ ପୁଲିସ ଗୁରୁବାର ରାତିରେ ଆଗଲପୁର ବ୍ଲକ ବେନ୍ଦ୍ରା ସରପଞ୍ଚ ରବୀନ୍ଦ୍ର ସାହୁ ଏବଂ ଆଗଲପୁର ବ୍ଲକ ବିଜେଡି ସଭାପତି ଉତ୍ତମ ଭୋଇଙ୍କୁ ଉଠାଇ ନେଇ ଥାନାରେ ଅଟକ ରଖିଥିଲା। ଅଭିନବ ପ୍ରତିବାଦ: ଜନପ୍ରତିନିଧିଙ୍କୁ ଅଗଣତାନ୍ତ୍ରିକ ଭାବେ ଅଟକ ରଖାଯିବା ପ୍ରତିବାଦରେ ପୂର୍ବତନ ସାଂସଦ ବାଳଗୋପାଳ ମିଶ୍ର ରଣହୁଙ୍କାର ଦେଇଥିଲେ। ଶୁକ୍ରବାର ସେ ଲୋଇସିଂହା ଥାନା ସମ୍ମୁଖରେ ମଝି ରାସ୍ତାରେ ଶୋଇ ରହି ଅଭିନବ ଢଙ୍ଗରେ ଧାରଣା ଦେଇଥିଲେ। ପ୍ରାୟ ୨ ଘଣ୍ଟା ଧରି ଚାଲିଥିବା ଏହି ଧାରଣା ପୁଲିସ ପ୍ରଶାସନ ପାଇଁ ଅଡୁଆ ପରିସ୍ଥିତି ସୃଷ୍ଟି କରିଥିଲା। ମୁକ୍ତ ହେଲେ ନେତା: ସ୍ୱାସ୍ଥ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ଶେଷ ହେବା ପରେ ଅପରାହ୍ନ ପ୍ରାୟ ୨ଟା ସମୟରେ ଅଟକ ଦୁଇ ଜଣଙ୍କୁ ବ୍ୟକ୍ତିଗତ ମୁଚାଲିକାରେ ଛାଡ଼ିଥିଲା ପୁଲିସ। ଏହା ପରେ ଶ୍ରୀ ମିଶ୍ର ଧାରଣାରୁ ଓହରିଥିଲେ। ତେବେ ପୁଲିସ କାହା ଚାପରେ ନପଡ଼ି ନିରପେକ୍ଷ ଭାବେ କାର୍ଯ୍ୟ କରିବାକୁ ସେ ଚେତାବନୀ ଦେଇଛନ୍ତି। ପୁଲିସର ସଫେଇ: ଏ ସମ୍ପର୍କରେ ଲୋଇସିଂହା ଥାନା ଅଧିକାରୀ ସିପୋରା ସରାୟ ଲୁଗୁନ୍ କହିଛନ୍ତି ଯେ, ସ୍ୱାସ୍ଥ୍ୟମନ୍ତ୍ରୀଙ୍କ ଗସ୍ତ ସମୟରେ କୌଣସି ଅପ୍ରୀତିକର ପରିସ୍ଥିତି କିମ୍ବା ବିରୋଧ ପ୍ରଦର୍ଶନକୁ ଏଡ଼ାଇବା ପାଇଁ ସତର୍କତା ମୂଳକ ଭାବେ ଉଭୟଙ୍କୁ ଅଟକ ରଖାଯାଇଥିଲା।

ସୋନୁ ଟାଇଗର

ବେଲପରା, ବଲାଙ୍ଗୀର, ଓଡ଼ିଶା•

3 hrs ago

ସ୍ୱାସ୍ଥ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ ସରପଞ୍ଚ ଓ ବିଜେଡି ସଭାପତି ଅଟକ, ଥାନା ଆଗରେ ଶୋଇଲେ ପୂର୍ବତନ ସାଂସଦ ବାଳଗୋପାଳ ମିଶ୍ର ବଲାଙ୍ଗିର/ଲୋଇସିଂହା: ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଡ. ମୁକେଶ ମହାଲିଙ୍ଗଙ୍କ ବଲାଙ୍ଗିର ଜିଲ୍ଲା ଲୋଇସିଂହା ଗସ୍ତ ପୂର୍ବରୁ ଅଞ୍ଚଳରେ ତୀବ୍ର ଉତ୍ତେଜନା ଦେଖାଦେଇଛି। ମନ୍ତ୍ରୀଙ୍କ ଗସ୍ତରେ ବାଧା ସୃଷ୍ଟି ହେବା ଆଶଙ୍କାରେ ପୁଲିସ ପକ୍ଷରୁ କରାଯାଇଥିବା 'ପ୍ରତିଷେଧାତ୍ମକ' ଅଟକକୁ ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି। ଘଟଣାକ୍ରମ: ଲୋଇସିଂହା ଥାନା ରାମପୁର ଗ୍ରାମରେ ଆୟୋଜିତ ରାମନବମୀ ଉତ୍ସବ ଓ ଷୋହଳ ପ୍ରହର ନାମଯଜ୍ଞରେ ଯୋଗଦେବା ପାଇଁ ସ୍ୱାସ୍ଥ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ସ୍ଥିର ହୋଇଥିଲା। ତେବେ ମନ୍ତ୍ରୀଙ୍କ ଫଟୋ ଥିବା ପୋଷ୍ଟର ଚିରିବା ଅଭିଯୋଗରେ ପୁଲିସ ଗୁରୁବାର ରାତିରେ ଆଗଲପୁର ବ୍ଲକ ବେନ୍ଦ୍ରା ସରପଞ୍ଚ ରବୀନ୍ଦ୍ର ସାହୁ ଏବଂ ଆଗଲପୁର ବ୍ଲକ ବିଜେଡି ସଭାପତି ଉତ୍ତମ ଭୋଇଙ୍କୁ ଉଠାଇ ନେଇ ଥାନାରେ ଅଟକ ରଖିଥିଲା। ଅଭିନବ ପ୍ରତିବାଦ: ଜନପ୍ରତିନିଧିଙ୍କୁ ଅଗଣତାନ୍ତ୍ରିକ ଭାବେ ଅଟକ ରଖାଯିବା ପ୍ରତିବାଦରେ ପୂର୍ବତନ ସାଂସଦ ବାଳଗୋପାଳ ମିଶ୍ର ରଣହୁଙ୍କାର ଦେଇଥିଲେ। ଶୁକ୍ରବାର ସେ ଲୋଇସିଂହା ଥାନା ସମ୍ମୁଖରେ ମଝି ରାସ୍ତାରେ ଶୋଇ ରହି ଅଭିନବ ଢଙ୍ଗରେ ଧାରଣା ଦେଇଥିଲେ। ପ୍ରାୟ ୨ ଘଣ୍ଟା ଧରି ଚାଲିଥିବା ଏହି ଧାରଣା ପୁଲିସ ପ୍ରଶାସନ ପାଇଁ ଅଡୁଆ ପରିସ୍ଥିତି ସୃଷ୍ଟି କରିଥିଲା। ମୁକ୍ତ ହେଲେ ନେତା: ସ୍ୱାସ୍ଥ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ଶେଷ ହେବା ପରେ ଅପରାହ୍ନ ପ୍ରାୟ ୨ଟା ସମୟରେ ଅଟକ ଦୁଇ ଜଣଙ୍କୁ ବ୍ୟକ୍ତିଗତ ମୁଚାଲିକାରେ ଛାଡ଼ିଥିଲା ପୁଲିସ। ଏହା ପରେ ଶ୍ରୀ ମିଶ୍ର ଧାରଣାରୁ ଓହରିଥିଲେ। ତେବେ ପୁଲିସ କାହା ଚାପରେ ନପଡ଼ି ନିରପେକ୍ଷ ଭାବେ କାର୍ଯ୍ୟ କରିବାକୁ ସେ ଚେତାବନୀ ଦେଇଛନ୍ତି। ପୁଲିସର ସଫେଇ: ଏ ସମ୍ପର୍କରେ ଲୋଇସିଂହା ଥାନା ଅଧିକାରୀ ସିପୋରା ସରାୟ ଲୁଗୁନ୍ କହିଛନ୍ତି ଯେ, ସ୍ୱାସ୍ଥ୍ୟମନ୍ତ୍ରୀଙ୍କ ଗସ୍ତ ସମୟରେ କୌଣସି ଅପ୍ରୀତିକର ପରିସ୍ଥିତି କିମ୍ବା ବିରୋଧ ପ୍ରଦର୍ଶନକୁ ଏଡ଼ାଇବା ପାଇଁ ସତର୍କତା ମୂଳକ ଭାବେ ଉଭୟଙ୍କୁ ଅଟକ ରଖାଯାଇଥିଲା।